| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
10. த³ஸமஸங்கா⁴தி³ஸேஸஸிக்கா²பத³ங்
10. Dasamasaṅghādisesasikkhāpadaṃ
727. த³ஸமே ஏவாசாராதி எத்த² நிக்³க³ஹிதலோபவஸேன ஸந்தீ⁴தி ஆஹ ‘‘ஏவங்ஆசாரா’’தி. ‘‘யாதி³ஸோ’’திஆதி³னா ஏவங்ஸத்³த³ஸ்ஸ நித³ஸ்ஸனாதீ³ஸு (அபி⁴தா⁴னப்பதீ³பிகாயங் 1186 கா³தா²யங்) ஏகாத³ஸஸு அத்தே²ஸு உபமத்த²ங் த³ஸ்ஸேதி. ஸப்³ப³த்தா²தி ‘‘ஏவங்ஸத்³தா³ ஏவங்ஸிலோகா’’தி ஸப்³பே³ஸு பதே³ஸு. உஞ்ஞாயாதி எத்த² ஓகாரவிபரீதோ உகாரோதி ஆஹ ‘‘அவஞ்ஞாயா’’தி. ‘‘நீசங் கத்வா ஜானநாயா’’தி இமினா அவஸத்³தோ³ நீசத்தோ², ஞாதா⁴து அவபோ³த⁴னத்தோ²தி த³ஸ்ஸேதி. ‘‘பரிப⁴வஞ்ஞாயா’’தி வத்தப்³பே³ உத்தரபத³லோபவஸேன ‘‘பரிப⁴வேனா’’தி வுத்தந்தி ஆஹ ‘‘பரிப⁴வித்வா ஜானநேனா’’தி. அக்க²ந்தியாதி எத்த² ஸஹனக²ந்தியேவாதி⁴ப்பேதா, நேவ அனுலோமக²ந்தி, ந தி³ட்டி²னிஜ்ஜா²னக்க²ந்தீதி த³ஸ்ஸெந்தோ ஆஹ ‘‘அஸஹனதாயா’’தி. வேப⁴ஸ்ஸியாதி எத்த² விஸேஸேன பா⁴ஸேதி ஓபா⁴ஸேதீதி விபா⁴ஸோ ஆனுபா⁴வோ, விபா⁴ஸோ இமஸ்ஸ ஸங்க⁴ஸ்ஸ அத்தீ²தி விப⁴ஸ்ஸோ ஸங்கோ⁴, ப³ஹ்வத்தே² ச அதிஸயத்தே² ச ஸபச்சயோ ஹோதி. கஸ்மா? மந்துபச்சயத்த²த்தா ‘‘லோமஸோ’’திஆதீ³ஸு (ஜா॰ 1.14.57) விய, ப³ஹுஆனுபா⁴வோ அதிஸயஆனுபா⁴வோ ஸங்கோ⁴தி வுத்தங் ஹோதி, ஸங்யோக³பரத்தா ஆகாரஸ்ஸ ரஸ்ஸோ. விப⁴ஸ்ஸஸ்ஸ பா⁴வோ வேப⁴ஸ்ஸியங், ப³ஹுஆனுபா⁴வோ அதிஸயஆனுபா⁴வோயேவ. இதி இமமத்த²ங் த³ஸ்ஸெந்தோ ஆஹ ‘‘ப³லவப⁴ஸ்ஸபா⁴வேனா’’தி. தத்த² ப³லவஇதி பதே³ன மந்துஅத்தே² பவத்தஸ்ஸ ஸப்பச்சயஸ்ஸ ப³ஹ்வத்த²ஞ்ச அதிஸயத்த²ஞ்ச த³ஸ்ஸேதி, பா⁴வஇதி பதே³ன ணியபச்சயஸ்ஸ பா⁴வத்த²ங், ஏனஇதி பதே³ன நிஸ்ஸக்கவசனஸ்ஸ கரணத்தே² பவத்தபா⁴வங் த³ஸ்ஸேதி. தமேவத்த²மாவிகரொந்தோ ஆஹ ‘‘அத்தனோ ப³லவப்பகாஸனேனா’’தி. தத்த² அத்தனோதி அத்தஸங்கா²தஸ்ஸ ஸங்க⁴ஸ்ஸ. ப³லவப்பகாஸனேனாதி ப³ஹுஆனுபா⁴வப்பகாஸனேன, அதிஸயஆனுபா⁴வப்பகாஸனேன வா. ப³லவப்பகாஸனங் நாம அத்த²தோ பரேஸங் ஸமுத்ராஸனமேவாதி ஆஹ ‘‘ஸமுத்ராஸனேனாதி அத்தோ²’’தி. து³ப்³ப³லபா⁴வேனாதி எத்த² பா⁴வஇதிபதே³ன ண்யபச்சயஸ்ஸ பா⁴வத்த²ங், ஏனஇதிபதே³ன நிஸ்ஸக்கவசனஸ்ஸ கரணத்த²ங் த³ஸ்ஸேதீதி த³ட்ட²ப்³ப³ங். ஸப்³ப³த்தா²தி ‘‘உஞ்ஞாயா’’திஆதீ³ஸு ஸப்³பே³ஸு பதே³ஸு. சஸத்³தோ³ லுத்தனித்³தி³ட்டோ²தி ஆஹ ‘‘ஏவங் ஸமுச்சயத்தோ² த³ட்ட²ப்³போ³’’தி. விவிச்சதா²தி எத்த² வீத்யூபஸக்³கோ³ வினாஸத்³த³த்தோ², விசதா⁴து ஸத்தத்தோ²தி ஆஹ ‘‘வினா ஹோதா²’’தி. த³ஸமங்.
727. Dasame evācārāti ettha niggahitalopavasena sandhīti āha ‘‘evaṃācārā’’ti. ‘‘Yādiso’’tiādinā evaṃsaddassa nidassanādīsu (abhidhānappadīpikāyaṃ 1186 gāthāyaṃ) ekādasasu atthesu upamatthaṃ dasseti. Sabbatthāti ‘‘evaṃsaddā evaṃsilokā’’ti sabbesu padesu. Uññāyāti ettha okāraviparīto ukāroti āha ‘‘avaññāyā’’ti. ‘‘Nīcaṃ katvā jānanāyā’’ti iminā avasaddo nīcattho, ñādhātu avabodhanatthoti dasseti. ‘‘Paribhavaññāyā’’ti vattabbe uttarapadalopavasena ‘‘paribhavenā’’ti vuttanti āha ‘‘paribhavitvā jānanenā’’ti. Akkhantiyāti ettha sahanakhantiyevādhippetā, neva anulomakhanti, na diṭṭhinijjhānakkhantīti dassento āha ‘‘asahanatāyā’’ti. Vebhassiyāti ettha visesena bhāseti obhāsetīti vibhāso ānubhāvo, vibhāso imassa saṅghassa atthīti vibhasso saṅgho, bahvatthe ca atisayatthe ca sapaccayo hoti. Kasmā? Mantupaccayatthattā ‘‘lomaso’’tiādīsu (jā. 1.14.57) viya, bahuānubhāvo atisayaānubhāvo saṅghoti vuttaṃ hoti, saṃyogaparattā ākārassa rasso. Vibhassassa bhāvo vebhassiyaṃ, bahuānubhāvo atisayaānubhāvoyeva. Iti imamatthaṃ dassento āha ‘‘balavabhassabhāvenā’’ti. Tattha balavaiti padena mantuatthe pavattassa sappaccayassa bahvatthañca atisayatthañca dasseti, bhāvaiti padena ṇiyapaccayassa bhāvatthaṃ, enaiti padena nissakkavacanassa karaṇatthe pavattabhāvaṃ dasseti. Tamevatthamāvikaronto āha ‘‘attano balavappakāsanenā’’ti. Tattha attanoti attasaṅkhātassa saṅghassa. Balavappakāsanenāti bahuānubhāvappakāsanena, atisayaānubhāvappakāsanena vā. Balavappakāsanaṃ nāma atthato paresaṃ samutrāsanamevāti āha ‘‘samutrāsanenāti attho’’ti. Dubbalabhāvenāti ettha bhāvaitipadena ṇyapaccayassa bhāvatthaṃ, enaitipadena nissakkavacanassa karaṇatthaṃ dassetīti daṭṭhabbaṃ. Sabbatthāti ‘‘uññāyā’’tiādīsu sabbesu padesu. Casaddo luttaniddiṭṭhoti āha ‘‘evaṃ samuccayattho daṭṭhabbo’’ti. Viviccathāti ettha vītyūpasaggo vināsaddattho, vicadhātu sattatthoti āha ‘‘vinā hothā’’ti. Dasamaṃ.
அனந்தரா பக்கி²பித்வாதி ஸம்ப³ந்தோ⁴. மஹாவிப⁴ங்க³தோ ஆஹரிதானி இமானி தீணி ஸிக்கா²பதா³னீதி யோஜனா. நவ பட²மாபத்திகா வேதி³தப்³பா³தி ஸம்ப³ந்தோ⁴. ஸப்³பே³பி த⁴ம்மாதி யோஜனா. எத்தா²தி ‘‘உத்³தி³ட்டா² கோ²’’திஆதி³பாடே². தங் பனாதி பக்க²மானத்தங் பனாதி.
Anantarā pakkhipitvāti sambandho. Mahāvibhaṅgato āharitāni imāni tīṇi sikkhāpadānīti yojanā. Nava paṭhamāpattikā veditabbāti sambandho. Sabbepi dhammāti yojanā. Etthāti ‘‘uddiṭṭhā kho’’tiādipāṭhe. Taṃ panāti pakkhamānattaṃ panāti.
இதி ஸமந்தபாஸாதி³காய வினயஸங்வண்ணனாய
Iti samantapāsādikāya vinayasaṃvaṇṇanāya
பி⁴க்கு²னிவிப⁴ங்கே³
Bhikkhunivibhaṅge
ஸத்தரஸகவண்ணனாய யோஜனா ஸமத்தா.
Sattarasakavaṇṇanāya yojanā samattā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 10. த³ஸமஸங்கா⁴தி³ஸேஸஸிக்கா²பத³ங் • 10. Dasamasaṅghādisesasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 10. த³ஸமஸங்கா⁴தி³ஸேஸஸிக்கா²பத³வண்ணனா • 10. Dasamasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 9. நவமஸங்கா⁴தி³ஸேஸஸிக்கா²பத³வண்ணனா • 9. Navamasaṅghādisesasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 6. ச²ட்ட²ஸங்கா⁴தி³ஸேஸஸிக்கா²பத³வண்ணனா • 6. Chaṭṭhasaṅghādisesasikkhāpadavaṇṇanā
