| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
10. දසමසික්‌ඛාපදං
10. Dasamasikkhāpadaṃ
1062. දසමෙ ද්‌වෙ කායා උපරිමකායො හෙට්‌ඨිමකායොති. තත්‌ථ කටිතො උද්‌ධං උපරිමකායො, හෙට්‌ඨා හෙට්‌ඨිමකායො. තත්‌ථ ‘‘පසාඛෙ’’ති ඉදං හෙට්‌ඨිමකායස්‌ස නාමන්‌ති ආහ ‘‘අධොකායෙ’’ති. හීති සච්‌චං. තතොති අධොකායතො. ඉමිනා පඤ්‌චමීබාහිරත්‌ථසමාසං දස්‌සෙති. රුක්‌ඛස්‌ස සාඛා පභිජ්‌ජිත්‌වා ගතා විය උභො ඌරූ පභිජ්‌ජිත්‌වා ගතාති යොජනා.
1062. Dasame dve kāyā uparimakāyo heṭṭhimakāyoti. Tattha kaṭito uddhaṃ uparimakāyo, heṭṭhā heṭṭhimakāyo. Tattha ‘‘pasākhe’’ti idaṃ heṭṭhimakāyassa nāmanti āha ‘‘adhokāye’’ti. Hīti saccaṃ. Tatoti adhokāyato. Iminā pañcamībāhiratthasamāsaṃ dasseti. Rukkhassa sākhā pabhijjitvā gatā viya ubho ūrū pabhijjitvā gatāti yojanā.
1065. ඵාලෙහීති එත්‌ථ ඉතිසද්‌දො ආද්‍යත්‌ථො. තෙන ‘‘ධොවා’’තිආදීනි චත්‌තාරි පදානි සඞ්‌ගණ්‌හාති. ආණත්‌තිදුක්‌කටානීති හෙට්‌ඨා වුත්‌තෙසු අට්‌ඨසු දුක්‌කටෙසු විනයදුක්‌කටමෙව. සෙසෙසූති භින්‌දනතො සෙසෙසු ඵාලනාදීසූති. දසමං.
1065.Phālehīti ettha itisaddo ādyattho. Tena ‘‘dhovā’’tiādīni cattāri padāni saṅgaṇhāti. Āṇattidukkaṭānīti heṭṭhā vuttesu aṭṭhasu dukkaṭesu vinayadukkaṭameva. Sesesūti bhindanato sesesu phālanādīsūti. Dasamaṃ.
ආරාමවග්‌ගො ඡට්‌ඨො.
Ārāmavaggo chaṭṭho.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 10. දසමසික්‌ඛාපදං • 10. Dasamasikkhāpadaṃ
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā / 10. දසමසික්‌ඛාපදවණ්‌ණනා • 10. Dasamasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 1. පඨමාදිසික්‌ඛාපදවණ්‌ණනා • 1. Paṭhamādisikkhāpadavaṇṇanā
