| Library / Tipiṭaka / ཏིཔིཊཀ • Tipiṭaka / མཧཱཝགྒཔཱལི༹ • Mahāvaggapāḷi |
༣༤. དཱསཝཏྠུ
34. Dāsavatthu
༩༧. ཏེན ཁོ པན སམཡེན ཨཉྙཏརོ དཱསོ པལཱཡིཏྭཱ བྷིཀྑཱུསུ པབྦཛིཏོ ཧོཏི། ཨཡྻཀཱ 1 པསྶིཏྭཱ ཨེཝམཱཧཾསུ – ‘‘ཨཡཾ སོ ཨམྷཱཀཾ དཱསོ། ཧནྡ, ནཾ ནེམཱ’’ཏི། ཨེཀཙྩེ ཨེཝམཱཧཾསུ – ‘‘མཱཡྻོ, ཨེཝཾ ཨཝཙུཏྠ, ཨནུཉྙཱཏཾ རཉྙཱ མཱགདྷེན སེནིཡེན བིམྦིསཱརེན ‘‘ཡེ སམཎེསུ སཀྱཔུཏྟིཡེསུ པབྦཛནྟི, ན ཏེ ལབྦྷཱ ཀིཉྩི ཀཱཏུཾ, སྭཱཀྑཱཏོ དྷམྨོ, ཙརནྟུ བྲཧྨཙརིཡཾ སམྨཱ དུཀྑསྶ ཨནྟཀིརིཡཱཡཱ’’ཏི། མནུསྶཱ ཨུཛ྄ཛྷཱཡནྟི ཁིཡྻནྟི ཝིཔཱཙེནྟི – ‘‘ཨབྷཡཱུཝརཱ ཨིམེ སམཎཱ སཀྱཔུཏྟིཡཱ, ནཡིམེ ལབྦྷཱ ཀིཉྩི ཀཱཏུཾ། ཀཐཉྷི ནཱམ སམཎཱ སཀྱཔུཏྟིཡཱ དཱསཾ པབྦཱཛེསྶནྟཱི’’ཏི། བྷགཝཏོ ཨེཏམཏྠཾ ཨཱརོཙེསུཾ། ན, བྷིཀྑཝེ, དཱསོ པབྦཱཛེཏབྦོ། ཡོ པབྦཱཛེཡྻ, ཨཱཔཏྟི དུཀྐཊསྶཱཏི།
97. Tena kho pana samayena aññataro dāso palāyitvā bhikkhūsu pabbajito hoti. Ayyakā 2 passitvā evamāhaṃsu – ‘‘ayaṃ so amhākaṃ dāso. Handa, naṃ nemā’’ti. Ekacce evamāhaṃsu – ‘‘māyyo, evaṃ avacuttha, anuññātaṃ raññā māgadhena seniyena bimbisārena ‘‘ye samaṇesu sakyaputtiyesu pabbajanti, na te labbhā kiñci kātuṃ, svākkhāto dhammo, carantu brahmacariyaṃ sammā dukkhassa antakiriyāyā’’ti. Manussā ujjhāyanti khiyyanti vipācenti – ‘‘abhayūvarā ime samaṇā sakyaputtiyā, nayime labbhā kiñci kātuṃ. Kathañhi nāma samaṇā sakyaputtiyā dāsaṃ pabbājessantī’’ti. Bhagavato etamatthaṃ ārocesuṃ. Na, bhikkhave, dāso pabbājetabbo. Yo pabbājeyya, āpatti dukkaṭassāti.
དཱསཝཏྠུ ནིཊྛིཏཾ།
Dāsavatthu niṭṭhitaṃ.
Footnotes:
Related texts:
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / མཧཱཝགྒ-ཨཊྛཀཐཱ • Mahāvagga-aṭṭhakathā / དཱསཝཏྠུཀཐཱ • Dāsavatthukathā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / སཱརཏྠདཱིཔནཱི-ཊཱིཀཱ • Sāratthadīpanī-ṭīkā / རཱཛབྷཊཱདིཝཏྠུཀཐཱཝཎྞནཱ • Rājabhaṭādivatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝཛིརབུདྡྷི-ཊཱིཀཱ • Vajirabuddhi-ṭīkā / ཨིཎཱཡིཀདཱསཝཏྠུཀཐཱཝཎྞནཱ • Iṇāyikadāsavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / དཱསཝཏྠུཀཐཱཝཎྞནཱ • Dāsavatthukathāvaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / པཱཙིཏྱཱདིཡོཛནཱཔཱལི༹ • Pācityādiyojanāpāḷi / ༣༤. དཱསཝཏྠུཀཐཱ • 34. Dāsavatthukathā
