| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
д̣̇асагаваараван̣н̣анаа
Dasakavāravaṇṇanā
330. ‘‘орамад̇д̇аган̃жа ад̇хигаран̣ам̣ ход̇и, на жа г̇ад̇иг̇ад̇а’’нд̇иаад̣̇инаа (жуул̣ава. 204) д̣̇аса ад̇хаммигаа салаагаг̇г̇аахаа. вибарийд̇аа д̇хаммигаа. самат̇агканд̇хагз вуд̇д̇зхи саманнааг̇ад̇о ход̇ийд̇и самб̣анд̇хо. ‘‘сам̣гажжигам̣ ваа багкибид̇ваа д̣̇асаа’’д̇и вуд̇д̇ам̣ габбияад̇д̇аа зд̇зсам̣. маад̇урагкид̇аад̣̇аяо д̣̇аса ид̇т̇ияо. д̇ханаггийд̇аад̣̇аяо д̣̇аса бхарияаа. ‘‘сигкаасаммуд̇им̣ д̣̇ад̇ваа д̣̇асавассааяа д̇ассаа д̣̇ваад̣̇асавассагаалз саяамби д̣̇ваад̣̇асавассаа бхависсад̇ий’’д̇и вудтаабанасаммуд̇и саад̣̇ид̇аб̣б̣аа. ‘‘винаяад̇харассзва ‘аабад̇д̇аанаабад̇д̇им̣ на ж̇аанаад̇ий’д̇и аараб̣бха яаава ‘убхаяаани ко банасса…бз… ануб̣яан̃ж̇анасо’д̇и бан̃жан̇г̇аани вад̇ваа бунаби ‘аабад̇д̇аанаабад̇д̇им̣ на ж̇аанаад̇и’жжзва аараб̣бха яаава ‘ад̇хигаран̣з жа на винижчаяагусало ход̇ий’д̇и бан̃жа вуд̇д̇аа, д̇з д̇ат̇аа д̇ат̇аа бан̃жа бан̃жа гад̇ваа д̣̇аса хонд̇ий’’д̇и ликид̇ам̣. ‘‘д̣̇асавассааяа бхигкунияаа ниссаяо д̣̇аад̇аб̣б̣о’’д̇и згажжзсу бод̇т̇агзсу над̇т̇и, гин̃жааби над̇т̇и, баато зва бана ход̇и.
330. ‘‘Oramattakañca adhikaraṇaṃ hoti, na ca gatigata’’ntiādinā (cūḷava. 204) dasa adhammikā salākaggāhā. Viparītā dhammikā. Samathakkhandhake vuttehi samannāgato hotīti sambandho. ‘‘Saṃkaccikaṃ vā pakkhipitvā dasā’’ti vuttaṃ kappiyattā etesaṃ. Māturakkhitādayo dasa itthiyo. Dhanakkītādayo dasa bhariyā. ‘‘Sikkhāsammutiṃ datvā dasavassāya tassā dvādasavassakāle sayampi dvādasavassā bhavissatī’’ti vuṭṭhāpanasammuti sāditabbā. ‘‘Vinayadharasseva ‘āpattānāpattiṃ na jānātī’ti ārabbha yāva ‘ubhayāni kho panassa…pe… anubyañjanaso’ti pañcaṅgāni vatvā punapi ‘āpattānāpattiṃ na jānāti’cceva ārabbha yāva ‘adhikaraṇe ca na vinicchayakusalo hotī’ti pañca vuttā, te tathā tathā pañca pañca katvā dasa hontī’’ti likhitaṃ. ‘‘Dasavassāya bhikkhuniyā nissayo dātabbo’’ti ekaccesu potthakesu natthi, kiñcāpi natthi, pāṭho eva pana hoti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бариваарабаал̣и • Parivārapāḷi / 10. д̣̇асагавааро • 10. Dasakavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / д̣̇асагаваараван̣н̣анаа • Dasakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇асагаваараван̣н̣анаа • Dasakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чаггаваараад̣̇иван̣н̣анаа • Chakkavārādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо д̣̇асагаваараван̣н̣анаа • Ekuttarikanayo dasakavāravaṇṇanā
