| Library / Tipiṭaka / තිපිටක • Tipiṭaka / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā |
10. දසමසඞ්‌ඝාදිසෙසසික්‌ඛාපදවණ්‌ණනා
10. Dasamasaṅghādisesasikkhāpadavaṇṇanā
727. දසමෙ – එවාචාරාති එවංආචාරා. යාදිසො තුම්‌හාකං ආචාරො, තාදිසා ආචාරාති අත්‌ථො. එස නයො සබ්‌බත්‌ථ. උඤ්‌ඤායාති අවඤ්‌ඤාය නීචං කත්‌වා ජානනාය. පරිභවෙනාති කිං ඉමා කරිස්‌සන්‌තීති එවං පරිභවිත්‌වා ජානනෙන. අක්‌ඛන්‌තියාති අසහනතාය; කොධෙනාති අත්‌ථො. වෙභස්‌සියාති බලවභස්‌සභාවෙන; අත්‌තනො බලප්‌පකාසනෙන සමුත්‍රාසනෙනාති අත්‌ථො. දුබ්‌බල්‍යාති තුම්‌හාකං දුබ්‌බලභාවෙන. සබ්‌බත්‌ථ උඤ්‌ඤාය ච පරිභවෙන චාති එවං සමුච්‌චයත්‌ථො දට්‌ඨබ්‌බො. විවිච්‌චථාති විනා හොථ. සෙසං උත්‌තානමෙව සද්‌ධිං සමුට්‌ඨානාදීහීති.
727. Dasame – evācārāti evaṃācārā. Yādiso tumhākaṃ ācāro, tādisā ācārāti attho. Esa nayo sabbattha. Uññāyāti avaññāya nīcaṃ katvā jānanāya. Paribhavenāti kiṃ imā karissantīti evaṃ paribhavitvā jānanena. Akkhantiyāti asahanatāya; kodhenāti attho. Vebhassiyāti balavabhassabhāvena; attano balappakāsanena samutrāsanenāti attho. Dubbalyāti tumhākaṃ dubbalabhāvena. Sabbattha uññāya ca paribhavena cāti evaṃ samuccayattho daṭṭhabbo. Viviccathāti vinā hotha. Sesaṃ uttānameva saddhiṃ samuṭṭhānādīhīti.
දසමසික්‌ඛාපදං.
Dasamasikkhāpadaṃ.
උද්‌දිට්‌ඨා ඛො අය්‍යායො සත්‌තරස සඞ්‌ඝාදිසෙසාති එත්‌ථ ඡන්‌නං පඨමාපත්‌තිකානං අනන්‌තරා සඤ්‌චරිත්‌තං, ද්‌වෙ දුට්‌ඨදොසාති ඉමානි තීණි සික්‌ඛාපදානි මහාවිභඞ්‌ගතො පක්‌ඛිපිත්‌වා නව පඨමාපත්‌තිකා, චතුන්‌නං යාවතතියකානං අනන්‌තරා මහාවිභඞ්‌ගතොපි චත්‌තාරො යාවතතියකෙ පක්‌ඛිපිත්‌වා අට්‌ඨ යාවතතියකා වෙදිතබ්‌බා. එවං සබ්‌බෙපි පාතිමොක්‌ඛුද්‌දෙසමග්‌ගෙන උද්‌දිට්‌ඨා ඛො අය්‍යායො සත්‌තරස සඞ්‌ඝාදිසෙසා ධම්‌මාති එවමෙත්‌ථ අත්‌ථො දට්‌ඨබ්‌බො. සෙසං උත්‌තානමෙව අඤ්‌ඤත්‍ර පක්‌ඛමානත්‌තා. තං පන ඛන්‌ධකෙ විත්‌ථාරෙන වණ්‌ණයිස්‌සාමාති.
Uddiṭṭhā kho ayyāyo sattarasa saṅghādisesāti ettha channaṃ paṭhamāpattikānaṃ anantarā sañcarittaṃ, dve duṭṭhadosāti imāni tīṇi sikkhāpadāni mahāvibhaṅgato pakkhipitvā nava paṭhamāpattikā, catunnaṃ yāvatatiyakānaṃ anantarā mahāvibhaṅgatopi cattāro yāvatatiyake pakkhipitvā aṭṭha yāvatatiyakā veditabbā. Evaṃ sabbepi pātimokkhuddesamaggena uddiṭṭhā kho ayyāyo sattarasa saṅghādisesā dhammāti evamettha attho daṭṭhabbo. Sesaṃ uttānameva aññatra pakkhamānattā. Taṃ pana khandhake vitthārena vaṇṇayissāmāti.
සමන්‌තපාසාදිකාය විනයසංවණ්‌ණනාය භික්‌ඛුනීවිභඞ්‌ගෙ
Samantapāsādikāya vinayasaṃvaṇṇanāya bhikkhunīvibhaṅge
සත්‌තරසකවණ්‌ණනා නිට්‌ඨිතා.
Sattarasakavaṇṇanā niṭṭhitā.
සඞ්‌ඝාදිසෙසකණ්‌ඩං නිට්‌ඨිතං.
Saṅghādisesakaṇḍaṃ niṭṭhitaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 10. දසමසඞ්‌ඝාදිසෙසසික්‌ඛාපදං • 10. Dasamasaṅghādisesasikkhāpadaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 9. නවමසඞ්‌ඝාදිසෙසසික්‌ඛාපදවණ්‌ණනා • 9. Navamasaṅghādisesasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 6. ඡට්‌ඨසඞ්‌ඝාදිසෙසසික්‌ඛාපදවණ්‌ණනා • 6. Chaṭṭhasaṅghādisesasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 10. දසමසඞ්‌ඝාදිසෙසසික්‌ඛාපදං • 10. Dasamasaṅghādisesasikkhāpadaṃ
