| Library / Tipiṭaka / திபிடக • Tipiṭaka / பி⁴க்கு²னீவிப⁴ங்க³ • Bhikkhunīvibhaṅga |
10. த³ஸமஸிக்கா²பத³ங்
10. Dasamasikkhāpadaṃ
778. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன து²ல்லனந்தா³ பி⁴க்கு²னீ ப³ஹுஸ்ஸுதா ஹோதி பா⁴ணிகா விஸாரதா³ பட்டா த⁴ம்மிங் கத²ங் காதுங். ப³ஹூ மனுஸ்ஸா து²ல்லனந்த³ங் பி⁴க்கு²னிங் பயிருபாஸந்தி. தேன கோ² பன ஸமயேன து²ல்லனந்தா³ய பி⁴க்கு²னியா பரிவேணங் உந்த்³ரியதி 1. மனுஸ்ஸா து²ல்லனந்த³ங் பி⁴க்கு²னிங் ஏதத³வோசுங் – ‘‘கிஸ்ஸித³ங் தே, அய்யே, பரிவேணங் உந்த்³ரியதீ’’தி? ‘‘நத்தா²வுஸோ, தா³யகா, நத்தி² காரகா’’தி. அத² கோ² தே மனுஸ்ஸா து²ல்லனந்தா³ய பி⁴க்கு²னியா பரிவேணத்தா²ய ச²ந்த³கங் ஸங்க⁴ரித்வா து²ல்லனந்தா³ய பி⁴க்கு²னியா பரிக்கா²ரங் அத³ங்ஸு. து²ல்லனந்தா³ பி⁴க்கு²னீ தேன ச பரிக்கா²ரேன ஸயம்பி யாசித்வா பே⁴ஸஜ்ஜங் சேதாபெத்வா பரிபு⁴ஞ்ஜி. மனுஸ்ஸா ஜானித்வா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம அய்யா து²ல்லனந்தா³ அஞ்ஞத³த்தி²கேன பரிக்கா²ரேன அஞ்ஞுத்³தி³ஸிகேன புக்³க³லிகேன ஸஞ்ஞாசிகேன அஞ்ஞங் சேதாபெஸ்ஸதீ’’தி…பே॰… ஸச்சங் கிர, பி⁴க்க²வே, து²ல்லனந்தா³ பி⁴க்கு²னீ அஞ்ஞத³த்தி²கேன பரிக்கா²ரேன அஞ்ஞுத்³தி³ஸிகேன புக்³க³லிகேன ஸஞ்ஞாசிகேன அஞ்ஞங் சேதாபேதீதி? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, து²ல்லனந்தா³ பி⁴க்கு²னீ அஞ்ஞத³த்தி²கேன பரிக்கா²ரேன அஞ்ஞுத்³தி³ஸிகேன புக்³க³லிகேன ஸஞ்ஞாசிகேன அஞ்ஞங் சேதாபெஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –
778. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī bahussutā hoti bhāṇikā visāradā paṭṭā dhammiṃ kathaṃ kātuṃ. Bahū manussā thullanandaṃ bhikkhuniṃ payirupāsanti. Tena kho pana samayena thullanandāya bhikkhuniyā pariveṇaṃ undriyati 2. Manussā thullanandaṃ bhikkhuniṃ etadavocuṃ – ‘‘kissidaṃ te, ayye, pariveṇaṃ undriyatī’’ti? ‘‘Natthāvuso, dāyakā, natthi kārakā’’ti. Atha kho te manussā thullanandāya bhikkhuniyā pariveṇatthāya chandakaṃ saṅgharitvā thullanandāya bhikkhuniyā parikkhāraṃ adaṃsu. Thullanandā bhikkhunī tena ca parikkhārena sayampi yācitvā bhesajjaṃ cetāpetvā paribhuñji. Manussā jānitvā ujjhāyanti khiyyanti vipācenti – ‘‘kathañhi nāma ayyā thullanandā aññadatthikena parikkhārena aññuddisikena puggalikena saññācikena aññaṃ cetāpessatī’’ti…pe… saccaṃ kira, bhikkhave, thullanandā bhikkhunī aññadatthikena parikkhārena aññuddisikena puggalikena saññācikena aññaṃ cetāpetīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī aññadatthikena parikkhārena aññuddisikena puggalikena saññācikena aññaṃ cetāpessati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
779. ‘‘யா பன பி⁴க்கு²னீ அஞ்ஞத³த்தி²கேன பரிக்கா²ரேன அஞ்ஞுத்³தி³ஸிகேன புக்³க³லிகேன ஸஞ்ஞாசிகேன அஞ்ஞங் சேதாபெய்ய, நிஸ்ஸக்³கி³யங் பாசித்திய’’ந்தி.
779.‘‘Yā pana bhikkhunī aññadatthikena parikkhārena aññuddisikena puggalikena saññācikena aññaṃ cetāpeyya, nissaggiyaṃ pācittiya’’nti.
780. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.
780.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
அஞ்ஞத³த்தி²கேன பரிக்கா²ரேன அஞ்ஞுத்³தி³ஸிகேனாதி அஞ்ஞஸ்ஸத்தா²ய தி³ன்னேன.
Aññadatthikena parikkhārena aññuddisikenāti aññassatthāya dinnena.
புக்³க³லிகேனாதி ஏகாய பி⁴க்கு²னியா, ந ஸங்க⁴ஸ்ஸ, ந க³ணஸ்ஸ.
Puggalikenāti ekāya bhikkhuniyā, na saṅghassa, na gaṇassa.
ஸஞ்ஞாசிகேனாதி ஸயங் யாசித்வா.
Saññācikenāti sayaṃ yācitvā.
அஞ்ஞங் சேதாபெய்யாதி யங்அத்தா²ய தி³ன்னங் தங் ட²பெத்வா அஞ்ஞங் சேதாபேதி, பயோகே³ து³க்கடங். படிலாபே⁴ன நிஸ்ஸக்³கி³யங் ஹோதி. நிஸ்ஸஜ்ஜிதப்³ப³ங் ஸங்க⁴ஸ்ஸ வா க³ணஸ்ஸ வா ஏகபி⁴க்கு²னியா வா. ஏவஞ்ச பன, பி⁴க்க²வே, நிஸ்ஸஜ்ஜிதப்³ப³ங்…பே॰… ‘‘இத³ங் மே, அய்யே, அஞ்ஞத³த்தி²கேன பரிக்கா²ரேன அஞ்ஞுத்³தி³ஸிகேன புக்³க³லிகேன ஸஞ்ஞாசிகேன அஞ்ஞங் சேதாபிதங் நிஸ்ஸக்³கி³யங், இமாஹங் ஸங்க⁴ஸ்ஸ நிஸ்ஸஜ்ஜாமீ’’தி…பே॰… த³தெ³ய்யாதி…பே॰… த³தெ³ய்யுந்தி…பே॰… அய்யாய த³ம்மீதி.
Aññaṃcetāpeyyāti yaṃatthāya dinnaṃ taṃ ṭhapetvā aññaṃ cetāpeti, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā ekabhikkhuniyā vā. Evañca pana, bhikkhave, nissajjitabbaṃ…pe… ‘‘idaṃ me, ayye, aññadatthikena parikkhārena aññuddisikena puggalikena saññācikena aññaṃ cetāpitaṃ nissaggiyaṃ, imāhaṃ saṅghassa nissajjāmī’’ti…pe… dadeyyāti…pe… dadeyyunti…pe… ayyāya dammīti.
781. அஞ்ஞத³த்தி²கே அஞ்ஞத³த்தி²கஸஞ்ஞா அஞ்ஞங் சேதாபேதி, நிஸ்ஸக்³கி³யங் பாசித்தியங். அஞ்ஞத³த்தி²கே வேமதிகா அஞ்ஞங் சேதாபேதி, நிஸ்ஸக்³கி³யங் பாசித்தியங். அஞ்ஞத³த்தி²கே அனஞ்ஞத³த்தி²கஸஞ்ஞா அஞ்ஞங் சேதாபேதி, நிஸ்ஸக்³கி³யங் பாசித்தியங். நிஸ்ஸட்ட²ங் படிலபி⁴த்வா யதா²தா³னே உபனேதப்³ப³ங்.
781. Aññadatthike aññadatthikasaññā aññaṃ cetāpeti, nissaggiyaṃ pācittiyaṃ. Aññadatthike vematikā aññaṃ cetāpeti, nissaggiyaṃ pācittiyaṃ. Aññadatthike anaññadatthikasaññā aññaṃ cetāpeti, nissaggiyaṃ pācittiyaṃ. Nissaṭṭhaṃ paṭilabhitvā yathādāne upanetabbaṃ.
அனஞ்ஞத³த்தி²கே அஞ்ஞத³த்தி²கஸஞ்ஞா, ஆபத்தி து³க்கடஸ்ஸ. அனஞ்ஞத³த்தி²கே வேமதிகா, ஆபத்தி து³க்கடஸ்ஸ. அனஞ்ஞத³த்தி²கே அனஞ்ஞத³த்தி²கஸஞ்ஞா, அனாபத்தி.
Anaññadatthike aññadatthikasaññā, āpatti dukkaṭassa. Anaññadatthike vematikā, āpatti dukkaṭassa. Anaññadatthike anaññadatthikasaññā, anāpatti.
782. அனாபத்தி ஸேஸகங் உபனேதி, ஸாமிகே அபலோகெத்வா உபனேதி, ஆபதா³ஸு, உம்மத்திகாய, ஆதி³கம்மிகாயாதி.
782. Anāpatti sesakaṃ upaneti, sāmike apaloketvā upaneti, āpadāsu, ummattikāya, ādikammikāyāti.
த³ஸமஸிக்கா²பத³ங் நிட்டி²தங்.
Dasamasikkhāpadaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / த³ஸமனிஸ்ஸக்³கி³யபாசித்தியஸிக்கா²பத³வண்ணனா • Dasamanissaggiyapācittiyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 10. த³ஸமனிஸ்ஸக்³கி³யபாசித்தியஸிக்கா²பத³வண்ணனா • 10. Dasamanissaggiyapācittiyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 2. து³தியனிஸ்ஸக்³கி³யாதி³பாசித்தியஸிக்கா²பத³வண்ணனா • 2. Dutiyanissaggiyādipācittiyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 10. த³ஸமனிஸ்ஸக்³கி³யபாசித்தியஸிக்கா²பத³ங் • 10. Dasamanissaggiyapācittiyasikkhāpadaṃ
