34. தா³ஸவத்து²

97. தேன கோ² பன ஸமயேன அஞ்ஞதரோ தா³ஸோ பலாயித்வா பி⁴க்கூ²ஸு பப்³ப³ஜிதோ ஹோதி. அய்யகா ¹ பஸ்ஸித்வா ஏவமாஹங்ஸு – ‘‘அயங் ஸோ அம்ஹாகங் தா³ஸோ. ஹந்த³, நங் நேமா’’தி. ஏகச்சே ஏவமாஹங்ஸு – ‘‘மாய்யோ, ஏவங் அவசுத்த², அனுஞ்ஞாதங் ரஞ்ஞா மாக³தே⁴ன ஸேனியேன பி³ம்பி³ஸாரேன ‘‘யே ஸமணேஸு ஸக்யபுத்தியேஸு பப்³ப³ஜந்தி, ந தே லப்³பா⁴ கிஞ்சி காதுங், ஸ்வாக்கா²தோ த⁴ம்மோ, சரந்து ப்³ரஹ்மசரியங் ஸம்மா து³க்க²ஸ்ஸ அந்தகிரியாயா’’தி. மனுஸ்ஸா உஜ்ஜா²யந்தி கி²ய்யந்தி விபாசெந்தி – ‘‘அப⁴யூவரா இமே ஸமணா ஸக்யபுத்தியா, நயிமே லப்³பா⁴ கிஞ்சி காதுங். கத²ஞ்ஹி நாம ஸமணா ஸக்யபுத்தியா தா³ஸங் பப்³பா³ஜெஸ்ஸந்தீ’’தி. ப⁴க³வதோ ஏதமத்த²ங் ஆரோசேஸுங். ந, பி⁴க்க²வே, தா³ஸோ பப்³பா³ஜேதப்³போ³. யோ பப்³பா³ஜெய்ய, ஆபத்தி து³க்கடஸ்ஸாதி.

தா³ஸவத்து² நிட்டி²தங்.