| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
10. த³ஸமனிஸ்ஸக்³கி³யபாசித்தியஸிக்கா²பத³வண்ணனா
10. Dasamanissaggiyapācittiyasikkhāpadavaṇṇanā
779. த³ஸமே பன ‘‘யா பன பி⁴க்கு²னீ அஞ்ஞத³த்தி²கேன பரிக்கா²ரேன அஞ்ஞுத்³தி³ஸிகேன புக்³க³லிகேன அஞ்ஞங் சேதாபெய்ய, நிஸ்ஸக்³கி³யங் பாசித்திய’’ந்தி ஏவங்விதே⁴ன ப⁴விதப்³ப³ங், ‘‘புக்³க³லிகேன ஸங்யாசிகேனா’’தி இமினா ஏகாத³ஸமேன ப⁴விதப்³ப³ங் ஸியா யதா²க்கமேன ஸம்ப⁴வதோ. காமமேவ சேதங் அட்டு²ப்பத்தியா அபா⁴வதோ ந வுத்தங், அத்த²தோ பன க³ஹேதப்³ப³மேவ. எத்த² பன ஸங்க⁴க³ணபுக்³க³லானங் பவாரிதட்டா²னே, புக்³க³லஸ்ஸேவ ஞாதகட்டா²னே ச அனாபத்திசா²யா தி³ஸ்ஸதி, இத³ங் ஸப்³ப³ங் அம்ஹாகங் தக்கானுஸாரவஸேனேவ வுத்தந்தி கத்வா ந ஸாரதோ த³ட்ட²ப்³ப³ங். விசாரெத்வா யதா² நிச்சலகாரணங் தி³ஸ்வா யங் வா வினயக்கமகோவிதா³ அனுஜானந்தி, தங் ததே³வ க³ஹேதப்³ப³ங். போராணக³ண்டி²பதே³ பன ‘‘ஆபதா³ஸுபி அஞ்ஞங் க³ருப⁴ண்ட³மேவ சேதாபேதப்³ப³ங், இதரங் ந வட்டதி, பி⁴க்கு²ஸ்ஸ பன வட்டதீ’’தி வுத்தங்.
779. Dasame pana ‘‘yā pana bhikkhunī aññadatthikena parikkhārena aññuddisikena puggalikena aññaṃ cetāpeyya, nissaggiyaṃ pācittiya’’nti evaṃvidhena bhavitabbaṃ, ‘‘puggalikena saṃyācikenā’’ti iminā ekādasamena bhavitabbaṃ siyā yathākkamena sambhavato. Kāmameva cetaṃ aṭṭhuppattiyā abhāvato na vuttaṃ, atthato pana gahetabbameva. Ettha pana saṅghagaṇapuggalānaṃ pavāritaṭṭhāne, puggalasseva ñātakaṭṭhāne ca anāpattichāyā dissati, idaṃ sabbaṃ amhākaṃ takkānusāravaseneva vuttanti katvā na sārato daṭṭhabbaṃ. Vicāretvā yathā niccalakāraṇaṃ disvā yaṃ vā vinayakkamakovidā anujānanti, taṃ tadeva gahetabbaṃ. Porāṇagaṇṭhipade pana ‘‘āpadāsupi aññaṃ garubhaṇḍameva cetāpetabbaṃ, itaraṃ na vaṭṭati, bhikkhussa pana vaṭṭatī’’ti vuttaṃ.
த³ஸமனிஸ்ஸக்³கி³யபாசித்தியஸிக்கா²பத³வண்ணனா நிட்டி²தா.
Dasamanissaggiyapācittiyasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 10. த³ஸமஸிக்கா²பத³ங் • 10. Dasamasikkhāpadaṃ
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 2. து³தியனிஸ்ஸக்³கி³யாதி³பாசித்தியஸிக்கா²பத³வண்ணனா • 2. Dutiyanissaggiyādipācittiyasikkhāpadavaṇṇanā
