| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
12. ஸத்தஸதிகக்க²ந்த⁴கங்
12. Sattasatikakkhandhakaṃ
த³ஸவத்து²கதா²
Dasavatthukathā
447. ஸத்தஸதிகக்க²ந்த⁴கே வட்³டெ⁴ந்தி கடஸிந்தி எத்த² கடஸீஸத்³தோ³ ஸுஸானபூ⁴மிவாசகோதி த³ஸ்ஸெந்தோ ஆஹ ‘‘புனப்புனங் களேவரங் நிக்கி²பமானா பூ⁴மிங் வட்³டெ⁴ந்தீ’’தி. தத்த² களேவரந்தி தே³ஹங். தஞ்ஹி களே அங்க³பச்சங்கா³னங் அவயவே ஸம்பிண்டெ³த்வா வரியதி இச்சி²யதீதி களேவரந்தி வுச்சதி. ஏவங் கோ⁴ரங் கடஸிங் வட்³டெ⁴ந்தாவ புனப்³ப⁴வங் ஆதி³யந்தீதி யோஜனா.
447. Sattasatikakkhandhake vaḍḍhenti kaṭasinti ettha kaṭasīsaddo susānabhūmivācakoti dassento āha ‘‘punappunaṃ kaḷevaraṃ nikkhipamānā bhūmiṃ vaḍḍhentī’’ti. Tattha kaḷevaranti dehaṃ. Tañhi kaḷe aṅgapaccaṅgānaṃ avayave sampiṇḍetvā variyati icchiyatīti kaḷevaranti vuccati. Evaṃ ghoraṃ kaṭasiṃ vaḍḍhentāva punabbhavaṃ ādiyantīti yojanā.
454. பாபகங் நோ ஆவுஸோ கதந்தி எத்த² நோஸத்³தோ³ அம்ஹஸத்³த³காரியோ, ச²ட்டீ²கத்தா ச ஹோதீதி த³ஸ்ஸெந்தோ ஆஹ ‘‘ஆவுஸோ அம்ஹேஹி பாபகங் கத’’ந்தி.
454.Pāpakaṃno āvuso katanti ettha nosaddo amhasaddakāriyo, chaṭṭhīkattā ca hotīti dassento āha ‘‘āvuso amhehi pāpakaṃ kata’’nti.
455. ‘‘பியவசன’’ந்தி இமினா கதமேன த்வங் பூ⁴மி-விஹாரேனாதி எத்த² பூ⁴மிஸத்³தோ³ பியவாசகோ ருள்ஹீஸத்³தோ³தி த³ஸ்ஸேதி. ‘‘ஆமந்தேதீ’’தி இமினா ஆலபனபத³ந்தி த³ஸ்ஸேதி. ஆவுஸோ பூ⁴மீதி அத்தோ². குல்லவிஹாரோ நாம மெத்தாவிஹாரோ, ஸோ ச ஹெட்டி²மஜா²னத்தயே யுத்தத்தா உத்தானவிஹாரோதி ஆஹ ‘‘உத்தானவிஹாரேனா’’தி.
455. ‘‘Piyavacana’’nti iminā katamena tvaṃ bhūmi-vihārenāti ettha bhūmisaddo piyavācako ruḷhīsaddoti dasseti. ‘‘Āmantetī’’ti iminā ālapanapadanti dasseti. Āvuso bhūmīti attho. Kullavihāro nāma mettāvihāro, so ca heṭṭhimajhānattaye yuttattā uttānavihāroti āha ‘‘uttānavihārenā’’ti.
457. ஸாவத்தி²யாதி ஸாவத்தி²னக³ரே. ஸுத்தவிப⁴ங்கே³தி பத³பா⁴ஜனீயே. படிக்கி²த்தபா⁴வங் வித்தா²ரெந்தோ ஆஹ ‘‘தத்ர ஹீ’’திஆதி³. தத்ராதி ஸுத்தவிப⁴ங்கே³, படிக்கி²த்தங் ஹோதீதி ஸம்ப³ந்தோ⁴. தத்ராதி ‘‘ஸன்னிதி⁴காரகே அஸன்னிதி⁴காரகஸஞ்ஞீ’’திஆதி³வசனே. ஏகே ஆசரியா ஏவங் மஞ்ஞந்தீதி யோஜனா. கிந்தி மஞ்ஞந்தீதி ஆஹ ‘‘யோ பன பி⁴க்கூ²’’திஆதி³. அலோணகங் யம்பி ஆமிஸந்தி யோஜனா. தேனாதி புரேபரிக்³க³ஹிதலோணேன. தந்தி ஆமிஸங். தத³ஹுபடிக்³க³ஹிதமேவாதி தஸ்மிங் அஹனி படிக்³க³ஹிதமேவ. தஸ்மாதி யஸ்மா தத³ஹுபடிக்³க³ஹிதமேவ, தஸ்மா. வத³தோதி வத³ந்தஸ்ஸ, ப⁴க³வதோ வசனேனாதி ஸம்ப³ந்தோ⁴. எத்தா²தி அலோணகாமிஸபரிபு⁴ஞ்ஜனே, து³க்கடேன ப⁴விதப்³ப³ங் இதி மஞ்ஞந்தீதி யோஜனா. தேதி ஏகே ஆசரியா. து³க்கடேனபீதி பிஸத்³தே³ன பகே³வ பாசித்தியேனாதி த³ஸ்ஸேதி. ஹீதி ஸச்சங், யஸ்மா வா. எத்தா²தி யாவஜீவிகயாவகாலிகேஸு. யாவஜீவிகங் ந தத³ஹுபடிக்³க³ஹிதங், யாவகாலிகமேவ தத³ஹுபடிக்³க³ஹிதந்தி யோஜனா. தத³ஹுபடிக்³க³ஹிதஞ்ச யாவகாலிகந்தி ஸம்ப³ந்தோ⁴. தங் து³க்கடங் தும்ஹே யதி³ மஞ்ஞதா²தி யோஜனா. யாவஜீவிகமிஸ்ஸந்தி லோணஸங்கா²தேன யாவஜீவிகேன ஸங்ஸட்ட²ங். ப்³யஞ்ஜனமத்தந்தி விகாலே ந கப்பதீதி ப்³யஞ்ஜனமத்தங்.
457.Sāvatthiyāti sāvatthinagare. Suttavibhaṅgeti padabhājanīye. Paṭikkhittabhāvaṃ vitthārento āha ‘‘tatra hī’’tiādi. Tatrāti suttavibhaṅge, paṭikkhittaṃ hotīti sambandho. Tatrāti ‘‘sannidhikārake asannidhikārakasaññī’’tiādivacane. Eke ācariyā evaṃ maññantīti yojanā. Kinti maññantīti āha ‘‘yo pana bhikkhū’’tiādi. Aloṇakaṃ yampi āmisanti yojanā. Tenāti purepariggahitaloṇena. Tanti āmisaṃ. Tadahupaṭiggahitamevāti tasmiṃ ahani paṭiggahitameva. Tasmāti yasmā tadahupaṭiggahitameva, tasmā. Vadatoti vadantassa, bhagavato vacanenāti sambandho. Etthāti aloṇakāmisaparibhuñjane, dukkaṭena bhavitabbaṃ iti maññantīti yojanā. Teti eke ācariyā. Dukkaṭenapīti pisaddena pageva pācittiyenāti dasseti. Hīti saccaṃ, yasmā vā. Etthāti yāvajīvikayāvakālikesu. Yāvajīvikaṃ na tadahupaṭiggahitaṃ, yāvakālikameva tadahupaṭiggahitanti yojanā. Tadahupaṭiggahitañca yāvakālikanti sambandho. Taṃ dukkaṭaṃ tumhe yadi maññathāti yojanā. Yāvajīvikamissanti loṇasaṅkhātena yāvajīvikena saṃsaṭṭhaṃ. Byañjanamattanti vikāle na kappatīti byañjanamattaṃ.
எத்தா²தி ‘‘யாவகாலிகேன பி⁴க்க²வே’’திஆதி³வசனே (மஹாவ॰ 305) தத³ஹுபடிக்³க³ஹிதங் யாவஜீவிகந்தி யோஜனா. யாவகாலிகஸ்ஸ க³தி விய க³தி ஏதஸ்ஸாதி யாவகாலிகக³திகங். தஸ்மா து³க்கடங் ந ஹோதீதி ஸம்ப³ந்தோ⁴. எத்தா²தி புரேபடிக்³க³ஹிதலோணேன ஆமிஸபரிபு⁴ஞ்ஜனே. தத³ஹுபடிக்³க³ஹிதங் யாவகாலிகேன ஸம்பி⁴ன்னரஸங் யாவஜீவிகந்தி யோஜனா. தந்தி யதா²வுத்தங் யாவஜீவிகங், விகாலபோ⁴ஜனபாசித்தியா ஏவ காரணங் ஹோதீதி யோஜனா. ஏவந்தி ததா², அஜ்ஜ படிக்³க³ஹிதம்பி யாவஜீவிகந்தி ஸம்ப³ந்தோ⁴. அபரஜ்ஜு படிக்³க³ஹிதேன யாவகாலிகேனாதி யோஜனா. தந்தி யாவஜீவிகேன ஸம்மிஸ்ஸங் யாவகாலிகங், அஜானந்தோபீதி ஸம்ப³ந்தோ⁴. இத³ந்தி யதா²வுத்தங் யாவகாலிகங். ததோதி ஸன்னிதி⁴போ⁴ஜனபாசித்தியதோ. ஹீதி ஸச்சங். ‘‘ஸாவத்தி²யா ஸுத்தவிப⁴ங்கே³’’தி இத³ங் ப்³யாகரணங் பரிஸுத்³த⁴ந்தி யோஜனா.
Etthāti ‘‘yāvakālikena bhikkhave’’tiādivacane (mahāva. 305) tadahupaṭiggahitaṃ yāvajīvikanti yojanā. Yāvakālikassa gati viya gati etassāti yāvakālikagatikaṃ. Tasmā dukkaṭaṃ na hotīti sambandho. Etthāti purepaṭiggahitaloṇena āmisaparibhuñjane. Tadahupaṭiggahitaṃ yāvakālikena sambhinnarasaṃ yāvajīvikanti yojanā. Tanti yathāvuttaṃ yāvajīvikaṃ, vikālabhojanapācittiyā eva kāraṇaṃ hotīti yojanā. Evanti tathā, ajja paṭiggahitampi yāvajīvikanti sambandho. Aparajju paṭiggahitena yāvakālikenāti yojanā. Tanti yāvajīvikena sammissaṃ yāvakālikaṃ, ajānantopīti sambandho. Idanti yathāvuttaṃ yāvakālikaṃ. Tatoti sannidhibhojanapācittiyato. Hīti saccaṃ. ‘‘Sāvatthiyā suttavibhaṅge’’ti idaṃ byākaraṇaṃ parisuddhanti yojanā.
‘‘ராஜக³ஹே உபோஸத²ஸங்யுத்தே’’தி இத³ங் வசனங் வுத்தந்தி ஸம்ப³ந்தோ⁴. உபோஸத²ஸங்யுத்தேதி உபோஸதே²ன ஸம்ப³ந்தே⁴ உபோஸத²க்க²ந்த⁴கே. கிங் ஸந்தா⁴ய வுத்தந்தி ஆஹ ‘‘ந பி⁴க்க²வே…பே॰… து³க்கடஸ்ஸாதி (மஹாவ॰ 141) ஏதங் ஸந்தா⁴யா’’தி. அதிஸாரேதி அதிக்கமித்வா ஸரணே க³மனே பவத்தனேதி அத்தோ². நிமித்தத்தே² சேதங் பு⁴ம்மங். ‘‘சம்பெய்யகே வினயவத்து²ஸ்மி’’ந்தி இத³ங் வுத்தந்தி ஸம்ப³ந்தோ⁴. ‘‘சம்பெய்யக்க²ந்த⁴கே ஆக³த’’ந்தி இமினா சம்பெய்யே ஆக³தங் சம்பெய்யகந்தி வசனத்த²ங் த³ஸ்ஸேதி.
‘‘Rājagahe uposathasaṃyutte’’ti idaṃ vacanaṃ vuttanti sambandho. Uposathasaṃyutteti uposathena sambandhe uposathakkhandhake. Kiṃ sandhāya vuttanti āha ‘‘na bhikkhave…pe… dukkaṭassāti (mahāva. 141) etaṃ sandhāyā’’ti. Atisāreti atikkamitvā saraṇe gamane pavattaneti attho. Nimittatthe cetaṃ bhummaṃ. ‘‘Campeyyake vinayavatthusmi’’nti idaṃ vuttanti sambandho. ‘‘Campeyyakkhandhake āgata’’nti iminā campeyye āgataṃ campeyyakanti vacanatthaṃ dasseti.
த⁴ம்மிகந்தி பூ⁴தேன பவத்தங். ஸுத்தவிப⁴ங்கே³ ஹி யஸ்மா ஆக³தந்தி ஸம்ப³ந்தோ⁴. த³ஸாயேவாதி த³ஸாயமேவ, ஆதா⁴ரே சேதங் பு⁴ம்மங். வித³த்தி²மத்தாதி வித³த்தி²பமாணா. த³ஸாய வினாதி த³ஸங் வஜ்ஜெத்வா. தங் பமாணந்தி வித³த்தி²த்தயஸங்கா²தங் தங் பமாணங் கரொந்தஸ்ஸ வுத்தபாசித்தியங் ஆபஜ்ஜதீதி ஸம்ப³ந்தோ⁴. ‘‘தங் அதிக்காமயதோ சே²த³னகங் பாசித்திய’’ந்தி (பாசி॰ 533) இத³ங் வசனங் ஆக³தமேவ ஹோதீதி யோஜனா. ஸப்³ப³த்தா²தி ஸப்³ப³ஸ்மிங் ஸத்தஸதிகக்க²ந்த⁴கே.
Dhammikanti bhūtena pavattaṃ. Suttavibhaṅge hi yasmā āgatanti sambandho. Dasāyevāti dasāyameva, ādhāre cetaṃ bhummaṃ. Vidatthimattāti vidatthipamāṇā. Dasāya vināti dasaṃ vajjetvā. Taṃ pamāṇanti vidatthittayasaṅkhātaṃ taṃ pamāṇaṃ karontassa vuttapācittiyaṃ āpajjatīti sambandho. ‘‘Taṃ atikkāmayato chedanakaṃ pācittiya’’nti (pāci. 533) idaṃ vacanaṃ āgatameva hotīti yojanā. Sabbatthāti sabbasmiṃ sattasatikakkhandhake.
இதி ஸமந்தபாஸாதி³காய வினயஸங்வண்ணனாய
Iti samantapāsādikāya vinayasaṃvaṇṇanāya
ஸத்தஸதிகக்க²ந்த⁴கவண்ணனாய
Sattasatikakkhandhakavaṇṇanāya
யோஜனா ஸமத்தா.
Yojanā samattā.
த்³விவக்³க³ஸங்க³ஹாதி மஹாவக்³க³சூளவக்³க³வஸேன த்³வீஹி வக்³கே³ஹி ஸங்க³ஹிதா. த்³வாவீஸதிபபே⁴த³னாதி மஹாவக்³கே³ த³ஸ, சூளவக்³கே³ த்³வாத³ஸாதி ஏவங் த்³வாவீஸதிபகாரா. பஞ்சக்க²ந்த⁴து³க்க²ப்பஹாயினோதி பஞ்சக்க²ந்த⁴ஸங்கா²தங் து³க்க²ங் பஜஹனஸீலஸ்ஸ, ப⁴க³வதோதி ஸம்ப³ந்தோ⁴. ஆஸாபீதி இச்சா²பி. அயங் பனெத்த² யோஜனா-பஞ்சக்க²ந்த⁴து³க்க²ப்பஹாயினோ ப⁴க³வதோ ஸாஸனே த்³விவக்³க³ஸங்க³ஹா த்³வாவீஸதிபபே⁴த³னா யே க²ந்த⁴கா ப⁴க³வதா வுத்தா, தேஸங் க²ந்த⁴கானங் ஏஸா வண்ணனா அந்தராயங் வினா யதா² ஸித்³தா⁴, ஏவங் ததா² பாணீனங் கல்யாணா ஆஸாபி ஸிஜ்ஜ²ந்தூதி.
Dvivaggasaṅgahāti mahāvaggacūḷavaggavasena dvīhi vaggehi saṅgahitā. Dvāvīsatipabhedanāti mahāvagge dasa, cūḷavagge dvādasāti evaṃ dvāvīsatipakārā. Pañcakkhandhadukkhappahāyinoti pañcakkhandhasaṅkhātaṃ dukkhaṃ pajahanasīlassa, bhagavatoti sambandho. Āsāpīti icchāpi. Ayaṃ panettha yojanā-pañcakkhandhadukkhappahāyino bhagavato sāsane dvivaggasaṅgahā dvāvīsatipabhedanā ye khandhakā bhagavatā vuttā, tesaṃ khandhakānaṃ esā vaṇṇanā antarāyaṃ vinā yathā siddhā, evaṃ tathā pāṇīnaṃ kalyāṇā āsāpi sijjhantūti.
இதி ஸமந்தபாஸாதி³காய வினயஸங்வண்ணனாய
Iti samantapāsādikāya vinayasaṃvaṇṇanāya
சூளவக்³க³ஸங்வண்ணனாய
Cūḷavaggasaṃvaṇṇanāya
யோஜனா ஸமத்தா.
Yojanā samattā.
ஜாதி³லஞ்சி²தனாமேன, நேகானங் வாசிதோ மயா;
Jādilañchitanāmena, nekānaṃ vācito mayā;
சூளவக்³க³க²ந்த⁴கஸ்ஸ, ஸமத்தோ யோஜனானயோதி.
Cūḷavaggakhandhakassa, samatto yojanānayoti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi
1. பட²மபா⁴ணவாரோ • 1. Paṭhamabhāṇavāro
2. து³தியபா⁴ணவாரோ • 2. Dutiyabhāṇavāro
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / த³ஸவத்து²கதா² • Dasavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / த³ஸவத்து²கதா²வண்ணனா • Dasavatthukathāvaṇṇanā
