| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
10. த³ஸமனயோ விப்பயுத்தேனவிப்பயுத்தபத³வண்ணனா
10. Dasamanayo vippayuttenavippayuttapadavaṇṇanā
353. இதா³னி விப்பயுத்தேனவிப்பயுத்தபத³ங் பா⁴ஜேதுங் ரூபக்க²ந்தே⁴னாதிஆதி³ ஆரத்³த⁴ங். தத்த² யே ஸம்பயோக³விப்பயோக³பத³னித்³தே³ஸே ரூபக்க²ந்தா⁴த³யோ த⁴ம்மா உத்³த⁴டா, ஸப்³ப³புச்சா²ஸு தேயேவ உத்³த⁴டா. ஸதி³ஸவிஸ்ஸஜ்ஜனானங் பன ஏகதோ க³ஹிதத்தா பதா³னி அஞ்ஞாய படிபாடியா ஆக³தானி. தத்த² யங் பத³ங் புச்சா²ய உத்³த⁴டங், தங் யேஹி த⁴ம்மேஹி விப்பயுத்தங், தேஸங் வஸேன க²ந்தா⁴தி³விபா⁴கோ³ வேதி³தப்³போ³. ரூபக்க²ந்தே⁴ன ஹி வேத³னாத³யோ விப்பயுத்தா, தேஹி ச ரூபக்க²ந்தோ⁴ விப்பயுத்தோ. நிப்³பா³னங் பன ஸுகு²மரூபக³திகமேவ. ஸோ ரூபக்க²ந்தோ⁴ சதூஹி க²ந்தே⁴ஹி, ஏகேன மனாயதனேன ஸத்தஹி விஞ்ஞாணதா⁴தூஹி, த⁴ம்மாயதனத⁴ம்மதா⁴தூஸு, கேஹிசி வேத³னாதீ³ஹி த⁴ம்மேஹேவ விப்பயுத்தோ. ஏஸேவ நயோ ஸப்³ப³த்தா²தி.
353. Idāni vippayuttenavippayuttapadaṃ bhājetuṃ rūpakkhandhenātiādi āraddhaṃ. Tattha ye sampayogavippayogapadaniddese rūpakkhandhādayo dhammā uddhaṭā, sabbapucchāsu teyeva uddhaṭā. Sadisavissajjanānaṃ pana ekato gahitattā padāni aññāya paṭipāṭiyā āgatāni. Tattha yaṃ padaṃ pucchāya uddhaṭaṃ, taṃ yehi dhammehi vippayuttaṃ, tesaṃ vasena khandhādivibhāgo veditabbo. Rūpakkhandhena hi vedanādayo vippayuttā, tehi ca rūpakkhandho vippayutto. Nibbānaṃ pana sukhumarūpagatikameva. So rūpakkhandho catūhi khandhehi, ekena manāyatanena sattahi viññāṇadhātūhi, dhammāyatanadhammadhātūsu, kehici vedanādīhi dhammeheva vippayutto. Eseva nayo sabbatthāti.
விப்பயுத்தேனவிப்பயுத்தபத³வண்ணனா.
Vippayuttenavippayuttapadavaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / தா⁴துகதா²பாளி • Dhātukathāpāḷi / 10. விப்பயுத்தேனவிப்பயுத்தபத³னித்³தே³ஸோ • 10. Vippayuttenavippayuttapadaniddeso
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 10. த³ஸமனயோ விப்பயுத்தேனவிப்பயுத்தபத³வண்ணனா • 10. Dasamanayo vippayuttenavippayuttapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 10. த³ஸமனயோ விப்பயுத்தேனவிப்பயுத்தபத³வண்ணனா • 10. Dasamanayo vippayuttenavippayuttapadavaṇṇanā
