| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga |
੧੦. ਦਸਮਸਙ੍ਘਾਦਿਸੇਸਸਿਕ੍ਖਾਪਦਂ
10. Dasamasaṅghādisesasikkhāpadaṃ
੭੨੭. ਤੇਨ ਸਮਯੇਨ ਬੁਦ੍ਧੋ ਭਗવਾ ਸਾવਤ੍ਥਿਯਂ વਿਹਰਤਿ ਜੇਤવਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ। ਤੇਨ ਖੋ ਪਨ ਸਮਯੇਨ ਥੁਲ੍ਲਨਨ੍ਦਾ ਭਿਕ੍ਖੁਨੀਸਙ੍ਘੇਨ ਸਮਨੁਭਟ੍ਠਾ ਭਿਕ੍ਖੁਨਿਯੋ ਏવਂ વਦੇਤਿ – ‘‘ਸਂਸਟ੍ਠਾવ ਅਯ੍ਯੇ, ਤੁਮ੍ਹੇ વਿਹਰਥ। ਮਾ ਤੁਮ੍ਹੇ ਨਾਨਾ વਿਹਰਿਤ੍ਥ। ਸਨ੍ਤਿ ਸਙ੍ਘੇ ਅਞ੍ਞਾਪਿ ਭਿਕ੍ਖੁਨਿਯੋ ਏવਾਚਾਰਾ ਏવਂਸਦ੍ਦਾ ਏવਂਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। ਤਾ ਸਙ੍ਘੋ ਨ ਕਿਞ੍ਚਿ ਆਹ। ਤੁਮ੍ਹਞ੍ਞੇવ 1 ਸਙ੍ਘੋ ਉਞ੍ਞਾਯ ਪਰਿਭવੇਨ ਅਕ੍ਖਨ੍ਤਿਯਾ વੇਭਸ੍ਸਿਯਾ 2 ਦੁਬ੍ਬਲ੍ਯਾ ਏવਮਾਹ – ‘ਭਗਿਨਿਯੋ ਖੋ ਸਂਸਟ੍ਠਾ વਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। વਿવਿਚ੍ਚਥਾਯ੍ਯੇ। વਿવੇਕਞ੍ਞੇવ ਭਗਿਨੀਨਂ ਸਙ੍ਘੋ વਣ੍ਣੇਤੀ’’’ਤਿ। ਯਾ ਤਾ ਭਿਕ੍ਖੁਨਿਯੋ ਅਪ੍ਪਿਚ੍ਛਾ…ਪੇ॰… ਤਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ਕਥਞ੍ਹਿ ਨਾਮ ਅਯ੍ਯਾ ਥੁਲ੍ਲਨਨ੍ਦਾ ਭਿਕ੍ਖੁਨੀ ਸਙ੍ਘੇਨ ਸਮਨੁਭਟ੍ਠਾ ਭਿਕ੍ਖੁਨਿਯੋ ਏવਂ વਕ੍ਖਤਿ – ਸਂਸਟ੍ਠਾવ ਅਯ੍ਯੇ, ਤੁਮ੍ਹੇ વਿਹਰਥ। ਮਾ ਤੁਮ੍ਹੇ ਨਾਨਾ વਿਹਰਿਤ੍ਥ। ਸਨ੍ਤਿ ਸਙ੍ਘੇ ਅਞ੍ਞਾਪਿ ਭਿਕ੍ਖੁਨਿਯੋ…ਪੇ॰… વਿવਿਚ੍ਚਥਾਯ੍ਯੇ। વਿવੇਕਞ੍ਞੇવ ਭਗਿਨੀਨਂ ਸਙ੍ਘੋ વਣ੍ਣੇਤੀਤਿ…ਪੇ॰… ਸਚ੍ਚਂ ਕਿਰ, ਭਿਕ੍ਖવੇ, ਥੁਲ੍ਲਨਨ੍ਦਾ ਭਿਕ੍ਖੁਨੀ ਸਙ੍ਘੇਨ ਸਮਨੁਭਟ੍ਠਾ ਭਿਕ੍ਖੁਨਿਯੋ ਏવਂ વਦੇਤਿ – ਸਂਸਟ੍ਠਾવ ਅਯ੍ਯੇ ਤੁਮ੍ਹੇ વਿਹਰਥ। ਮਾ ਤੁਮ੍ਹੇ ਨਾਨਾ વਿਹਰਿਤ੍ਥ। ਸਨ੍ਤਿ ਸਙ੍ਘੇ ਅਞ੍ਞਾਪਿ ਭਿਕ੍ਖੁਨਿਯੋ ਏવਾਚਾਰਾ ਏવਂਸਦ੍ਦਾ ਏવਂਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। ਤਾ ਸਙ੍ਘੋ ਨ ਕਿਞ੍ਚਿ ਆਹ। ਤੁਮ੍ਹਞ੍ਞੇવ ਸਙ੍ਘੋ ਉਞ੍ਞਾਯ ਪਰਿਭવੇਨ ਅਕ੍ਖਨ੍ਤਿਯਾ વੇਭਸ੍ਸਿਯਾ ਦੁਬ੍ਬਲ੍ਯਾ ਏવਮਾਹ – ਭਗਿਨਿਯੋ ਖੋ ਸਂਸਟ੍ਠਾ વਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। વਿવਿਚ੍ਚਥਾਯ੍ਯੇ। વਿવੇਕਞ੍ਞੇવ ਭਗਿਨੀਨਂ ਸਙ੍ਘੋ વਣ੍ਣੇਤੀਤਿ? ‘‘ਸਚ੍ਚਂ ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ…ਪੇ॰… ਕਥਞ੍ਹਿ ਨਾਮ, ਭਿਕ੍ਖવੇ, ਥੁਲ੍ਲਨਨ੍ਦਾ ਭਿਕ੍ਖੁਨੀ ਸਙ੍ਘੇਨ ਸਮਨੁਭਟ੍ਠਾ ਭਿਕ੍ਖੁਨਿਯੋ ਏવਂ વਕ੍ਖਤਿ – ਸਂਸਟ੍ਠਾવ ਅਯ੍ਯੇ, ਤੁਮ੍ਹੇ વਿਹਰਥ। ਮਾ ਤੁਮ੍ਹੇ ਨਾਨਾ વਿਹਰਿਤ੍ਥ। ਸਨ੍ਤਿ ਸਙ੍ਘੇ ਅਞ੍ਞਾਪਿ ਭਿਕ੍ਖੁਨਿਯੋ…ਪੇ॰… વਿવਿਚ੍ਚਥਾਯ੍ਯੇ। વਿવੇਕਞ੍ਞੇવ ਭਗਿਨੀਨਂ ਸਙ੍ਘੋ વਣ੍ਣੇਤੀਤਿ! ਨੇਤਂ, ਭਿਕ੍ਖવੇ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ ਭਿਕ੍ਖવੇ, ਭਿਕ੍ਖੁਨਿਯੋ ਇਮਂ ਸਿਕ੍ਖਾਪਦਂ ਉਦ੍ਦਿਸਨ੍ਤੁ –
727. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunīsaṅghena samanubhaṭṭhā bhikkhuniyo evaṃ vadeti – ‘‘saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo evācārā evaṃsaddā evaṃsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha. Tumhaññeva 3 saṅgho uññāya paribhavena akkhantiyā vebhassiyā 4 dubbalyā evamāha – ‘bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṃ saṅgho vaṇṇetī’’’ti. Yā tā bhikkhuniyo appicchā…pe… tā ujjhāyanti khiyyanti vipācenti – kathañhi nāma ayyā thullanandā bhikkhunī saṅghena samanubhaṭṭhā bhikkhuniyo evaṃ vakkhati – saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo…pe… viviccathāyye. Vivekaññeva bhaginīnaṃ saṅgho vaṇṇetīti…pe… saccaṃ kira, bhikkhave, thullanandā bhikkhunī saṅghena samanubhaṭṭhā bhikkhuniyo evaṃ vadeti – saṃsaṭṭhāva ayye tumhe viharatha. Mā tumhe nānā viharittha. Santi saṅghe aññāpi bhikkhuniyo evācārā evaṃsaddā evaṃsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha. Tumhaññeva saṅgho uññāya paribhavena akkhantiyā vebhassiyā dubbalyā evamāha – bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṃ saṅgho vaṇṇetīti? ‘‘Saccaṃ bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī saṅghena samanubhaṭṭhā bhikkhuniyo evaṃ vakkhati – saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo…pe… viviccathāyye. Vivekaññeva bhaginīnaṃ saṅgho vaṇṇetīti! Netaṃ, bhikkhave, appasannānaṃ vā pasādāya…pe… evañca pana bhikkhave, bhikkhuniyo imaṃ sikkhāpadaṃ uddisantu –
੭੨੮. ‘‘ਯਾ ਪਨ ਭਿਕ੍ਖੁਨੀ ਏવਂ વਦੇਯ੍ਯ – ‘ਸਂਸਟ੍ਠਾવ ਅਯ੍ਯੇ, ਤੁਮ੍ਹੇ વਿਹਰਥ। ਮਾ ਤੁਮ੍ਹੇ ਨਾਨਾ વਿਹਰਿਤ੍ਥ। ਸਨ੍ਤਿ ਸਙ੍ਘੇ ਅਞ੍ਞਾਪਿ ਭਿਕ੍ਖੁਨਿਯੋ ਏવਾਚਾਰਾ ਏવਂਸਦ੍ਦਾ ਏવਂਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। ਤਾ ਸਙ੍ਘੋ ਨ ਕਿਞ੍ਚਿ ਆਹ। ਤੁਮ੍ਹਞ੍ਞੇવ ਸਙ੍ਘੋ ਉਞ੍ਞਾਯ ਪਰਿਭવੇਨ ਅਕ੍ਖਨ੍ਤਿਯਾ વੇਭਸ੍ਸਿਯਾ ਦੁਬ੍ਬਲ੍ਯਾ ਏવਮਾਹ – ਭਗਿਨਿਯੋ ਖੋ ਸਂਸਟ੍ਠਾ વਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। વਿવਿਚ੍ਚਥਾਯ੍ਯੇ। વਿવੇਕਞ੍ਞੇવ ਭਗਿਨੀਨਂ ਸਙ੍ਘੋ વਣ੍ਣੇਤੀ’ਤਿ। ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਏવਮਸ੍ਸ વਚਨੀਯਾ – ‘ਮਾ, ਅਯ੍ਯੇ, ਏવਂ ਅવਚ – ਸਂਸਟ੍ਠਾવ ਅਯ੍ਯੇ, ਤੁਮ੍ਹੇ વਿਹਰਥ। ਮਾ ਤੁਮ੍ਹੇ ਨਾਨਾ વਿਹਰਿਤ੍ਥ। ਸਨ੍ਤਿ ਸਙ੍ਘੇ ਅਞ੍ਞਾਪਿ ਭਿਕ੍ਖੁਨਿਯੋ ਏવਾਚਾਰਾ ਏવਂਸਦ੍ਦਾ ਏવਂਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। ਤਾ ਸਙ੍ਘੋ ਨ ਕਿਞ੍ਚਿ ਆਹ। ਤੁਮ੍ਹਞ੍ਞੇવ ਸਙ੍ਘੋ ਉਞ੍ਞਾਯ ਪਰਿਭવੇਨ ਅਕ੍ਖਨ੍ਤਿਯਾ વੇਭਸ੍ਸਿਯਾ ਦੁਬ੍ਬਲ੍ਯਾ ਏવਮਾਹ – ਭਗਿਨਿਯੋ ਖੋ ਸਂਸਟ੍ਠਾ વਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। વਿવਿਚ੍ਚਥਾਯ੍ਯੇ। વਿવੇਕਞ੍ਞੇવ ਭਗਿਨੀਨਂ ਸਙ੍ਘੋ વਣ੍ਣੇਤੀ’ਤਿ। ਏવਞ੍ਚ ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ વੁਚ੍ਚਮਾਨਾ ਤਥੇવ ਪਗ੍ਗਣ੍ਹੇਯ੍ਯ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਯਾવਤਤਿਯਂ ਸਮਨੁਭਾਸਿਤਬ੍ਬਾ ਤਸ੍ਸ ਪਟਿਨਿਸ੍ਸਗ੍ਗਾਯ। ਯਾવਤਤਿਯਞ੍ਚੇ ਸਮਨੁਭਾਸੀਯਮਾਨਾ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਅਯਮ੍ਪਿ ਭਿਕ੍ਖੁਨੀ ਯਾવਤਤਿਯਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸ’’ਨ੍ਤਿ।
728.‘‘Yāpana bhikkhunī evaṃ vadeyya – ‘saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo evācārā evaṃsaddā evaṃsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha. Tumhaññeva saṅgho uññāya paribhavena akkhantiyā vebhassiyā dubbalyā evamāha – bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṃ saṅgho vaṇṇetī’ti. Sā bhikkhunī bhikkhunīhi evamassa vacanīyā – ‘mā, ayye, evaṃ avaca – saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo evācārā evaṃsaddā evaṃsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha. Tumhaññeva saṅgho uññāya paribhavena akkhantiyā vebhassiyā dubbalyā evamāha – bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṃ saṅgho vaṇṇetī’ti. Evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṃ samanubhāsitabbā tassa paṭinissaggāya. Yāvatatiyañce samanubhāsīyamānā taṃ paṭinissajjeyya, iccetaṃ kusalaṃ; no ce paṭinissajjeyya, ayampi bhikkhunī yāvatatiyakaṃ dhammaṃ āpannā nissāraṇīyaṃ saṅghādisesa’’nti.
੭੨੯. ਯਾ ਪਨਾਤਿ ਯਾ ਯਾਦਿਸਾ…ਪੇ॰… ਭਿਕ੍ਖੁਨੀਤਿ…ਪੇ॰… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤਾ ਭਿਕ੍ਖੁਨੀਤਿ।
729.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
ਏવਂ વਦੇਯ੍ਯਾਤਿ – ‘‘ਸਂਸਟ੍ਠਾવ ਅਯ੍ਯੇ, ਤੁਮ੍ਹੇ વਿਹਰਥ। ਮਾ ਤੁਮ੍ਹੇ ਨਾਨਾ વਿਹਰਿਤ੍ਥ। ਸਨ੍ਤਿ ਸਙ੍ਘੇ ਅਞ੍ਞਾਪਿ ਭਿਕ੍ਖੁਨਿਯੋ ਏવਾਚਾਰਾ ਏવਂਸਦ੍ਦਾ ਏવਂਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। ਤਾ ਸਙ੍ਘੋ ਨ ਕਿਞ੍ਚਿ ਆਹ’’।
Evaṃ vadeyyāti – ‘‘saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo evācārā evaṃsaddā evaṃsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha’’.
ਤੁਮ੍ਹਞ੍ਞੇવ ਸਙ੍ਘੋ ਉਞ੍ਞਾਯਾਤਿ ਅવਞ੍ਞਾਯ।
Tumhaññeva saṅgho uññāyāti avaññāya.
ਪਰਿਭવੇਨਾਤਿ ਪਾਰਿਭਬ੍ਯਤਾ।
Paribhavenāti pāribhabyatā.
ਅਕ੍ਖਨ੍ਤਿਯਾਤਿ ਕੋਪੇਨ।
Akkhantiyāti kopena.
ਦੁਬ੍ਬਲ੍ਯਾਤਿ ਅਪਕ੍ਖਤਾ।
Dubbalyāti apakkhatā.
ਏવਮਾਹ – ‘‘ਭਗਿਨਿਯੋ ਖੋ ਸਂਸਟ੍ਠਾ વਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। વਿਚਿਚ੍ਚਥਾਯ੍ਯੇ। વਿવੇਕਞ੍ਞੇવ ਭਗਿਨੀਨਂ ਸਙ੍ਘੋ વਣ੍ਣੇਤੀ’’ਤਿ।
Evamāha – ‘‘bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viciccathāyye. Vivekaññeva bhaginīnaṃ saṅgho vaṇṇetī’’ti.
ਸਾ ਭਿਕ੍ਖੁਨੀਤਿ ਯਾ ਸਾ ਏવਂવਾਦਿਨੀ ਭਿਕ੍ਖੁਨੀ।
Sā bhikkhunīti yā sā evaṃvādinī bhikkhunī.
ਭਿਕ੍ਖੁਨੀਹੀਤਿ ਅਞ੍ਞਾਹਿ ਭਿਕ੍ਖੁਨੀਹਿ।
Bhikkhunīhīti aññāhi bhikkhunīhi.
ਯਾ ਪਸ੍ਸਨ੍ਤਿ ਯਾ ਸੁਣਨ੍ਤਿ ਤਾਹਿ વਤ੍ਤਬ੍ਬਾ – ‘‘ਮਾਯ੍ਯੇ, ਏવਂ ਅવਚ – ‘ਸਂਸਟ੍ਠਾવ ਅਯ੍ਯੇ, ਤੁਮ੍ਹੇ વਿਹਰਥ। ਮਾ ਤੁਮ੍ਹੇ ਨਾਨਾ વਿਹਰਿਤ੍ਥ। ਸਨ੍ਤਿ ਸਙ੍ਘੇ ਅਞ੍ਞਾਪਿ ਭਿਕ੍ਖੁਨਿਯੋ…ਪੇ॰… વਿવਿਚ੍ਚਥਾਯ੍ਯੇ। વਿવੇਕਞ੍ਞੇવ ਭਗਿਨੀਨਂ ਸਙ੍ਘੋ વਣ੍ਣੇਤੀ’’ਤਿ। ਦੁਤਿਯਮ੍ਪਿ વਤ੍ਤਬ੍ਬਾ। ਤਤਿਯਮ੍ਪਿ વਤ੍ਤਬ੍ਬਾ। ਸਚੇ ਪਟਿਨਿਸ੍ਸਜ੍ਜਤਿ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸੁਤ੍વਾ ਨ વਦਨ੍ਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸਾ ਭਿਕ੍ਖੁਨੀ ਸਙ੍ਘਮਜ੍ਝਮ੍ਪਿ ਆਕਡ੍ਢਿਤ੍વਾ વਤ੍ਤਬ੍ਬਾ – ‘‘ਮਾਯ੍ਯੇ, ਏવਂ ਅવਚ – ‘ਸਂਸਟ੍ਠਾવ ਅਯ੍ਯੇ, ਤੁਮ੍ਹੇ વਿਹਰਥ। ਮਾ ਤੁਮ੍ਹੇ ਨਾਨਾ વਿਹਰਿਤ੍ਥ। ਸਨ੍ਤਿ ਸਙ੍ਘੇ ਅਞ੍ਞਾਪਿ ਭਿਕ੍ਖੁਨਿਯੋ…ਪੇ॰… વਿવਿਚ੍ਚਥਾਯ੍ਯੇ। વਿવੇਕਞ੍ਞੇવ ਭਗਿਨੀਨਂ ਸਙ੍ਘੋ વਣ੍ਣੇਤੀ’’’ਤਿ। ਦੁਤਿਯਮ੍ਪਿ વਤ੍ਤਬ੍ਬਾ। ਤਤਿਯਮ੍ਪਿ વਤ੍ਤਬ੍ਬਾ। ਸਚੇ ਪਟਿਨਿਸ੍ਸਜ੍ਜਤਿ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ। ਸਾ ਭਿਕ੍ਖੁਨੀ ਸਮਨੁਭਾਸਿਤਬ੍ਬਾ। ਏવਞ੍ਚ ਪਨ, ਭਿਕ੍ਖવੇ, ਸਮਨੁਭਾਸਿਤਬ੍ਬਾ। ਬ੍ਯਤ੍ਤਾਯ ਭਿਕ੍ਖੁਨਿਯਾ ਪਟਿਬਲਾਯ ਸਙ੍ਘੋ ਞਾਪੇਤਬ੍ਬੋ –
Yā passanti yā suṇanti tāhi vattabbā – ‘‘māyye, evaṃ avaca – ‘saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo…pe… viviccathāyye. Vivekaññeva bhaginīnaṃ saṅgho vaṇṇetī’’ti. Dutiyampi vattabbā. Tatiyampi vattabbā. Sace paṭinissajjati, iccetaṃ kusalaṃ; no ce paṭinissajjati, āpatti dukkaṭassa. Sutvā na vadanti, āpatti dukkaṭassa. Sā bhikkhunī saṅghamajjhampi ākaḍḍhitvā vattabbā – ‘‘māyye, evaṃ avaca – ‘saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo…pe… viviccathāyye. Vivekaññeva bhaginīnaṃ saṅgho vaṇṇetī’’’ti. Dutiyampi vattabbā. Tatiyampi vattabbā. Sace paṭinissajjati, iccetaṃ kusalaṃ; no ce paṭinissajjati, āpatti dukkaṭassa. Sā bhikkhunī samanubhāsitabbā. Evañca pana, bhikkhave, samanubhāsitabbā. Byattāya bhikkhuniyā paṭibalāya saṅgho ñāpetabbo –
੭੩੦. ‘‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮਾ ਭਿਕ੍ਖੁਨੀ ਸਙ੍ਘੇਨ ਸਮਨੁਭਟ੍ਠਾ ਭਿਕ੍ਖੁਨਿਯੋ ਏવਂ વਦੇਤਿ – ‘ਸਂਸਟ੍ਠਾવ ਅਯ੍ਯੇ, ਤੁਮ੍ਹੇ વਿਹਰਥ। ਮਾ ਤੁਮ੍ਹੇ ਨਾਨਾ વਿਹਰਿਤ੍ਥ। ਸਨ੍ਤਿ ਸਙ੍ਘੇ ਅਞ੍ਞਾਪਿ ਭਿਕ੍ਖੁਨਿਯੋ ਏવਾਚਾਰਾ ਏવਂਸਦ੍ਦਾ ਏવਂਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। ਤਾ ਸਙ੍ਘੋ ਨ ਕਿਞ੍ਚਿ ਆਹ। ਤੁਮ੍ਹਞ੍ਞੇવ ਸਙ੍ਘੋ ਉਞ੍ਞਾਯ ਪਰਿਭવੇਨ ਅਕ੍ਖਨ੍ਤਿਯਾ વੇਭਸ੍ਸਿਯਾ ਦੁਬ੍ਬਲ੍ਯਾ ਏવਮਾਹ – ਭਗਿਨਿਯੋ ਖੋ ਸਂਸਟ੍ਠਾ વਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ । વਿવਿਚ੍ਚਥਾਯ੍ਯੇ। વਿવੇਕਞ੍ਞੇવ ਭਗਿਨੀਨਂ ਸਙ੍ਘੋ વਣ੍ਣੇਤੀ’ਤਿ। ਸਾ ਤਂ વਤ੍ਥੁਂ ਨ ਪਟਿਨਿਸ੍ਸਜ੍ਜਤਿ। ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਨਿਂ ਸਮਨੁਭਾਸੇਯ੍ਯ ਤਸ੍ਸ વਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ। ਏਸਾ ਞਤ੍ਤਿ।
730. ‘‘Suṇātu me, ayye, saṅgho. Ayaṃ itthannāmā bhikkhunī saṅghena samanubhaṭṭhā bhikkhuniyo evaṃ vadeti – ‘saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo evācārā evaṃsaddā evaṃsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha. Tumhaññeva saṅgho uññāya paribhavena akkhantiyā vebhassiyā dubbalyā evamāha – bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā aññamaññissā vajjappaṭicchādikā . Viviccathāyye. Vivekaññeva bhaginīnaṃ saṅgho vaṇṇetī’ti. Sā taṃ vatthuṃ na paṭinissajjati. Yadi saṅghassa pattakallaṃ, saṅgho itthannāmaṃ bhikkhuniṃ samanubhāseyya tassa vatthussa paṭinissaggāya. Esā ñatti.
‘‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ। ਅਯਂ ਇਤ੍ਥਨ੍ਨਾਮਾ ਭਿਕ੍ਖੁਨੀ ਸਙ੍ਘੇਨ ਸਮਨੁਭਟ੍ਠਾ ਭਿਕ੍ਖੁਨਿਯੋ ਏવਂ વਦੇਤਿ – ‘ਸਂਸਟ੍ਠਾવ ਅਯ੍ਯੇ, ਤੁਮ੍ਹੇ વਿਹਰਥ। ਮਾ ਤੁਮ੍ਹੇ ਨਾਨਾ વਿਹਰਿਤ੍ਥ। ਸਨ੍ਤਿ ਸਙ੍ਘੇ ਅਞ੍ਞਾਪਿ ਭਿਕ੍ਖੁਨਿਯੋ ਏવਾਚਾਰਾ ਏવਂਸਦ੍ਦਾ ਏવਂਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। ਤਾ ਸਙ੍ਘੋ ਨ ਕਿਞ੍ਚਿ ਆਹ। ਤੁਮ੍ਹਞ੍ਞੇવ ਸਙ੍ਘੋ ਉਞ੍ਞਾਯ ਪਰਿਭવੇਨ ਅਕ੍ਖਨ੍ਤਿਯਾ વੇਭਸ੍ਸਿਯਾ ਦੁਬ੍ਬਲ੍ਯਾ ਏવਮਾਹ – ਭਗਿਨਿਯੋ ਖੋ ਸਂਸਟ੍ਠਾ વਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ, ਭਿਕ੍ਖੁਨਿਸਙ੍ਘਸ੍ਸ વਿਹੇਸਿਕਾ, ਅਞ੍ਞਮਞ੍ਞਿਸ੍ਸਾ વਜ੍ਜਪ੍ਪਟਿਚ੍ਛਾਦਿਕਾ। વਿવਿਚ੍ਚਥਾਯ੍ਯੇ। વਿવੇਕਞ੍ਞੇવ ਭਗਿਨੀਨਂ ਸਙ੍ਘੋ વਣ੍ਣੇਤੀ’ਤਿ। ਸਾ ਤਂ વਤ੍ਥੁਂ ਨ ਪਟਿਨਿਸ੍ਸਜ੍ਜਤਿ। ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਨਿਂ ਸਮਨੁਭਾਸਤਿ ਤਸ੍ਸ વਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ। ਯਸ੍ਸਾ ਅਯ੍ਯਾਯ ਖਮਤਿ ਇਤ੍ਥਨ੍ਨਾਮਾਯ ਭਿਕ੍ਖੁਨਿਯਾ ਸਮਨੁਭਾਸਨਾ ਤਸ੍ਸ વਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ, ਸਾ ਤੁਣ੍ਹਸ੍ਸ; ਯਸ੍ਸਾ ਨਕ੍ਖਮਤਿ, ਸਾ ਭਾਸੇਯ੍ਯ।
‘‘Suṇātu me, ayye, saṅgho. Ayaṃ itthannāmā bhikkhunī saṅghena samanubhaṭṭhā bhikkhuniyo evaṃ vadeti – ‘saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo evācārā evaṃsaddā evaṃsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha. Tumhaññeva saṅgho uññāya paribhavena akkhantiyā vebhassiyā dubbalyā evamāha – bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṃ saṅgho vaṇṇetī’ti. Sā taṃ vatthuṃ na paṭinissajjati. Saṅgho itthannāmaṃ bhikkhuniṃ samanubhāsati tassa vatthussa paṭinissaggāya. Yassā ayyāya khamati itthannāmāya bhikkhuniyā samanubhāsanā tassa vatthussa paṭinissaggāya, sā tuṇhassa; yassā nakkhamati, sā bhāseyya.
‘‘ਦੁਤਿਯਮ੍ਪਿ ਏਤਮਤ੍ਥਂ વਦਾਮਿ…ਪੇ॰… ਤਤਿਯਮ੍ਪਿ ਏਤਮਤ੍ਥਂ વਦਾਮਿ…ਪੇ॰…।
‘‘Dutiyampi etamatthaṃ vadāmi…pe… tatiyampi etamatthaṃ vadāmi…pe….
‘‘ਸਮਨੁਭਟ੍ਠਾ ਸਙ੍ਘੇਨ ਇਤ੍ਥਨ੍ਨਾਮਾ ਭਿਕ੍ਖੁਨੀ ਤਸ੍ਸ વਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ। ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀ’’ਤਿ।
‘‘Samanubhaṭṭhā saṅghena itthannāmā bhikkhunī tassa vatthussa paṭinissaggāya. Khamati saṅghassa, tasmā tuṇhī, evametaṃ dhārayāmī’’ti.
ਞਤ੍ਤਿਯਾ ਦੁਕ੍ਕਟਂ, ਦ੍વੀਹਿ ਕਮ੍ਮવਾਚਾਹਿ ਥੁਲ੍ਲਚ੍ਚਯਾ, ਕਮ੍ਮવਾਚਾਪਰਿਯੋਸਾਨੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ। ਸਙ੍ਘਾਦਿਸੇਸਂ ਅਜ੍ਝਾਪਜ੍ਜਨ੍ਤਿਯਾ ਞਤ੍ਤਿਯਾ ਦੁਕ੍ਕਟਂ, ਦ੍વੀਹਿ ਕਮ੍ਮવਾਚਾਹਿ ਥੁਲ੍ਲਚ੍ਚਯਾ ਪਟਿਪ੍ਪਸ੍ਸਮ੍ਭਨ੍ਤਿ।
Ñattiyā dukkaṭaṃ, dvīhi kammavācāhi thullaccayā, kammavācāpariyosāne āpatti saṅghādisesassa. Saṅghādisesaṃ ajjhāpajjantiyā ñattiyā dukkaṭaṃ, dvīhi kammavācāhi thullaccayā paṭippassambhanti.
ਅਯਮ੍ਪੀਤਿ ਪੁਰਿਮਾਯੋ ਉਪਾਦਾਯ વੁਚ੍ਚਤਿ।
Ayampīti purimāyo upādāya vuccati.
ਯਾવਤਤਿਯਕਨ੍ਤਿ ਯਾવਤਤਿਯਂ ਸਮਨੁਭਾਸਨਾਯ ਆਪਜ੍ਜਤਿ, ਨ ਸਹવਤ੍ਥੁਜ੍ਝਾਚਾਰਾ।
Yāvatatiyakanti yāvatatiyaṃ samanubhāsanāya āpajjati, na sahavatthujjhācārā.
ਨਿਸ੍ਸਾਰਣੀਯਨ੍ਤਿ ਸਙ੍ਘਮ੍ਹਾ ਨਿਸ੍ਸਾਰੀਯਤਿ।
Nissāraṇīyanti saṅghamhā nissārīyati.
ਸਙ੍ਘਾਦਿਸੇਸੋਤਿ ਸਙ੍ਘੋવ ਤਸ੍ਸਾ ਆਪਤ੍ਤਿਯਾ ਮਾਨਤ੍ਤਂ ਦੇਤਿ, ਮੂਲਾਯ ਪਟਿਕਸ੍ਸਤਿ, ਅਬ੍ਭੇਤਿ, ਨ ਸਮ੍ਬਹੁਲਾ ਨ ਏਕਾ ਭਿਕ੍ਖੁਨੀ। ਤੇਨ વੁਚ੍ਚਤਿ ‘‘ਸਙ੍ਘਾਦਿਸੇਸੋ’’ਤਿ। ਤਸ੍ਸੇવ ਆਪਤ੍ਤਿਨਿਕਾਯਸ੍ਸ ਨਾਮਕਮ੍ਮਂ ਅਧਿવਚਨਂ, ਤੇਨਪਿ વੁਚ੍ਚਤਿ ‘‘ਸਙ੍ਘਾਦਿਸੇਸੋ’’ਤਿ।
Saṅghādisesoti saṅghova tassā āpattiyā mānattaṃ deti, mūlāya paṭikassati, abbheti, na sambahulā na ekā bhikkhunī. Tena vuccati ‘‘saṅghādiseso’’ti. Tasseva āpattinikāyassa nāmakammaṃ adhivacanaṃ, tenapi vuccati ‘‘saṅghādiseso’’ti.
੭੩੧. ਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞਾ ਨ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ । ਧਮ੍ਮਕਮ੍ਮੇ વੇਮਤਿਕਾ ਨ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ। ਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞਾ ਨ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ।
731. Dhammakamme dhammakammasaññā na paṭinissajjati, āpatti saṅghādisesassa . Dhammakamme vematikā na paṭinissajjati, āpatti saṅghādisesassa. Dhammakamme adhammakammasaññā na paṭinissajjati, āpatti saṅghādisesassa.
ਅਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞਾ, ਆਪਤ੍ਤਿ ਦੁਕ੍ਕਟਸ੍ਸ। ਅਧਮ੍ਮਕਮ੍ਮੇ વੇਮਤਿਕਾ, ਆਪਤ੍ਤਿ ਦੁਕ੍ਕਟਸ੍ਸ। ਅਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞਾ, ਆਪਤ੍ਤਿ ਦੁਕ੍ਕਟਸ੍ਸ।
Adhammakamme dhammakammasaññā, āpatti dukkaṭassa. Adhammakamme vematikā, āpatti dukkaṭassa. Adhammakamme adhammakammasaññā, āpatti dukkaṭassa.
੭੩੨. ਅਨਾਪਤ੍ਤਿ ਅਸਮਨੁਭਾਸਨ੍ਤਿਯਾ, ਪਟਿਨਿਸ੍ਸਜ੍ਜਨ੍ਤਿਯਾ, ਉਮ੍ਮਤ੍ਤਿਕਾਯ, ਆਦਿਕਮ੍ਮਿਕਾਯਾਤਿ।
732. Anāpatti asamanubhāsantiyā, paṭinissajjantiyā, ummattikāya, ādikammikāyāti.
ਦਸਮਸਙ੍ਘਾਦਿਸੇਸਸਿਕ੍ਖਾਪਦਂ ਨਿਟ੍ਠਿਤਂ।
Dasamasaṅghādisesasikkhāpadaṃ niṭṭhitaṃ.
ਉਦ੍ਦਿਟ੍ਠਾ ਖੋ, ਅਯ੍ਯਾਯੋ, ਸਤ੍ਤਰਸ ਸਙ੍ਘਾਦਿਸੇਸਾ ਧਮ੍ਮਾ – ਨવ ਪਠਮਾਪਤ੍ਤਿਕਾ, ਅਟ੍ਠ ਯਾવਤਤਿਯਕਾ। ਯੇਸਂ ਭਿਕ੍ਖੁਨੀ ਅਞ੍ਞਤਰਂ વਾ ਅਞ੍ਞਤਰਂ વਾ ਆਪਜ੍ਜਤਿ, ਤਾਯ ਭਿਕ੍ਖੁਨਿਯਾ ਉਭਤੋਸਙ੍ਘੇ ਪਕ੍ਖਮਾਨਤ੍ਤਂ ਚਰਿਤਬ੍ਬਂ। ਚਿਣ੍ਣਮਾਨਤ੍ਤਾ ਭਿਕ੍ਖੁਨੀ ਯਤ੍ਥ ਸਿਯਾ વੀਸਤਿਗਣੋ ਭਿਕ੍ਖੁਨਿਸਙ੍ਘੋ ਤਤ੍ਥ (ਸਾ ਭਿਕ੍ਖੁਨੀ) 7 ਅਬ੍ਭੇਤਬ੍ਬਾ। ਏਕਾਯਪਿ ਚੇ ਊਨੋ વੀਸਤਿਗਣੋ ਭਿਕ੍ਖੁਨਿਸਙ੍ਘੋ ਤਂ ਭਿਕ੍ਖੁਨਿਂ ਅਬ੍ਭੇਯ੍ਯ। ਸਾ ਚ ਭਿਕ੍ਖੁਨੀ ਅਨਬ੍ਭਿਤਾ, ਤਾ ਚ ਭਿਕ੍ਖੁਨਿਯੋ ਗਾਰਯ੍ਹਾ, ਅਯਂ ਤਤ੍ਥ ਸਾਮੀਚਿ।
Uddiṭṭhā kho, ayyāyo, sattarasa saṅghādisesā dhammā – nava paṭhamāpattikā, aṭṭha yāvatatiyakā. Yesaṃ bhikkhunī aññataraṃ vā aññataraṃ vā āpajjati, tāya bhikkhuniyā ubhatosaṅghe pakkhamānattaṃ caritabbaṃ. Ciṇṇamānattā bhikkhunī yattha siyā vīsatigaṇo bhikkhunisaṅgho tattha (sā bhikkhunī) 8 abbhetabbā. Ekāyapi ce ūno vīsatigaṇo bhikkhunisaṅgho taṃ bhikkhuniṃ abbheyya. Sā ca bhikkhunī anabbhitā, tā ca bhikkhuniyo gārayhā, ayaṃ tattha sāmīci.
ਤਤ੍ਥਾਯ੍ਯਾਯੋ ਪੁਚ੍ਛਾਮਿ – ‘‘ਕਚ੍ਚਿਤ੍ਥ ਪਰਿਸੁਦ੍ਧਾ’’? ਦੁਤਿਯਮ੍ਪਿ ਪੁਚ੍ਛਾਮਿ – ‘‘ਕਚ੍ਚਿਤ੍ਥ ਪਰਿਸੁਦ੍ਧਾ’’? ਤਤਿਯਮ੍ਪਿ ਪੁਚ੍ਛਾਮਿ – ‘‘ਕਚ੍ਚਿਤ੍ਥ ਪਰਿਸੁਦ੍ਧਾ’’? ਪਰਿਸੁਦ੍ਧੇਤ੍ਥਾਯ੍ਯਾਯੋ, ਤਸ੍ਮਾ ਤੁਣ੍ਹੀ, ਏવਮੇਤਂ ਧਾਰਯਾਮੀਤਿ।
Tatthāyyāyo pucchāmi – ‘‘kaccittha parisuddhā’’? Dutiyampi pucchāmi – ‘‘kaccittha parisuddhā’’? Tatiyampi pucchāmi – ‘‘kaccittha parisuddhā’’? Parisuddhetthāyyāyo, tasmā tuṇhī, evametaṃ dhārayāmīti.
ਸਤ੍ਤਰਸਕਂ ਨਿਟ੍ਠਿਤਂ।
Sattarasakaṃ niṭṭhitaṃ.
ਭਿਕ੍ਖੁਨਿવਿਭਙ੍ਗੇ ਸਙ੍ਘਾਦਿਸੇਸਕਣ੍ਡਂ ਨਿਟ੍ਠਿਤਂ।
Bhikkhunivibhaṅge saṅghādisesakaṇḍaṃ niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ੧੦. ਦਸਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 10. Dasamasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੯. ਨવਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 9. Navamasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਛਟ੍ਠਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 6. Chaṭṭhasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੦. ਦਸਮਸਙ੍ਘਾਦਿਸੇਸਸਿਕ੍ਖਾਪਦਂ • 10. Dasamasaṅghādisesasikkhāpadaṃ
