| Library / Tipiṭaka / திபிடக • Tipiṭaka / பி⁴க்கு²னீவிப⁴ங்க³ • Bhikkhunīvibhaṅga |
10. த³ஸமஸிக்கா²பத³ங்
10. Dasamasikkhāpadaṃ
1062. தேன ஸமயேன பு³த்³தோ⁴ ப⁴க³வா ஸாவத்தி²யங் விஹரதி ஜேதவனே அனாத²பிண்டி³கஸ்ஸ ஆராமே. தேன கோ² பன ஸமயேன அஞ்ஞதரா பி⁴க்கு²னீ பஸாகே² ஜாதங் க³ண்ட³ங் புரிஸேன ஸத்³தி⁴ங் ஏகேனேகா பே⁴தா³பேஸி. அத² கோ² ஸோ புரிஸோ தங் பி⁴க்கு²னிங் தூ³ஸேதுங் உபக்கமி. ஸா விஸ்ஸரமகாஸி. பி⁴க்கு²னியோ உபதா⁴வித்வா தங் பி⁴க்கு²னிங் ஏதத³வோசுங் – ‘‘கிஸ்ஸ த்வங், அய்யே, விஸ்ஸரமகாஸீ’’தி? அத² கோ² ஸா பி⁴க்கு²னீ பி⁴க்கு²னீனங் ஏதமத்த²ங் ஆரோசேஸி. யா தா பி⁴க்கு²னியோ அப்பிச்சா²…பே॰… தா உஜ்ஜா²யந்தி கி²ய்யந்தி விபாசெந்தி – ‘‘கத²ஞ்ஹி நாம பி⁴க்கு²னீ பஸாகே² ஜாதங் க³ண்ட³ங் புரிஸேன ஸத்³தி⁴ங் ஏகேனேகா பே⁴தா³பெஸ்ஸதீ’’தி…பே॰… ஸச்சங் கிர, பி⁴க்க²வே, பி⁴க்கு²னீ பஸாகே² ஜாதங் க³ண்ட³ங் புரிஸேன ஸத்³தி⁴ங் ஏகேனேகா பே⁴தா³பேதீதி 1? ‘‘ஸச்சங், ப⁴க³வா’’தி. விக³ரஹி பு³த்³தோ⁴ ப⁴க³வா…பே॰… கத²ஞ்ஹி நாம, பி⁴க்க²வே, பி⁴க்கு²னீ பஸாகே² ஜாதங் க³ண்ட³ங் புரிஸேன ஸத்³தி⁴ங் ஏகேனேகா பே⁴தா³பெஸ்ஸதி! நேதங், பி⁴க்க²வே, அப்பஸன்னானங் வா பஸாதா³ய…பே॰… ஏவஞ்ச பன, பி⁴க்க²வே, பி⁴க்கு²னியோ இமங் ஸிக்கா²பத³ங் உத்³தி³ஸந்து –
1062. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarā bhikkhunī pasākhe jātaṃ gaṇḍaṃ purisena saddhiṃ ekenekā bhedāpesi. Atha kho so puriso taṃ bhikkhuniṃ dūsetuṃ upakkami. Sā vissaramakāsi. Bhikkhuniyo upadhāvitvā taṃ bhikkhuniṃ etadavocuṃ – ‘‘kissa tvaṃ, ayye, vissaramakāsī’’ti? Atha kho sā bhikkhunī bhikkhunīnaṃ etamatthaṃ ārocesi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma bhikkhunī pasākhe jātaṃ gaṇḍaṃ purisena saddhiṃ ekenekā bhedāpessatī’’ti…pe… saccaṃ kira, bhikkhave, bhikkhunī pasākhe jātaṃ gaṇḍaṃ purisena saddhiṃ ekenekā bhedāpetīti 2? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhunī pasākhe jātaṃ gaṇḍaṃ purisena saddhiṃ ekenekā bhedāpessati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1063. ‘‘யா பன பி⁴க்கு²னீ பஸாகே² ஜாதங் க³ண்ட³ங் வா ருதி⁴தங் வா அனபலோகெத்வா ஸங்க⁴ங் வா க³ணங் வா புரிஸேன ஸத்³தி⁴ங் ஏகேனேகா பே⁴தா³பெய்ய வா பா²லாபெய்ய வா தோ⁴வாபெய்ய வா ஆலிம்பாபெய்ய வா ப³ந்தா⁴பெய்ய வா மோசாபெய்ய வா, பாசித்திய’’ந்தி.
1063.‘‘Yā pana bhikkhunī pasākhe jātaṃ gaṇḍaṃ vā rudhitaṃ vā anapaloketvā saṅghaṃ vā gaṇaṃ vā purisena saddhiṃ ekenekā bhedāpeyya vā phālāpeyya vā dhovāpeyya vā ālimpāpeyya vā bandhāpeyya vā mocāpeyya vā, pācittiya’’nti.
1064. யா பனாதி யா யாதி³ஸா…பே॰… பி⁴க்கு²னீதி…பே॰… அயங் இமஸ்மிங் அத்தே² அதி⁴ப்பேதா பி⁴க்கு²னீதி.
1064.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
பஸாக²ங் நாம அதோ⁴னாபி⁴ உப்³ப⁴ஜாணுமண்ட³லங். ஜாதந்தி தத்த² ஜாதங். க³ண்டோ³ நாம யோ கோசி க³ண்டோ³. ருதி⁴தங் நாம யங் கிஞ்சி வணங். அனபலோகெத்வாதி அனாபுச்சா². ஸங்கோ⁴ நாம பி⁴க்கு²னிஸங்கோ⁴ வுச்சதி. க³ணோ நாம ஸம்ப³ஹுலா பி⁴க்கு²னியோ வுச்சந்தி. புரிஸோ நாம மனுஸ்ஸபுரிஸோ, ந யக்கோ², ந பேதோ, ந திரச்சா²னக³தோ, விஞ்ஞூ படிப³லோ தூ³ஸேதுங். ஸத்³தி⁴ந்தி ஏகதோ. ஏகேனேகாதி புரிஸோ சேவ ஹோதி பி⁴க்கு²னீ ச.
Pasākhaṃ nāma adhonābhi ubbhajāṇumaṇḍalaṃ. Jātanti tattha jātaṃ. Gaṇḍo nāma yo koci gaṇḍo. Rudhitaṃ nāma yaṃ kiñci vaṇaṃ. Anapaloketvāti anāpucchā. Saṅgho nāma bhikkhunisaṅgho vuccati. Gaṇo nāma sambahulā bhikkhuniyo vuccanti. Puriso nāma manussapuriso, na yakkho, na peto, na tiracchānagato, viññū paṭibalo dūsetuṃ. Saddhinti ekato. Ekenekāti puriso ceva hoti bhikkhunī ca.
1065. ‘‘பி⁴ந்தா³’’தி ஆணாபேதி, ஆபத்தி து³க்கடஸ்ஸ. பி⁴ன்னே ஆபத்தி பாசித்தியஸ்ஸ. ‘‘பா²லேஹீ’’தி ஆணாபேதி, ஆபத்தி து³க்கடஸ்ஸ. பா²லிதே ஆபத்தி பாசித்தியஸ்ஸ. ‘‘தோ⁴வா’’தி ஆணாபேதி , ஆபத்தி து³க்கடஸ்ஸ. தோ⁴விதே 3 ஆபத்தி பாசித்தியஸ்ஸ. ‘‘ஆலிம்பா’’தி ஆணாபேதி, ஆபத்தி து³க்கடஸ்ஸ. லித்தே 4 ஆபத்தி பாசித்தியஸ்ஸ. ‘‘ப³ந்தா⁴ஹீ’’தி ஆணாபேதி, ஆபத்தி து³க்கடஸ்ஸ. ப³த்³தே⁴ ஆபத்தி பாசித்தியஸ்ஸ. ‘‘மோசேஹீ’’தி ஆணாபேதி, ஆபத்தி து³க்கடஸ்ஸ. முத்தே ஆபத்தி பாசித்தியஸ்ஸ.
1065. ‘‘Bhindā’’ti āṇāpeti, āpatti dukkaṭassa. Bhinne āpatti pācittiyassa. ‘‘Phālehī’’ti āṇāpeti, āpatti dukkaṭassa. Phālite āpatti pācittiyassa. ‘‘Dhovā’’ti āṇāpeti , āpatti dukkaṭassa. Dhovite 5 āpatti pācittiyassa. ‘‘Ālimpā’’ti āṇāpeti, āpatti dukkaṭassa. Litte 6 āpatti pācittiyassa. ‘‘Bandhāhī’’ti āṇāpeti, āpatti dukkaṭassa. Baddhe āpatti pācittiyassa. ‘‘Mocehī’’ti āṇāpeti, āpatti dukkaṭassa. Mutte āpatti pācittiyassa.
1066. அனாபத்தி அபலோகெத்வா பே⁴தா³பேதி வா பா²லாபேதி வா தோ⁴வாபேதி வா ஆலிம்பாபேதி வா ப³ந்தா⁴பேதி வா மோசாபேதி வா, யா காசி விஞ்ஞூ து³தியிகா 7 ஹோதி, உம்மத்திகாய, ஆதி³கம்மிகாயாதி.
1066. Anāpatti apaloketvā bhedāpeti vā phālāpeti vā dhovāpeti vā ālimpāpeti vā bandhāpeti vā mocāpeti vā, yā kāci viññū dutiyikā 8 hoti, ummattikāya, ādikammikāyāti.
த³ஸமஸிக்கா²பத³ங் நிட்டி²தங்.
Dasamasikkhāpadaṃ niṭṭhitaṃ.
ஆராமவக்³கோ³ ச²ட்டோ².
Ārāmavaggo chaṭṭho.
Footnotes:
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā / 10. த³ஸமஸிக்கா²பத³வண்ணனா • 10. Dasamasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மாதி³ஸிக்கா²பத³வண்ணனா • 1. Paṭhamādisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 10. த³ஸமஸிக்கா²பத³ங் • 10. Dasamasikkhāpadaṃ
