| Library / Tipiṭaka / ติปิฎก • Tipiṭaka / ภิกฺขุนีวิภงฺค-อฎฺฐกถา • Bhikkhunīvibhaṅga-aṭṭhakathā |
๑๐. ทสมสงฺฆาทิเสสสิกฺขาปทวณฺณนา
10. Dasamasaṅghādisesasikkhāpadavaṇṇanā
๗๒๗. ทสเม – เอวาจาราติ เอวํอาจาราฯ ยาทิโส ตุมฺหากํ อาจาโร, ตาทิสา อาจาราติ อโตฺถฯ เอส นโย สพฺพตฺถฯ อุญฺญายาติ อวญฺญาย นีจํ กตฺวา ชานนายฯ ปริภเวนาติ กิํ อิมา กริสฺสนฺตีติ เอวํ ปริภวิตฺวา ชานเนนฯ อกฺขนฺติยาติ อสหนตาย; โกเธนาติ อโตฺถฯ เวภสฺสิยาติ พลวภสฺสภาเวน; อตฺตโน พลปฺปกาสเนน สมุตฺราสเนนาติ อโตฺถฯ ทุพฺพลฺยาติ ตุมฺหากํ ทุพฺพลภาเวนฯ สพฺพตฺถ อุญฺญาย จ ปริภเวน จาติ เอวํ สมุจฺจยโตฺถ ทฎฺฐโพฺพฯ วิวิจฺจถาติ วินา โหถฯ เสสํ อุตฺตานเมว สทฺธิํ สมุฎฺฐานาทีหีติฯ
727. Dasame – evācārāti evaṃācārā. Yādiso tumhākaṃ ācāro, tādisā ācārāti attho. Esa nayo sabbattha. Uññāyāti avaññāya nīcaṃ katvā jānanāya. Paribhavenāti kiṃ imā karissantīti evaṃ paribhavitvā jānanena. Akkhantiyāti asahanatāya; kodhenāti attho. Vebhassiyāti balavabhassabhāvena; attano balappakāsanena samutrāsanenāti attho. Dubbalyāti tumhākaṃ dubbalabhāvena. Sabbattha uññāya ca paribhavena cāti evaṃ samuccayattho daṭṭhabbo. Viviccathāti vinā hotha. Sesaṃ uttānameva saddhiṃ samuṭṭhānādīhīti.
ทสมสิกฺขาปทํฯ
Dasamasikkhāpadaṃ.
อุทฺทิฎฺฐา โข อยฺยาโย สตฺตรส สงฺฆาทิเสสาติ เอตฺถ ฉนฺนํ ปฐมาปตฺติกานํ อนนฺตรา สญฺจริตฺตํ, เทฺว ทุฎฺฐโทสาติ อิมานิ ตีณิ สิกฺขาปทานิ มหาวิภงฺคโต ปกฺขิปิตฺวา นว ปฐมาปตฺติกา, จตุนฺนํ ยาวตติยกานํ อนนฺตรา มหาวิภงฺคโตปิ จตฺตาโร ยาวตติยเก ปกฺขิปิตฺวา อฎฺฐ ยาวตติยกา เวทิตพฺพาฯ เอวํ สเพฺพปิ ปาติโมกฺขุเทฺทสมเคฺคน อุทฺทิฎฺฐา โข อยฺยาโย สตฺตรส สงฺฆาทิเสสา ธมฺมาติ เอวเมตฺถ อโตฺถ ทฎฺฐโพฺพฯ เสสํ อุตฺตานเมว อญฺญตฺร ปกฺขมานตฺตาฯ ตํ ปน ขนฺธเก วิตฺถาเรน วณฺณยิสฺสามาติฯ
Uddiṭṭhā kho ayyāyo sattarasa saṅghādisesāti ettha channaṃ paṭhamāpattikānaṃ anantarā sañcarittaṃ, dve duṭṭhadosāti imāni tīṇi sikkhāpadāni mahāvibhaṅgato pakkhipitvā nava paṭhamāpattikā, catunnaṃ yāvatatiyakānaṃ anantarā mahāvibhaṅgatopi cattāro yāvatatiyake pakkhipitvā aṭṭha yāvatatiyakā veditabbā. Evaṃ sabbepi pātimokkhuddesamaggena uddiṭṭhā kho ayyāyo sattarasa saṅghādisesā dhammāti evamettha attho daṭṭhabbo. Sesaṃ uttānameva aññatra pakkhamānattā. Taṃ pana khandhake vitthārena vaṇṇayissāmāti.
สมนฺตปาสาทิกาย วินยสํวณฺณนาย ภิกฺขุนีวิภเงฺค
Samantapāsādikāya vinayasaṃvaṇṇanāya bhikkhunīvibhaṅge
สตฺตรสกวณฺณนา นิฎฺฐิตาฯ
Sattarasakavaṇṇanā niṭṭhitā.
สงฺฆาทิเสสกณฺฑํ นิฎฺฐิตํฯ
Saṅghādisesakaṇḍaṃ niṭṭhitaṃ.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga / ๑๐. ทสมสงฺฆาทิเสสสิกฺขาปทํ • 10. Dasamasaṅghādisesasikkhāpadaṃ
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๙. นวมสงฺฆาทิเสสสิกฺขาปทวณฺณนา • 9. Navamasaṅghādisesasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๖. ฉฎฺฐสงฺฆาทิเสสสิกฺขาปทวณฺณนา • 6. Chaṭṭhasaṅghādisesasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi / ๑๐. ทสมสงฺฆาทิเสสสิกฺขาปทํ • 10. Dasamasaṅghādisesasikkhāpadaṃ
