| Library / Tipiṭaka / திபிடக • Tipiṭaka / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā |
10. த³ஸமஸிக்கா²பத³வண்ணனா
10. Dasamasikkhāpadavaṇṇanā
1164. த³ஸமே – அனாபுச்சா²தி அனாபுச்சி²த்வா. பி⁴க்கு²னீஹி த்³விக்க²த்துங் ஆபுச்சி²தப்³ப³ங் – பப்³ப³ஜ்ஜாகாலே ச உபஸம்பதா³காலே ச, பி⁴க்கூ²னங் பன ஸகிங் ஆபுச்சி²தேபி வட்டதி.
1164. Dasame – anāpucchāti anāpucchitvā. Bhikkhunīhi dvikkhattuṃ āpucchitabbaṃ – pabbajjākāle ca upasampadākāle ca, bhikkhūnaṃ pana sakiṃ āpucchitepi vaṭṭati.
1165. அஜானந்தீதி மாதாதீ³னங் அத்தி²பா⁴வங் அஜானந்தீ. ஸேஸங் உத்தானமேவ. இத³ங் அபுப்³ப³ஸமுட்டா²னஸீஸங். சதுஸமுட்டா²னங் – வாசதோ காயவாசதோ வாசாசித்ததோ காயவாசாசித்ததோ ச ஸமுட்டா²தி. கத²ங்? அப்³பா⁴னகம்மாதீ³ஸு கேனசிதே³வ கரணீயேன க²ண்ட³ஸீமாயங் நிஸின்னா ‘‘பக்கோஸத² ஸிக்க²மானங், இதே⁴வ நங் உபஸம்பாதெ³ஸ்ஸாமா’’தி உபஸம்பாதே³தி; ஏவங் வாசதோ ஸமுட்டா²தி. உபஸ்ஸயதோ பட்டா²ய உபஸம்பாதெ³ஸ்ஸாமீதி வத்வா க²ண்ட³ஸீமங் க³ச்ச²ந்தியா காயவாசதோ ஸமுட்டா²தி. த்³வீஸுபி டா²னேஸு பண்ணத்திபா⁴வங் ஜானித்வாவ வீதிக்கமங் கரொந்தியா வாசாசித்ததோ காயவாசாசித்ததோ ச ஸமுட்டா²தி. அனநுஜானாபெத்வா உபஸம்பாத³னதோ கிரியாகிரியங், நோஸஞ்ஞாவிமொக்க²ங், அசித்தகங், பண்ணத்திவஜ்ஜங், காயகம்மங், வசீகம்மங், திசித்தங், திவேத³னந்தி.
1165.Ajānantīti mātādīnaṃ atthibhāvaṃ ajānantī. Sesaṃ uttānameva. Idaṃ apubbasamuṭṭhānasīsaṃ. Catusamuṭṭhānaṃ – vācato kāyavācato vācācittato kāyavācācittato ca samuṭṭhāti. Kathaṃ? Abbhānakammādīsu kenacideva karaṇīyena khaṇḍasīmāyaṃ nisinnā ‘‘pakkosatha sikkhamānaṃ, idheva naṃ upasampādessāmā’’ti upasampādeti; evaṃ vācato samuṭṭhāti. Upassayato paṭṭhāya upasampādessāmīti vatvā khaṇḍasīmaṃ gacchantiyā kāyavācato samuṭṭhāti. Dvīsupi ṭhānesu paṇṇattibhāvaṃ jānitvāva vītikkamaṃ karontiyā vācācittato kāyavācācittato ca samuṭṭhāti. Ananujānāpetvā upasampādanato kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
த³ஸமஸிக்கா²பத³ங்.
Dasamasikkhāpadaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 10. த³ஸமஸிக்கா²பத³ங் • 10. Dasamasikkhāpadaṃ
