| Library / Tipiṭaka / තිපිටක • Tipiṭaka / මහාවග්‌ගපාළි • Mahāvaggapāḷi |
34. දාසවත්‌ථු
34. Dāsavatthu
97. තෙන ඛො පන සමයෙන අඤ්‌ඤතරො දාසො පලායිත්‌වා භික්‌ඛූසු පබ්‌බජිතො හොති. අය්‍යකා 1 පස්‌සිත්‌වා එවමාහංසු – ‘‘අයං සො අම්‌හාකං දාසො. හන්‌ද, නං නෙමා’’ති. එකච්‌චෙ එවමාහංසු – ‘‘මාය්‍යො, එවං අවචුත්‌ථ, අනුඤ්‌ඤාතං රඤ්‌ඤා මාගධෙන සෙනියෙන බිම්‌බිසාරෙන ‘‘යෙ සමණෙසු සක්‍යපුත්‌තියෙසු පබ්‌බජන්‌ති, න තෙ ලබ්‌භා කිඤ්‌චි කාතුං, ස්‌වාක්‌ඛාතො ධම්‌මො, චරන්‌තු බ්‍රහ්‌මචරියං සම්‌මා දුක්‌ඛස්‌ස අන්‌තකිරියායා’’ති. මනුස්‌සා උජ්‌ඣායන්‌ති ඛිය්‍යන්‌ති විපාචෙන්‌ති – ‘‘අභයූවරා ඉමෙ සමණා සක්‍යපුත්‌තියා, නයිමෙ ලබ්‌භා කිඤ්‌චි කාතුං. කථඤ්‌හි නාම සමණා සක්‍යපුත්‌තියා දාසං පබ්‌බාජෙස්‌සන්‌තී’’ති. භගවතො එතමත්‌ථං ආරොචෙසුං. න, භික්‌ඛවෙ, දාසො පබ්‌බාජෙතබ්‌බො. යො පබ්‌බාජෙය්‍ය, ආපත්‌ති දුක්‌කටස්‌සාති.
97. Tena kho pana samayena aññataro dāso palāyitvā bhikkhūsu pabbajito hoti. Ayyakā 2 passitvā evamāhaṃsu – ‘‘ayaṃ so amhākaṃ dāso. Handa, naṃ nemā’’ti. Ekacce evamāhaṃsu – ‘‘māyyo, evaṃ avacuttha, anuññātaṃ raññā māgadhena seniyena bimbisārena ‘‘ye samaṇesu sakyaputtiyesu pabbajanti, na te labbhā kiñci kātuṃ, svākkhāto dhammo, carantu brahmacariyaṃ sammā dukkhassa antakiriyāyā’’ti. Manussā ujjhāyanti khiyyanti vipācenti – ‘‘abhayūvarā ime samaṇā sakyaputtiyā, nayime labbhā kiñci kātuṃ. Kathañhi nāma samaṇā sakyaputtiyā dāsaṃ pabbājessantī’’ti. Bhagavato etamatthaṃ ārocesuṃ. Na, bhikkhave, dāso pabbājetabbo. Yo pabbājeyya, āpatti dukkaṭassāti.
දාසවත්‌ථු නිට්‌ඨිතං.
Dāsavatthu niṭṭhitaṃ.
Footnotes:
Related texts:
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / දාසවත්‌ථුකථා • Dāsavatthukathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / රාජභටාදිවත්‌ථුකථාවණ්‌ණනා • Rājabhaṭādivatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / ඉණායිකදාසවත්‌ථුකථාවණ්‌ණනා • Iṇāyikadāsavatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / දාසවත්‌ථුකථාවණ්‌ණනා • Dāsavatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 34. දාසවත්‌ථුකථා • 34. Dāsavatthukathā
