| Library / Tipiṭaka / তিপিটক • Tipiṭaka / ভিক্খুনীৰিভঙ্গ-অট্ঠকথা • Bhikkhunīvibhaṅga-aṭṭhakathā |
১০. দসমসিক্খাপদৰণ্ণনা
10. Dasamasikkhāpadavaṇṇanā
১১৬৪. দসমে – অনাপুচ্ছাতি অনাপুচ্ছিত্ৰা। ভিক্খুনীহি দ্ৰিক্খত্তুং আপুচ্ছিতব্বং – পব্বজ্জাকালে চ উপসম্পদাকালে চ, ভিক্খূনং পন সকিং আপুচ্ছিতেপি ৰট্টতি।
1164. Dasame – anāpucchāti anāpucchitvā. Bhikkhunīhi dvikkhattuṃ āpucchitabbaṃ – pabbajjākāle ca upasampadākāle ca, bhikkhūnaṃ pana sakiṃ āpucchitepi vaṭṭati.
১১৬৫. অজানন্তীতি মাতাদীনং অত্থিভাৰং অজানন্তী। সেসং উত্তানমেৰ। ইদং অপুব্বসমুট্ঠানসীসং। চতুসমুট্ঠানং – ৰাচতো কাযৰাচতো ৰাচাচিত্ততো কাযৰাচাচিত্ততো চ সমুট্ঠাতি। কথং? অব্ভানকম্মাদীসু কেনচিদেৰ করণীযেন খণ্ডসীমাযং নিসিন্না ‘‘পক্কোসথ সিক্খমানং, ইধেৰ নং উপসম্পাদেস্সামা’’তি উপসম্পাদেতি; এৰং ৰাচতো সমুট্ঠাতি। উপস্সযতো পট্ঠায উপসম্পাদেস্সামীতি ৰত্ৰা খণ্ডসীমং গচ্ছন্তিযা কাযৰাচতো সমুট্ঠাতি। দ্ৰীসুপি ঠানেসু পণ্ণত্তিভাৰং জানিত্ৰাৰ ৰীতিক্কমং করোন্তিযা ৰাচাচিত্ততো কাযৰাচাচিত্ততো চ সমুট্ঠাতি। অননুজানাপেত্ৰা উপসম্পাদনতো কিরিযাকিরিযং, নোসঞ্ঞাৰিমোক্খং, অচিত্তকং, পণ্ণত্তিৰজ্জং, কাযকম্মং, ৰচীকম্মং, তিচিত্তং, তিৰেদনন্তি।
1165.Ajānantīti mātādīnaṃ atthibhāvaṃ ajānantī. Sesaṃ uttānameva. Idaṃ apubbasamuṭṭhānasīsaṃ. Catusamuṭṭhānaṃ – vācato kāyavācato vācācittato kāyavācācittato ca samuṭṭhāti. Kathaṃ? Abbhānakammādīsu kenacideva karaṇīyena khaṇḍasīmāyaṃ nisinnā ‘‘pakkosatha sikkhamānaṃ, idheva naṃ upasampādessāmā’’ti upasampādeti; evaṃ vācato samuṭṭhāti. Upassayato paṭṭhāya upasampādessāmīti vatvā khaṇḍasīmaṃ gacchantiyā kāyavācato samuṭṭhāti. Dvīsupi ṭhānesu paṇṇattibhāvaṃ jānitvāva vītikkamaṃ karontiyā vācācittato kāyavācācittato ca samuṭṭhāti. Ananujānāpetvā upasampādanato kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
দসমসিক্খাপদং।
Dasamasikkhāpadaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / ভিক্খুনীৰিভঙ্গ • Bhikkhunīvibhaṅga / ১০. দসমসিক্খাপদং • 10. Dasamasikkhāpadaṃ
