| Library / Tipiṭaka / ཏིཔིཊཀ • Tipiṭaka / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā |
༡༠. དསམསངྒྷཱདིསེསསིཀྑཱཔདཝཎྞནཱ
10. Dasamasaṅghādisesasikkhāpadavaṇṇanā
༧༢༧. དསམེ – ཨེཝཱཙཱརཱཏི ཨེཝཾཨཱཙཱརཱ། ཡཱདིསོ ཏུམྷཱཀཾ ཨཱཙཱརོ, ཏཱདིསཱ ཨཱཙཱརཱཏི ཨཏྠོ། ཨེས ནཡོ སབྦཏྠ། ཨུཉྙཱཡཱཏི ཨཝཉྙཱཡ ནཱིཙཾ ཀཏྭཱ ཛཱནནཱཡ། པརིབྷཝེནཱཏི ཀིཾ ཨིམཱ ཀརིསྶནྟཱིཏི ཨེཝཾ པརིབྷཝིཏྭཱ ཛཱནནེན། ཨཀྑནྟིཡཱཏི ཨསཧནཏཱཡ; ཀོདྷེནཱཏི ཨཏྠོ། ཝེབྷསྶིཡཱཏི བལཝབྷསྶབྷཱཝེན; ཨཏྟནོ བལཔྤཀཱསནེན སམུཏྲཱསནེནཱཏི ཨཏྠོ། དུབྦལྱཱཏི ཏུམྷཱཀཾ དུབྦལབྷཱཝེན། སབྦཏྠ ཨུཉྙཱཡ ཙ པརིབྷཝེན ཙཱཏི ཨེཝཾ སམུཙྩཡཏྠོ དཊྛབྦོ། ཝིཝིཙྩཐཱཏི ཝིནཱ ཧོཐ། སེསཾ ཨུཏྟཱནམེཝ སདྡྷིཾ སམུཊྛཱནཱདཱིཧཱིཏི།
727. Dasame – evācārāti evaṃācārā. Yādiso tumhākaṃ ācāro, tādisā ācārāti attho. Esa nayo sabbattha. Uññāyāti avaññāya nīcaṃ katvā jānanāya. Paribhavenāti kiṃ imā karissantīti evaṃ paribhavitvā jānanena. Akkhantiyāti asahanatāya; kodhenāti attho. Vebhassiyāti balavabhassabhāvena; attano balappakāsanena samutrāsanenāti attho. Dubbalyāti tumhākaṃ dubbalabhāvena. Sabbattha uññāya ca paribhavena cāti evaṃ samuccayattho daṭṭhabbo. Viviccathāti vinā hotha. Sesaṃ uttānameva saddhiṃ samuṭṭhānādīhīti.
དསམསིཀྑཱཔདཾ།
Dasamasikkhāpadaṃ.
ཨུདྡིཊྛཱ ཁོ ཨཡྻཱཡོ སཏྟརས སངྒྷཱདིསེསཱཏི ཨེཏྠ ཚནྣཾ པཋམཱཔཏྟིཀཱནཾ ཨནནྟརཱ སཉྩརིཏྟཾ, དྭེ དུཊྛདོསཱཏི ཨིམཱནི ཏཱིཎི སིཀྑཱཔདཱནི མཧཱཝིབྷངྒཏོ པཀྑིཔིཏྭཱ ནཝ པཋམཱཔཏྟིཀཱ, ཙཏུནྣཾ ཡཱཝཏཏིཡཀཱནཾ ཨནནྟརཱ མཧཱཝིབྷངྒཏོཔི ཙཏྟཱརོ ཡཱཝཏཏིཡཀེ པཀྑིཔིཏྭཱ ཨཊྛ ཡཱཝཏཏིཡཀཱ ཝེདིཏབྦཱ། ཨེཝཾ སབྦེཔི པཱཏིམོཀྑུདྡེསམགྒེན ཨུདྡིཊྛཱ ཁོ ཨཡྻཱཡོ སཏྟརས སངྒྷཱདིསེསཱ དྷམྨཱཏི ཨེཝམེཏྠ ཨཏྠོ དཊྛབྦོ། སེསཾ ཨུཏྟཱནམེཝ ཨཉྙཏྲ པཀྑམཱནཏྟཱ། ཏཾ པན ཁནྡྷཀེ ཝིཏྠཱརེན ཝཎྞཡིསྶཱམཱཏི།
Uddiṭṭhā kho ayyāyo sattarasa saṅghādisesāti ettha channaṃ paṭhamāpattikānaṃ anantarā sañcarittaṃ, dve duṭṭhadosāti imāni tīṇi sikkhāpadāni mahāvibhaṅgato pakkhipitvā nava paṭhamāpattikā, catunnaṃ yāvatatiyakānaṃ anantarā mahāvibhaṅgatopi cattāro yāvatatiyake pakkhipitvā aṭṭha yāvatatiyakā veditabbā. Evaṃ sabbepi pātimokkhuddesamaggena uddiṭṭhā kho ayyāyo sattarasa saṅghādisesā dhammāti evamettha attho daṭṭhabbo. Sesaṃ uttānameva aññatra pakkhamānattā. Taṃ pana khandhake vitthārena vaṇṇayissāmāti.
སམནྟཔཱསཱདིཀཱཡ ཝིནཡསཾཝཎྞནཱཡ བྷིཀྑུནཱིཝིབྷངྒེ
Samantapāsādikāya vinayasaṃvaṇṇanāya bhikkhunīvibhaṅge
སཏྟརསཀཝཎྞནཱ ནིཊྛིཏཱ།
Sattarasakavaṇṇanā niṭṭhitā.
སངྒྷཱདིསེསཀཎྜཾ ནིཊྛིཏཾ།
Saṅghādisesakaṇḍaṃ niṭṭhitaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༡༠. དསམསངྒྷཱདིསེསསིཀྑཱཔདཾ • 10. Dasamasaṅghādisesasikkhāpadaṃ
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / ༩. ནཝམསངྒྷཱདིསེསསིཀྑཱཔདཝཎྞནཱ • 9. Navamasaṅghādisesasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / ༦. ཚཊྛསངྒྷཱདིསེསསིཀྑཱཔདཝཎྞནཱ • 6. Chaṭṭhasaṅghādisesasikkhāpadavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༡༠. དསམསངྒྷཱདིསེསསིཀྑཱཔདཾ • 10. Dasamasaṅghādisesasikkhāpadaṃ
