| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[461] 7. д̣̇асарат̇аж̇аад̇агаван̣н̣анаа
[461] 7. Dasarathajātakavaṇṇanā
зт̇а лагкан̣а сийд̇аа жаад̇и ид̣̇ам̣ сад̇т̇аа ж̇зд̇аванз вихаранд̇о згам̣ мад̇абид̇игам̣ гудумб̣игам̣ аараб̣бха гат̇зси. со хи бид̇ари гаалагад̇з согаабхибхууд̇о саб̣б̣агижжаани бахааяа согаанувад̇д̇агова ахоси. сад̇т̇аа бажжуусасамаяз логам̣ ологзнд̇о д̇асса сод̇аабад̇д̇ипалуубаниссаяам̣ д̣̇исваа бунад̣̇ивасз саавад̇т̇ияам̣ бин̣д̣ааяа жарид̇ваа гад̇абхад̇д̇агижжо бхигкуу уяяож̇зд̇ваа згам̣ бажчаасаман̣ам̣ г̇ахзд̇ваа д̇асса г̇зхам̣ г̇анд̇ваа ванд̣̇ид̇ваа нисиннам̣ мад̇хураважанзна аалабанд̇о ‘‘гим̣ сожаси убаасагаа’’д̇и вад̇ваа ‘‘аама, бханд̇з, бид̇усого мам̣ б̣аад̇хад̇ий’’д̇и вуд̇д̇з ‘‘убаасага, бораан̣агабан̣д̣ид̇аа адтавид̇хз логад̇хаммз д̇ат̇ад̇о ж̇аананд̇аа бид̇ари гаалагад̇з аббамад̇д̇агамби согам̣ на гарим̣суу’’д̇и вад̇ваа д̇зна яаажид̇о ад̇ийд̇ам̣ аахари.
Etha lakkhaṇa sītā cāti idaṃ satthā jetavane viharanto ekaṃ matapitikaṃ kuṭumbikaṃ ārabbha kathesi. So hi pitari kālakate sokābhibhūto sabbakiccāni pahāya sokānuvattakova ahosi. Satthā paccūsasamaye lokaṃ olokento tassa sotāpattiphalūpanissayaṃ disvā punadivase sāvatthiyaṃ piṇḍāya caritvā katabhattakicco bhikkhū uyyojetvā ekaṃ pacchāsamaṇaṃ gahetvā tassa gehaṃ gantvā vanditvā nisinnaṃ madhuravacanena ālapanto ‘‘kiṃ socasi upāsakā’’ti vatvā ‘‘āma, bhante, pitusoko maṃ bādhatī’’ti vutte ‘‘upāsaka, porāṇakapaṇḍitā aṭṭhavidhe lokadhamme tathato jānantā pitari kālakate appamattakampi sokaṃ na kariṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ д̣̇асарат̇амахаарааж̇аа наама аг̇ад̇иг̇аманам̣ бахааяа д̇хаммзна раж̇ж̇ам̣ гаарзси. д̇асса сол̣асаннам̣ ид̇т̇исахассаанам̣ ж̇здтигаа аг̇г̇амахзсий д̣̇вз буд̇д̇з зган̃жа д̇хийд̇арам̣ виж̇ааяи. ж̇здтабуд̇д̇о раамабан̣д̣ид̇о наама ахоси, д̣̇уд̇ияо лагкан̣агумааро наама, д̇хийд̇аа сийд̇аа д̣̇звий наама. абарабхааг̇з махзсий гааламагааси. рааж̇аа д̇ассаа гаалагад̇ааяа жирад̇арам̣ согавасам̣ г̇анд̇ваа амажжзхи сан̃н̃аабид̇о д̇ассаа гад̇д̇аб̣б̣абарихаарам̣ гад̇ваа ан̃н̃ам̣ аг̇г̇амахзсидтаанз табзси. саа ран̃н̃о бияаа ахоси манаабаа. сааби абарабхааг̇з г̇аб̣бхам̣ г̇ан̣хид̇ваа лад̣̇д̇хаг̇аб̣бхабарихаараа буд̇д̇ам̣ виж̇ааяи, ‘‘бхарад̇агумааро’’д̇исса наамам̣ агам̣су. рааж̇аа буд̇д̇асинзхзна ‘‘бхад̣̇д̣̇з, варам̣ д̇з д̣̇амми, г̇ан̣хаахий’’д̇и ааха. саа г̇ахид̇агам̣ гад̇ваа табзд̇ваа гумаарасса сад̇д̇адтавассагаалз рааж̇аанам̣ убасан̇гамид̇ваа ‘‘д̣̇зва, д̇умхзхи маяхам̣ буд̇д̇асса варо д̣̇инно, ид̣̇аанисса варам̣ д̣̇зт̇аа’’д̇и ааха. г̇ан̣ха, бхад̣̇д̣̇зд̇и. ‘‘д̣̇зва, буд̇д̇асса мз раж̇ж̇ам̣ д̣̇зт̇аа’’д̇и вуд̇д̇з рааж̇аа ажчарам̣ бахарид̇ваа ‘‘насса, васали, маяхам̣ д̣̇вз буд̇д̇аа аг̇г̇игканд̇хаа вияа ж̇аланд̇и, д̇з маараабзд̇ваа д̇ава буд̇д̇асса раж̇ж̇ам̣ яаажасий’’д̇и д̇аж̇ж̇зси. саа бхийд̇аа сириг̇аб̣бхам̣ бависид̇ваа ан̃н̃зсуби д̣̇ивасзсу рааж̇аанам̣ бунаббунам̣ раж̇ж̇амзва яаажи.
Atīte bārāṇasiyaṃ dasarathamahārājā nāma agatigamanaṃ pahāya dhammena rajjaṃ kāresi. Tassa soḷasannaṃ itthisahassānaṃ jeṭṭhikā aggamahesī dve putte ekañca dhītaraṃ vijāyi. Jeṭṭhaputto rāmapaṇḍito nāma ahosi, dutiyo lakkhaṇakumāro nāma, dhītā sītā devī nāma. Aparabhāge mahesī kālamakāsi. Rājā tassā kālakatāya cirataraṃ sokavasaṃ gantvā amaccehi saññāpito tassā kattabbaparihāraṃ katvā aññaṃ aggamahesiṭṭhāne ṭhapesi. Sā rañño piyā ahosi manāpā. Sāpi aparabhāge gabbhaṃ gaṇhitvā laddhagabbhaparihārā puttaṃ vijāyi, ‘‘bharatakumāro’’tissa nāmaṃ akaṃsu. Rājā puttasinehena ‘‘bhadde, varaṃ te dammi, gaṇhāhī’’ti āha. Sā gahitakaṃ katvā ṭhapetvā kumārassa sattaṭṭhavassakāle rājānaṃ upasaṅkamitvā ‘‘deva, tumhehi mayhaṃ puttassa varo dinno, idānissa varaṃ dethā’’ti āha. Gaṇha, bhaddeti. ‘‘Deva, puttassa me rajjaṃ dethā’’ti vutte rājā accharaṃ paharitvā ‘‘nassa, vasali, mayhaṃ dve puttā aggikkhandhā viya jalanti, te mārāpetvā tava puttassa rajjaṃ yācasī’’ti tajjesi. Sā bhītā sirigabbhaṃ pavisitvā aññesupi divasesu rājānaṃ punappunaṃ rajjameva yāci.
рааж̇аа д̇ассаа д̇ам̣ варам̣ ад̣̇ад̇ваава жинд̇зси ‘‘маад̇уг̇аамо наама агад̇ан̃н̃уу мид̇д̇ад̣̇уб̣бхий, аяам̣ мз гуудабан̣н̣ам̣ ваа гуудалан̃ж̇ам̣ ваа гад̇ваа буд̇д̇з гхаад̇аабзяяаа’’д̇и. со буд̇д̇з баггосаабзд̇ваа д̇амад̇т̇ам̣ аарожзд̇ваа ‘‘д̇аад̇аа, д̇умхаагам̣ ид̇ха васанд̇аанам̣ анд̇арааяоби бхавзяяа, д̇умхз сааманд̇араж̇ж̇ам̣ ваа аран̃н̃ам̣ ваа г̇анд̇ваа мама маран̣агаалз ааг̇анд̇ваа гуласанд̇агам̣ раж̇ж̇ам̣ г̇ан̣хзяяаат̇аа’’д̇и вад̇ваа буна нзмид̇д̇агз б̣раахман̣з баггосаабзд̇ваа ад̇д̇ано ааяубарижчзд̣̇ам̣ бужчид̇ваа ‘‘ан̃н̃аани д̣̇ваад̣̇аса вассаани бавад̇д̇иссад̇ий’’д̇и суд̇ваа ‘‘д̇аад̇аа, ид̇о д̣̇ваад̣̇асавассажжаязна ааг̇анд̇ваа чад̇д̇ам̣ уссаабзяяаат̇аа’’д̇и ааха. д̇з ‘‘саад̇хуу’’д̇и вад̇ваа бид̇арам̣ ванд̣̇ид̇ваа род̣̇анд̇аа баасаад̣̇аа од̇арим̣су. сийд̇аа д̣̇звий ‘‘ахамби бхаад̇игзхи сад̣̇д̇хим̣ г̇амиссаамий’’д̇и бид̇арам̣ ванд̣̇ид̇ваа род̣̇анд̇ий нигками. д̇аяоби ж̇анаа махаабариваараа нигкамид̇ваа махааж̇анам̣ нивад̇д̇зд̇ваа анубуб̣б̣зна химаванд̇ам̣ бависид̇ваа самбаннод̣̇агз сулабхапалаапалз бад̣̇зсз ассамам̣ маабзд̇ваа палаапалзна яаабзнд̇аа васим̣су.
Rājā tassā taṃ varaṃ adatvāva cintesi ‘‘mātugāmo nāma akataññū mittadubbhī, ayaṃ me kūṭapaṇṇaṃ vā kūṭalañjaṃ vā katvā putte ghātāpeyyā’’ti. So putte pakkosāpetvā tamatthaṃ ārocetvā ‘‘tātā, tumhākaṃ idha vasantānaṃ antarāyopi bhaveyya, tumhe sāmantarajjaṃ vā araññaṃ vā gantvā mama maraṇakāle āgantvā kulasantakaṃ rajjaṃ gaṇheyyāthā’’ti vatvā puna nemittake brāhmaṇe pakkosāpetvā attano āyuparicchedaṃ pucchitvā ‘‘aññāni dvādasa vassāni pavattissatī’’ti sutvā ‘‘tātā, ito dvādasavassaccayena āgantvā chattaṃ ussāpeyyāthā’’ti āha. Te ‘‘sādhū’’ti vatvā pitaraṃ vanditvā rodantā pāsādā otariṃsu. Sītā devī ‘‘ahampi bhātikehi saddhiṃ gamissāmī’’ti pitaraṃ vanditvā rodantī nikkhami. Tayopi janā mahāparivārā nikkhamitvā mahājanaṃ nivattetvā anupubbena himavantaṃ pavisitvā sampannodake sulabhaphalāphale padese assamaṃ māpetvā phalāphalena yāpentā vasiṃsu.
лагкан̣абан̣д̣ид̇о жа сийд̇аа жа раамабан̣д̣ид̇ам̣ яаажид̇ваа ‘‘д̇умхз амхаагам̣ бид̇удтаанз тид̇аа, д̇асмаа ассамзязва хот̇а, маяам̣ палаапалам̣ аахарид̇ваа д̇умхз босзссаамаа’’д̇и бадин̃н̃ам̣ г̇ан̣хим̣су. д̇ад̇о бадтааяа раамабан̣д̣ид̇о д̇ад̇т̇зва ход̇и. ид̇арз д̣̇вз палаапалам̣ аахарид̇ваа д̇ам̣ бадиж̇аг̇г̇им̣су. звам̣ д̇зсам̣ палаапалзна яаабзд̇ваа васанд̇аанам̣ д̣̇асарат̇амахаарааж̇аа буд̇д̇асогзна навамз сам̣важчарз гааламагааси. д̇асса сарийрагижжам̣ гаарзд̇ваа д̣̇звий ‘‘ад̇д̇ано буд̇д̇асса бхарад̇агумаарасса чад̇д̇ам̣ уссаабзт̇аа’’д̇и ааха. амажжаа бана ‘‘чад̇д̇ассаамигаа аран̃н̃з васанд̇ий’’д̇и на ад̣̇ам̣су. бхарад̇агумааро ‘‘мама бхаад̇арам̣ раамабан̣д̣ид̇ам̣ аран̃н̃ад̇о аанзд̇ваа чад̇д̇ам̣ уссаабзссаамий’’д̇и бан̃жарааж̇агагуд̇хабхан̣д̣аани г̇ахзд̇ваа жад̇уран̇г̇инияаа сзнааяа д̇асса васанадтаанам̣ бад̇ваа авид̣̇уурз канд̇хааваарам̣ гад̇ваа д̇ад̇т̇а ниваасзд̇ваа гад̇ибаязхи амажжзхи сад̣̇д̇хим̣ лагкан̣абан̣д̣ид̇асса жа сийд̇ааяа жа аран̃н̃ам̣ г̇ад̇агаалз ассамабад̣̇ам̣ бависид̇ваа ассамабад̣̇ад̣̇ваарз табид̇аган̃жанаруубагам̣ вияа раамабан̣д̣ид̇ам̣ нираасан̇гам̣ суканисиннам̣ убасан̇гамид̇ваа ванд̣̇ид̇ваа згаманд̇ам̣ тид̇о ран̃н̃о бавад̇д̇им̣ аарожзд̇ваа сад̣̇д̇хим̣ амажжзхи баад̣̇зсу бад̇ид̇ваа род̣̇ад̇и. раамабан̣д̣ид̇о бана нзва сожи, на барид̣̇зви, инд̣̇рияавигаарамад̇д̇амбисса наахоси. бхарад̇асса бана род̣̇ид̇ваа нисиннагаалз сааяанхасамаяз ид̇арз д̣̇вз палаапалам̣ аад̣̇ааяа ааг̇амим̣су. раамабан̣д̣ид̇о жинд̇зси ‘‘имз д̣̇ахараа маяхам̣ вияа бариг̇г̇ан̣ханабан̃н̃аа зд̇зсам̣ над̇т̇и, сахасаа ‘бид̇аа во мад̇о’д̇и вуд̇д̇з согам̣ санд̇хаарзд̇ум̣ асаггонд̇аанам̣ хад̣̇аяамби д̇зсам̣ палзяяа, убааязна д̇з уд̣̇агам̣ од̇аарзд̇ваа зд̇ам̣ бавад̇д̇им̣ аарожзссаамий’’д̇и. ат̇а нзсам̣ бурад̇о згам̣ уд̣̇агадтаанам̣ д̣̇ассзд̇ваа ‘‘д̇умхз ад̇ижирзна ааг̇ад̇аа, ид̣̇ам̣ во д̣̇ан̣д̣агаммам̣ ход̇у, имам̣ уд̣̇агам̣ од̇арид̇ваа д̇идтат̇аа’’д̇и убад̣дхаг̇аат̇ам̣ д̇аава ааха –
Lakkhaṇapaṇḍito ca sītā ca rāmapaṇḍitaṃ yācitvā ‘‘tumhe amhākaṃ pituṭṭhāne ṭhitā, tasmā assameyeva hotha, mayaṃ phalāphalaṃ āharitvā tumhe posessāmā’’ti paṭiññaṃ gaṇhiṃsu. Tato paṭṭhāya rāmapaṇḍito tattheva hoti. Itare dve phalāphalaṃ āharitvā taṃ paṭijaggiṃsu. Evaṃ tesaṃ phalāphalena yāpetvā vasantānaṃ dasarathamahārājā puttasokena navame saṃvacchare kālamakāsi. Tassa sarīrakiccaṃ kāretvā devī ‘‘attano puttassa bharatakumārassa chattaṃ ussāpethā’’ti āha. Amaccā pana ‘‘chattassāmikā araññe vasantī’’ti na adaṃsu. Bharatakumāro ‘‘mama bhātaraṃ rāmapaṇḍitaṃ araññato ānetvā chattaṃ ussāpessāmī’’ti pañcarājakakudhabhaṇḍāni gahetvā caturaṅginiyā senāya tassa vasanaṭṭhānaṃ patvā avidūre khandhāvāraṃ katvā tattha nivāsetvā katipayehi amaccehi saddhiṃ lakkhaṇapaṇḍitassa ca sītāya ca araññaṃ gatakāle assamapadaṃ pavisitvā assamapadadvāre ṭhapitakañcanarūpakaṃ viya rāmapaṇḍitaṃ nirāsaṅkaṃ sukhanisinnaṃ upasaṅkamitvā vanditvā ekamantaṃ ṭhito rañño pavattiṃ ārocetvā saddhiṃ amaccehi pādesu patitvā rodati. Rāmapaṇḍito pana neva soci, na paridevi, indriyavikāramattampissa nāhosi. Bharatassa pana roditvā nisinnakāle sāyanhasamaye itare dve phalāphalaṃ ādāya āgamiṃsu. Rāmapaṇḍito cintesi ‘‘ime daharā mayhaṃ viya pariggaṇhanapaññā etesaṃ natthi, sahasā ‘pitā vo mato’ti vutte sokaṃ sandhāretuṃ asakkontānaṃ hadayampi tesaṃ phaleyya, upāyena te udakaṃ otāretvā etaṃ pavattiṃ ārocessāmī’’ti. Atha nesaṃ purato ekaṃ udakaṭṭhānaṃ dassetvā ‘‘tumhe aticirena āgatā, idaṃ vo daṇḍakammaṃ hotu, imaṃ udakaṃ otaritvā tiṭṭhathā’’ti upaḍḍhagāthaṃ tāva āha –
84.
84.
‘‘зт̇а лагкан̣а сийд̇аа жа, убхо од̇арат̇од̣̇ага’’нд̇и.
‘‘Etha lakkhaṇa sītā ca, ubho otarathodaka’’nti.
д̇ассад̇т̇о – зт̇а лагкан̣а сийд̇аа жа ааг̇ажчат̇а, убхоби од̇арат̇а уд̣̇аганд̇и;
Tassattho – etha lakkhaṇa sītā ca āgacchatha, ubhopi otaratha udakanti;
д̇з згаважанзнзва од̇арид̇ваа адтам̣су. ат̇а нзсам̣ бид̇у бавад̇д̇им̣ аарожзнд̇о сзсам̣ убад̣дхаг̇аат̇амааха –
Te ekavacaneneva otaritvā aṭṭhaṃsu. Atha nesaṃ pitu pavattiṃ ārocento sesaṃ upaḍḍhagāthamāha –
‘‘звааяам̣ бхарад̇о ааха, рааж̇аа д̣̇асарат̇о мад̇о’’д̇и.
‘‘Evāyaṃ bharato āha, rājā dasaratho mato’’ti.
д̇з бид̇у мад̇асаасанам̣ суд̇ваава висан̃н̃аа ахзсум̣. бунаби нзсам̣ гат̇зси, бунаби д̇з висан̃н̃аа ахзсунд̇и звам̣ яаавад̇ад̇ияам̣ висан̃н̃ид̇ам̣ бад̇д̇з д̇з амажжаа угкибид̇ваа уд̣̇агаа нийхарид̇ваа т̇алз нисийд̣̇аабзд̇ваа лад̣̇д̇хассаасзсу д̇зсу саб̣б̣з ан̃н̃аман̃н̃ам̣ род̣̇ид̇ваа барид̣̇звид̇ваа нисийд̣̇им̣су. д̇ад̣̇аа бхарад̇агумааро жинд̇зси – ‘‘маяхам̣ бхаад̇аа лагкан̣агумааро жа бхаг̇иний жа сийд̇аа д̣̇звий бид̇у мад̇асаасанам̣ суд̇ваава согам̣ санд̇хаарзд̇ум̣ на саггонд̇и, раамабан̣д̣ид̇о бана нзва сожад̇и, на барид̣̇звад̇и, гим̣ ну ко д̇асса асожанагааран̣ам̣, бужчиссаами на’’нд̇и. со д̇ам̣ бужчанд̇о д̣̇уд̇ияам̣ г̇аат̇амааха –
Te pitu matasāsanaṃ sutvāva visaññā ahesuṃ. Punapi nesaṃ kathesi, punapi te visaññā ahesunti evaṃ yāvatatiyaṃ visaññitaṃ patte te amaccā ukkhipitvā udakā nīharitvā thale nisīdāpetvā laddhassāsesu tesu sabbe aññamaññaṃ roditvā paridevitvā nisīdiṃsu. Tadā bharatakumāro cintesi – ‘‘mayhaṃ bhātā lakkhaṇakumāro ca bhaginī ca sītā devī pitu matasāsanaṃ sutvāva sokaṃ sandhāretuṃ na sakkonti, rāmapaṇḍito pana neva socati, na paridevati, kiṃ nu kho tassa asocanakāraṇaṃ, pucchissāmi na’’nti. So taṃ pucchanto dutiyaṃ gāthamāha –
85.
85.
‘‘гзна раамаббабхаавзна, сожид̇аб̣б̣ам̣ на сожаси;
‘‘Kena rāmappabhāvena, socitabbaṃ na socasi;
бид̇арам̣ гаалагад̇ам̣ суд̇ваа, на д̇ам̣ басахад̇з д̣̇ука’’нд̇и.
Pitaraṃ kālakataṃ sutvā, na taṃ pasahate dukha’’nti.
д̇ад̇т̇а бабхаавзнаад̇и аанубхаавзна. на д̇ам̣ басахад̇з д̣̇уканд̇и зваруубам̣ д̣̇угкам̣ гзна гааран̣зна д̇ам̣ на бийл̣зд̇и, гим̣ д̇з асожанагааран̣ам̣, гат̇зхи д̇аава нанд̇и.
Tattha pabhāvenāti ānubhāvena. Na taṃ pasahate dukhanti evarūpaṃ dukkhaṃ kena kāraṇena taṃ na pīḷeti, kiṃ te asocanakāraṇaṃ, kathehi tāva nanti.
ат̇асса раамабан̣д̣ид̇о ад̇д̇ано асожанагааран̣ам̣ гат̇знд̇о –
Athassa rāmapaṇḍito attano asocanakāraṇaṃ kathento –
86.
86.
‘‘яам̣ на саггаа нибаалзд̇ум̣, босзна лабад̇ам̣ б̣ахум̣;
‘‘Yaṃ na sakkā nipāletuṃ, posena lapataṃ bahuṃ;
са гисса вин̃н̃уу мзд̇хаавий, ад̇д̇аанамубад̇аабаяз.
Sa kissa viññū medhāvī, attānamupatāpaye.
87.
87.
‘‘д̣̇ахараа жа хи вуд̣̇д̇хаа жа, яз б̣аалаа яз жа бан̣д̣ид̇аа;
‘‘Daharā ca hi vuddhā ca, ye bālā ye ca paṇḍitā;
ад̣дхаа жзва д̣̇алид̣̇д̣̇аа жа, саб̣б̣з мажжубарааяан̣аа.
Aḍḍhā ceva daliddā ca, sabbe maccuparāyaṇā.
88.
88.
‘‘палаанамива баггаанам̣, нижжам̣ бад̇анад̇о бхаяам̣;
‘‘Phalānamiva pakkānaṃ, niccaṃ patanato bhayaṃ;
звам̣ ж̇аад̇аана мажжаанам̣, нижжам̣ маран̣ад̇о бхаяам̣.
Evaṃ jātāna maccānaṃ, niccaṃ maraṇato bhayaṃ.
89.
89.
‘‘сааяамзгз на д̣̇иссанд̇и, баад̇о д̣̇идтаа б̣ахуж̇ж̇анаа;
‘‘Sāyameke na dissanti, pāto diṭṭhā bahujjanā;
баад̇о згз на д̣̇иссанд̇и, сааяам̣ д̣̇идтаа б̣ахуж̇ж̇анаа.
Pāto eke na dissanti, sāyaṃ diṭṭhā bahujjanā.
90.
90.
‘‘барид̣̇зваяамаано жз, гин̃жид̣̇ад̇т̇ам̣ уд̣̇аб̣б̣ахз;
‘‘Paridevayamāno ce, kiñcidatthaṃ udabbahe;
саммуул̣хо хим̣самад̇д̇аанам̣, гаяираа д̇ам̣ вижагкан̣о.
Sammūḷho hiṃsamattānaṃ, kayirā taṃ vicakkhaṇo.
91.
91.
‘‘гисо виван̣н̣о бхавад̇и, хим̣самад̇д̇аанамад̇д̇ано;
‘‘Kiso vivaṇṇo bhavati, hiṃsamattānamattano;
на д̇зна бзд̇аа баалзнд̇и, нирад̇т̇аа барид̣̇званаа.
Na tena petā pālenti, niratthā paridevanā.
92.
92.
‘‘яат̇аа саран̣амаад̣̇ид̇д̇ам̣, вааринаа бариниб̣б̣аяз;
‘‘Yathā saraṇamādittaṃ, vārinā parinibbaye;
звамби д̇хийро суд̇аваа, мзд̇хаавий бан̣д̣ид̇о наро;
Evampi dhīro sutavā, medhāvī paṇḍito naro;
киббамуббад̇ид̇ам̣ согам̣, ваад̇о д̇уулам̣ва д̇хам̣саяз.
Khippamuppatitaṃ sokaṃ, vāto tūlaṃva dhaṃsaye.
93.
93.
‘‘мажжо згова ажжзд̇и, згова ж̇ааяад̇з гулз;
‘‘Macco ekova acceti, ekova jāyate kule;
сам̣яог̇абарамаад̇взва, самбхог̇аа саб̣б̣абаан̣инам̣.
Saṃyogaparamātveva, sambhogā sabbapāṇinaṃ.
94.
94.
‘‘д̇асмаа хи д̇хийрасса б̣ахуссуд̇асса, самбассад̇о логамимам̣ баран̃жа;
‘‘Tasmā hi dhīrassa bahussutassa, sampassato lokamimaṃ parañca;
ан̃н̃ааяа д̇хаммам̣ хад̣̇аяам̣ манан̃жа, согаа маханд̇ааби на д̇аабаяанд̇и.
Aññāya dhammaṃ hadayaṃ manañca, sokā mahantāpi na tāpayanti.
95.
95.
‘‘сохам̣ д̣̇ассан̃жа бхогкан̃жа, бхариссаами жа н̃аад̇агз;
‘‘Sohaṃ dassañca bhokkhañca, bharissāmi ca ñātake;
сзсан̃жа баалаяиссаами, гижжамзд̇ам̣ виж̇аанад̇о’’д̇и. –
Sesañca pālayissāmi, kiccametaṃ vijānato’’ti. –
имаахи д̣̇асахи г̇аат̇аахи анижжад̇ам̣ багаасзд̇и.
Imāhi dasahi gāthāhi aniccataṃ pakāseti.
д̇ад̇т̇а нибаалзд̇унд̇и рагкид̇ум̣. лабад̇анд̇и лабанд̇аанам̣. ид̣̇ам̣ вуд̇д̇ам̣ ход̇и – ‘‘д̇аад̇а бхарад̇а, яам̣ сад̇д̇аанам̣ ж̇ийвид̇ам̣ б̣ахумби вилабанд̇аанам̣ бурисаанам̣ згзнааби маа ужчиж̇ж̇ийд̇и на саггаа рагкид̇ум̣, со д̣̇аани маад̣̇исо адта логад̇хаммз д̇ат̇ад̇о ж̇аананд̇о вин̃н̃уу мзд̇хаавий бан̣д̣ид̇о маран̣абарияосаанаж̇ийвид̇зсу сад̇д̇зсу гисса ад̇д̇аанамубад̇аабаяз, гим̣гааран̣аа анубагаарзна согад̣̇угкзна ад̇д̇аанам̣ санд̇аабзяяаа’’д̇и.
Tattha nipāletunti rakkhituṃ. Lapatanti lapantānaṃ. Idaṃ vuttaṃ hoti – ‘‘tāta bharata, yaṃ sattānaṃ jīvitaṃ bahumpi vilapantānaṃ purisānaṃ ekenāpi mā ucchijjīti na sakkā rakkhituṃ, so dāni mādiso aṭṭha lokadhamme tathato jānanto viññū medhāvī paṇḍito maraṇapariyosānajīvitesu sattesu kissa attānamupatāpaye, kiṃkāraṇā anupakārena sokadukkhena attānaṃ santāpeyyā’’ti.
д̣̇ахараа жаад̇и г̇аат̇аа ‘‘мажжу наамзса д̇аад̇а бхарад̇а, нзва суван̣н̣аруубагасад̣̇исаанам̣ д̣̇ахараанам̣ кад̇д̇ияагумаарагаад̣̇ийнам̣, на вуд̣̇д̇хиббад̇д̇аанам̣ махааяод̇хаанам̣, на б̣аалаанам̣ бут̇уж̇ж̇анасад̇д̇аанам̣, на б̣уд̣̇д̇хаад̣̇ийнам̣ бан̣д̣ид̇аанам̣, на жаггавад̇д̇иаад̣̇ийнам̣ иссараанам̣, на нид̣̇д̇ханаанам̣ д̣̇алид̣̇д̣̇аад̣̇ийнам̣ лаж̇ж̇ад̇и, саб̣б̣збимз сад̇д̇аа мажжубарааяан̣аа маран̣амукз сам̣бхаг̇г̇авибхаг̇г̇аа бхаванд̇иязваа’’д̇и д̣̇ассанад̇т̇ам̣ вуд̇д̇аа.
Daharā cāti gāthā ‘‘maccu nāmesa tāta bharata, neva suvaṇṇarūpakasadisānaṃ daharānaṃ khattiyakumārakādīnaṃ, na vuddhippattānaṃ mahāyodhānaṃ, na bālānaṃ puthujjanasattānaṃ, na buddhādīnaṃ paṇḍitānaṃ, na cakkavattiādīnaṃ issarānaṃ, na niddhanānaṃ daliddādīnaṃ lajjati, sabbepime sattā maccuparāyaṇā maraṇamukhe saṃbhaggavibhaggā bhavantiyevā’’ti dassanatthaṃ vuttā.
нижжам̣ бад̇анад̇од̇и ид̣̇ам̣ вуд̇д̇ам̣ ход̇и – яат̇аа хи д̇аад̇а бхарад̇а, баггаанам̣ палаанам̣ баггагаалад̇о бадтааяа ‘‘ид̣̇аани ван̣даа чиж̇ж̇ид̇ваа бад̇иссанд̇и, ид̣̇аани бад̇иссанд̇ий’’д̇и бад̇анад̇о бхаяам̣ нижжам̣ д̇хувам̣ згам̣сигамзва бхавад̇и, звам̣ аасан̇ганийяад̇о звам̣ ж̇аад̇аанам̣ мажжаанамби згам̣сигам̣язва маран̣ад̇о бхаяам̣, над̇т̇и со кан̣о ваа лаяо ваа яад̇т̇а д̇зсам̣ маран̣ам̣ на аасан̇гид̇аб̣б̣ам̣ бхавзяяаад̇и.
Niccaṃ patanatoti idaṃ vuttaṃ hoti – yathā hi tāta bharata, pakkānaṃ phalānaṃ pakkakālato paṭṭhāya ‘‘idāni vaṇṭā chijjitvā patissanti, idāni patissantī’’ti patanato bhayaṃ niccaṃ dhuvaṃ ekaṃsikameva bhavati, evaṃ āsaṅkanīyato evaṃ jātānaṃ maccānampi ekaṃsikaṃyeva maraṇato bhayaṃ, natthi so khaṇo vā layo vā yattha tesaṃ maraṇaṃ na āsaṅkitabbaṃ bhaveyyāti.
сааяанд̇и вигаалз. иминаа рад̇д̇ибхааг̇з жа д̣̇идтаанам̣ д̣̇ивасабхааг̇з ад̣̇ассанам̣, д̣̇ивасабхааг̇з жа д̣̇идтаанам̣ рад̇д̇ибхааг̇з ад̣̇ассанам̣ д̣̇ийбзд̇и. гин̃жид̣̇ад̇т̇анд̇и ‘‘бид̇аа мз, буд̇д̇о мз’’д̇иаад̣̇ийхи барид̣̇звамаанова босо саммуул̣хо ад̇д̇аанам̣ хим̣санд̇о гиламзнд̇о аббамад̇д̇агамби ад̇т̇ам̣ аахарзяяа. гаяираа д̇ам̣ вижагкан̣од̇и ат̇а бан̣д̣ид̇о бурисо звам̣ барид̣̇звам̣ гарзяяа, яасмаа бана барид̣̇званд̇о мад̇ам̣ ваа аанзд̇ум̣ ан̃н̃ам̣ ваа д̇асса вад̣дхим̣ гаад̇ум̣ на саггод̇и, д̇асмаа нирад̇т̇агад̇д̇аа барид̣̇звид̇асса бан̣д̣ид̇аа на барид̣̇званд̇и.
Sāyanti vikāle. Iminā rattibhāge ca diṭṭhānaṃ divasabhāge adassanaṃ, divasabhāge ca diṭṭhānaṃ rattibhāge adassanaṃ dīpeti. Kiñcidatthanti ‘‘pitā me, putto me’’tiādīhi paridevamānova poso sammūḷho attānaṃ hiṃsanto kilamento appamattakampi atthaṃ āhareyya. Kayirātaṃ vicakkhaṇoti atha paṇḍito puriso evaṃ paridevaṃ kareyya, yasmā pana paridevanto mataṃ vā ānetuṃ aññaṃ vā tassa vaḍḍhiṃ kātuṃ na sakkoti, tasmā niratthakattā paridevitassa paṇḍitā na paridevanti.
ад̇д̇аанамад̇д̇анод̇и ад̇д̇ано ад̇д̇абхаавам̣ согабарид̣̇звад̣̇угкзна хим̣санд̇о. на д̇знаад̇и д̇зна барид̣̇звзна баралогам̣ г̇ад̇аа сад̇д̇аа на баалзнд̇и на яаабзнд̇и. нирад̇т̇аад̇и д̇асмаа д̇зсам̣ мад̇асад̇д̇аанам̣ аяам̣ барид̣̇званаа нирад̇т̇агаа. саран̣анд̇и ниваасаг̇зхам̣. ид̣̇ам̣ вуд̇д̇ам̣ ход̇и – яат̇аа бан̣д̣ид̇о бурисо ад̇д̇ано васанааг̇аарз аад̣̇ид̇д̇з мухуд̇д̇амби восаанам̣ анаабаж̇ж̇ид̇ваа гхадасад̇зна гхадасахассзна вааринаа ниб̣б̣аабаяад̇зва, звам̣ д̇хийро уббад̇ид̇ам̣ согам̣ киббамзва ниб̣б̣аабаяз. д̇уулам̣ вияа жа ваад̇о яат̇аа сан̣таад̇ум̣ на саггод̇и, звам̣ д̇хам̣саяз вид̣̇д̇хам̣сзяяаад̇и ад̇т̇о.
Attānamattanoti attano attabhāvaṃ sokaparidevadukkhena hiṃsanto. Na tenāti tena paridevena paralokaṃ gatā sattā na pālenti na yāpenti. Niratthāti tasmā tesaṃ matasattānaṃ ayaṃ paridevanā niratthakā. Saraṇanti nivāsagehaṃ. Idaṃ vuttaṃ hoti – yathā paṇḍito puriso attano vasanāgāre āditte muhuttampi vosānaṃ anāpajjitvā ghaṭasatena ghaṭasahassena vārinā nibbāpayateva, evaṃ dhīro uppatitaṃ sokaṃ khippameva nibbāpaye. Tūlaṃ viya ca vāto yathā saṇṭhātuṃ na sakkoti, evaṃ dhaṃsaye viddhaṃseyyāti attho.
мажжо згова ажжзд̇ийд̇и зд̇т̇а д̇аад̇а бхарад̇а, имз сад̇д̇аа гаммассагаа наама, д̇ат̇аа хи ид̇о баралогам̣ г̇ажчанд̇о сад̇д̇о згова ажжзд̇и ад̇иггамад̇и, кад̇д̇ияаад̣̇игулз ж̇ааяамааноби згова г̇анд̇ваа ж̇ааяад̇и. д̇ад̇т̇а д̇ад̇т̇а бана н̃аад̇имид̇д̇асам̣яог̇зна ‘‘аяам̣ мз бид̇аа, аяам̣ мз маад̇аа, аяам̣ мз мид̇д̇о’’д̇и сам̣яог̇абарамаад̇взва самбхог̇аа саб̣б̣абаан̣ийнам̣, барамад̇т̇зна бана д̇ийсуби бхавзсу гаммассагаавзд̇з сад̇д̇аад̇и ад̇т̇о.
Macco ekova accetīti ettha tāta bharata, ime sattā kammassakā nāma, tathā hi ito paralokaṃ gacchanto satto ekova acceti atikkamati, khattiyādikule jāyamānopi ekova gantvā jāyati. Tattha tattha pana ñātimittasaṃyogena ‘‘ayaṃ me pitā, ayaṃ me mātā, ayaṃ me mitto’’ti saṃyogaparamātveva sambhogā sabbapāṇīnaṃ, paramatthena pana tīsupi bhavesu kammassakāvete sattāti attho.
д̇асмаад̇и яасмаа зд̇зсам̣ сад̇д̇аанам̣ н̃аад̇имид̇д̇асам̣яог̇ам̣ н̃аад̇имид̇д̇абарибхог̇амад̇д̇ам̣ табзд̇ваа ид̇о барам̣ ан̃н̃ам̣ над̇т̇и, д̇асмаа. самбассад̇од̇и иман̃жа баран̃жа логам̣ наанаабхаававинаабхаавамзва саммаа бассад̇о. ан̃н̃ааяа д̇хамманд̇и адтавид̇халогад̇хаммам̣ ж̇аанид̇ваа. хад̣̇аяам̣ манан̃жаад̇и ид̣̇ам̣ убхаяамби жид̇д̇ассзва наамам̣. ид̣̇ам̣ вуд̇д̇ам̣ ход̇и –
Tasmāti yasmā etesaṃ sattānaṃ ñātimittasaṃyogaṃ ñātimittaparibhogamattaṃ ṭhapetvā ito paraṃ aññaṃ natthi, tasmā. Sampassatoti imañca parañca lokaṃ nānābhāvavinābhāvameva sammā passato. Aññāya dhammanti aṭṭhavidhalokadhammaṃ jānitvā. Hadayaṃ manañcāti idaṃ ubhayampi cittasseva nāmaṃ. Idaṃ vuttaṃ hoti –
‘‘лаабхо алаабхо яасо аяасо жа, нинд̣̇аа басам̣саа жа сукан̃жа д̣̇угкам̣;
‘‘Lābho alābho yaso ayaso ca, nindā pasaṃsā ca sukhañca dukkhaṃ;
зд̇з анижжаа мануж̇зсу д̇хаммаа, маа сожа гим̣ сожаси бодтабаад̣̇аа’’д̇и. (ж̇аа. 1.4.114) –
Ete aniccā manujesu dhammā, mā soca kiṃ socasi poṭṭhapādā’’ti. (jā. 1.4.114) –
имзсам̣ адтаннам̣ логад̇хаммаанам̣ язна гзнажи жид̇д̇ам̣ барияаад̣̇ийяад̇и, д̇асса жа анижжад̇ам̣ н̃ад̇ваа тид̇асса д̇хийрасса бид̇убуд̇д̇амаран̣аад̣̇ивад̇т̇угаа маханд̇ааби согаа хад̣̇аяам̣ на д̇аабаяанд̇ийд̇и. зд̇ам̣ ваа адтавид̇хам̣ логад̇хаммам̣ н̃ад̇ваа тид̇асса хад̣̇аяавад̇т̇ун̃жа манан̃жа маханд̇ааби согаа на д̇аабаяанд̇ийд̇и звамбзд̇т̇а ад̇т̇о д̣̇адтаб̣б̣о.
Imesaṃ aṭṭhannaṃ lokadhammānaṃ yena kenaci cittaṃ pariyādīyati, tassa ca aniccataṃ ñatvā ṭhitassa dhīrassa pituputtamaraṇādivatthukā mahantāpi sokā hadayaṃ na tāpayantīti. Etaṃ vā aṭṭhavidhaṃ lokadhammaṃ ñatvā ṭhitassa hadayavatthuñca manañca mahantāpi sokā na tāpayantīti evampettha attho daṭṭhabbo.
сохам̣ д̣̇ассан̃жа бхогкан̃жаад̇и г̇аат̇ааяа – д̇аад̇а бхарад̇а, анд̇хаб̣аалаанам̣ сад̇д̇аанам̣ вияа мама род̣̇анабарид̣̇званам̣ наама на анужчавигам̣, ахам̣ бана бид̇у ажжаязна д̇асса таанз тад̇ваа габан̣аад̣̇ийнам̣ д̣̇аанаарахаанам̣ д̣̇аанам̣, таананд̇араарахаанам̣ таананд̇арам̣, яасаарахаанам̣ яасам̣ д̣̇ассаами, бид̇араа мз барибхуд̇д̇анаязна иссарияам̣ барибхун̃ж̇иссаами, н̃аад̇агз жа босзссаами, авасзсан̃жа анд̇обариж̇анаад̣̇игам̣ ж̇анам̣ баалзссаами, д̇хаммигасаман̣аб̣раахман̣аанам̣ д̇хаммигам̣ рагкааваран̣аг̇уд̇д̇им̣ гариссаамийд̇и зван̃хи ж̇аанад̇о бан̣д̣ид̇абурисасса ануруубам̣ гижжанд̇и ад̇т̇о.
Sohaṃdassañca bhokkhañcāti gāthāya – tāta bharata, andhabālānaṃ sattānaṃ viya mama rodanaparidevanaṃ nāma na anucchavikaṃ, ahaṃ pana pitu accayena tassa ṭhāne ṭhatvā kapaṇādīnaṃ dānārahānaṃ dānaṃ, ṭhānantarārahānaṃ ṭhānantaraṃ, yasārahānaṃ yasaṃ dassāmi, pitarā me paribhuttanayena issariyaṃ paribhuñjissāmi, ñātake ca posessāmi, avasesañca antoparijanādikaṃ janaṃ pālessāmi, dhammikasamaṇabrāhmaṇānaṃ dhammikaṃ rakkhāvaraṇaguttiṃ karissāmīti evañhi jānato paṇḍitapurisassa anurūpaṃ kiccanti attho.
барисаа имам̣ раамабан̣д̣ид̇асса анижжад̇аабагаасанам̣ д̇хаммад̣̇зсанам̣ суд̇ваа ниссогаа ахзсум̣. д̇ад̇о бхарад̇агумааро раамабан̣д̣ид̇ам̣ ванд̣̇ид̇ваа ‘‘б̣аараан̣асираж̇ж̇ам̣ самбадижчат̇аа’’д̇и ааха. д̇аад̇а лагкан̣ан̃жа, сийд̇аад̣̇звин̃жа г̇ахзд̇ваа г̇анд̇ваа раж̇ж̇ам̣ анусаасат̇аад̇и. д̇умхз бана, д̣̇зваад̇и. д̇аад̇а, мама бид̇аа ‘‘д̣̇ваад̣̇асавассажжаязна ааг̇анд̇ваа раж̇ж̇ам̣ гаарзяяаасий’’д̇и мам̣ авожа, ахам̣ ид̣̇аанзва г̇ажчанд̇о д̇асса важанагаро наама на хоми, ан̃н̃ааниби д̇ийн̣и вассаани ад̇иггамид̇ваа ааг̇амиссаамийд̇и. ‘‘зд̇д̇агам̣ гаалам̣ го раж̇ж̇ам̣ гаарзссад̇ий’’д̇и? ‘‘д̇умхз гаарзт̇аа’’д̇и. ‘‘на маяам̣ гаарзссаамаа’’д̇и. ‘‘д̇зна хи яаава мамааг̇аманаа имаа баад̣̇угаа гаарзссанд̇ий’’д̇и ад̇д̇ано д̇ин̣абаад̣̇угаа омун̃жид̇ваа ад̣̇ааси. д̇з д̇аяоби ж̇анаа баад̣̇угаа г̇ахзд̇ваа раамабан̣д̣ид̇ам̣ ванд̣̇ид̇ваа махааж̇анабаривуд̇аа б̣аараан̣асим̣ аг̇амам̣су. д̇ийн̣и сам̣важчараани баад̣̇угаа раж̇ж̇ам̣ гаарзсум̣. амажжаа д̇ин̣абаад̣̇угаа рааж̇абаллан̇гз табзд̇ваа ад̣д̣ам̣ винижчинанд̇и. сажз д̣̇уб̣б̣инижчид̇о ход̇и, баад̣̇угаа ан̃н̃аман̃н̃ам̣ бадихан̃н̃анд̇и. д̇ааяа сан̃н̃ааяа буна винижчинанд̇и. саммаа винижчид̇агаалз баад̣̇угаа ниссад̣̇д̣̇аа саннисийд̣̇анд̇и. раамабан̣д̣ид̇о д̇ин̣н̣ам̣ сам̣важчараанам̣ ажжаязна аран̃н̃аа нигкамид̇ваа б̣аараан̣асинаг̇арам̣ бад̇ваа уяяаанам̣ баависи. д̇асса ааг̇аманабхаавам̣ н̃ад̇ваа гумаараа амажжаг̇ан̣абаривуд̇аа уяяаанам̣ г̇анд̇ваа сийд̇ам̣ аг̇г̇амахзсим̣ гад̇ваа убхиннамби абхисзгам̣ агам̣су. звам̣ абхисзгаббад̇д̇о махаасад̇д̇о алан̇гад̇арат̇з тад̇ваа маханд̇зна бариваарзна наг̇арам̣ бависид̇ваа бад̣̇агкин̣ам̣ гад̇ваа жанд̣̇агабаасаад̣̇аварасса махаад̇алам̣ абхирухи. д̇ад̇о бадтааяа сол̣аса вассасахассаани д̇хаммзна раж̇ж̇ам̣ гаарзд̇ваа ааяубарияосаанз саг̇г̇абурам̣ буурзси.
Parisā imaṃ rāmapaṇḍitassa aniccatāpakāsanaṃ dhammadesanaṃ sutvā nissokā ahesuṃ. Tato bharatakumāro rāmapaṇḍitaṃ vanditvā ‘‘bārāṇasirajjaṃ sampaṭicchathā’’ti āha. Tāta lakkhaṇañca, sītādeviñca gahetvā gantvā rajjaṃ anusāsathāti. Tumhe pana, devāti. Tāta, mama pitā ‘‘dvādasavassaccayena āgantvā rajjaṃ kāreyyāsī’’ti maṃ avoca, ahaṃ idāneva gacchanto tassa vacanakaro nāma na homi, aññānipi tīṇi vassāni atikkamitvā āgamissāmīti. ‘‘Ettakaṃ kālaṃ ko rajjaṃ kāressatī’’ti? ‘‘Tumhe kārethā’’ti. ‘‘Na mayaṃ kāressāmā’’ti. ‘‘Tena hi yāva mamāgamanā imā pādukā kāressantī’’ti attano tiṇapādukā omuñcitvā adāsi. Te tayopi janā pādukā gahetvā rāmapaṇḍitaṃ vanditvā mahājanaparivutā bārāṇasiṃ agamaṃsu. Tīṇi saṃvaccharāni pādukā rajjaṃ kāresuṃ. Amaccā tiṇapādukā rājapallaṅke ṭhapetvā aḍḍaṃ vinicchinanti. Sace dubbinicchito hoti, pādukā aññamaññaṃ paṭihaññanti. Tāya saññāya puna vinicchinanti. Sammā vinicchitakāle pādukā nissaddā sannisīdanti. Rāmapaṇḍito tiṇṇaṃ saṃvaccharānaṃ accayena araññā nikkhamitvā bārāṇasinagaraṃ patvā uyyānaṃ pāvisi. Tassa āgamanabhāvaṃ ñatvā kumārā amaccagaṇaparivutā uyyānaṃ gantvā sītaṃ aggamahesiṃ katvā ubhinnampi abhisekaṃ akaṃsu. Evaṃ abhisekappatto mahāsatto alaṅkatarathe ṭhatvā mahantena parivārena nagaraṃ pavisitvā padakkhiṇaṃ katvā candakapāsādavarassa mahātalaṃ abhiruhi. Tato paṭṭhāya soḷasa vassasahassāni dhammena rajjaṃ kāretvā āyupariyosāne saggapuraṃ pūresi.
96.
96.
‘‘д̣̇аса вассасахассаани, садти вассасад̇аани жа;
‘‘Dasa vassasahassāni, saṭṭhi vassasatāni ca;
гамб̣уг̇ийво махааб̣ааху, раамо раж̇ж̇амагаараяий’’д̇и. –
Kambugīvo mahābāhu, rāmo rajjamakārayī’’ti. –
аяам̣ абхисамб̣уд̣̇д̇хаг̇аат̇аа д̇амад̇т̇ам̣ д̣̇ийбзд̇и.
Ayaṃ abhisambuddhagāthā tamatthaṃ dīpeti.
д̇ад̇т̇а гамб̣уг̇ийвод̇и суван̣н̣аал̣ин̇г̇асад̣̇исаг̇ийво. суван̣н̣ан̃хи гамб̣ууд̇и вужжад̇и.
Tattha kambugīvoti suvaṇṇāḷiṅgasadisagīvo. Suvaṇṇañhi kambūti vuccati.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз гудумб̣иго сод̇аабад̇д̇ипалз бад̇идтахи. д̇ад̣̇аа д̣̇асарат̇амахаарааж̇аа суд̣̇д̇ход̣̇анамахаарааж̇аа ахоси, маад̇аа махаамааяаад̣̇звий, сийд̇аа раахуламаад̇аа, бхарад̇о аананд̣̇о, лагкан̣о саарибуд̇д̇о, барисаа б̣уд̣̇д̇хабарисаа, раамабан̣д̣ид̇о бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne kuṭumbiko sotāpattiphale patiṭṭhahi. Tadā dasarathamahārājā suddhodanamahārājā ahosi, mātā mahāmāyādevī, sītā rāhulamātā, bharato ānando, lakkhaṇo sāriputto, parisā buddhaparisā, rāmapaṇḍito pana ahameva ahosinti.
д̣̇асарат̇аж̇аад̇агаван̣н̣анаа сад̇д̇амаа.
Dasarathajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 461. д̣̇асарат̇аж̇аад̇агам̣ • 461. Dasarathajātakaṃ
