| Library / Tipiṭaka / तिपिटक • Tipiṭaka / भिक्खुनीविभङ्ग-अट्ठकथा • Bhikkhunīvibhaṅga-aṭṭhakathā |
१०. दसमसङ्घादिसेससिक्खापदवण्णना
10. Dasamasaṅghādisesasikkhāpadavaṇṇanā
७२७. दसमे – एवाचाराति एवंआचारा। यादिसो तुम्हाकं आचारो, तादिसा आचाराति अत्थो। एस नयो सब्बत्थ। उञ्ञायाति अवञ्ञाय नीचं कत्वा जाननाय। परिभवेनाति किं इमा करिस्सन्तीति एवं परिभवित्वा जाननेन। अक्खन्तियाति असहनताय; कोधेनाति अत्थो। वेभस्सियाति बलवभस्सभावेन; अत्तनो बलप्पकासनेन समुत्रासनेनाति अत्थो। दुब्बल्याति तुम्हाकं दुब्बलभावेन। सब्बत्थ उञ्ञाय च परिभवेन चाति एवं समुच्चयत्थो दट्ठब्बो। विविच्चथाति विना होथ। सेसं उत्तानमेव सद्धिं समुट्ठानादीहीति।
727. Dasame – evācārāti evaṃācārā. Yādiso tumhākaṃ ācāro, tādisā ācārāti attho. Esa nayo sabbattha. Uññāyāti avaññāya nīcaṃ katvā jānanāya. Paribhavenāti kiṃ imā karissantīti evaṃ paribhavitvā jānanena. Akkhantiyāti asahanatāya; kodhenāti attho. Vebhassiyāti balavabhassabhāvena; attano balappakāsanena samutrāsanenāti attho. Dubbalyāti tumhākaṃ dubbalabhāvena. Sabbattha uññāya ca paribhavena cāti evaṃ samuccayattho daṭṭhabbo. Viviccathāti vinā hotha. Sesaṃ uttānameva saddhiṃ samuṭṭhānādīhīti.
दसमसिक्खापदं।
Dasamasikkhāpadaṃ.
उद्दिट्ठा खो अय्यायो सत्तरस सङ्घादिसेसाति एत्थ छन्नं पठमापत्तिकानं अनन्तरा सञ्चरित्तं, द्वे दुट्ठदोसाति इमानि तीणि सिक्खापदानि महाविभङ्गतो पक्खिपित्वा नव पठमापत्तिका, चतुन्नं यावततियकानं अनन्तरा महाविभङ्गतोपि चत्तारो यावततियके पक्खिपित्वा अट्ठ यावततियका वेदितब्बा। एवं सब्बेपि पातिमोक्खुद्देसमग्गेन उद्दिट्ठा खो अय्यायो सत्तरस सङ्घादिसेसा धम्माति एवमेत्थ अत्थो दट्ठब्बो। सेसं उत्तानमेव अञ्ञत्र पक्खमानत्ता। तं पन खन्धके वित्थारेन वण्णयिस्सामाति।
Uddiṭṭhā kho ayyāyo sattarasa saṅghādisesāti ettha channaṃ paṭhamāpattikānaṃ anantarā sañcarittaṃ, dve duṭṭhadosāti imāni tīṇi sikkhāpadāni mahāvibhaṅgato pakkhipitvā nava paṭhamāpattikā, catunnaṃ yāvatatiyakānaṃ anantarā mahāvibhaṅgatopi cattāro yāvatatiyake pakkhipitvā aṭṭha yāvatatiyakā veditabbā. Evaṃ sabbepi pātimokkhuddesamaggena uddiṭṭhā kho ayyāyo sattarasa saṅghādisesā dhammāti evamettha attho daṭṭhabbo. Sesaṃ uttānameva aññatra pakkhamānattā. Taṃ pana khandhake vitthārena vaṇṇayissāmāti.
समन्तपासादिकाय विनयसंवण्णनाय भिक्खुनीविभङ्गे
Samantapāsādikāya vinayasaṃvaṇṇanāya bhikkhunīvibhaṅge
सत्तरसकवण्णना निट्ठिता।
Sattarasakavaṇṇanā niṭṭhitā.
सङ्घादिसेसकण्डं निट्ठितं।
Saṅghādisesakaṇḍaṃ niṭṭhitaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / भिक्खुनीविभङ्ग • Bhikkhunīvibhaṅga / १०. दसमसङ्घादिसेससिक्खापदं • 10. Dasamasaṅghādisesasikkhāpadaṃ
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ९. नवमसङ्घादिसेससिक्खापदवण्णना • 9. Navamasaṅghādisesasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / ६. छट्ठसङ्घादिसेससिक्खापदवण्णना • 6. Chaṭṭhasaṅghādisesasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / १०. दसमसङ्घादिसेससिक्खापदं • 10. Dasamasaṅghādisesasikkhāpadaṃ
