| Library / Tipiṭaka / திபிடக • Tipiṭaka / பரிவாரபாளி • Parivārapāḷi |
10. த³ஸகவாரோ
10. Dasakavāro
330. த³ஸ ஆகா⁴தவத்தூ²னி. த³ஸ ஆகா⁴தபடிவினயா. த³ஸ வினீதவத்தூ²னி. த³ஸவத்து²கா மிச்சா²தி³ட்டி². த³ஸவத்து²கா ஸம்மாதி³ட்டி². த³ஸ அந்தக்³கா³ஹிகா தி³ட்டி². த³ஸ மிச்ச²த்தா. த³ஸ ஸம்மத்தா. த³ஸ அகுஸலகம்மபதா². த³ஸ குஸலகம்மபதா². த³ஸ அத⁴ம்மிகா ஸலாகக்³கா³ஹா. த³ஸ த⁴ம்மிகா ஸலாகக்³கா³ஹா. ஸாமணேரானங் த³ஸ ஸிக்கா²பதா³னி. த³ஸஹங்கே³ஹி ஸமன்னாக³தோ ஸாமணேரோ நாஸேதப்³போ³.
330. Dasa āghātavatthūni. Dasa āghātapaṭivinayā. Dasa vinītavatthūni. Dasavatthukā micchādiṭṭhi. Dasavatthukā sammādiṭṭhi. Dasa antaggāhikā diṭṭhi. Dasa micchattā. Dasa sammattā. Dasa akusalakammapathā. Dasa kusalakammapathā. Dasa adhammikā salākaggāhā. Dasa dhammikā salākaggāhā. Sāmaṇerānaṃ dasa sikkhāpadāni. Dasahaṅgehi samannāgato sāmaṇero nāsetabbo.
த³ஸஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ங் க³ச்ச²தி – அத்தனோ பா⁴ஸபரியந்தங் ந உக்³க³ண்ஹாதி, பரஸ்ஸ பா⁴ஸபரியந்தங் ந உக்³க³ண்ஹாதி , அத்தனோ பா⁴ஸபரியந்தங் அனுக்³க³ஹெத்வா பரஸ்ஸ பா⁴ஸபரியந்தங் அனுக்³க³ஹெத்வா அத⁴ம்மேன காரேதி, அப்படிஞ்ஞாய ஆபத்திங் ந ஜானாதி, ஆபத்தியா மூலங் ந ஜானாதி, ஆபத்திஸமுத³யங் ந ஜானாதி, ஆபத்தினிரோத⁴ங் ந ஜானாதி, ஆபத்தினிரோத⁴கா³மினிங் படிபத³ங் ந ஜானாதி.
Dasahaṅgehi samannāgato vinayadharo bālo tveva saṅkhaṃ gacchati – attano bhāsapariyantaṃ na uggaṇhāti, parassa bhāsapariyantaṃ na uggaṇhāti , attano bhāsapariyantaṃ anuggahetvā parassa bhāsapariyantaṃ anuggahetvā adhammena kāreti, appaṭiññāya āpattiṃ na jānāti, āpattiyā mūlaṃ na jānāti, āpattisamudayaṃ na jānāti, āpattinirodhaṃ na jānāti, āpattinirodhagāminiṃ paṭipadaṃ na jānāti.
த³ஸஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ங் க³ச்ச²தி – அத்தனோ பா⁴ஸபரியந்தங் உக்³க³ண்ஹாதி, பரஸ்ஸ பா⁴ஸபரியந்தங் உக்³க³ண்ஹாதி, அத்தனோ பா⁴ஸபரியந்தங் உக்³க³ஹெத்வா பரஸ்ஸ பா⁴ஸபரியந்தங் உக்³க³ஹெத்வா த⁴ம்மேன காரேதி, படிஞ்ஞாய ஆபத்திங் ஜானாதி, ஆபத்தியா மூலங் ஜானாதி, ஆபத்திஸமுத³யங் ஜானாதி, ஆபத்தினிரோத⁴ங் ஜானாதி, ஆபத்தினிரோத⁴கா³மினிங் படிபத³ங் ஜானாதி.
Dasahaṅgehi samannāgato vinayadharo paṇḍito tveva saṅkhaṃ gacchati – attano bhāsapariyantaṃ uggaṇhāti, parassa bhāsapariyantaṃ uggaṇhāti, attano bhāsapariyantaṃ uggahetvā parassa bhāsapariyantaṃ uggahetvā dhammena kāreti, paṭiññāya āpattiṃ jānāti, āpattiyā mūlaṃ jānāti, āpattisamudayaṃ jānāti, āpattinirodhaṃ jānāti, āpattinirodhagāminiṃ paṭipadaṃ jānāti.
அபரேஹிபி த³ஸஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ங் க³ச்ச²தி – அதி⁴கரணங் ந ஜானாதி, அதி⁴கரணஸ்ஸ மூலங் ந ஜானாதி, அதி⁴கரணஸமுத³யங் ந ஜானாதி, அதி⁴கரணனிரோத⁴ங் ந ஜானாதி, அதி⁴கரணனிரோத⁴கா³மினிங் படிபத³ங் ந ஜானாதி, வத்து²ங் ந ஜானாதி, நிதா³னங் 1 ந ஜானாதி, பஞ்ஞத்திங் ந ஜானாதி, அனுபஞ்ஞத்திங் ந ஜானாதி , அனுஸந்தி⁴வசனபத²ங் ந ஜானாதி.
Aparehipi dasahaṅgehi samannāgato vinayadharo bālo tveva saṅkhaṃ gacchati – adhikaraṇaṃ na jānāti, adhikaraṇassa mūlaṃ na jānāti, adhikaraṇasamudayaṃ na jānāti, adhikaraṇanirodhaṃ na jānāti, adhikaraṇanirodhagāminiṃ paṭipadaṃ na jānāti, vatthuṃ na jānāti, nidānaṃ 2 na jānāti, paññattiṃ na jānāti, anupaññattiṃ na jānāti , anusandhivacanapathaṃ na jānāti.
த³ஸஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ங் க³ச்ச²தி – அதி⁴கரணங் ஜானாதி, அதி⁴கரணஸ்ஸ மூலங் ஜானாதி, அதி⁴கரணஸமுத³யங் ஜானாதி, அதி⁴கரணனிரோத⁴ங் ஜானாதி, அதி⁴கரணனிரோத⁴கா³மினிங் படிபத³ங் ஜானாதி, வத்து²ங் ஜானாதி, நிதா³னங் ஜானாதி, பஞ்ஞத்திங் ஜானாதி, அனுபஞ்ஞத்திங் ஜானாதி, அனுஸந்தி⁴வசனபத²ங் ஜானாதி.
Dasahaṅgehi samannāgato vinayadharo paṇḍito tveva saṅkhaṃ gacchati – adhikaraṇaṃ jānāti, adhikaraṇassa mūlaṃ jānāti, adhikaraṇasamudayaṃ jānāti, adhikaraṇanirodhaṃ jānāti, adhikaraṇanirodhagāminiṃ paṭipadaṃ jānāti, vatthuṃ jānāti, nidānaṃ jānāti, paññattiṃ jānāti, anupaññattiṃ jānāti, anusandhivacanapathaṃ jānāti.
அபரேஹிபி த³ஸஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ங் க³ச்ச²தி – ஞத்திங் ந ஜானாதி, ஞத்தியா கரணங் ந ஜானாதி, ந புப்³ப³குஸலோ ஹோதி, ந அபரகுஸலோ ஹோதி, அகாலஞ்ஞூ ச ஹோதி, ஆபத்தானாபத்திங் ந ஜானாதி, லஹுகக³ருகங் ஆபத்திங் ந ஜானாதி, ஸாவஸேஸானவஸேஸங் ஆபத்திங் ந ஜானாதி, து³ட்டு²ல்லாது³ட்டு²ல்லங் ஆபத்திங் ந ஜானாதி, ஆசரியபரம்பரா கோ² பனஸ்ஸ ந ஸுக்³க³ஹிதா ஹோதி ந ஸுமனஸிகதா ந ஸூபதா⁴ரிதா.
Aparehipi dasahaṅgehi samannāgato vinayadharo bālo tveva saṅkhaṃ gacchati – ñattiṃ na jānāti, ñattiyā karaṇaṃ na jānāti, na pubbakusalo hoti, na aparakusalo hoti, akālaññū ca hoti, āpattānāpattiṃ na jānāti, lahukagarukaṃ āpattiṃ na jānāti, sāvasesānavasesaṃ āpattiṃ na jānāti, duṭṭhullāduṭṭhullaṃ āpattiṃ na jānāti, ācariyaparamparā kho panassa na suggahitā hoti na sumanasikatā na sūpadhāritā.
த³ஸஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ங் க³ச்ச²தி – ஞத்திங் ஜானாதி, ஞத்தியா கரணங் ஜானாதி, புப்³ப³குஸலோ ஹோதி, அபரகுஸலோ ஹோதி, காலஞ்ஞூ ச ஹோதி, ஆபத்தானாபத்திங் ஜானாதி, லஹுகக³ருகங் ஆபத்திங் ஜானாதி, ஸாவஸேஸானவஸேஸங் ஆபத்திங் ஜானாதி, து³ட்டு²ல்லாது³ட்டு²ல்லங் ஆபத்திங் ஜானாதி, ஆசரியபரம்பரா கோ² பனஸ்ஸ ஸுக்³க³ஹிதா ஹோதி ஸுமனஸிகதா ஸூபதா⁴ரிதா.
Dasahaṅgehi samannāgato vinayadharo paṇḍito tveva saṅkhaṃ gacchati – ñattiṃ jānāti, ñattiyā karaṇaṃ jānāti, pubbakusalo hoti, aparakusalo hoti, kālaññū ca hoti, āpattānāpattiṃ jānāti, lahukagarukaṃ āpattiṃ jānāti, sāvasesānavasesaṃ āpattiṃ jānāti, duṭṭhullāduṭṭhullaṃ āpattiṃ jānāti, ācariyaparamparā kho panassa suggahitā hoti sumanasikatā sūpadhāritā.
அபரேஹிபி த³ஸஹங்கே³ஹி ஸமன்னாக³தோ வினயத⁴ரோ பா³லோ த்வேவ ஸங்க²ங் க³ச்ச²தி – ஆபத்தானாபத்திங் ந ஜானாதி, லஹுகக³ருகங் ஆபத்திங் ந ஜானாதி, ஸாவஸேஸானவஸேஸங் ஆபத்திங் ந ஜானாதி, து³ட்டு²ல்லாது³ட்டு²ல்லங் ஆபத்திங் ந ஜானாதி, உப⁴யானி கோ² பனஸ்ஸ பாதிமொக்கா²னி வித்தா²ரேன ந ஸ்வாக³தானி ஹொந்தி ந ஸுவிப⁴த்தானி ந ஸுப்பவத்தீனி ந ஸுவினிச்சி²தானி ஸுத்தஸோ அனுப்³யஞ்ஜனஸோ , ஆபத்தானாபத்திங் ந ஜானாதி, லஹுகக³ருகங் ஆபத்திங் ந ஜானாதி, ஸாவஸேஸானவஸேஸங் ஆபத்திங் ந ஜானாதி, து³ட்டு²ல்லாது³ட்டு²ல்லங் ஆபத்திங் ந ஜானாதி, அதி⁴கரணே ச ந வினிச்ச²யகுஸலோ ஹோதி.
Aparehipi dasahaṅgehi samannāgato vinayadharo bālo tveva saṅkhaṃ gacchati – āpattānāpattiṃ na jānāti, lahukagarukaṃ āpattiṃ na jānāti, sāvasesānavasesaṃ āpattiṃ na jānāti, duṭṭhullāduṭṭhullaṃ āpattiṃ na jānāti, ubhayāni kho panassa pātimokkhāni vitthārena na svāgatāni honti na suvibhattāni na suppavattīni na suvinicchitāni suttaso anubyañjanaso , āpattānāpattiṃ na jānāti, lahukagarukaṃ āpattiṃ na jānāti, sāvasesānavasesaṃ āpattiṃ na jānāti, duṭṭhullāduṭṭhullaṃ āpattiṃ na jānāti, adhikaraṇe ca na vinicchayakusalo hoti.
த³ஸஹங்கே³ஹி ஸமன்னாக³தோ வினயத⁴ரோ பண்டி³தோ த்வேவ ஸங்க²ங் க³ச்ச²தி – ஆபத்தானாபத்திங் ஜானாதி, லஹுகக³ருகங் ஆபத்திங் ஜானாதி, ஸாவஸேஸானவஸேஸங் ஆபத்திங் ஜானாதி, து³ட்டு²ல்லாது³ட்டு²ல்லங் ஆபத்திங் ஜானாதி, உப⁴யானி கோ² பனஸ்ஸ பாதிமொக்கா²னி வித்தா²ரேன ஸ்வாக³தானி ஹொந்தி ஸுவிப⁴த்தானி ஸுப்பவத்தீனி ஸுவினிச்சி²தானி ஸுத்தஸோ அனுப்³யஞ்ஜனஸோ, ஆபத்தானாபத்திங் ஜானாதி, லஹுகக³ருகங் ஆபத்திங் ஜானாதி, ஸாவஸேஸானவஸேஸங் ஆபத்திங் ஜானாதி, து³ட்டு²ல்லாது³ட்டு²ல்லங் ஆபத்திங் ஜானாதி, அதி⁴கரணே ச வினிச்ச²யகுஸலோ ஹோதி.
Dasahaṅgehi samannāgato vinayadharo paṇḍito tveva saṅkhaṃ gacchati – āpattānāpattiṃ jānāti, lahukagarukaṃ āpattiṃ jānāti, sāvasesānavasesaṃ āpattiṃ jānāti, duṭṭhullāduṭṭhullaṃ āpattiṃ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, āpattānāpattiṃ jānāti, lahukagarukaṃ āpattiṃ jānāti, sāvasesānavasesaṃ āpattiṃ jānāti, duṭṭhullāduṭṭhullaṃ āpattiṃ jānāti, adhikaraṇe ca vinicchayakusalo hoti.
3 த³ஸஹங்கே³ஹி ஸமன்னாக³தோ பி⁴க்கு² உப்³பா³ஹிகாய ஸம்மன்னிதப்³போ³. த³ஸ அத்த²வஸே படிச்ச ததா²க³தேன ஸாவகானங் ஸிக்கா²பத³ங் பஞ்ஞத்தங். த³ஸ ஆதீ³னவா ராஜந்தேபுரப்பவேஸனே. த³ஸ தா³னவத்தூ²னி. த³ஸ ரதனானி. த³ஸவக்³கோ³ பி⁴க்கு²ஸங்கோ⁴. த³ஸவக்³கே³ன க³ணேன உபஸம்பாதே³தப்³ப³ங். த³ஸ பங்ஸுகூலானி. த³ஸ சீவரதா⁴ரணா 4. த³ஸாஹபரமங் அதிரேகசீவரங் தா⁴ரேதப்³ப³ங் . த³ஸ ஸுக்கானி. த³ஸ இத்தி²யோ. த³ஸ ப⁴ரியாயோ. வேஸாலியா த³ஸ வத்தூ²னி தீ³பெந்தி. த³ஸ புக்³க³லா அவந்தி³யா. த³ஸ அக்கோஸவத்தூ²னி. த³ஸஹாகாரேஹி பேஸுஞ்ஞங் உபஸங்ஹரதி. த³ஸ ஸேனாஸனானி. த³ஸ வரானி யாசிங்ஸு. த³ஸ அத⁴ம்மிகானி பாதிமொக்க²ட்ட²பனானி. த³ஸ த⁴ம்மிகானி பாதிமொக்க²ட்ட²பனானி. த³ஸானிஸங்ஸா யாகு³யா. த³ஸ மங்ஸா அகப்பியா. த³ஸ பரமானி. த³ஸவஸ்ஸேன பி⁴க்கு²னா ப்³யத்தேன படிப³லேன பப்³பா³ஜேதப்³ப³ங் உபஸம்பாதே³தப்³ப³ங் நிஸ்ஸயோ தா³தப்³போ³ ஸாமணேரோ உபட்டா²பேதப்³போ³. த³ஸவஸ்ஸாய பி⁴க்கு²னியா ப்³யத்தாய படிப³லாய பப்³பா³ஜேதப்³ப³ங் உபஸம்பாதே³தப்³ப³ங் நிஸ்ஸயோ தா³தப்³போ³ ஸாமணேரீ உபட்டா²பேதப்³பா³. த³ஸவஸ்ஸாய பி⁴க்கு²னியா ப்³யத்தாய படிப³லாய வுட்டா²பனஸம்முதி ஸாதி³தப்³பா³. த³ஸவஸ்ஸாய கி³ஹிக³தாய ஸிக்கா² தா³தப்³பா³தி.
5 Dasahaṅgehi samannāgato bhikkhu ubbāhikāya sammannitabbo. Dasa atthavase paṭicca tathāgatena sāvakānaṃ sikkhāpadaṃ paññattaṃ. Dasa ādīnavā rājantepurappavesane. Dasa dānavatthūni. Dasa ratanāni. Dasavaggo bhikkhusaṅgho. Dasavaggena gaṇena upasampādetabbaṃ. Dasa paṃsukūlāni. Dasa cīvaradhāraṇā 6. Dasāhaparamaṃ atirekacīvaraṃ dhāretabbaṃ . Dasa sukkāni. Dasa itthiyo. Dasa bhariyāyo. Vesāliyā dasa vatthūni dīpenti. Dasa puggalā avandiyā. Dasa akkosavatthūni. Dasahākārehi pesuññaṃ upasaṃharati. Dasa senāsanāni. Dasa varāni yāciṃsu. Dasa adhammikāni pātimokkhaṭṭhapanāni. Dasa dhammikāni pātimokkhaṭṭhapanāni. Dasānisaṃsā yāguyā. Dasa maṃsā akappiyā. Dasa paramāni. Dasavassena bhikkhunā byattena paṭibalena pabbājetabbaṃ upasampādetabbaṃ nissayo dātabbo sāmaṇero upaṭṭhāpetabbo. Dasavassāya bhikkhuniyā byattāya paṭibalāya pabbājetabbaṃ upasampādetabbaṃ nissayo dātabbo sāmaṇerī upaṭṭhāpetabbā. Dasavassāya bhikkhuniyā byattāya paṭibalāya vuṭṭhāpanasammuti sāditabbā. Dasavassāya gihigatāya sikkhā dātabbāti.
த³ஸகங் நிட்டி²தங்.
Dasakaṃ niṭṭhitaṃ.
தஸ்ஸுத்³தா³னங் –
Tassuddānaṃ –
ஆகா⁴தங் வினயங் வத்து², மிச்சா² ஸம்மா ச அந்தகா³;
Āghātaṃ vinayaṃ vatthu, micchā sammā ca antagā;
மிச்ச²த்தா சேவ ஸம்மத்தா, அகுஸலா குஸலாபி ச.
Micchattā ceva sammattā, akusalā kusalāpi ca.
ஸலாகா அத⁴ம்மா த⁴ம்மா, ஸாமணேரா ச நாஸனா;
Salākā adhammā dhammā, sāmaṇerā ca nāsanā;
பா⁴ஸாதி⁴கரணஞ்சேவ, ஞத்திலஹுகமேவ ச.
Bhāsādhikaraṇañceva, ñattilahukameva ca.
லஹுகா க³ருகா ஏதே, கண்ஹஸுக்கா விஜானத²;
Lahukā garukā ete, kaṇhasukkā vijānatha;
உப்³பா³ஹிகா ச ஸிக்கா² ச, அந்தேபுரே ச வத்தூ²னி.
Ubbāhikā ca sikkhā ca, antepure ca vatthūni.
ரதனங் த³ஸவக்³கோ³ ச, ததே²வ உபஸம்பதா³;
Ratanaṃ dasavaggo ca, tatheva upasampadā;
பங்ஸுகூலதா⁴ரணா ச, த³ஸாஹஸுக்கஇத்தி²யோ.
Paṃsukūladhāraṇā ca, dasāhasukkaitthiyo.
ப⁴ரியா த³ஸ வத்தூ²னி, அவந்தி³யக்கோஸேன ச;
Bhariyā dasa vatthūni, avandiyakkosena ca;
பேஸுஞ்ஞஞ்சேவ ஸேனானி, வரானி ச அத⁴ம்மிகா.
Pesuññañceva senāni, varāni ca adhammikā.
த⁴ம்மிகா யாகு³மங்ஸா ச, பரமா பி⁴க்கு² பி⁴க்கு²னீ;
Dhammikā yāgumaṃsā ca, paramā bhikkhu bhikkhunī;
வுட்டா²பனா கி³ஹிக³தா, த³ஸகா ஸுப்பகாஸிதாதி.
Vuṭṭhāpanā gihigatā, dasakā suppakāsitāti.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / த³ஸகவாரவண்ணனா • Dasakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / த³ஸகவாரவண்ணனா • Dasakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / த³ஸகவாரவண்ணனா • Dasakavāravaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ச²க்கவாராதி³வண்ணனா • Chakkavārādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / ஏகுத்தரிகனயோ த³ஸகவாரவண்ணனா • Ekuttarikanayo dasakavāravaṇṇanā
