| Library / Tipiṭaka / ਤਿਪਿਟਕ • Tipiṭaka / ਧਮ੍ਮਸਙ੍ਗਣਿ-ਅਟ੍ਠਕਥਾ • Dhammasaṅgaṇi-aṭṭhakathā |
ਦਸਮਚਿਤ੍ਤਂ
Dasamacittaṃ
੪੨੧. ਦਸਮਂ ਸਸਙ੍ਖਾਰਤ੍ਤਾ ਪਰੇਹਿ ਉਸ੍ਸਾਹਿਤਸ੍ਸ વਾ, ਪਰੇਸਂ વਾ ਅਪਰਾਧਂ ਸਾਰਿਤਸ੍ਸ, ਸਯਮੇવ વਾ ਪਰੇਸਂ ਅਪਰਾਧਂ ਅਨੁਸ੍ਸਰਿਤ੍વਾ ਕੁਜ੍ਝਮਾਨਸ੍ਸ ਉਪ੍ਪਜ੍ਜਤਿ।
421. Dasamaṃ sasaṅkhārattā parehi ussāhitassa vā, paresaṃ vā aparādhaṃ sāritassa, sayameva vā paresaṃ aparādhaṃ anussaritvā kujjhamānassa uppajjati.
ਇਧਾਪਿ ਪਦਪਟਿਪਾਟਿਯਾ ਏਕੂਨਤਿਂਸ, ਅਗ੍ਗਹਿਤਗ੍ਗਹਣੇਨ ਚ ਚੁਦ੍ਦਸੇવ ਪਦਾਨਿ ਹੋਨ੍ਤਿ। ਯੇવਾਪਨਕੇਸੁ ਪਨ ਥਿਨਮਿਦ੍ਧਮ੍ਪਿ ਲਬ੍ਭਤਿ। ਤਸ੍ਮਾ ਏਤ੍ਥ વਿਨਾ ਇਸ੍ਸਾਮਚ੍ਛਰਿਯਕੁਕ੍ਕੁਚ੍ਚੇਹਿ ਚਤ੍ਤਾਰਿ ਅਪਣ੍ਣਕਙ੍ਗਾਨਿ ਥਿਨਮਿਦ੍ਧਨ੍ਤਿ ਇਮੇ ਛ ਇਸ੍ਸਾਦੀਨਂ ਉਪ੍ਪਤ੍ਤਿਕਾਲੇ ਤੇਸੁ ਅਞ੍ਞਤਰੇਨ ਸਦ੍ਧਿਂ ਸਤ੍ਤ ਯੇવਾਪਨਕਾ ਏਕਕ੍ਖਣੇ ਉਪ੍ਪਜ੍ਜਨ੍ਤਿ। ਸੇਸਂ ਸਬ੍ਬਂ ਸਬ੍ਬવਾਰੇਸੁ ਨવਮਸਦਿਸਮੇવ। ਇਮੇਸੁ ਪਨ ਦ੍વੀਸੁ ਦੋਮਨਸ੍ਸਚਿਤ੍ਤੇਸੁ ਸਹਜਾਤਾਧਿਪਤਿਯੇવ ਲਬ੍ਭਤਿ, ਨ ਆਰਮ੍ਮਣਾਧਿਪਤਿ। ਨ ਹਿ ਕੁਦ੍ਧੋ ਕਿਞ੍ਚਿ ਗਰੁਂ ਕਰੋਤੀਤਿ।
Idhāpi padapaṭipāṭiyā ekūnatiṃsa, aggahitaggahaṇena ca cuddaseva padāni honti. Yevāpanakesu pana thinamiddhampi labbhati. Tasmā ettha vinā issāmacchariyakukkuccehi cattāri apaṇṇakaṅgāni thinamiddhanti ime cha issādīnaṃ uppattikāle tesu aññatarena saddhiṃ satta yevāpanakā ekakkhaṇe uppajjanti. Sesaṃ sabbaṃ sabbavāresu navamasadisameva. Imesu pana dvīsu domanassacittesu sahajātādhipatiyeva labbhati, na ārammaṇādhipati. Na hi kuddho kiñci garuṃ karotīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਮ੍ਮਸਙ੍ਗਣੀਪਾਲ਼ਿ • Dhammasaṅgaṇīpāḷi / ਦ੍વਾਦਸ ਅਕੁਸਲਾਨਿ • Dvādasa akusalāni
