| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
ਦਸਕવਾਰવਣ੍ਣਨਾ
Dasakavāravaṇṇanā
੩੩੦. ‘‘ਓਰਮਤ੍ਤਕਞ੍ਚ ਅਧਿਕਰਣਂ ਹੋਤਿ, ਨ ਚ ਗਤਿਗਤ’’ਨ੍ਤਿਆਦਿਨਾ (ਚੂਲ਼વ॰ ੨੦੪) ਦਸ ਅਧਮ੍ਮਿਕਾ ਸਲਾਕਗ੍ਗਾਹਾ। વਿਪਰੀਤਾ ਧਮ੍ਮਿਕਾ। ਸਮਥਕ੍ਖਨ੍ਧਕੇ વੁਤ੍ਤੇਹਿ ਸਮਨ੍ਨਾਗਤੋ ਹੋਤੀਤਿ ਸਮ੍ਬਨ੍ਧੋ। ‘‘ਸਂਕਚ੍ਚਿਕਂ વਾ ਪਕ੍ਖਿਪਿਤ੍વਾ ਦਸਾ’’ਤਿ વੁਤ੍ਤਂ ਕਪ੍ਪਿਯਤ੍ਤਾ ਏਤੇਸਂ। ਮਾਤੁਰਕ੍ਖਿਤਾਦਯੋ ਦਸ ਇਤ੍ਥਿਯੋ। ਧਨਕ੍ਕੀਤਾਦਯੋ ਦਸ ਭਰਿਯਾ। ‘‘ਸਿਕ੍ਖਾਸਮ੍ਮੁਤਿਂ ਦਤ੍વਾ ਦਸવਸ੍ਸਾਯ ਤਸ੍ਸਾ ਦ੍વਾਦਸવਸ੍ਸਕਾਲੇ ਸਯਮ੍ਪਿ ਦ੍વਾਦਸવਸ੍ਸਾ ਭવਿਸ੍ਸਤੀ’’ਤਿ વੁਟ੍ਠਾਪਨਸਮ੍ਮੁਤਿ ਸਾਦਿਤਬ੍ਬਾ। ‘‘વਿਨਯਧਰਸ੍ਸੇવ ‘ਆਪਤ੍ਤਾਨਾਪਤ੍ਤਿਂ ਨ ਜਾਨਾਤੀ’ਤਿ ਆਰਬ੍ਭ ਯਾવ ‘ਉਭਯਾਨਿ ਖੋ ਪਨਸ੍ਸ…ਪੇ॰… ਅਨੁਬ੍ਯਞ੍ਜਨਸੋ’ਤਿ ਪਞ੍ਚਙ੍ਗਾਨਿ વਤ੍વਾ ਪੁਨਪਿ ‘ਆਪਤ੍ਤਾਨਾਪਤ੍ਤਿਂ ਨ ਜਾਨਾਤਿ’ਚ੍ਚੇવ ਆਰਬ੍ਭ ਯਾવ ‘ਅਧਿਕਰਣੇ ਚ ਨ વਿਨਿਚ੍ਛਯਕੁਸਲੋ ਹੋਤੀ’ਤਿ ਪਞ੍ਚ વੁਤ੍ਤਾ, ਤੇ ਤਥਾ ਤਥਾ ਪਞ੍ਚ ਪਞ੍ਚ ਕਤ੍વਾ ਦਸ ਹੋਨ੍ਤੀ’’ਤਿ ਲਿਖਿਤਂ। ‘‘ਦਸવਸ੍ਸਾਯ ਭਿਕ੍ਖੁਨਿਯਾ ਨਿਸ੍ਸਯੋ ਦਾਤਬ੍ਬੋ’’ਤਿ ਏਕਚ੍ਚੇਸੁ ਪੋਤ੍ਥਕੇਸੁ ਨਤ੍ਥਿ, ਕਿਞ੍ਚਾਪਿ ਨਤ੍ਥਿ, ਪਾਠੋ ਏવ ਪਨ ਹੋਤਿ।
330. ‘‘Oramattakañca adhikaraṇaṃ hoti, na ca gatigata’’ntiādinā (cūḷava. 204) dasa adhammikā salākaggāhā. Viparītā dhammikā. Samathakkhandhake vuttehi samannāgato hotīti sambandho. ‘‘Saṃkaccikaṃ vā pakkhipitvā dasā’’ti vuttaṃ kappiyattā etesaṃ. Māturakkhitādayo dasa itthiyo. Dhanakkītādayo dasa bhariyā. ‘‘Sikkhāsammutiṃ datvā dasavassāya tassā dvādasavassakāle sayampi dvādasavassā bhavissatī’’ti vuṭṭhāpanasammuti sāditabbā. ‘‘Vinayadharasseva ‘āpattānāpattiṃ na jānātī’ti ārabbha yāva ‘ubhayāni kho panassa…pe… anubyañjanaso’ti pañcaṅgāni vatvā punapi ‘āpattānāpattiṃ na jānāti’cceva ārabbha yāva ‘adhikaraṇe ca na vinicchayakusalo hotī’ti pañca vuttā, te tathā tathā pañca pañca katvā dasa hontī’’ti likhitaṃ. ‘‘Dasavassāya bhikkhuniyā nissayo dātabbo’’ti ekaccesu potthakesu natthi, kiñcāpi natthi, pāṭho eva pana hoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi / ੧੦. ਦਸਕવਾਰੋ • 10. Dasakavāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਦਸਕવਾਰવਣ੍ਣਨਾ • Dasakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਦਸਕવਾਰવਣ੍ਣਨਾ • Dasakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਛਕ੍ਕવਾਰਾਦਿવਣ੍ਣਨਾ • Chakkavārādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਏਕੁਤ੍ਤਰਿਕਨਯੋ ਦਸਕવਾਰવਣ੍ਣਨਾ • Ekuttarikanayo dasakavāravaṇṇanā
