| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
10. д̣̇асамасигкаабад̣̇ам̣
10. Dasamasikkhāpadaṃ
1115. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇уллананд̣̇аа бхигкуний сахаж̇ийвиним̣ вудтаабзд̇ваа нзва вуубагаасзд̇и на вуубагаасаабзд̇и. саамиго аг̇г̇ахзси. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа сахаж̇ийвиним̣ вудтаабзд̇ваа нзва вуубагаасзссад̇и на вуубагаасаабзссад̇и, саамиго аг̇г̇ахзси ! сажааяам̣ бхигкуний багганд̇аа асса, на жа саамиго г̇ан̣хзяяаа’’д̇и…бз… сажжам̣ гира, бхигкавз, т̇уллананд̣̇аа бхигкуний сахаж̇ийвиним̣ вудтаабзд̇ваа нзва вуубагаасзд̇и на вуубагаасаабзд̇и 1, саамиго аг̇г̇ахзсийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний сахаж̇ийвиним̣ вудтаабзд̇ваа нзва вуубагаасзссад̇и на вуубагаасаабзссад̇и, саамиго аг̇г̇ахзси! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1115. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī sahajīviniṃ vuṭṭhāpetvā neva vūpakāseti na vūpakāsāpeti. Sāmiko aggahesi. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā sahajīviniṃ vuṭṭhāpetvā neva vūpakāsessati na vūpakāsāpessati, sāmiko aggahesi ! Sacāyaṃ bhikkhunī pakkantā assa, na ca sāmiko gaṇheyyā’’ti…pe… saccaṃ kira, bhikkhave, thullanandā bhikkhunī sahajīviniṃ vuṭṭhāpetvā neva vūpakāseti na vūpakāsāpeti 2, sāmiko aggahesīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī sahajīviniṃ vuṭṭhāpetvā neva vūpakāsessati na vūpakāsāpessati, sāmiko aggahesi! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1116. ‘‘яаа бана бхигкуний сахаж̇ийвиним̣ вудтаабзд̇ваа нзва вуубагаасзяяа на вуубагаасаабзяяа анд̇амасо чаббан̃жаяож̇анааниби, баажид̇д̇ияа’’нд̇и.
1116.‘‘Yā pana bhikkhunī sahajīviniṃ vuṭṭhāpetvā neva vūpakāseyya na vūpakāsāpeyya antamaso chappañcayojanānipi, pācittiya’’nti.
1117. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1117.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
сахаж̇ийвиний наама сад̣̇д̇хивихаариний вужжад̇и. вудтаабзд̇ваад̇и убасамбаад̣̇зд̇ваа. нзва вуубагаасзяяаад̇и на саяам̣ вуубагаасзяяа. на вуубагаасаабзяяаад̇и на ан̃н̃ам̣ аан̣аабзяяа. ‘‘нзва вуубагаасзссаами на вуубагаасаабзссаами анд̇амасо чаббан̃жаяож̇анаанибий’’д̇и д̇хурам̣ нигкид̇д̇амад̇д̇з аабад̇д̇и баажид̇д̇ияасса.
Sahajīvinī nāma saddhivihārinī vuccati. Vuṭṭhāpetvāti upasampādetvā. Nevavūpakāseyyāti na sayaṃ vūpakāseyya. Na vūpakāsāpeyyāti na aññaṃ āṇāpeyya. ‘‘Neva vūpakāsessāmi na vūpakāsāpessāmi antamaso chappañcayojanānipī’’ti dhuraṃ nikkhittamatte āpatti pācittiyassa.
1118. анаабад̇д̇и сад̇и анд̇арааяз, бариязсид̇ваа д̣̇уд̇ияигам̣ бхигкуним̣ на лабхад̇и, г̇илаанааяа, аабад̣̇аасу, уммад̇д̇игааяа, аад̣̇игаммигааяаад̇и.
1118. Anāpatti sati antarāye, pariyesitvā dutiyikaṃ bhikkhuniṃ na labhati, gilānāya, āpadāsu, ummattikāya, ādikammikāyāti.
д̣̇асамасигкаабад̣̇ам̣ нидтид̇ам̣.
Dasamasikkhāpadaṃ niṭṭhitaṃ.
г̇аб̣бхиниваг̇г̇о сад̇д̇амо.
Gabbhinivaggo sattamo.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 10. д̣̇асамасигкаабад̣̇аван̣н̣анаа • 10. Dasamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 10. д̣̇асамасигкаабад̣̇ам̣ • 10. Dasamasikkhāpadaṃ
