| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
ဒသကဝာရဝဏ္ဏနာ
Dasakavāravaṇṇanā
၃၃၀. ‘‘ဩရမတ္တကဉ္စ အဓိကရဏံ ဟောတိ, န စ ဂတိဂတ’’န္တိအာဒိနာ (စူဠဝ. ၂၀၄) ဒသ အဓမ္မိကာ သလာကဂ္ဂာဟာ။ ဝိပရီတာ ဓမ္မိကာ။ သမထက္ခန္ဓကေ ဝုတ္တေဟိ သမန္နာဂတော ဟောတီတိ သမ္ဗန္ဓော။ ‘‘သံကစ္စိကံ ဝာ ပက္ခိပိတ္ဝာ ဒသာ’’တိ ဝုတ္တံ ကပ္ပိယတ္တာ ဧတေသံ။ မာတုရက္ခိတာဒယော ဒသ ဣတ္ထိယော။ ဓနက္ကီတာဒယော ဒသ ဘရိယာ။ ‘‘သိက္ခာသမ္မုတိံ ဒတ္ဝာ ဒသဝသ္သာယ တသ္သာ ဒ္ဝာဒသဝသ္သကာလေ သယမ္ပိ ဒ္ဝာဒသဝသ္သာ ဘဝိသ္သတီ’’တိ ဝုဋ္ဌာပနသမ္မုတိ သာဒိတဗ္ဗာ။ ‘‘ဝိနယဓရသ္သေဝ ‘အာပတ္တာနာပတ္တိံ န ဇာနာတီ’တိ အာရဗ္ဘ ယာဝ ‘ဥဘယာနိ ခော ပနသ္သ။ပေ.။ အနုဗ္ယဉ္ဇနသော’တိ ပဉ္စင္ဂာနိ ဝတ္ဝာ ပုနပိ ‘အာပတ္တာနာပတ္တိံ န ဇာနာတိ’စ္စေဝ အာရဗ္ဘ ယာဝ ‘အဓိကရဏေ စ န ဝိနိစ္ဆယကုသလော ဟောတီ’တိ ပဉ္စ ဝုတ္တာ, တေ တထာ တထာ ပဉ္စ ပဉ္စ ကတ္ဝာ ဒသ ဟောန္တီ’’တိ လိခိတံ။ ‘‘ဒသဝသ္သာယ ဘိက္ခုနိယာ နိသ္သယော ဒာတဗ္ဗော’’တိ ဧကစ္စေသု ပောတ္ထကေသု နတ္ထိ, ကိဉ္စာပိ နတ္ထိ, ပာဌော ဧဝ ပန ဟောတိ။
330. ‘‘Oramattakañca adhikaraṇaṃ hoti, na ca gatigata’’ntiādinā (cūḷava. 204) dasa adhammikā salākaggāhā. Viparītā dhammikā. Samathakkhandhake vuttehi samannāgato hotīti sambandho. ‘‘Saṃkaccikaṃ vā pakkhipitvā dasā’’ti vuttaṃ kappiyattā etesaṃ. Māturakkhitādayo dasa itthiyo. Dhanakkītādayo dasa bhariyā. ‘‘Sikkhāsammutiṃ datvā dasavassāya tassā dvādasavassakāle sayampi dvādasavassā bhavissatī’’ti vuṭṭhāpanasammuti sāditabbā. ‘‘Vinayadharasseva ‘āpattānāpattiṃ na jānātī’ti ārabbha yāva ‘ubhayāni kho panassa…pe… anubyañjanaso’ti pañcaṅgāni vatvā punapi ‘āpattānāpattiṃ na jānāti’cceva ārabbha yāva ‘adhikaraṇe ca na vinicchayakusalo hotī’ti pañca vuttā, te tathā tathā pañca pañca katvā dasa hontī’’ti likhitaṃ. ‘‘Dasavassāya bhikkhuniyā nissayo dātabbo’’ti ekaccesu potthakesu natthi, kiñcāpi natthi, pāṭho eva pana hoti.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / ပရိဝာရပာဠိ • Parivārapāḷi / ၁၀. ဒသကဝာရော • 10. Dasakavāro
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / ပရိဝာရ-အဋ္ဌကထာ • Parivāra-aṭṭhakathā / ဒသကဝာရဝဏ္ဏနာ • Dasakavāravaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ဒသကဝာရဝဏ္ဏနာ • Dasakavāravaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ဆက္ကဝာရာဒိဝဏ္ဏနာ • Chakkavārādivaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ဧကုတ္တရိကနယော ဒသကဝာရဝဏ္ဏနာ • Ekuttarikanayo dasakavāravaṇṇanā
