| Library / Tipiṭaka / ติปิฎก • Tipiṭaka / ปญฺจปกรณ-อฎฺฐกถา • Pañcapakaraṇa-aṭṭhakathā |
๑๐. ทสมนโย วิปฺปยุเตฺตนวิปฺปยุตฺตปทวณฺณนา
10. Dasamanayo vippayuttenavippayuttapadavaṇṇanā
๓๕๓. อิทานิ วิปฺปยุเตฺตนวิปฺปยุตฺตปทํ ภาเชตุํ รูปกฺขเนฺธนาติอาทิ อารทฺธํฯ ตตฺถ เย สมฺปโยควิปฺปโยคปทนิเทฺทเส รูปกฺขนฺธาทโย ธมฺมา อุทฺธฎา, สพฺพปุจฺฉาสุ เตเยว อุทฺธฎาฯ สทิสวิสฺสชฺชนานํ ปน เอกโต คหิตตฺตา ปทานิ อญฺญาย ปฎิปาฎิยา อาคตานิฯ ตตฺถ ยํ ปทํ ปุจฺฉาย อุทฺธฎํ, ตํ เยหิ ธเมฺมหิ วิปฺปยุตฺตํ, เตสํ วเสน ขนฺธาทิวิภาโค เวทิตโพฺพฯ รูปกฺขเนฺธน หิ เวทนาทโย วิปฺปยุตฺตา, เตหิ จ รูปกฺขโนฺธ วิปฺปยุโตฺตฯ นิพฺพานํ ปน สุขุมรูปคติกเมวฯ โส รูปกฺขโนฺธ จตูหิ ขเนฺธหิ, เอเกน มนายตเนน สตฺตหิ วิญฺญาณธาตูหิ, ธมฺมายตนธมฺมธาตูสุ, เกหิจิ เวทนาทีหิ ธเมฺมเหว วิปฺปยุโตฺตฯ เอเสว นโย สพฺพตฺถาติฯ
353. Idāni vippayuttenavippayuttapadaṃ bhājetuṃ rūpakkhandhenātiādi āraddhaṃ. Tattha ye sampayogavippayogapadaniddese rūpakkhandhādayo dhammā uddhaṭā, sabbapucchāsu teyeva uddhaṭā. Sadisavissajjanānaṃ pana ekato gahitattā padāni aññāya paṭipāṭiyā āgatāni. Tattha yaṃ padaṃ pucchāya uddhaṭaṃ, taṃ yehi dhammehi vippayuttaṃ, tesaṃ vasena khandhādivibhāgo veditabbo. Rūpakkhandhena hi vedanādayo vippayuttā, tehi ca rūpakkhandho vippayutto. Nibbānaṃ pana sukhumarūpagatikameva. So rūpakkhandho catūhi khandhehi, ekena manāyatanena sattahi viññāṇadhātūhi, dhammāyatanadhammadhātūsu, kehici vedanādīhi dhammeheva vippayutto. Eseva nayo sabbatthāti.
วิปฺปยุเตฺตนวิปฺปยุตฺตปทวณฺณนาฯ
Vippayuttenavippayuttapadavaṇṇanā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / ธาตุกถาปาฬิ • Dhātukathāpāḷi / ๑๐. วิปฺปยุเตฺตนวิปฺปยุตฺตปทนิเทฺทโส • 10. Vippayuttenavippayuttapadaniddeso
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๑๐. ทสมนโย วิปฺปยุเตฺตนวิปฺปยุตฺตปทวณฺณนา • 10. Dasamanayo vippayuttenavippayuttapadavaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-อนุฎีกา • Pañcapakaraṇa-anuṭīkā / ๑๐. ทสมนโย วิปฺปยุเตฺตนวิปฺปยุตฺตปทวณฺณนา • 10. Dasamanayo vippayuttenavippayuttapadavaṇṇanā
