| Library / Tipiṭaka / තිපිටක • Tipiṭaka / ධම්‌මසඞ්‌ගණි-අට්‌ඨකථා • Dhammasaṅgaṇi-aṭṭhakathā |
දසමචිත්‌තං
Dasamacittaṃ
421. දසමං සසඞ්‌ඛාරත්‌තා පරෙහි උස්‌සාහිතස්‌ස වා, පරෙසං වා අපරාධං සාරිතස්‌ස, සයමෙව වා පරෙසං අපරාධං අනුස්‌සරිත්‌වා කුජ්‌ඣමානස්‌ස උප්‌පජ්‌ජති.
421. Dasamaṃ sasaṅkhārattā parehi ussāhitassa vā, paresaṃ vā aparādhaṃ sāritassa, sayameva vā paresaṃ aparādhaṃ anussaritvā kujjhamānassa uppajjati.
ඉධාපි පදපටිපාටියා එකූනතිංස, අග්‌ගහිතග්‌ගහණෙන ච චුද්‌දසෙව පදානි හොන්‌ති. යෙවාපනකෙසු පන ථිනමිද්‌ධම්‌පි ලබ්‌භති. තස්‌මා එත්‌ථ විනා ඉස්‌සාමච්‌ඡරියකුක්‌කුච්‌චෙහි චත්‌තාරි අපණ්‌ණකඞ්‌ගානි ථිනමිද්‌ධන්‌ති ඉමෙ ඡ ඉස්‌සාදීනං උප්‌පත්‌තිකාලෙ තෙසු අඤ්‌ඤතරෙන සද්‌ධිං සත්‌ත යෙවාපනකා එකක්‌ඛණෙ උප්‌පජ්‌ජන්‌ති. සෙසං සබ්‌බං සබ්‌බවාරෙසු නවමසදිසමෙව. ඉමෙසු පන ද්‌වීසු දොමනස්‌සචිත්‌තෙසු සහජාතාධිපතියෙව ලබ්‌භති, න ආරම්‌මණාධිපති. න හි කුද්‌ධො කිඤ්‌චි ගරුං කරොතීති.
Idhāpi padapaṭipāṭiyā ekūnatiṃsa, aggahitaggahaṇena ca cuddaseva padāni honti. Yevāpanakesu pana thinamiddhampi labbhati. Tasmā ettha vinā issāmacchariyakukkuccehi cattāri apaṇṇakaṅgāni thinamiddhanti ime cha issādīnaṃ uppattikāle tesu aññatarena saddhiṃ satta yevāpanakā ekakkhaṇe uppajjanti. Sesaṃ sabbaṃ sabbavāresu navamasadisameva. Imesu pana dvīsu domanassacittesu sahajātādhipatiyeva labbhati, na ārammaṇādhipati. Na hi kuddho kiñci garuṃ karotīti.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / ධම්‌මසඞ්‌ගණීපාළි • Dhammasaṅgaṇīpāḷi / ද්‌වාදස අකුසලානි • Dvādasa akusalāni
