| Library / Tipiṭaka / තිපිටක • Tipiṭaka / භික්‌ඛුනීවිභඞ්‌ග-අට්‌ඨකථා • Bhikkhunīvibhaṅga-aṭṭhakathā |
10. දසමසික්‌ඛාපදවණ්‌ණනා
10. Dasamasikkhāpadavaṇṇanā
1062. දසමෙ – පසාඛෙති අධොකායෙ. අධොකායො හි යස්‌මා තතො රුක්‌ඛස්‌ස සාඛා විය උභො ඌරූ පභිජ්‌ජිත්‌වා ගතා, තස්‌මා පසාඛොති වුච්‌චති.
1062. Dasame – pasākheti adhokāye. Adhokāyo hi yasmā tato rukkhassa sākhā viya ubho ūrū pabhijjitvā gatā, tasmā pasākhoti vuccati.
1065. භින්‌දාතිආදීසු සචෙ ‘‘භින්‌ද, ඵාලෙහී’’ති සබ්‌බානි ආණාපෙති, සො ච තථෙව කරොති, ඡ ආණත්‌තිදුක්‌කටානි ඡ ච පාචිත්‌තියානි ආපජ්‌ජති. අථාපි එවං ආණාපෙති – ‘‘උපාසක, යංකිඤ්‌චි එත්‌ථ කාතබ්‌බං, තං සබ්‌බං කරොහී’’ති, සො ච සබ්‌බානිපි භෙදනාදීනි කරොති; එකවාචාය ඡ දුක්‌කටානි ඡ පාචිත්‌තියානීති ද්‌වාදස ආපත්‌තියො. සචෙ පන භෙදනාදීසුපි එකංයෙව වත්‌වා ‘‘ඉදං කරොහී’’ති ආණාපෙති, සො ච සබ්‌බානි කරොති, යං ආණත්‌තං, තස්‌සෙව කරණෙ පාචිත්‌තියං. සෙසෙසු අනාපත්‌ති. සෙසං උත්‌තානමෙව.
1065.Bhindātiādīsu sace ‘‘bhinda, phālehī’’ti sabbāni āṇāpeti, so ca tatheva karoti, cha āṇattidukkaṭāni cha ca pācittiyāni āpajjati. Athāpi evaṃ āṇāpeti – ‘‘upāsaka, yaṃkiñci ettha kātabbaṃ, taṃ sabbaṃ karohī’’ti, so ca sabbānipi bhedanādīni karoti; ekavācāya cha dukkaṭāni cha pācittiyānīti dvādasa āpattiyo. Sace pana bhedanādīsupi ekaṃyeva vatvā ‘‘idaṃ karohī’’ti āṇāpeti, so ca sabbāni karoti, yaṃ āṇattaṃ, tasseva karaṇe pācittiyaṃ. Sesesu anāpatti. Sesaṃ uttānameva.
කථිනසමුට්‌ඨානං – කිරියාකිරියං, නොසඤ්‌ඤාවිමොක්‌ඛං , අචිත්‌තකං, පණ්‌ණත්‌තිවජ්‌ජං, කායකම්‌මං, වචීකම්‌මං, තිචිත්‌තං, තිවෙදනන්‌ති.
Kathinasamuṭṭhānaṃ – kiriyākiriyaṃ, nosaññāvimokkhaṃ , acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
දසමසික්‌ඛාපදං.
Dasamasikkhāpadaṃ.
ආරාමවග්‌ගො ඡට්‌ඨො.
Ārāmavaggo chaṭṭho.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga / 10. දසමසික්‌ඛාපදං • 10. Dasamasikkhāpadaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 1. පඨමාදිසික්‌ඛාපදවණ්‌ණනා • 1. Paṭhamādisikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 10. දසමසික්‌ඛාපදං • 10. Dasamasikkhāpadaṃ
