| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
10. д̣̇асагавааро
10. Dasakavāro
330. д̣̇аса аагхаад̇авад̇т̇ууни. д̣̇аса аагхаад̇абадивинаяаа. д̣̇аса винийд̇авад̇т̇ууни. д̣̇асавад̇т̇угаа мижчаад̣̇идти. д̣̇асавад̇т̇угаа саммаад̣̇идти. д̣̇аса анд̇аг̇г̇аахигаа д̣̇идти. д̣̇аса мижчад̇д̇аа. д̣̇аса саммад̇д̇аа. д̣̇аса агусалагаммабат̇аа. д̣̇аса гусалагаммабат̇аа. д̣̇аса ад̇хаммигаа салаагаг̇г̇аахаа. д̣̇аса д̇хаммигаа салаагаг̇г̇аахаа. сааман̣зраанам̣ д̣̇аса сигкаабад̣̇аани. д̣̇асахан̇г̇зхи саманнааг̇ад̇о сааман̣зро наасзд̇аб̣б̣о.
330. Dasa āghātavatthūni. Dasa āghātapaṭivinayā. Dasa vinītavatthūni. Dasavatthukā micchādiṭṭhi. Dasavatthukā sammādiṭṭhi. Dasa antaggāhikā diṭṭhi. Dasa micchattā. Dasa sammattā. Dasa akusalakammapathā. Dasa kusalakammapathā. Dasa adhammikā salākaggāhā. Dasa dhammikā salākaggāhā. Sāmaṇerānaṃ dasa sikkhāpadāni. Dasahaṅgehi samannāgato sāmaṇero nāsetabbo.
д̣̇асахан̇г̇зхи саманнааг̇ад̇о винаяад̇харо б̣аало д̇взва сан̇кам̣ г̇ажчад̇и – ад̇д̇ано бхаасабарияанд̇ам̣ на уг̇г̇ан̣хаад̇и, барасса бхаасабарияанд̇ам̣ на уг̇г̇ан̣хаад̇и , ад̇д̇ано бхаасабарияанд̇ам̣ ануг̇г̇ахзд̇ваа барасса бхаасабарияанд̇ам̣ ануг̇г̇ахзд̇ваа ад̇хаммзна гаарзд̇и, аббадин̃н̃ааяа аабад̇д̇им̣ на ж̇аанаад̇и, аабад̇д̇ияаа муулам̣ на ж̇аанаад̇и, аабад̇д̇исамуд̣̇аяам̣ на ж̇аанаад̇и, аабад̇д̇инирод̇хам̣ на ж̇аанаад̇и, аабад̇д̇инирод̇хаг̇ааминим̣ бадибад̣̇ам̣ на ж̇аанаад̇и.
Dasahaṅgehi samannāgato vinayadharo bālo tveva saṅkhaṃ gacchati – attano bhāsapariyantaṃ na uggaṇhāti, parassa bhāsapariyantaṃ na uggaṇhāti , attano bhāsapariyantaṃ anuggahetvā parassa bhāsapariyantaṃ anuggahetvā adhammena kāreti, appaṭiññāya āpattiṃ na jānāti, āpattiyā mūlaṃ na jānāti, āpattisamudayaṃ na jānāti, āpattinirodhaṃ na jānāti, āpattinirodhagāminiṃ paṭipadaṃ na jānāti.
д̣̇асахан̇г̇зхи саманнааг̇ад̇о винаяад̇харо бан̣д̣ид̇о д̇взва сан̇кам̣ г̇ажчад̇и – ад̇д̇ано бхаасабарияанд̇ам̣ уг̇г̇ан̣хаад̇и, барасса бхаасабарияанд̇ам̣ уг̇г̇ан̣хаад̇и, ад̇д̇ано бхаасабарияанд̇ам̣ уг̇г̇ахзд̇ваа барасса бхаасабарияанд̇ам̣ уг̇г̇ахзд̇ваа д̇хаммзна гаарзд̇и, бадин̃н̃ааяа аабад̇д̇им̣ ж̇аанаад̇и, аабад̇д̇ияаа муулам̣ ж̇аанаад̇и, аабад̇д̇исамуд̣̇аяам̣ ж̇аанаад̇и, аабад̇д̇инирод̇хам̣ ж̇аанаад̇и, аабад̇д̇инирод̇хаг̇ааминим̣ бадибад̣̇ам̣ ж̇аанаад̇и.
Dasahaṅgehi samannāgato vinayadharo paṇḍito tveva saṅkhaṃ gacchati – attano bhāsapariyantaṃ uggaṇhāti, parassa bhāsapariyantaṃ uggaṇhāti, attano bhāsapariyantaṃ uggahetvā parassa bhāsapariyantaṃ uggahetvā dhammena kāreti, paṭiññāya āpattiṃ jānāti, āpattiyā mūlaṃ jānāti, āpattisamudayaṃ jānāti, āpattinirodhaṃ jānāti, āpattinirodhagāminiṃ paṭipadaṃ jānāti.
абарзхиби д̣̇асахан̇г̇зхи саманнааг̇ад̇о винаяад̇харо б̣аало д̇взва сан̇кам̣ г̇ажчад̇и – ад̇хигаран̣ам̣ на ж̇аанаад̇и, ад̇хигаран̣асса муулам̣ на ж̇аанаад̇и, ад̇хигаран̣асамуд̣̇аяам̣ на ж̇аанаад̇и, ад̇хигаран̣анирод̇хам̣ на ж̇аанаад̇и, ад̇хигаран̣анирод̇хаг̇ааминим̣ бадибад̣̇ам̣ на ж̇аанаад̇и, вад̇т̇ум̣ на ж̇аанаад̇и, нид̣̇аанам̣ 1 на ж̇аанаад̇и, бан̃н̃ад̇д̇им̣ на ж̇аанаад̇и, анубан̃н̃ад̇д̇им̣ на ж̇аанаад̇и , анусанд̇хиважанабат̇ам̣ на ж̇аанаад̇и.
Aparehipi dasahaṅgehi samannāgato vinayadharo bālo tveva saṅkhaṃ gacchati – adhikaraṇaṃ na jānāti, adhikaraṇassa mūlaṃ na jānāti, adhikaraṇasamudayaṃ na jānāti, adhikaraṇanirodhaṃ na jānāti, adhikaraṇanirodhagāminiṃ paṭipadaṃ na jānāti, vatthuṃ na jānāti, nidānaṃ 2 na jānāti, paññattiṃ na jānāti, anupaññattiṃ na jānāti , anusandhivacanapathaṃ na jānāti.
д̣̇асахан̇г̇зхи саманнааг̇ад̇о винаяад̇харо бан̣д̣ид̇о д̇взва сан̇кам̣ г̇ажчад̇и – ад̇хигаран̣ам̣ ж̇аанаад̇и, ад̇хигаран̣асса муулам̣ ж̇аанаад̇и, ад̇хигаран̣асамуд̣̇аяам̣ ж̇аанаад̇и, ад̇хигаран̣анирод̇хам̣ ж̇аанаад̇и, ад̇хигаран̣анирод̇хаг̇ааминим̣ бадибад̣̇ам̣ ж̇аанаад̇и, вад̇т̇ум̣ ж̇аанаад̇и, нид̣̇аанам̣ ж̇аанаад̇и, бан̃н̃ад̇д̇им̣ ж̇аанаад̇и, анубан̃н̃ад̇д̇им̣ ж̇аанаад̇и, анусанд̇хиважанабат̇ам̣ ж̇аанаад̇и.
Dasahaṅgehi samannāgato vinayadharo paṇḍito tveva saṅkhaṃ gacchati – adhikaraṇaṃ jānāti, adhikaraṇassa mūlaṃ jānāti, adhikaraṇasamudayaṃ jānāti, adhikaraṇanirodhaṃ jānāti, adhikaraṇanirodhagāminiṃ paṭipadaṃ jānāti, vatthuṃ jānāti, nidānaṃ jānāti, paññattiṃ jānāti, anupaññattiṃ jānāti, anusandhivacanapathaṃ jānāti.
абарзхиби д̣̇асахан̇г̇зхи саманнааг̇ад̇о винаяад̇харо б̣аало д̇взва сан̇кам̣ г̇ажчад̇и – н̃ад̇д̇им̣ на ж̇аанаад̇и, н̃ад̇д̇ияаа гаран̣ам̣ на ж̇аанаад̇и, на буб̣б̣агусало ход̇и, на абарагусало ход̇и, агаалан̃н̃уу жа ход̇и, аабад̇д̇аанаабад̇д̇им̣ на ж̇аанаад̇и, лахугаг̇аругам̣ аабад̇д̇им̣ на ж̇аанаад̇и, саавасзсаанавасзсам̣ аабад̇д̇им̣ на ж̇аанаад̇и, д̣̇удтуллаад̣̇удтуллам̣ аабад̇д̇им̣ на ж̇аанаад̇и, аажарияабарамбараа ко банасса на суг̇г̇ахид̇аа ход̇и на суманасигад̇аа на суубад̇хаарид̇аа.
Aparehipi dasahaṅgehi samannāgato vinayadharo bālo tveva saṅkhaṃ gacchati – ñattiṃ na jānāti, ñattiyā karaṇaṃ na jānāti, na pubbakusalo hoti, na aparakusalo hoti, akālaññū ca hoti, āpattānāpattiṃ na jānāti, lahukagarukaṃ āpattiṃ na jānāti, sāvasesānavasesaṃ āpattiṃ na jānāti, duṭṭhullāduṭṭhullaṃ āpattiṃ na jānāti, ācariyaparamparā kho panassa na suggahitā hoti na sumanasikatā na sūpadhāritā.
д̣̇асахан̇г̇зхи саманнааг̇ад̇о винаяад̇харо бан̣д̣ид̇о д̇взва сан̇кам̣ г̇ажчад̇и – н̃ад̇д̇им̣ ж̇аанаад̇и, н̃ад̇д̇ияаа гаран̣ам̣ ж̇аанаад̇и, буб̣б̣агусало ход̇и, абарагусало ход̇и, гаалан̃н̃уу жа ход̇и, аабад̇д̇аанаабад̇д̇им̣ ж̇аанаад̇и, лахугаг̇аругам̣ аабад̇д̇им̣ ж̇аанаад̇и, саавасзсаанавасзсам̣ аабад̇д̇им̣ ж̇аанаад̇и, д̣̇удтуллаад̣̇удтуллам̣ аабад̇д̇им̣ ж̇аанаад̇и, аажарияабарамбараа ко банасса суг̇г̇ахид̇аа ход̇и суманасигад̇аа суубад̇хаарид̇аа.
Dasahaṅgehi samannāgato vinayadharo paṇḍito tveva saṅkhaṃ gacchati – ñattiṃ jānāti, ñattiyā karaṇaṃ jānāti, pubbakusalo hoti, aparakusalo hoti, kālaññū ca hoti, āpattānāpattiṃ jānāti, lahukagarukaṃ āpattiṃ jānāti, sāvasesānavasesaṃ āpattiṃ jānāti, duṭṭhullāduṭṭhullaṃ āpattiṃ jānāti, ācariyaparamparā kho panassa suggahitā hoti sumanasikatā sūpadhāritā.
абарзхиби д̣̇асахан̇г̇зхи саманнааг̇ад̇о винаяад̇харо б̣аало д̇взва сан̇кам̣ г̇ажчад̇и – аабад̇д̇аанаабад̇д̇им̣ на ж̇аанаад̇и, лахугаг̇аругам̣ аабад̇д̇им̣ на ж̇аанаад̇и, саавасзсаанавасзсам̣ аабад̇д̇им̣ на ж̇аанаад̇и, д̣̇удтуллаад̣̇удтуллам̣ аабад̇д̇им̣ на ж̇аанаад̇и, убхаяаани ко банасса баад̇имогкаани вид̇т̇аарзна на свааг̇ад̇аани хонд̇и на сувибхад̇д̇аани на суббавад̇д̇ийни на сувинижчид̇аани суд̇д̇асо ануб̣яан̃ж̇анасо , аабад̇д̇аанаабад̇д̇им̣ на ж̇аанаад̇и, лахугаг̇аругам̣ аабад̇д̇им̣ на ж̇аанаад̇и, саавасзсаанавасзсам̣ аабад̇д̇им̣ на ж̇аанаад̇и, д̣̇удтуллаад̣̇удтуллам̣ аабад̇д̇им̣ на ж̇аанаад̇и, ад̇хигаран̣з жа на винижчаяагусало ход̇и.
Aparehipi dasahaṅgehi samannāgato vinayadharo bālo tveva saṅkhaṃ gacchati – āpattānāpattiṃ na jānāti, lahukagarukaṃ āpattiṃ na jānāti, sāvasesānavasesaṃ āpattiṃ na jānāti, duṭṭhullāduṭṭhullaṃ āpattiṃ na jānāti, ubhayāni kho panassa pātimokkhāni vitthārena na svāgatāni honti na suvibhattāni na suppavattīni na suvinicchitāni suttaso anubyañjanaso , āpattānāpattiṃ na jānāti, lahukagarukaṃ āpattiṃ na jānāti, sāvasesānavasesaṃ āpattiṃ na jānāti, duṭṭhullāduṭṭhullaṃ āpattiṃ na jānāti, adhikaraṇe ca na vinicchayakusalo hoti.
д̣̇асахан̇г̇зхи саманнааг̇ад̇о винаяад̇харо бан̣д̣ид̇о д̇взва сан̇кам̣ г̇ажчад̇и – аабад̇д̇аанаабад̇д̇им̣ ж̇аанаад̇и, лахугаг̇аругам̣ аабад̇д̇им̣ ж̇аанаад̇и, саавасзсаанавасзсам̣ аабад̇д̇им̣ ж̇аанаад̇и, д̣̇удтуллаад̣̇удтуллам̣ аабад̇д̇им̣ ж̇аанаад̇и, убхаяаани ко банасса баад̇имогкаани вид̇т̇аарзна свааг̇ад̇аани хонд̇и сувибхад̇д̇аани суббавад̇д̇ийни сувинижчид̇аани суд̇д̇асо ануб̣яан̃ж̇анасо, аабад̇д̇аанаабад̇д̇им̣ ж̇аанаад̇и, лахугаг̇аругам̣ аабад̇д̇им̣ ж̇аанаад̇и, саавасзсаанавасзсам̣ аабад̇д̇им̣ ж̇аанаад̇и, д̣̇удтуллаад̣̇удтуллам̣ аабад̇д̇им̣ ж̇аанаад̇и, ад̇хигаран̣з жа винижчаяагусало ход̇и.
Dasahaṅgehi samannāgato vinayadharo paṇḍito tveva saṅkhaṃ gacchati – āpattānāpattiṃ jānāti, lahukagarukaṃ āpattiṃ jānāti, sāvasesānavasesaṃ āpattiṃ jānāti, duṭṭhullāduṭṭhullaṃ āpattiṃ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, āpattānāpattiṃ jānāti, lahukagarukaṃ āpattiṃ jānāti, sāvasesānavasesaṃ āpattiṃ jānāti, duṭṭhullāduṭṭhullaṃ āpattiṃ jānāti, adhikaraṇe ca vinicchayakusalo hoti.
3 д̣̇асахан̇г̇зхи саманнааг̇ад̇о бхигку уб̣б̣аахигааяа самманнид̇аб̣б̣о. д̣̇аса ад̇т̇авасз бадижжа д̇ат̇ааг̇ад̇зна саавагаанам̣ сигкаабад̣̇ам̣ бан̃н̃ад̇д̇ам̣. д̣̇аса аад̣̇ийнаваа рааж̇анд̇збураббавзсанз. д̣̇аса д̣̇аанавад̇т̇ууни. д̣̇аса рад̇анаани. д̣̇асаваг̇г̇о бхигкусан̇гхо. д̣̇асаваг̇г̇зна г̇ан̣зна убасамбаад̣̇зд̇аб̣б̣ам̣. д̣̇аса бам̣сугуулаани. д̣̇аса жийварад̇хааран̣аа 4. д̣̇асаахабарамам̣ ад̇ирзгажийварам̣ д̇хаарзд̇аб̣б̣ам̣ . д̣̇аса суггаани. д̣̇аса ид̇т̇ияо. д̣̇аса бхарияааяо. взсаалияаа д̣̇аса вад̇т̇ууни д̣̇ийбзнд̇и. д̣̇аса буг̇г̇алаа аванд̣̇ияаа. д̣̇аса аггосавад̇т̇ууни. д̣̇асахаагаарзхи бзсун̃н̃ам̣ убасам̣харад̇и. д̣̇аса сзнаасанаани. д̣̇аса вараани яаажим̣су. д̣̇аса ад̇хаммигаани баад̇имогкадтабанаани. д̣̇аса д̇хаммигаани баад̇имогкадтабанаани. д̣̇асаанисам̣саа яааг̇уяаа. д̣̇аса мам̣саа агаббияаа. д̣̇аса барамаани. д̣̇асавассзна бхигкунаа б̣яад̇д̇зна бадиб̣алзна баб̣б̣ааж̇зд̇аб̣б̣ам̣ убасамбаад̣̇зд̇аб̣б̣ам̣ ниссаяо д̣̇аад̇аб̣б̣о сааман̣зро убадтаабзд̇аб̣б̣о. д̣̇асавассааяа бхигкунияаа б̣яад̇д̇ааяа бадиб̣алааяа баб̣б̣ааж̇зд̇аб̣б̣ам̣ убасамбаад̣̇зд̇аб̣б̣ам̣ ниссаяо д̣̇аад̇аб̣б̣о сааман̣зрий убадтаабзд̇аб̣б̣аа. д̣̇асавассааяа бхигкунияаа б̣яад̇д̇ааяа бадиб̣алааяа вудтаабанасаммуд̇и саад̣̇ид̇аб̣б̣аа. д̣̇асавассааяа г̇ихиг̇ад̇ааяа сигкаа д̣̇аад̇аб̣б̣аад̇и.
5 Dasahaṅgehi samannāgato bhikkhu ubbāhikāya sammannitabbo. Dasa atthavase paṭicca tathāgatena sāvakānaṃ sikkhāpadaṃ paññattaṃ. Dasa ādīnavā rājantepurappavesane. Dasa dānavatthūni. Dasa ratanāni. Dasavaggo bhikkhusaṅgho. Dasavaggena gaṇena upasampādetabbaṃ. Dasa paṃsukūlāni. Dasa cīvaradhāraṇā 6. Dasāhaparamaṃ atirekacīvaraṃ dhāretabbaṃ . Dasa sukkāni. Dasa itthiyo. Dasa bhariyāyo. Vesāliyā dasa vatthūni dīpenti. Dasa puggalā avandiyā. Dasa akkosavatthūni. Dasahākārehi pesuññaṃ upasaṃharati. Dasa senāsanāni. Dasa varāni yāciṃsu. Dasa adhammikāni pātimokkhaṭṭhapanāni. Dasa dhammikāni pātimokkhaṭṭhapanāni. Dasānisaṃsā yāguyā. Dasa maṃsā akappiyā. Dasa paramāni. Dasavassena bhikkhunā byattena paṭibalena pabbājetabbaṃ upasampādetabbaṃ nissayo dātabbo sāmaṇero upaṭṭhāpetabbo. Dasavassāya bhikkhuniyā byattāya paṭibalāya pabbājetabbaṃ upasampādetabbaṃ nissayo dātabbo sāmaṇerī upaṭṭhāpetabbā. Dasavassāya bhikkhuniyā byattāya paṭibalāya vuṭṭhāpanasammuti sāditabbā. Dasavassāya gihigatāya sikkhā dātabbāti.
д̣̇асагам̣ нидтид̇ам̣.
Dasakaṃ niṭṭhitaṃ.
д̇ассуд̣̇д̣̇аанам̣ –
Tassuddānaṃ –
аагхаад̇ам̣ винаяам̣ вад̇т̇у, мижчаа саммаа жа анд̇аг̇аа;
Āghātaṃ vinayaṃ vatthu, micchā sammā ca antagā;
мижчад̇д̇аа жзва саммад̇д̇аа, агусалаа гусалааби жа.
Micchattā ceva sammattā, akusalā kusalāpi ca.
салаагаа ад̇хаммаа д̇хаммаа, сааман̣зраа жа наасанаа;
Salākā adhammā dhammā, sāmaṇerā ca nāsanā;
бхаасаад̇хигаран̣ан̃жзва, н̃ад̇д̇илахугамзва жа.
Bhāsādhikaraṇañceva, ñattilahukameva ca.
лахугаа г̇аругаа зд̇з, ган̣хасуггаа виж̇аанат̇а;
Lahukā garukā ete, kaṇhasukkā vijānatha;
уб̣б̣аахигаа жа сигкаа жа, анд̇збурз жа вад̇т̇ууни.
Ubbāhikā ca sikkhā ca, antepure ca vatthūni.
рад̇анам̣ д̣̇асаваг̇г̇о жа, д̇ат̇зва убасамбад̣̇аа;
Ratanaṃ dasavaggo ca, tatheva upasampadā;
бам̣сугуулад̇хааран̣аа жа, д̣̇асаахасуггаид̇т̇ияо.
Paṃsukūladhāraṇā ca, dasāhasukkaitthiyo.
бхарияаа д̣̇аса вад̇т̇ууни, аванд̣̇ияаггосзна жа;
Bhariyā dasa vatthūni, avandiyakkosena ca;
бзсун̃н̃ан̃жзва сзнаани, вараани жа ад̇хаммигаа.
Pesuññañceva senāni, varāni ca adhammikā.
д̇хаммигаа яааг̇умам̣саа жа, барамаа бхигку бхигкуний;
Dhammikā yāgumaṃsā ca, paramā bhikkhu bhikkhunī;
вудтаабанаа г̇ихиг̇ад̇аа, д̣̇асагаа суббагаасид̇аад̇и.
Vuṭṭhāpanā gihigatā, dasakā suppakāsitāti.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / д̣̇асагаваараван̣н̣анаа • Dasakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇асагаваараван̣н̣анаа • Dasakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇асагаваараван̣н̣анаа • Dasakavāravaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / чаггаваараад̣̇иван̣н̣анаа • Chakkavārādivaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / згуд̇д̇ариганаяо д̣̇асагаваараван̣н̣анаа • Ekuttarikanayo dasakavāravaṇṇanā
