| Library / Tipiṭaka / ਤਿਪਿਟਕ • Tipiṭaka / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā |
੧੦. ਦਸਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ
10. Dasamasaṅghādisesasikkhāpadavaṇṇanā
੭੨੭. ਦਸਮੇ – ਏવਾਚਾਰਾਤਿ ਏવਂਆਚਾਰਾ। ਯਾਦਿਸੋ ਤੁਮ੍ਹਾਕਂ ਆਚਾਰੋ, ਤਾਦਿਸਾ ਆਚਾਰਾਤਿ ਅਤ੍ਥੋ। ਏਸ ਨਯੋ ਸਬ੍ਬਤ੍ਥ। ਉਞ੍ਞਾਯਾਤਿ ਅવਞ੍ਞਾਯ ਨੀਚਂ ਕਤ੍વਾ ਜਾਨਨਾਯ। ਪਰਿਭવੇਨਾਤਿ ਕਿਂ ਇਮਾ ਕਰਿਸ੍ਸਨ੍ਤੀਤਿ ਏવਂ ਪਰਿਭવਿਤ੍વਾ ਜਾਨਨੇਨ। ਅਕ੍ਖਨ੍ਤਿਯਾਤਿ ਅਸਹਨਤਾਯ; ਕੋਧੇਨਾਤਿ ਅਤ੍ਥੋ। વੇਭਸ੍ਸਿਯਾਤਿ ਬਲવਭਸ੍ਸਭਾવੇਨ; ਅਤ੍ਤਨੋ ਬਲਪ੍ਪਕਾਸਨੇਨ ਸਮੁਤ੍ਰਾਸਨੇਨਾਤਿ ਅਤ੍ਥੋ। ਦੁਬ੍ਬਲ੍ਯਾਤਿ ਤੁਮ੍ਹਾਕਂ ਦੁਬ੍ਬਲਭਾવੇਨ। ਸਬ੍ਬਤ੍ਥ ਉਞ੍ਞਾਯ ਚ ਪਰਿਭવੇਨ ਚਾਤਿ ਏવਂ ਸਮੁਚ੍ਚਯਤ੍ਥੋ ਦਟ੍ਠਬ੍ਬੋ। વਿવਿਚ੍ਚਥਾਤਿ વਿਨਾ ਹੋਥ। ਸੇਸਂ ਉਤ੍ਤਾਨਮੇવ ਸਦ੍ਧਿਂ ਸਮੁਟ੍ਠਾਨਾਦੀਹੀਤਿ।
727. Dasame – evācārāti evaṃācārā. Yādiso tumhākaṃ ācāro, tādisā ācārāti attho. Esa nayo sabbattha. Uññāyāti avaññāya nīcaṃ katvā jānanāya. Paribhavenāti kiṃ imā karissantīti evaṃ paribhavitvā jānanena. Akkhantiyāti asahanatāya; kodhenāti attho. Vebhassiyāti balavabhassabhāvena; attano balappakāsanena samutrāsanenāti attho. Dubbalyāti tumhākaṃ dubbalabhāvena. Sabbattha uññāya ca paribhavena cāti evaṃ samuccayattho daṭṭhabbo. Viviccathāti vinā hotha. Sesaṃ uttānameva saddhiṃ samuṭṭhānādīhīti.
ਦਸਮਸਿਕ੍ਖਾਪਦਂ।
Dasamasikkhāpadaṃ.
ਉਦ੍ਦਿਟ੍ਠਾ ਖੋ ਅਯ੍ਯਾਯੋ ਸਤ੍ਤਰਸ ਸਙ੍ਘਾਦਿਸੇਸਾਤਿ ਏਤ੍ਥ ਛਨ੍ਨਂ ਪਠਮਾਪਤ੍ਤਿਕਾਨਂ ਅਨਨ੍ਤਰਾ ਸਞ੍ਚਰਿਤ੍ਤਂ, ਦ੍વੇ ਦੁਟ੍ਠਦੋਸਾਤਿ ਇਮਾਨਿ ਤੀਣਿ ਸਿਕ੍ਖਾਪਦਾਨਿ ਮਹਾવਿਭਙ੍ਗਤੋ ਪਕ੍ਖਿਪਿਤ੍વਾ ਨવ ਪਠਮਾਪਤ੍ਤਿਕਾ, ਚਤੁਨ੍ਨਂ ਯਾવਤਤਿਯਕਾਨਂ ਅਨਨ੍ਤਰਾ ਮਹਾવਿਭਙ੍ਗਤੋਪਿ ਚਤ੍ਤਾਰੋ ਯਾવਤਤਿਯਕੇ ਪਕ੍ਖਿਪਿਤ੍વਾ ਅਟ੍ਠ ਯਾવਤਤਿਯਕਾ વੇਦਿਤਬ੍ਬਾ। ਏવਂ ਸਬ੍ਬੇਪਿ ਪਾਤਿਮੋਕ੍ਖੁਦ੍ਦੇਸਮਗ੍ਗੇਨ ਉਦ੍ਦਿਟ੍ਠਾ ਖੋ ਅਯ੍ਯਾਯੋ ਸਤ੍ਤਰਸ ਸਙ੍ਘਾਦਿਸੇਸਾ ਧਮ੍ਮਾਤਿ ਏવਮੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਸੇਸਂ ਉਤ੍ਤਾਨਮੇવ ਅਞ੍ਞਤ੍ਰ ਪਕ੍ਖਮਾਨਤ੍ਤਾ। ਤਂ ਪਨ ਖਨ੍ਧਕੇ વਿਤ੍ਥਾਰੇਨ વਣ੍ਣਯਿਸ੍ਸਾਮਾਤਿ।
Uddiṭṭhā kho ayyāyo sattarasa saṅghādisesāti ettha channaṃ paṭhamāpattikānaṃ anantarā sañcarittaṃ, dve duṭṭhadosāti imāni tīṇi sikkhāpadāni mahāvibhaṅgato pakkhipitvā nava paṭhamāpattikā, catunnaṃ yāvatatiyakānaṃ anantarā mahāvibhaṅgatopi cattāro yāvatatiyake pakkhipitvā aṭṭha yāvatatiyakā veditabbā. Evaṃ sabbepi pātimokkhuddesamaggena uddiṭṭhā kho ayyāyo sattarasa saṅghādisesā dhammāti evamettha attho daṭṭhabbo. Sesaṃ uttānameva aññatra pakkhamānattā. Taṃ pana khandhake vitthārena vaṇṇayissāmāti.
ਸਮਨ੍ਤਪਾਸਾਦਿਕਾਯ વਿਨਯਸਂવਣ੍ਣਨਾਯ ਭਿਕ੍ਖੁਨੀવਿਭਙ੍ਗੇ
Samantapāsādikāya vinayasaṃvaṇṇanāya bhikkhunīvibhaṅge
ਸਤ੍ਤਰਸਕવਣ੍ਣਨਾ ਨਿਟ੍ਠਿਤਾ।
Sattarasakavaṇṇanā niṭṭhitā.
ਸਙ੍ਘਾਦਿਸੇਸਕਣ੍ਡਂ ਨਿਟ੍ਠਿਤਂ।
Saṅghādisesakaṇḍaṃ niṭṭhitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੧੦. ਦਸਮਸਙ੍ਘਾਦਿਸੇਸਸਿਕ੍ਖਾਪਦਂ • 10. Dasamasaṅghādisesasikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੯. ਨવਮਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 9. Navamasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਛਟ੍ਠਸਙ੍ਘਾਦਿਸੇਸਸਿਕ੍ਖਾਪਦવਣ੍ਣਨਾ • 6. Chaṭṭhasaṅghādisesasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੧੦. ਦਸਮਸਙ੍ਘਾਦਿਸੇਸਸਿਕ੍ਖਾਪਦਂ • 10. Dasamasaṅghādisesasikkhāpadaṃ
