| Library / Tipiṭaka / ਤਿਪਿਟਕ • Tipiṭaka / ਪਰਿવਾਰਪਾਲ਼ਿ • Parivārapāḷi |
੧੦. ਦਸਕવਾਰੋ
10. Dasakavāro
੩੩੦. ਦਸ ਆਘਾਤવਤ੍ਥੂਨਿ। ਦਸ ਆਘਾਤਪਟਿવਿਨਯਾ। ਦਸ વਿਨੀਤવਤ੍ਥੂਨਿ। ਦਸવਤ੍ਥੁਕਾ ਮਿਚ੍ਛਾਦਿਟ੍ਠਿ। ਦਸવਤ੍ਥੁਕਾ ਸਮ੍ਮਾਦਿਟ੍ਠਿ। ਦਸ ਅਨ੍ਤਗ੍ਗਾਹਿਕਾ ਦਿਟ੍ਠਿ। ਦਸ ਮਿਚ੍ਛਤ੍ਤਾ। ਦਸ ਸਮ੍ਮਤ੍ਤਾ। ਦਸ ਅਕੁਸਲਕਮ੍ਮਪਥਾ। ਦਸ ਕੁਸਲਕਮ੍ਮਪਥਾ। ਦਸ ਅਧਮ੍ਮਿਕਾ ਸਲਾਕਗ੍ਗਾਹਾ। ਦਸ ਧਮ੍ਮਿਕਾ ਸਲਾਕਗ੍ਗਾਹਾ। ਸਾਮਣੇਰਾਨਂ ਦਸ ਸਿਕ੍ਖਾਪਦਾਨਿ। ਦਸਹਙ੍ਗੇਹਿ ਸਮਨ੍ਨਾਗਤੋ ਸਾਮਣੇਰੋ ਨਾਸੇਤਬ੍ਬੋ।
330. Dasa āghātavatthūni. Dasa āghātapaṭivinayā. Dasa vinītavatthūni. Dasavatthukā micchādiṭṭhi. Dasavatthukā sammādiṭṭhi. Dasa antaggāhikā diṭṭhi. Dasa micchattā. Dasa sammattā. Dasa akusalakammapathā. Dasa kusalakammapathā. Dasa adhammikā salākaggāhā. Dasa dhammikā salākaggāhā. Sāmaṇerānaṃ dasa sikkhāpadāni. Dasahaṅgehi samannāgato sāmaṇero nāsetabbo.
ਦਸਹਙ੍ਗੇਹਿ ਸਮਨ੍ਨਾਗਤੋ વਿਨਯਧਰੋ ਬਾਲੋ ਤ੍વੇવ ਸਙ੍ਖਂ ਗਚ੍ਛਤਿ – ਅਤ੍ਤਨੋ ਭਾਸਪਰਿਯਨ੍ਤਂ ਨ ਉਗ੍ਗਣ੍ਹਾਤਿ, ਪਰਸ੍ਸ ਭਾਸਪਰਿਯਨ੍ਤਂ ਨ ਉਗ੍ਗਣ੍ਹਾਤਿ , ਅਤ੍ਤਨੋ ਭਾਸਪਰਿਯਨ੍ਤਂ ਅਨੁਗ੍ਗਹੇਤ੍વਾ ਪਰਸ੍ਸ ਭਾਸਪਰਿਯਨ੍ਤਂ ਅਨੁਗ੍ਗਹੇਤ੍વਾ ਅਧਮ੍ਮੇਨ ਕਾਰੇਤਿ, ਅਪ੍ਪਟਿਞ੍ਞਾਯ ਆਪਤ੍ਤਿਂ ਨ ਜਾਨਾਤਿ, ਆਪਤ੍ਤਿਯਾ ਮੂਲਂ ਨ ਜਾਨਾਤਿ, ਆਪਤ੍ਤਿਸਮੁਦਯਂ ਨ ਜਾਨਾਤਿ, ਆਪਤ੍ਤਿਨਿਰੋਧਂ ਨ ਜਾਨਾਤਿ, ਆਪਤ੍ਤਿਨਿਰੋਧਗਾਮਿਨਿਂ ਪਟਿਪਦਂ ਨ ਜਾਨਾਤਿ।
Dasahaṅgehi samannāgato vinayadharo bālo tveva saṅkhaṃ gacchati – attano bhāsapariyantaṃ na uggaṇhāti, parassa bhāsapariyantaṃ na uggaṇhāti , attano bhāsapariyantaṃ anuggahetvā parassa bhāsapariyantaṃ anuggahetvā adhammena kāreti, appaṭiññāya āpattiṃ na jānāti, āpattiyā mūlaṃ na jānāti, āpattisamudayaṃ na jānāti, āpattinirodhaṃ na jānāti, āpattinirodhagāminiṃ paṭipadaṃ na jānāti.
ਦਸਹਙ੍ਗੇਹਿ ਸਮਨ੍ਨਾਗਤੋ વਿਨਯਧਰੋ ਪਣ੍ਡਿਤੋ ਤ੍વੇવ ਸਙ੍ਖਂ ਗਚ੍ਛਤਿ – ਅਤ੍ਤਨੋ ਭਾਸਪਰਿਯਨ੍ਤਂ ਉਗ੍ਗਣ੍ਹਾਤਿ, ਪਰਸ੍ਸ ਭਾਸਪਰਿਯਨ੍ਤਂ ਉਗ੍ਗਣ੍ਹਾਤਿ, ਅਤ੍ਤਨੋ ਭਾਸਪਰਿਯਨ੍ਤਂ ਉਗ੍ਗਹੇਤ੍વਾ ਪਰਸ੍ਸ ਭਾਸਪਰਿਯਨ੍ਤਂ ਉਗ੍ਗਹੇਤ੍વਾ ਧਮ੍ਮੇਨ ਕਾਰੇਤਿ, ਪਟਿਞ੍ਞਾਯ ਆਪਤ੍ਤਿਂ ਜਾਨਾਤਿ, ਆਪਤ੍ਤਿਯਾ ਮੂਲਂ ਜਾਨਾਤਿ, ਆਪਤ੍ਤਿਸਮੁਦਯਂ ਜਾਨਾਤਿ, ਆਪਤ੍ਤਿਨਿਰੋਧਂ ਜਾਨਾਤਿ, ਆਪਤ੍ਤਿਨਿਰੋਧਗਾਮਿਨਿਂ ਪਟਿਪਦਂ ਜਾਨਾਤਿ।
Dasahaṅgehi samannāgato vinayadharo paṇḍito tveva saṅkhaṃ gacchati – attano bhāsapariyantaṃ uggaṇhāti, parassa bhāsapariyantaṃ uggaṇhāti, attano bhāsapariyantaṃ uggahetvā parassa bhāsapariyantaṃ uggahetvā dhammena kāreti, paṭiññāya āpattiṃ jānāti, āpattiyā mūlaṃ jānāti, āpattisamudayaṃ jānāti, āpattinirodhaṃ jānāti, āpattinirodhagāminiṃ paṭipadaṃ jānāti.
ਅਪਰੇਹਿਪਿ ਦਸਹਙ੍ਗੇਹਿ ਸਮਨ੍ਨਾਗਤੋ વਿਨਯਧਰੋ ਬਾਲੋ ਤ੍વੇવ ਸਙ੍ਖਂ ਗਚ੍ਛਤਿ – ਅਧਿਕਰਣਂ ਨ ਜਾਨਾਤਿ, ਅਧਿਕਰਣਸ੍ਸ ਮੂਲਂ ਨ ਜਾਨਾਤਿ, ਅਧਿਕਰਣਸਮੁਦਯਂ ਨ ਜਾਨਾਤਿ, ਅਧਿਕਰਣਨਿਰੋਧਂ ਨ ਜਾਨਾਤਿ, ਅਧਿਕਰਣਨਿਰੋਧਗਾਮਿਨਿਂ ਪਟਿਪਦਂ ਨ ਜਾਨਾਤਿ, વਤ੍ਥੁਂ ਨ ਜਾਨਾਤਿ, ਨਿਦਾਨਂ 1 ਨ ਜਾਨਾਤਿ, ਪਞ੍ਞਤ੍ਤਿਂ ਨ ਜਾਨਾਤਿ, ਅਨੁਪਞ੍ਞਤ੍ਤਿਂ ਨ ਜਾਨਾਤਿ , ਅਨੁਸਨ੍ਧਿવਚਨਪਥਂ ਨ ਜਾਨਾਤਿ।
Aparehipi dasahaṅgehi samannāgato vinayadharo bālo tveva saṅkhaṃ gacchati – adhikaraṇaṃ na jānāti, adhikaraṇassa mūlaṃ na jānāti, adhikaraṇasamudayaṃ na jānāti, adhikaraṇanirodhaṃ na jānāti, adhikaraṇanirodhagāminiṃ paṭipadaṃ na jānāti, vatthuṃ na jānāti, nidānaṃ 2 na jānāti, paññattiṃ na jānāti, anupaññattiṃ na jānāti , anusandhivacanapathaṃ na jānāti.
ਦਸਹਙ੍ਗੇਹਿ ਸਮਨ੍ਨਾਗਤੋ વਿਨਯਧਰੋ ਪਣ੍ਡਿਤੋ ਤ੍વੇવ ਸਙ੍ਖਂ ਗਚ੍ਛਤਿ – ਅਧਿਕਰਣਂ ਜਾਨਾਤਿ, ਅਧਿਕਰਣਸ੍ਸ ਮੂਲਂ ਜਾਨਾਤਿ, ਅਧਿਕਰਣਸਮੁਦਯਂ ਜਾਨਾਤਿ, ਅਧਿਕਰਣਨਿਰੋਧਂ ਜਾਨਾਤਿ, ਅਧਿਕਰਣਨਿਰੋਧਗਾਮਿਨਿਂ ਪਟਿਪਦਂ ਜਾਨਾਤਿ, વਤ੍ਥੁਂ ਜਾਨਾਤਿ, ਨਿਦਾਨਂ ਜਾਨਾਤਿ, ਪਞ੍ਞਤ੍ਤਿਂ ਜਾਨਾਤਿ, ਅਨੁਪਞ੍ਞਤ੍ਤਿਂ ਜਾਨਾਤਿ, ਅਨੁਸਨ੍ਧਿવਚਨਪਥਂ ਜਾਨਾਤਿ।
Dasahaṅgehi samannāgato vinayadharo paṇḍito tveva saṅkhaṃ gacchati – adhikaraṇaṃ jānāti, adhikaraṇassa mūlaṃ jānāti, adhikaraṇasamudayaṃ jānāti, adhikaraṇanirodhaṃ jānāti, adhikaraṇanirodhagāminiṃ paṭipadaṃ jānāti, vatthuṃ jānāti, nidānaṃ jānāti, paññattiṃ jānāti, anupaññattiṃ jānāti, anusandhivacanapathaṃ jānāti.
ਅਪਰੇਹਿਪਿ ਦਸਹਙ੍ਗੇਹਿ ਸਮਨ੍ਨਾਗਤੋ વਿਨਯਧਰੋ ਬਾਲੋ ਤ੍વੇવ ਸਙ੍ਖਂ ਗਚ੍ਛਤਿ – ਞਤ੍ਤਿਂ ਨ ਜਾਨਾਤਿ, ਞਤ੍ਤਿਯਾ ਕਰਣਂ ਨ ਜਾਨਾਤਿ, ਨ ਪੁਬ੍ਬਕੁਸਲੋ ਹੋਤਿ, ਨ ਅਪਰਕੁਸਲੋ ਹੋਤਿ, ਅਕਾਲਞ੍ਞੂ ਚ ਹੋਤਿ, ਆਪਤ੍ਤਾਨਾਪਤ੍ਤਿਂ ਨ ਜਾਨਾਤਿ, ਲਹੁਕਗਰੁਕਂ ਆਪਤ੍ਤਿਂ ਨ ਜਾਨਾਤਿ, ਸਾવਸੇਸਾਨવਸੇਸਂ ਆਪਤ੍ਤਿਂ ਨ ਜਾਨਾਤਿ, ਦੁਟ੍ਠੁਲ੍ਲਾਦੁਟ੍ਠੁਲ੍ਲਂ ਆਪਤ੍ਤਿਂ ਨ ਜਾਨਾਤਿ, ਆਚਰਿਯਪਰਮ੍ਪਰਾ ਖੋ ਪਨਸ੍ਸ ਨ ਸੁਗ੍ਗਹਿਤਾ ਹੋਤਿ ਨ ਸੁਮਨਸਿਕਤਾ ਨ ਸੂਪਧਾਰਿਤਾ।
Aparehipi dasahaṅgehi samannāgato vinayadharo bālo tveva saṅkhaṃ gacchati – ñattiṃ na jānāti, ñattiyā karaṇaṃ na jānāti, na pubbakusalo hoti, na aparakusalo hoti, akālaññū ca hoti, āpattānāpattiṃ na jānāti, lahukagarukaṃ āpattiṃ na jānāti, sāvasesānavasesaṃ āpattiṃ na jānāti, duṭṭhullāduṭṭhullaṃ āpattiṃ na jānāti, ācariyaparamparā kho panassa na suggahitā hoti na sumanasikatā na sūpadhāritā.
ਦਸਹਙ੍ਗੇਹਿ ਸਮਨ੍ਨਾਗਤੋ વਿਨਯਧਰੋ ਪਣ੍ਡਿਤੋ ਤ੍વੇવ ਸਙ੍ਖਂ ਗਚ੍ਛਤਿ – ਞਤ੍ਤਿਂ ਜਾਨਾਤਿ, ਞਤ੍ਤਿਯਾ ਕਰਣਂ ਜਾਨਾਤਿ, ਪੁਬ੍ਬਕੁਸਲੋ ਹੋਤਿ, ਅਪਰਕੁਸਲੋ ਹੋਤਿ, ਕਾਲਞ੍ਞੂ ਚ ਹੋਤਿ, ਆਪਤ੍ਤਾਨਾਪਤ੍ਤਿਂ ਜਾਨਾਤਿ, ਲਹੁਕਗਰੁਕਂ ਆਪਤ੍ਤਿਂ ਜਾਨਾਤਿ, ਸਾવਸੇਸਾਨવਸੇਸਂ ਆਪਤ੍ਤਿਂ ਜਾਨਾਤਿ, ਦੁਟ੍ਠੁਲ੍ਲਾਦੁਟ੍ਠੁਲ੍ਲਂ ਆਪਤ੍ਤਿਂ ਜਾਨਾਤਿ, ਆਚਰਿਯਪਰਮ੍ਪਰਾ ਖੋ ਪਨਸ੍ਸ ਸੁਗ੍ਗਹਿਤਾ ਹੋਤਿ ਸੁਮਨਸਿਕਤਾ ਸੂਪਧਾਰਿਤਾ।
Dasahaṅgehi samannāgato vinayadharo paṇḍito tveva saṅkhaṃ gacchati – ñattiṃ jānāti, ñattiyā karaṇaṃ jānāti, pubbakusalo hoti, aparakusalo hoti, kālaññū ca hoti, āpattānāpattiṃ jānāti, lahukagarukaṃ āpattiṃ jānāti, sāvasesānavasesaṃ āpattiṃ jānāti, duṭṭhullāduṭṭhullaṃ āpattiṃ jānāti, ācariyaparamparā kho panassa suggahitā hoti sumanasikatā sūpadhāritā.
ਅਪਰੇਹਿਪਿ ਦਸਹਙ੍ਗੇਹਿ ਸਮਨ੍ਨਾਗਤੋ વਿਨਯਧਰੋ ਬਾਲੋ ਤ੍વੇવ ਸਙ੍ਖਂ ਗਚ੍ਛਤਿ – ਆਪਤ੍ਤਾਨਾਪਤ੍ਤਿਂ ਨ ਜਾਨਾਤਿ, ਲਹੁਕਗਰੁਕਂ ਆਪਤ੍ਤਿਂ ਨ ਜਾਨਾਤਿ, ਸਾવਸੇਸਾਨવਸੇਸਂ ਆਪਤ੍ਤਿਂ ਨ ਜਾਨਾਤਿ, ਦੁਟ੍ਠੁਲ੍ਲਾਦੁਟ੍ਠੁਲ੍ਲਂ ਆਪਤ੍ਤਿਂ ਨ ਜਾਨਾਤਿ, ਉਭਯਾਨਿ ਖੋ ਪਨਸ੍ਸ ਪਾਤਿਮੋਕ੍ਖਾਨਿ વਿਤ੍ਥਾਰੇਨ ਨ ਸ੍વਾਗਤਾਨਿ ਹੋਨ੍ਤਿ ਨ ਸੁવਿਭਤ੍ਤਾਨਿ ਨ ਸੁਪ੍ਪવਤ੍ਤੀਨਿ ਨ ਸੁવਿਨਿਚ੍ਛਿਤਾਨਿ ਸੁਤ੍ਤਸੋ ਅਨੁਬ੍ਯਞ੍ਜਨਸੋ , ਆਪਤ੍ਤਾਨਾਪਤ੍ਤਿਂ ਨ ਜਾਨਾਤਿ, ਲਹੁਕਗਰੁਕਂ ਆਪਤ੍ਤਿਂ ਨ ਜਾਨਾਤਿ, ਸਾવਸੇਸਾਨવਸੇਸਂ ਆਪਤ੍ਤਿਂ ਨ ਜਾਨਾਤਿ, ਦੁਟ੍ਠੁਲ੍ਲਾਦੁਟ੍ਠੁਲ੍ਲਂ ਆਪਤ੍ਤਿਂ ਨ ਜਾਨਾਤਿ, ਅਧਿਕਰਣੇ ਚ ਨ વਿਨਿਚ੍ਛਯਕੁਸਲੋ ਹੋਤਿ।
Aparehipi dasahaṅgehi samannāgato vinayadharo bālo tveva saṅkhaṃ gacchati – āpattānāpattiṃ na jānāti, lahukagarukaṃ āpattiṃ na jānāti, sāvasesānavasesaṃ āpattiṃ na jānāti, duṭṭhullāduṭṭhullaṃ āpattiṃ na jānāti, ubhayāni kho panassa pātimokkhāni vitthārena na svāgatāni honti na suvibhattāni na suppavattīni na suvinicchitāni suttaso anubyañjanaso , āpattānāpattiṃ na jānāti, lahukagarukaṃ āpattiṃ na jānāti, sāvasesānavasesaṃ āpattiṃ na jānāti, duṭṭhullāduṭṭhullaṃ āpattiṃ na jānāti, adhikaraṇe ca na vinicchayakusalo hoti.
ਦਸਹਙ੍ਗੇਹਿ ਸਮਨ੍ਨਾਗਤੋ વਿਨਯਧਰੋ ਪਣ੍ਡਿਤੋ ਤ੍વੇવ ਸਙ੍ਖਂ ਗਚ੍ਛਤਿ – ਆਪਤ੍ਤਾਨਾਪਤ੍ਤਿਂ ਜਾਨਾਤਿ, ਲਹੁਕਗਰੁਕਂ ਆਪਤ੍ਤਿਂ ਜਾਨਾਤਿ, ਸਾવਸੇਸਾਨવਸੇਸਂ ਆਪਤ੍ਤਿਂ ਜਾਨਾਤਿ, ਦੁਟ੍ਠੁਲ੍ਲਾਦੁਟ੍ਠੁਲ੍ਲਂ ਆਪਤ੍ਤਿਂ ਜਾਨਾਤਿ, ਉਭਯਾਨਿ ਖੋ ਪਨਸ੍ਸ ਪਾਤਿਮੋਕ੍ਖਾਨਿ વਿਤ੍ਥਾਰੇਨ ਸ੍વਾਗਤਾਨਿ ਹੋਨ੍ਤਿ ਸੁવਿਭਤ੍ਤਾਨਿ ਸੁਪ੍ਪવਤ੍ਤੀਨਿ ਸੁવਿਨਿਚ੍ਛਿਤਾਨਿ ਸੁਤ੍ਤਸੋ ਅਨੁਬ੍ਯਞ੍ਜਨਸੋ, ਆਪਤ੍ਤਾਨਾਪਤ੍ਤਿਂ ਜਾਨਾਤਿ, ਲਹੁਕਗਰੁਕਂ ਆਪਤ੍ਤਿਂ ਜਾਨਾਤਿ, ਸਾવਸੇਸਾਨવਸੇਸਂ ਆਪਤ੍ਤਿਂ ਜਾਨਾਤਿ, ਦੁਟ੍ਠੁਲ੍ਲਾਦੁਟ੍ਠੁਲ੍ਲਂ ਆਪਤ੍ਤਿਂ ਜਾਨਾਤਿ, ਅਧਿਕਰਣੇ ਚ વਿਨਿਚ੍ਛਯਕੁਸਲੋ ਹੋਤਿ।
Dasahaṅgehi samannāgato vinayadharo paṇḍito tveva saṅkhaṃ gacchati – āpattānāpattiṃ jānāti, lahukagarukaṃ āpattiṃ jānāti, sāvasesānavasesaṃ āpattiṃ jānāti, duṭṭhullāduṭṭhullaṃ āpattiṃ jānāti, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso, āpattānāpattiṃ jānāti, lahukagarukaṃ āpattiṃ jānāti, sāvasesānavasesaṃ āpattiṃ jānāti, duṭṭhullāduṭṭhullaṃ āpattiṃ jānāti, adhikaraṇe ca vinicchayakusalo hoti.
3 ਦਸਹਙ੍ਗੇਹਿ ਸਮਨ੍ਨਾਗਤੋ ਭਿਕ੍ਖੁ ਉਬ੍ਬਾਹਿਕਾਯ ਸਮ੍ਮਨ੍ਨਿਤਬ੍ਬੋ। ਦਸ ਅਤ੍ਥવਸੇ ਪਟਿਚ੍ਚ ਤਥਾਗਤੇਨ ਸਾવਕਾਨਂ ਸਿਕ੍ਖਾਪਦਂ ਪਞ੍ਞਤ੍ਤਂ। ਦਸ ਆਦੀਨવਾ ਰਾਜਨ੍ਤੇਪੁਰਪ੍ਪવੇਸਨੇ। ਦਸ ਦਾਨવਤ੍ਥੂਨਿ। ਦਸ ਰਤਨਾਨਿ। ਦਸવਗ੍ਗੋ ਭਿਕ੍ਖੁਸਙ੍ਘੋ। ਦਸવਗ੍ਗੇਨ ਗਣੇਨ ਉਪਸਮ੍ਪਾਦੇਤਬ੍ਬਂ। ਦਸ ਪਂਸੁਕੂਲਾਨਿ। ਦਸ ਚੀવਰਧਾਰਣਾ 4। ਦਸਾਹਪਰਮਂ ਅਤਿਰੇਕਚੀવਰਂ ਧਾਰੇਤਬ੍ਬਂ । ਦਸ ਸੁਕ੍ਕਾਨਿ। ਦਸ ਇਤ੍ਥਿਯੋ। ਦਸ ਭਰਿਯਾਯੋ। વੇਸਾਲਿਯਾ ਦਸ વਤ੍ਥੂਨਿ ਦੀਪੇਨ੍ਤਿ। ਦਸ ਪੁਗ੍ਗਲਾ ਅવਨ੍ਦਿਯਾ। ਦਸ ਅਕ੍ਕੋਸવਤ੍ਥੂਨਿ। ਦਸਹਾਕਾਰੇਹਿ ਪੇਸੁਞ੍ਞਂ ਉਪਸਂਹਰਤਿ। ਦਸ ਸੇਨਾਸਨਾਨਿ। ਦਸ વਰਾਨਿ ਯਾਚਿਂਸੁ। ਦਸ ਅਧਮ੍ਮਿਕਾਨਿ ਪਾਤਿਮੋਕ੍ਖਟ੍ਠਪਨਾਨਿ। ਦਸ ਧਮ੍ਮਿਕਾਨਿ ਪਾਤਿਮੋਕ੍ਖਟ੍ਠਪਨਾਨਿ। ਦਸਾਨਿਸਂਸਾ ਯਾਗੁਯਾ। ਦਸ ਮਂਸਾ ਅਕਪ੍ਪਿਯਾ। ਦਸ ਪਰਮਾਨਿ। ਦਸવਸ੍ਸੇਨ ਭਿਕ੍ਖੁਨਾ ਬ੍ਯਤ੍ਤੇਨ ਪਟਿਬਲੇਨ ਪਬ੍ਬਾਜੇਤਬ੍ਬਂ ਉਪਸਮ੍ਪਾਦੇਤਬ੍ਬਂ ਨਿਸ੍ਸਯੋ ਦਾਤਬ੍ਬੋ ਸਾਮਣੇਰੋ ਉਪਟ੍ਠਾਪੇਤਬ੍ਬੋ। ਦਸવਸ੍ਸਾਯ ਭਿਕ੍ਖੁਨਿਯਾ ਬ੍ਯਤ੍ਤਾਯ ਪਟਿਬਲਾਯ ਪਬ੍ਬਾਜੇਤਬ੍ਬਂ ਉਪਸਮ੍ਪਾਦੇਤਬ੍ਬਂ ਨਿਸ੍ਸਯੋ ਦਾਤਬ੍ਬੋ ਸਾਮਣੇਰੀ ਉਪਟ੍ਠਾਪੇਤਬ੍ਬਾ। ਦਸવਸ੍ਸਾਯ ਭਿਕ੍ਖੁਨਿਯਾ ਬ੍ਯਤ੍ਤਾਯ ਪਟਿਬਲਾਯ વੁਟ੍ਠਾਪਨਸਮ੍ਮੁਤਿ ਸਾਦਿਤਬ੍ਬਾ। ਦਸવਸ੍ਸਾਯ ਗਿਹਿਗਤਾਯ ਸਿਕ੍ਖਾ ਦਾਤਬ੍ਬਾਤਿ।
5 Dasahaṅgehi samannāgato bhikkhu ubbāhikāya sammannitabbo. Dasa atthavase paṭicca tathāgatena sāvakānaṃ sikkhāpadaṃ paññattaṃ. Dasa ādīnavā rājantepurappavesane. Dasa dānavatthūni. Dasa ratanāni. Dasavaggo bhikkhusaṅgho. Dasavaggena gaṇena upasampādetabbaṃ. Dasa paṃsukūlāni. Dasa cīvaradhāraṇā 6. Dasāhaparamaṃ atirekacīvaraṃ dhāretabbaṃ . Dasa sukkāni. Dasa itthiyo. Dasa bhariyāyo. Vesāliyā dasa vatthūni dīpenti. Dasa puggalā avandiyā. Dasa akkosavatthūni. Dasahākārehi pesuññaṃ upasaṃharati. Dasa senāsanāni. Dasa varāni yāciṃsu. Dasa adhammikāni pātimokkhaṭṭhapanāni. Dasa dhammikāni pātimokkhaṭṭhapanāni. Dasānisaṃsā yāguyā. Dasa maṃsā akappiyā. Dasa paramāni. Dasavassena bhikkhunā byattena paṭibalena pabbājetabbaṃ upasampādetabbaṃ nissayo dātabbo sāmaṇero upaṭṭhāpetabbo. Dasavassāya bhikkhuniyā byattāya paṭibalāya pabbājetabbaṃ upasampādetabbaṃ nissayo dātabbo sāmaṇerī upaṭṭhāpetabbā. Dasavassāya bhikkhuniyā byattāya paṭibalāya vuṭṭhāpanasammuti sāditabbā. Dasavassāya gihigatāya sikkhā dātabbāti.
ਦਸਕਂ ਨਿਟ੍ਠਿਤਂ।
Dasakaṃ niṭṭhitaṃ.
ਤਸ੍ਸੁਦ੍ਦਾਨਂ –
Tassuddānaṃ –
ਆਘਾਤਂ વਿਨਯਂ વਤ੍ਥੁ, ਮਿਚ੍ਛਾ ਸਮ੍ਮਾ ਚ ਅਨ੍ਤਗਾ।
Āghātaṃ vinayaṃ vatthu, micchā sammā ca antagā;
ਮਿਚ੍ਛਤ੍ਤਾ ਚੇવ ਸਮ੍ਮਤ੍ਤਾ, ਅਕੁਸਲਾ ਕੁਸਲਾਪਿ ਚ॥
Micchattā ceva sammattā, akusalā kusalāpi ca.
ਸਲਾਕਾ ਅਧਮ੍ਮਾ ਧਮ੍ਮਾ, ਸਾਮਣੇਰਾ ਚ ਨਾਸਨਾ।
Salākā adhammā dhammā, sāmaṇerā ca nāsanā;
ਭਾਸਾਧਿਕਰਣਞ੍ਚੇવ, ਞਤ੍ਤਿਲਹੁਕਮੇવ ਚ॥
Bhāsādhikaraṇañceva, ñattilahukameva ca.
ਲਹੁਕਾ ਗਰੁਕਾ ਏਤੇ, ਕਣ੍ਹਸੁਕ੍ਕਾ વਿਜਾਨਥ।
Lahukā garukā ete, kaṇhasukkā vijānatha;
ਉਬ੍ਬਾਹਿਕਾ ਚ ਸਿਕ੍ਖਾ ਚ, ਅਨ੍ਤੇਪੁਰੇ ਚ વਤ੍ਥੂਨਿ॥
Ubbāhikā ca sikkhā ca, antepure ca vatthūni.
ਰਤਨਂ ਦਸવਗ੍ਗੋ ਚ, ਤਥੇવ ਉਪਸਮ੍ਪਦਾ।
Ratanaṃ dasavaggo ca, tatheva upasampadā;
ਪਂਸੁਕੂਲਧਾਰਣਾ ਚ, ਦਸਾਹਸੁਕ੍ਕਇਤ੍ਥਿਯੋ॥
Paṃsukūladhāraṇā ca, dasāhasukkaitthiyo.
ਭਰਿਯਾ ਦਸ વਤ੍ਥੂਨਿ, ਅવਨ੍ਦਿਯਕ੍ਕੋਸੇਨ ਚ।
Bhariyā dasa vatthūni, avandiyakkosena ca;
ਪੇਸੁਞ੍ਞਞ੍ਚੇવ ਸੇਨਾਨਿ, વਰਾਨਿ ਚ ਅਧਮ੍ਮਿਕਾ॥
Pesuññañceva senāni, varāni ca adhammikā.
ਧਮ੍ਮਿਕਾ ਯਾਗੁਮਂਸਾ ਚ, ਪਰਮਾ ਭਿਕ੍ਖੁ ਭਿਕ੍ਖੁਨੀ।
Dhammikā yāgumaṃsā ca, paramā bhikkhu bhikkhunī;
વੁਟ੍ਠਾਪਨਾ ਗਿਹਿਗਤਾ, ਦਸਕਾ ਸੁਪ੍ਪਕਾਸਿਤਾਤਿ॥
Vuṭṭhāpanā gihigatā, dasakā suppakāsitāti.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਪਰਿવਾਰ-ਅਟ੍ਠਕਥਾ • Parivāra-aṭṭhakathā / ਦਸਕવਾਰવਣ੍ਣਨਾ • Dasakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਦਸਕવਾਰવਣ੍ਣਨਾ • Dasakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਦਸਕવਾਰવਣ੍ਣਨਾ • Dasakavāravaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਛਕ੍ਕવਾਰਾਦਿવਣ੍ਣਨਾ • Chakkavārādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਏਕੁਤ੍ਤਰਿਕਨਯੋ ਦਸਕવਾਰવਣ੍ਣਨਾ • Ekuttarikanayo dasakavāravaṇṇanā
