| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
д̣̇асагаваараван̣н̣анаа
Dasakavāravaṇṇanā
330. д̣̇асагзсу над̇т̇и д̣̇иннанд̇иаад̣̇ивасзна взд̣̇ид̇аб̣б̣аад̇и ‘‘над̇т̇и д̣̇иннам̣, над̇т̇и яидтам̣, над̇т̇и худ̇ам̣, над̇т̇и сугад̇ад̣̇уггадаанам̣ гаммаанам̣ палам̣ вибааго, над̇т̇и аяам̣ лого, над̇т̇и баро лого, над̇т̇и маад̇аа, над̇т̇и бид̇аа, над̇т̇и сад̇д̇аа обабаад̇игаа, над̇т̇и логз саман̣аб̣раахман̣аа саммаг̇г̇ад̇аа саммаабадибаннаа, яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’’д̇и (ма. ни. 2.94, 225; 3.91, 116; сам̣. ни. 3.210) звамааг̇ад̇ам̣ санд̇хааяа вуд̇д̇ам̣. сассад̇о логод̇иаад̣̇ивасзнаад̇и ‘‘сассад̇о логод̇и ваа, асассад̇о логод̇и ваа, анд̇аваа логод̇и ваа, ананд̇аваа логод̇и ваа, д̇ам̣ ж̇ийвам̣ д̇ам̣ сарийранд̇и ваа, ан̃н̃ам̣ ж̇ийвам̣ ан̃н̃ам̣ сарийранд̇и ваа, ход̇и д̇ат̇ааг̇ад̇о барам̣ маран̣аад̇и ваа, на ход̇и д̇ат̇ааг̇ад̇о барам̣ маран̣аад̇и ваа, ход̇и жа на жа ход̇и д̇ат̇ааг̇ад̇о барам̣ маран̣аад̇и ваа, нзва ход̇и на на ход̇и д̇ат̇ааг̇ад̇о барам̣ маран̣аад̇и ваа’’д̇и (ма. ни. 1.269) звамааг̇ад̇ам̣ сан̇г̇ан̣хаад̇и.
330. Dasakesu natthi dinnantiādivasena veditabbāti ‘‘natthi dinnaṃ, natthi yiṭṭhaṃ, natthi hutaṃ, natthi sukatadukkaṭānaṃ kammānaṃ phalaṃ vipāko, natthi ayaṃ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā, ye imañca lokaṃ parañca lokaṃ sayaṃ abhiññā sacchikatvā pavedentī’’ti (ma. ni. 2.94, 225; 3.91, 116; saṃ. ni. 3.210) evamāgataṃ sandhāya vuttaṃ. Sassato lokotiādivasenāti ‘‘sassato lokoti vā, asassato lokoti vā, antavā lokoti vā, anantavā lokoti vā, taṃ jīvaṃ taṃ sarīranti vā, aññaṃ jīvaṃ aññaṃ sarīranti vā, hoti tathāgato paraṃ maraṇāti vā, na hoti tathāgato paraṃ maraṇāti vā, hoti ca na ca hoti tathāgato paraṃ maraṇāti vā, neva hoti na na hoti tathāgato paraṃ maraṇāti vā’’ti (ma. ni. 1.269) evamāgataṃ saṅgaṇhāti.
мижчаад̣̇идтиаад̣̇аяо мижчаавимуд̇д̇ибарияосаанаад̇и ‘‘мижчаад̣̇идти мижчаасан̇габбо мижчааваажаа мижчаагамманд̇о мижчааааж̇ийво мижчаавааяаамо мижчаасад̇и мижчаасамаад̇хи мижчаан̃аан̣ам̣ мижчаавимуд̇д̇ий’’д̇и (вибха. 970) звамааг̇ад̇ам̣ санд̇хааяа вад̣̇ад̇и. д̇ад̇т̇а мижчаан̃аан̣анд̇и баабагирияаасу убааяажинд̇аавасзна баабагам̣ гад̇ваа ‘‘сугад̇ам̣ маяаа’’д̇и бажжавзгкан̣аагаарзна жа уббанно мохо. мижчаавимуд̇д̇ийд̇и авимуд̇д̇ассзва сад̇о вимуд̇д̇исан̃н̃ид̇аа. самат̇агканд̇хагз нид̣̇д̣̇идтаад̇и ‘‘орамад̇д̇агам̣ ад̇хигаран̣ам̣ ход̇и, на жа г̇ад̇иг̇ад̇ам̣, на жа сарид̇асаарид̇а’’нд̇иаад̣̇инаа (жуул̣ава. 204) нид̣̇д̣̇идтаа. самат̇агканд̇хагз вуд̇д̇зхи саманнааг̇ад̇о ход̇ийд̇и самб̣анд̇хо. маад̇урагкид̇аад̣̇аяо д̣̇аса ид̇т̇ияо. д̇ханаггийд̇аад̣̇аяо д̣̇аса бхарияааяо.
Micchādiṭṭhiādayo micchāvimuttipariyosānāti ‘‘micchādiṭṭhi micchāsaṅkappo micchāvācā micchākammanto micchāājīvo micchāvāyāmo micchāsati micchāsamādhi micchāñāṇaṃ micchāvimuttī’’ti (vibha. 970) evamāgataṃ sandhāya vadati. Tattha micchāñāṇanti pāpakiriyāsu upāyacintāvasena pāpakaṃ katvā ‘‘sukataṃ mayā’’ti paccavekkhaṇākārena ca uppanno moho. Micchāvimuttīti avimuttasseva sato vimuttisaññitā. Samathakkhandhake niddiṭṭhāti ‘‘oramattakaṃ adhikaraṇaṃ hoti, na ca gatigataṃ, na ca saritasārita’’ntiādinā (cūḷava. 204) niddiṭṭhā. Samathakkhandhake vuttehi samannāgato hotīti sambandho. Māturakkhitādayo dasa itthiyo. Dhanakkītādayo dasa bhariyāyo.
д̣̇асагаваараван̣н̣анаа нидтид̇аа.
Dasakavāravaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 10. д̣̇асагавааро • 10. Dasakavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / д̣̇асагаваараван̣н̣анаа • Dasakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇асагаваараван̣н̣анаа • Dasakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чаггаваараад̣̇иван̣н̣анаа • Chakkavārādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо д̣̇асагаваараван̣н̣анаа • Ekuttarikanayo dasakavāravaṇṇanā
