| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
७. दसङ्गसुत्तवण्णना
7. Dasaṅgasuttavaṇṇanā
११३. मिच्छत्तसम्मत्तवसेनाति एत्थ मिच्छाभावो मिच्छत्तं, तथा सम्माभावो सम्मत्तं। तथा तथा पवत्ता अकुसलक्खन्धाव मिच्छासति, एवं मिच्छाञाणम्पि दट्ठब्बं। न हि ञाणस्स मिच्छाभावो नाम अत्थि। तस्मा मिच्छाञाणिनोति मिच्छासञ्ञाणाति अत्थो, अयोनिसो पवत्तचित्तुप्पादाति अधिप्पायो। मिच्छापच्चवेक्खणेनाति मिच्छादिट्ठिआदीनं मिच्छा अयोनिसो पच्चवेक्खणेन। कुसलविमुत्तीति पकतिपुरिससन्तरजाननं, गुणवियुत्तस्स अत्तनो सकत्तनि अवट्ठानन्ति एवमादिं अकुसलपवत्तिं ‘‘कुसलविमुत्ती’’ति गहेत्वा ठिता मिच्छाविमुत्तिका। सम्मापच्चवेक्खणाति झानविमोक्खादीसु सम्मा अविपरीतं पवत्ता पच्चवेक्खणा।
113.Micchattasammattavasenāti ettha micchābhāvo micchattaṃ, tathā sammābhāvo sammattaṃ. Tathā tathā pavattā akusalakkhandhāva micchāsati, evaṃ micchāñāṇampi daṭṭhabbaṃ. Na hi ñāṇassa micchābhāvo nāma atthi. Tasmā micchāñāṇinoti micchāsaññāṇāti attho, ayoniso pavattacittuppādāti adhippāyo. Micchāpaccavekkhaṇenāti micchādiṭṭhiādīnaṃ micchā ayoniso paccavekkhaṇena. Kusalavimuttīti pakatipurisasantarajānanaṃ, guṇaviyuttassa attano sakattani avaṭṭhānanti evamādiṃ akusalapavattiṃ ‘‘kusalavimuttī’’ti gahetvā ṭhitā micchāvimuttikā. Sammāpaccavekkhaṇāti jhānavimokkhādīsu sammā aviparītaṃ pavattā paccavekkhaṇā.
दसङ्गसुत्तवण्णना निट्ठिता।
Dasaṅgasuttavaṇṇanā niṭṭhitā.
ततियवग्गवण्णना निट्ठिता।
Tatiyavaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ७. दसङ्गसुत्तं • 7. Dasaṅgasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ७. दसङ्गसुत्तवण्णना • 7. Dasaṅgasuttavaṇṇanā
