| Library / Tipiṭaka / തിപിടക • Tipiṭaka / അങ്ഗുത്തരനികായ • Aṅguttaranikāya |
൬. ദസമഗ്ഗസുത്തം
6. Dasamaggasuttaṃ
൨൦൬. ‘‘അസപ്പുരിസഞ്ച വോ, ഭിക്ഖവേ, ദേസേസ്സാമി, അസപ്പുരിസേന അസപ്പുരിസതരഞ്ച; സപ്പുരിസഞ്ച, സപ്പുരിസേന സപ്പുരിസതരഞ്ച. തം സുണാഥ…പേ॰… .
206. ‘‘Asappurisañca vo, bhikkhave, desessāmi, asappurisena asappurisatarañca; sappurisañca, sappurisena sappurisatarañca. Taṃ suṇātha…pe… .
‘‘കതമോ ച, ഭിക്ഖവേ, അസപ്പുരിസോ? ഇധ , ഭിക്ഖവേ, ഏകച്ചോ മിച്ഛാദിട്ഠികോ ഹോതി …പേ॰… മിച്ഛാഞാണീ ഹോതി, മിച്ഛാവിമുത്തി ഹോതി. അയം വുച്ചതി, ഭിക്ഖവേ, അസപ്പുരിസോ.
‘‘Katamo ca, bhikkhave, asappuriso? Idha , bhikkhave, ekacco micchādiṭṭhiko hoti …pe… micchāñāṇī hoti, micchāvimutti hoti. Ayaṃ vuccati, bhikkhave, asappuriso.
‘‘കതമോ ച, ഭിക്ഖവേ, അസപ്പുരിസേന അസപ്പുരിസതരോ? ഇധ, ഭിക്ഖവേ, ഏകച്ചോ അത്തനാ ച മിച്ഛാദിട്ഠികോ ഹോതി, പരഞ്ച മിച്ഛാദിട്ഠിയാ സമാദപേതി…പേ॰… അത്തനാ ച മിച്ഛാഞാണീ ഹോതി, പരഞ്ച മിച്ഛാഞാണേ സമാദപേതി; അത്തനാ ച മിച്ഛാവിമുത്തി ഹോതി, പരഞ്ച മിച്ഛാവിമുത്തിയാ സമാദപേതി. അയം വുച്ചതി, ഭിക്ഖവേ, അസപ്പുരിസേന അസപ്പുരിസതരോ.
‘‘Katamo ca, bhikkhave, asappurisena asappurisataro? Idha, bhikkhave, ekacco attanā ca micchādiṭṭhiko hoti, parañca micchādiṭṭhiyā samādapeti…pe… attanā ca micchāñāṇī hoti, parañca micchāñāṇe samādapeti; attanā ca micchāvimutti hoti, parañca micchāvimuttiyā samādapeti. Ayaṃ vuccati, bhikkhave, asappurisena asappurisataro.
‘‘കതമോ ച, ഭിക്ഖവേ, സപ്പുരിസോ? ഇധ, ഭിക്ഖവേ, ഏകച്ചോ സമ്മാദിട്ഠികോ ഹോതി…പേ॰… സമ്മാഞാണീ ഹോതി, സമ്മാവിമുത്തി ഹോതി. അയം വുച്ചതി, ഭിക്ഖവേ, സപ്പുരിസോ.
‘‘Katamo ca, bhikkhave, sappuriso? Idha, bhikkhave, ekacco sammādiṭṭhiko hoti…pe… sammāñāṇī hoti, sammāvimutti hoti. Ayaṃ vuccati, bhikkhave, sappuriso.
‘‘കതമോ ച, ഭിക്ഖവേ, സപ്പുരിസേന സപ്പുരിസതരോ? ഇധ, ഭിക്ഖവേ, ഏകച്ചോ അത്തനാ ച സമ്മാദിട്ഠികോ ഹോതി, പരഞ്ച സമ്മാദിട്ഠിയാ സമാദപേതി…പേ॰… അത്തനാ ച സമ്മാഞാണീ ഹോതി, പരഞ്ച സമ്മാഞാണേ സമാദപേതി; അത്തനാ ച സമ്മാവിമുത്തി ഹോതി, പരഞ്ച സമ്മാവിമുത്തിയാ സമാദപേതി. അയം വുച്ചതി, ഭിക്ഖവേ, സപ്പുരിസേന സപ്പുരിസതരോ’’തി. ഛട്ഠം.
‘‘Katamo ca, bhikkhave, sappurisena sappurisataro? Idha, bhikkhave, ekacco attanā ca sammādiṭṭhiko hoti, parañca sammādiṭṭhiyā samādapeti…pe… attanā ca sammāñāṇī hoti, parañca sammāñāṇe samādapeti; attanā ca sammāvimutti hoti, parañca sammāvimuttiyā samādapeti. Ayaṃ vuccati, bhikkhave, sappurisena sappurisataro’’ti. Chaṭṭhaṃ.
Related texts:
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൧൦. സിക്ഖാപദസുത്താദിവണ്ണനാ • 1-10. Sikkhāpadasuttādivaṇṇanā
