| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
10. д̣̇асамасигкаабад̣̇ам̣
10. Dasamasikkhāpadaṃ
833. д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна рааж̇аг̇ахз г̇ираг̇г̇асамаж̇ж̇о ход̇и. чаб̣б̣аг̇г̇ияаа бхигкунияо г̇ираг̇г̇асамаж̇ж̇ам̣ д̣̇ассанааяа аг̇амам̣су. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо нажжамби г̇ийд̇амби ваад̣̇ид̇амби д̣̇ассанааяа г̇ажчиссанд̇и, сзяяат̇ааби г̇ихинияо гаамабхог̇инияо’’д̇и! ассосум̣ ко бхигкунияо д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкунияо нажжамби г̇ийд̇амби ваад̣̇ид̇амби д̣̇ассанааяа г̇ажчиссанд̇ий’’д̇и…бз… сажжам̣ гира, бхигкавз, чаб̣б̣аг̇г̇ияаа бхигкунияо нажжамби г̇ийд̇амби ваад̣̇ид̇амби д̣̇ассанааяа г̇ажчанд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, чаб̣б̣аг̇г̇ияаа бхигкунияо нажжамби г̇ийд̇амби ваад̣̇ид̇амби д̣̇ассанааяа г̇ажчиссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
833. Tena samayena buddho bhagavā rājagahe viharati veḷuvane kalandakanivāpe. Tena kho pana samayena rājagahe giraggasamajjo hoti. Chabbaggiyā bhikkhuniyo giraggasamajjaṃ dassanāya agamaṃsu. Manussā ujjhāyanti khiyyanti vipācenti – ‘‘kathañhi nāma bhikkhuniyo naccampi gītampi vāditampi dassanāya gacchissanti, seyyathāpi gihiniyo kāmabhoginiyo’’ti! Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma chabbaggiyā bhikkhuniyo naccampi gītampi vāditampi dassanāya gacchissantī’’ti…pe… saccaṃ kira, bhikkhave, chabbaggiyā bhikkhuniyo naccampi gītampi vāditampi dassanāya gacchantīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, chabbaggiyā bhikkhuniyo naccampi gītampi vāditampi dassanāya gacchissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
834. ‘‘яаа бана бхигкуний нажжам̣ ваа г̇ийд̇ам̣ ваа ваад̣̇ид̇ам̣ ваа д̣̇ассанааяа г̇ажчзяяа, баажид̇д̇ияа’’нд̇и.
834.‘‘Yāpana bhikkhunī naccaṃ vā gītaṃ vā vāditaṃ vā dassanāya gaccheyya, pācittiya’’nti.
835. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
835.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
нажжам̣ наама яам̣ гин̃жи нажжам̣. г̇ийд̇ам̣ наама яам̣ гин̃жи г̇ийд̇ам̣. ваад̣̇ид̇ам̣ наама яам̣ гин̃жи ваад̣̇ид̇ам̣.
Naccaṃ nāma yaṃ kiñci naccaṃ. Gītaṃ nāma yaṃ kiñci gītaṃ. Vāditaṃ nāma yaṃ kiñci vāditaṃ.
836. д̣̇ассанааяа г̇ажчад̇и, аабад̇д̇и д̣̇уггадасса. яад̇т̇а тид̇аа бассад̇и ваа сун̣аад̇и ваа, аабад̇д̇и баажид̇д̇ияасса. д̣̇ассануубажаарам̣ виж̇ахид̇ваа бунаббунам̣ бассад̇и ваа сун̣аад̇и ваа, аабад̇д̇и баажид̇д̇ияасса. згамзгам̣ д̣̇ассанааяа г̇ажчад̇и, аабад̇д̇и д̣̇уггадасса. яад̇т̇а тид̇аа бассад̇и ваа сун̣аад̇и ваа, аабад̇д̇и баажид̇д̇ияасса. д̣̇ассануубажаарам̣ виж̇ахид̇ваа бунаббунам̣ бассад̇и ваа сун̣аад̇и ваа, аабад̇д̇и баажид̇д̇ияасса.
836. Dassanāya gacchati, āpatti dukkaṭassa. Yattha ṭhitā passati vā suṇāti vā, āpatti pācittiyassa. Dassanūpacāraṃ vijahitvā punappunaṃ passati vā suṇāti vā, āpatti pācittiyassa. Ekamekaṃ dassanāya gacchati, āpatti dukkaṭassa. Yattha ṭhitā passati vā suṇāti vā, āpatti pācittiyassa. Dassanūpacāraṃ vijahitvā punappunaṃ passati vā suṇāti vā, āpatti pācittiyassa.
837. анаабад̇д̇и аараамз тид̇аа бассад̇и ваа сун̣аад̇и ваа, бхигкунияаа тид̇огаасам̣ ваа нисинногаасам̣ ваа нибанногаасам̣ ваа ааг̇анд̇ваа нажжанд̇и ваа г̇ааяанд̇и ваа ваад̣̇знд̇и ваа, бадибат̇ам̣ г̇ажчанд̇ий бассад̇и ваа сун̣аад̇и ваа, сад̇и гаран̣ийяз г̇анд̇ваа бассад̇и ваа сун̣аад̇и ваа, аабад̣̇аасу, уммад̇д̇игааяа, аад̣̇игаммигааяаад̇и.
837. Anāpatti ārāme ṭhitā passati vā suṇāti vā, bhikkhuniyā ṭhitokāsaṃ vā nisinnokāsaṃ vā nipannokāsaṃ vā āgantvā naccanti vā gāyanti vā vādenti vā, paṭipathaṃ gacchantī passati vā suṇāti vā, sati karaṇīye gantvā passati vā suṇāti vā, āpadāsu, ummattikāya, ādikammikāyāti.
д̣̇асамасигкаабад̣̇ам̣ нидтид̇ам̣.
Dasamasikkhāpadaṃ niṭṭhitaṃ.
ласун̣аваг̇г̇о батамо.
Lasuṇavaggo paṭhamo.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 10. д̣̇асамасигкаабад̣̇аван̣н̣анаа • 10. Dasamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. ласун̣аваг̇г̇аван̣н̣анаа • 1. Lasuṇavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. д̣̇асамасигкаабад̣̇аван̣н̣анаа • 10. Dasamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаласун̣аад̣̇исигкаабад̣̇аван̣н̣анаа • 1. Paṭhamalasuṇādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 10. д̣̇асамасигкаабад̣̇ам̣ • 10. Dasamasikkhāpadaṃ
