| Library / Tipiṭaka / ཏིཔིཊཀ • Tipiṭaka / བྷིཀྑུནཱིཝིབྷངྒ-ཨཊྛཀཐཱ • Bhikkhunīvibhaṅga-aṭṭhakathā |
༡༠. དསམསིཀྑཱཔདཝཎྞནཱ
10. Dasamasikkhāpadavaṇṇanā
༡༡༦༤. དསམེ – ཨནཱཔུཙྪཱཏི ཨནཱཔུཙྪིཏྭཱ། བྷིཀྑུནཱིཧི དྭིཀྑཏྟུཾ ཨཱཔུཙྪིཏབྦཾ – པབྦཛྫཱཀཱལེ ཙ ཨུཔསམྤདཱཀཱལེ ཙ, བྷིཀྑཱུནཾ པན སཀིཾ ཨཱཔུཙྪིཏེཔི ཝཊྚཏི།
1164. Dasame – anāpucchāti anāpucchitvā. Bhikkhunīhi dvikkhattuṃ āpucchitabbaṃ – pabbajjākāle ca upasampadākāle ca, bhikkhūnaṃ pana sakiṃ āpucchitepi vaṭṭati.
༡༡༦༥. ཨཛཱནནྟཱིཏི མཱཏཱདཱིནཾ ཨཏྠིབྷཱཝཾ ཨཛཱནནྟཱི། སེསཾ ཨུཏྟཱནམེཝ། ཨིདཾ ཨཔུབྦསམུཊྛཱནསཱིསཾ། ཙཏུསམུཊྛཱནཾ – ཝཱཙཏོ ཀཱཡཝཱཙཏོ ཝཱཙཱཙིཏྟཏོ ཀཱཡཝཱཙཱཙིཏྟཏོ ཙ སམུཊྛཱཏི། ཀཐཾ? ཨབྦྷཱནཀམྨཱདཱིསུ ཀེནཙིདེཝ ཀརཎཱིཡེན ཁཎྜསཱིམཱཡཾ ནིསིནྣཱ ‘‘པཀྐོསཐ སིཀྑམཱནཾ, ཨིདྷེཝ ནཾ ཨུཔསམྤཱདེསྶཱམཱ’’ཏི ཨུཔསམྤཱདེཏི; ཨེཝཾ ཝཱཙཏོ སམུཊྛཱཏི། ཨུཔསྶཡཏོ པཊྛཱཡ ཨུཔསམྤཱདེསྶཱམཱིཏི ཝཏྭཱ ཁཎྜསཱིམཾ གཙྪནྟིཡཱ ཀཱཡཝཱཙཏོ སམུཊྛཱཏི། དྭཱིསུཔི ཋཱནེསུ པཎྞཏྟིབྷཱཝཾ ཛཱནིཏྭཱཝ ཝཱིཏིཀྐམཾ ཀརོནྟིཡཱ ཝཱཙཱཙིཏྟཏོ ཀཱཡཝཱཙཱཙིཏྟཏོ ཙ སམུཊྛཱཏི། ཨནནུཛཱནཱཔེཏྭཱ ཨུཔསམྤཱདནཏོ ཀིརིཡཱཀིརིཡཾ, ནོསཉྙཱཝིམོཀྑཾ, ཨཙིཏྟཀཾ, པཎྞཏྟིཝཛྫཾ, ཀཱཡཀམྨཾ, ཝཙཱིཀམྨཾ, ཏིཙིཏྟཾ, ཏིཝེདནནྟི།
1165.Ajānantīti mātādīnaṃ atthibhāvaṃ ajānantī. Sesaṃ uttānameva. Idaṃ apubbasamuṭṭhānasīsaṃ. Catusamuṭṭhānaṃ – vācato kāyavācato vācācittato kāyavācācittato ca samuṭṭhāti. Kathaṃ? Abbhānakammādīsu kenacideva karaṇīyena khaṇḍasīmāyaṃ nisinnā ‘‘pakkosatha sikkhamānaṃ, idheva naṃ upasampādessāmā’’ti upasampādeti; evaṃ vācato samuṭṭhāti. Upassayato paṭṭhāya upasampādessāmīti vatvā khaṇḍasīmaṃ gacchantiyā kāyavācato samuṭṭhāti. Dvīsupi ṭhānesu paṇṇattibhāvaṃ jānitvāva vītikkamaṃ karontiyā vācācittato kāyavācācittato ca samuṭṭhāti. Ananujānāpetvā upasampādanato kiriyākiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
དསམསིཀྑཱཔདཾ།
Dasamasikkhāpadaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / བྷིཀྑུནཱིཝིབྷངྒ • Bhikkhunīvibhaṅga / ༡༠. དསམསིཀྑཱཔདཾ • 10. Dasamasikkhāpadaṃ
