| Library / Tipiṭaka / திபிடக • Tipiṭaka / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā |
த³ஸமசித்தங்
Dasamacittaṃ
421. த³ஸமங் ஸஸங்கா²ரத்தா பரேஹி உஸ்ஸாஹிதஸ்ஸ வா, பரேஸங் வா அபராத⁴ங் ஸாரிதஸ்ஸ, ஸயமேவ வா பரேஸங் அபராத⁴ங் அனுஸ்ஸரித்வா குஜ்ஜ²மானஸ்ஸ உப்பஜ்ஜதி.
421. Dasamaṃ sasaṅkhārattā parehi ussāhitassa vā, paresaṃ vā aparādhaṃ sāritassa, sayameva vā paresaṃ aparādhaṃ anussaritvā kujjhamānassa uppajjati.
இதா⁴பி பத³படிபாடியா ஏகூனதிங்ஸ, அக்³க³ஹிதக்³க³ஹணேன ச சுத்³த³ஸேவ பதா³னி ஹொந்தி. யேவாபனகேஸு பன தி²னமித்³த⁴ம்பி லப்³ப⁴தி. தஸ்மா எத்த² வினா இஸ்ஸாமச்ச²ரியகுக்குச்சேஹி சத்தாரி அபண்ணகங்கா³னி தி²னமித்³த⁴ந்தி இமே ச² இஸ்ஸாதீ³னங் உப்பத்திகாலே தேஸு அஞ்ஞதரேன ஸத்³தி⁴ங் ஸத்த யேவாபனகா ஏகக்க²ணே உப்பஜ்ஜந்தி. ஸேஸங் ஸப்³ப³ங் ஸப்³ப³வாரேஸு நவமஸதி³ஸமேவ. இமேஸு பன த்³வீஸு தோ³மனஸ்ஸசித்தேஸு ஸஹஜாதாதி⁴பதியேவ லப்³ப⁴தி, ந ஆரம்மணாதி⁴பதி. ந ஹி குத்³தோ⁴ கிஞ்சி க³ருங் கரோதீதி.
Idhāpi padapaṭipāṭiyā ekūnatiṃsa, aggahitaggahaṇena ca cuddaseva padāni honti. Yevāpanakesu pana thinamiddhampi labbhati. Tasmā ettha vinā issāmacchariyakukkuccehi cattāri apaṇṇakaṅgāni thinamiddhanti ime cha issādīnaṃ uppattikāle tesu aññatarena saddhiṃ satta yevāpanakā ekakkhaṇe uppajjanti. Sesaṃ sabbaṃ sabbavāresu navamasadisameva. Imesu pana dvīsu domanassacittesu sahajātādhipatiyeva labbhati, na ārammaṇādhipati. Na hi kuddho kiñci garuṃ karotīti.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / த்³வாத³ஸ அகுஸலானி • Dvādasa akusalāni
