| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๑๐. ทสมสิกฺขาปทํ
10. Dasamasikkhāpadaṃ
๘๓๕. ทสเม โสณฺฑา วาติ สุราโสณฺฑา วาฯ โมโรติ มยูโรฯ สุโวติ สุโกฯ มกฺกโฎติ วานโรฯ อาทิสเทฺทน สปฺปาทโย สงฺคณฺหาติ, มกฺกฎาทโยปิ นจฺจนฺตูติ สมฺพโนฺธฯ อสํยตภิกฺขูนนฺติ วาจสิกกเมฺม อสํยตานํ ภิกฺขูนํ, ธมฺมภาณกคีตํ วา โหตูติ โยชนาฯ ตนฺติยา คุเณน พทฺธา ตนฺติพทฺธาฯ ‘‘ภิ’’นฺติสงฺขาโต ราสโทฺท เอติสฺสาติ เภริฯ กุเฎน กตา เภริ กุฎเภริ, ตาย วาทิตํ กุฎเภริวาทิตํ, ตํ วาฯ อุทกเภรีติ อุทเกน ปกฺขิตฺตา เภริ, ตาย วาทิตมฺปิ โหตูติ สมฺพโนฺธฯ
835. Dasame soṇḍā vāti surāsoṇḍā vā. Moroti mayūro. Suvoti suko. Makkaṭoti vānaro. Ādisaddena sappādayo saṅgaṇhāti, makkaṭādayopi naccantūti sambandho. Asaṃyatabhikkhūnanti vācasikakamme asaṃyatānaṃ bhikkhūnaṃ, dhammabhāṇakagītaṃ vā hotūti yojanā. Tantiyā guṇena baddhā tantibaddhā. ‘‘Bhi’’ntisaṅkhāto rāsaddo etissāti bheri. Kuṭena katā bheri kuṭabheri, tāya vāditaṃ kuṭabherivāditaṃ, taṃ vā. Udakabherīti udakena pakkhittā bheri, tāya vāditampi hotūti sambandho.
๘๓๖. เตสํเยวาติ เยสํ นจฺจํ ปสฺสติ, เตสํเยวฯ ยทิ ปน นจฺจคีตวาทิเต วิสุํ วิสุํ ปสฺสติ สุณาติ, ปาเฎกฺกา อาปตฺติโยติ ทเสฺสโนฺต อาห ‘‘สเจ ปนา’’ติอาทิฯ อญฺญโตติ อญฺญโต เทสโต, ปสฺสตีติ สมฺพโนฺธฯ ‘‘โอโลเกตฺวา’’ติ ปเท อเปกฺขิเต อุปโยคเตฺถ โตปจฺจโย โหติฯ อญฺญํ โอโลเกตฺวาติ หิ อโตฺถฯ อญฺญโต วาเทเนฺต ปสฺสตีติ โยชนาฯ ภิกฺขุนี น ลภตีติ สมฺพโนฺธฯ อเญฺญ วตฺตุมฺปีติ สมฺพโนฺธฯ อุปหารนฺติ ปูชํฯ อุปฎฺฐานนฺติ ปาริจริยํฯ สพฺพตฺถาติ สเพฺพสุ สยํ นจฺจาทีสุฯ
836.Tesaṃyevāti yesaṃ naccaṃ passati, tesaṃyeva. Yadi pana naccagītavādite visuṃ visuṃ passati suṇāti, pāṭekkā āpattiyoti dassento āha ‘‘sace panā’’tiādi. Aññatoti aññato desato, passatīti sambandho. ‘‘Oloketvā’’ti pade apekkhite upayogatthe topaccayo hoti. Aññaṃ oloketvāti hi attho. Aññato vādente passatīti yojanā. Bhikkhunī na labhatīti sambandho. Aññe vattumpīti sambandho. Upahāranti pūjaṃ. Upaṭṭhānanti pāricariyaṃ. Sabbatthāti sabbesu sayaṃ naccādīsu.
๘๓๗. อนฺตราราเม วาติ อารามสฺส อนฺตเร วาฯ พหิอาราเม วาติ อารามสฺส พหิ วาฯ อเญฺญน วาติ สลากภตฺตาทีหิ อเญฺญน วาฯ ตาทิเสนาติ ยาทิโส โจราทิอุปทฺทโว, ตาทิเสนาติฯ ทสมํฯ
837.Antarārāme vāti ārāmassa antare vā. Bahiārāme vāti ārāmassa bahi vā. Aññena vāti salākabhattādīhi aññena vā. Tādisenāti yādiso corādiupaddavo, tādisenāti. Dasamaṃ.
ลสุณวโคฺค ปฐโมฯ
Lasuṇavaggo paṭhamo.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga / ๑๐. ทสมสิกฺขาปทํ • 10. Dasamasikkhāpadaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ภิกฺขุนีวิภงฺค-อฎฺฐกถา • Bhikkhunīvibhaṅga-aṭṭhakathā / ๑๐. ทสมสิกฺขาปทวณฺณนา • 10. Dasamasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๑. ลสุณวคฺควณฺณนา • 1. Lasuṇavaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วชิรพุทฺธิ-ฎีกา • Vajirabuddhi-ṭīkā / ๑๐. ทสมสิกฺขาปทวณฺณนา • 10. Dasamasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๑. ปฐมลสุณาทิสิกฺขาปทวณฺณนา • 1. Paṭhamalasuṇādisikkhāpadavaṇṇanā
