| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
12. сад̇д̇асад̇игагканд̇хагам̣
12. Sattasatikakkhandhakaṃ
д̣̇асавад̇т̇угат̇аа
Dasavatthukathā
446. сад̇д̇асад̇игагканд̇хагз – бхигкаг̇г̇знаад̇и бхигкуаг̇г̇зна, бхигкуу г̇ан̣зд̇ваа д̇ад̇д̇агз бадивийсз табзсунд̇и ад̇т̇о. махияаад̇и химабаад̇асамаяз химавалаахагаа.
446. Sattasatikakkhandhake – bhikkhaggenāti bhikkhuaggena, bhikkhū gaṇetvā tattake paṭivīse ṭhapesunti attho. Mahiyāti himapātasamaye himavalāhakā.
447. авиж̇ж̇аанивудаад̇и авиж̇ж̇аабадижчаннаа . босаад̇и бурисаа. бияаруубам̣ абхинанд̣̇анд̇и бад̇т̇знд̇ийд̇и бияаруубаабхинанд̣̇ино. авид̣̇д̣̇асууд̇и авиж̇аананд̇аа. рааг̇араж̇зхи сараж̇аа. маг̇асад̣̇исаад̇и маг̇аа. саха нзд̇д̇ияаад̇и санзд̇д̇игаа. вад̣дхзнд̇и гадасинд̇и бунаббунам̣ гал̣зварам̣ нигкибамаанаа бхуумим̣ вад̣дхзнд̇и. звам̣ вад̣дхзнд̇аава гхорам̣ аад̣̇ияанд̇и бунаб̣бхавам̣.
447.Avijjānivuṭāti avijjāpaṭicchannā . Posāti purisā. Piyarūpaṃ abhinandanti patthentīti piyarūpābhinandino. Aviddasūti avijānantā. Rāgarajehi sarajā. Magasadisāti magā. Saha nettiyāti sanettikā. Vaḍḍhenti kaṭasinti punappunaṃ kaḷevaraṃ nikkhipamānā bhūmiṃ vaḍḍhenti. Evaṃ vaḍḍhentāva ghoraṃ ādiyanti punabbhavaṃ.
454. баабагам̣ но аавусо гад̇анд̇и аавусо амхзхи баабагам̣ гад̇анд̇и ад̇т̇о.
454.Pāpakaṃ no āvuso katanti āvuso amhehi pāpakaṃ katanti attho.
455. гад̇амзна д̇вам̣ бхууми вихаарзнаад̇и зд̇т̇а бхуумийд̇и бияаважанамзд̇ам̣. бияам̣ вад̇д̇угаамо гира ааяасмаа саб̣б̣агаамий навагз бхигкуу звам̣ ааманд̇зд̇и. гуллагавихаарзнаад̇и уд̇д̇аанавихаарзна.
455.Katamena tvaṃ bhūmi vihārenāti ettha bhūmīti piyavacanametaṃ. Piyaṃ vattukāmo kira āyasmā sabbakāmī navake bhikkhū evaṃ āmanteti. Kullakavihārenāti uttānavihārena.
457. саавад̇т̇ияаа суд̇д̇авибхан̇г̇зд̇и гат̇ам̣ суд̇д̇авибхан̇г̇з бадигкид̇д̇ам̣ ход̇и? д̇ад̇ра хи ‘‘саннид̇хи наама аж̇ж̇а бадиг̇г̇ахид̇ам̣ абараж̇ж̇уу’’д̇и вад̇ваа буна ‘‘саннид̇хигаарагз асаннид̇хигаарагасан̃н̃ий каад̣̇анийяам̣ ваа бхож̇анийяам̣ ваа каад̣̇ад̇и ваа бхун̃ж̇ад̇и ваа аабад̇д̇и баажид̇д̇ияассаа’’д̇и аабад̇д̇им̣ вад̣̇анд̇зна бадигкид̇д̇ам̣ ход̇и. д̇ад̇рзгз ман̃н̃анд̇и ‘‘яо бана бхигку саннид̇хигаарагам̣ каад̣̇анийяам̣ ваа бхож̇анийяам̣ ваа’’д̇и хи вуд̇д̇ам̣, ид̣̇ан̃жа лон̣ам̣ наама яааваж̇ийвигад̇д̇аа саннид̇хибхаавам̣ наабаж̇ж̇ад̇и. яамби алон̣агам̣ аамисам̣ бадиг̇г̇ахзд̇ваа д̇зна сад̣̇д̇хим̣ барибхун̃ж̇ад̇и, д̇ам̣ д̇ад̣̇ахубадиг̇г̇ахид̇амзва, д̇асмаа ‘‘‘яаавагаалигзна, бхигкавз, яааваж̇ийвигам̣ д̇ад̣̇ахубадиг̇г̇ахид̇ам̣ гаалз габбад̇и, вигаалз на габбад̇ий’д̇и важанад̇о д̣̇уггадзнзд̇т̇а бхавид̇аб̣б̣а’’нд̇и. д̇з вад̇д̇аб̣б̣аа – ‘‘д̇умхаагам̣ мад̇зна д̣̇уггадзнаби на бхавид̇аб̣б̣ам̣, на хи зд̇т̇а яааваж̇ийвигам̣ д̇ад̣̇ахубадиг̇г̇ахид̇ам̣, яаавагаалигамзва д̇ад̣̇ахубадиг̇г̇ахид̇ам̣ , на жа д̇ам̣ вигаалз барибхуд̇д̇ам̣. яад̣̇и ваа ‘‘вигаалз на габбад̇ий’’д̇и важанзна д̇умхз д̣̇уггадам̣ ман̃н̃зт̇а, яааваж̇ийвигамиссам̣ яаавагаалигам̣ вигаалз бхун̃ж̇анд̇асса вигаалабхож̇анабаажид̇д̇ияам̣ на бхавзяяа. д̇асмаа на б̣яан̃ж̇анамад̇д̇ам̣ г̇ахзд̇аб̣б̣ам̣, ад̇т̇о убабаригкид̇аб̣б̣о.
457.Sāvatthiyā suttavibhaṅgeti kathaṃ suttavibhaṅge paṭikkhittaṃ hoti? Tatra hi ‘‘sannidhi nāma ajja paṭiggahitaṃ aparajjū’’ti vatvā puna ‘‘sannidhikārake asannidhikārakasaññī khādanīyaṃ vā bhojanīyaṃ vā khādati vā bhuñjati vā āpatti pācittiyassā’’ti āpattiṃ vadantena paṭikkhittaṃ hoti. Tatreke maññanti ‘‘yo pana bhikkhu sannidhikārakaṃ khādanīyaṃ vā bhojanīyaṃ vā’’ti hi vuttaṃ, idañca loṇaṃ nāma yāvajīvikattā sannidhibhāvaṃ nāpajjati. Yampi aloṇakaṃ āmisaṃ paṭiggahetvā tena saddhiṃ paribhuñjati, taṃ tadahupaṭiggahitameva, tasmā ‘‘‘yāvakālikena, bhikkhave, yāvajīvikaṃ tadahupaṭiggahitaṃ kāle kappati, vikāle na kappatī’ti vacanato dukkaṭenettha bhavitabba’’nti. Te vattabbā – ‘‘tumhākaṃ matena dukkaṭenapi na bhavitabbaṃ, na hi ettha yāvajīvikaṃ tadahupaṭiggahitaṃ, yāvakālikameva tadahupaṭiggahitaṃ , na ca taṃ vikāle paribhuttaṃ. Yadi vā ‘‘vikāle na kappatī’’ti vacanena tumhe dukkaṭaṃ maññetha, yāvajīvikamissaṃ yāvakālikaṃ vikāle bhuñjantassa vikālabhojanapācittiyaṃ na bhaveyya. Tasmā na byañjanamattaṃ gahetabbaṃ, attho upaparikkhitabbo.
аяан̃хзд̇т̇а ад̇т̇о – яаавагаалигзна яааваж̇ийвигам̣ д̇ад̣̇ахубадиг̇г̇ахид̇ам̣ яад̣̇и самбхиннарасам̣ ход̇и, яаавагаалигаг̇ад̇игамзва ход̇и. д̇асмаа ‘‘яо бана бхигку вигаалз каад̣̇анийяам̣ ваа бхож̇анийяам̣ ваа’’д̇и иминаа сигкаабад̣̇зна гаалз габбад̇и, вигаалз на габбад̇и. на ид̇ха ‘‘на габбад̇ий’’д̇и важанамад̇д̇знзд̇т̇а д̣̇уггадам̣ ход̇и. яат̇зва яааваж̇ийвигам̣ д̇ад̣̇ахубадиг̇г̇ахид̇ам̣ яаавагаалигзна самбхиннарасам̣ вигаалз на габбад̇и, вигаалабхож̇анабаажид̇д̇ияаавахам̣ ход̇и. звам̣ аж̇ж̇а бадиг̇г̇ахид̇амби абараж̇ж̇у яаавагаалигзна самбхиннарасам̣ на габбад̇и, саннид̇хибхож̇анабаажид̇д̇ияаавахам̣ ход̇и. д̇ам̣ ‘‘саннид̇хигад̇ам̣ ид̣̇а’’нд̇и аж̇аананд̇оби на мужжад̇и. вуд̇д̇ан̃хзд̇ам̣ – ‘‘саннид̇хигаарагз асаннид̇хигаарагасан̃н̃ий каад̣̇анийяам̣ ваа бхож̇анийяам̣ ваа каад̣̇ад̇и ваа бхун̃ж̇ад̇и ваа аабад̇д̇и баажид̇д̇ияассаа’’д̇и. д̇асмаа ‘‘гад̇т̇а бадигкид̇д̇а’’нд̇и имиссаа бужчааяа ‘‘барисуд̣̇д̇хамид̣̇ам̣ б̣яаагаран̣ам̣ саавад̇т̇ияаа суд̇д̇авибхан̇г̇з’’д̇и.
Ayañhettha attho – yāvakālikena yāvajīvikaṃ tadahupaṭiggahitaṃ yadi sambhinnarasaṃ hoti, yāvakālikagatikameva hoti. Tasmā ‘‘yo pana bhikkhu vikāle khādanīyaṃ vā bhojanīyaṃ vā’’ti iminā sikkhāpadena kāle kappati, vikāle na kappati. Na idha ‘‘na kappatī’’ti vacanamattenettha dukkaṭaṃ hoti. Yatheva yāvajīvikaṃ tadahupaṭiggahitaṃ yāvakālikena sambhinnarasaṃ vikāle na kappati, vikālabhojanapācittiyāvahaṃ hoti. Evaṃ ajja paṭiggahitampi aparajju yāvakālikena sambhinnarasaṃ na kappati, sannidhibhojanapācittiyāvahaṃ hoti. Taṃ ‘‘sannidhikataṃ ida’’nti ajānantopi na muccati. Vuttañhetaṃ – ‘‘sannidhikārake asannidhikārakasaññī khādanīyaṃ vā bhojanīyaṃ vā khādati vā bhuñjati vā āpatti pācittiyassā’’ti. Tasmā ‘‘kattha paṭikkhitta’’nti imissā pucchāya ‘‘parisuddhamidaṃ byākaraṇaṃ sāvatthiyā suttavibhaṅge’’ti.
рааж̇аг̇ахз убосат̇асам̣яуд̇д̇зд̇и ид̣̇ам̣ ‘‘на бхигкавз згасмим̣ ааваасз д̣̇вз убосат̇ааг̇аараани самманнид̇аб̣б̣аани; яо самманнзяяа, аабад̇д̇и д̣̇уггадассаа’’д̇и зд̇ам̣ санд̇хааяа вуд̇д̇ам̣. винаяаад̇исаарз д̣̇уггаданд̇и ‘‘на бхигкавз згасмим̣ ааваасз д̣̇вз убосат̇ааг̇аараани самманнид̇аб̣б̣ааний’’д̇и зд̇асса винаяасса ад̇исаарз д̣̇уггадам̣. жамбзяяагз винаяавад̇т̇усминд̇и ид̣̇ам̣ ‘‘ад̇хаммзна жз бхигкавз ваг̇г̇агаммам̣, агаммам̣ на жа гаран̣ийяа’’нд̇и звамаад̣̇им̣ гад̇ваа жамбзяяагканд̇хагз ааг̇ад̇ам̣ винаяавад̇т̇ум̣ санд̇хааяа вуд̇д̇ам̣.
Rājagahe uposathasaṃyutteti idaṃ ‘‘na bhikkhave ekasmiṃ āvāse dve uposathāgārāni sammannitabbāni; yo sammanneyya, āpatti dukkaṭassā’’ti etaṃ sandhāya vuttaṃ. Vinayātisāre dukkaṭanti ‘‘na bhikkhave ekasmiṃ āvāse dve uposathāgārāni sammannitabbānī’’ti etassa vinayassa atisāre dukkaṭaṃ. Campeyyake vinayavatthusminti idaṃ ‘‘adhammena ce bhikkhave vaggakammaṃ, akammaṃ na ca karaṇīya’’nti evamādiṃ katvā campeyyakkhandhake āgataṃ vinayavatthuṃ sandhāya vuttaṃ.
згажжо габбад̇ийд̇и ид̣̇ам̣ д̇хаммигам̣ аажин̣н̣ам̣ санд̇хааяа вуд̇д̇ам̣. чзд̣̇анагз баажид̇д̇ияанд̇и суд̇д̇авибхан̇г̇з хи ‘‘нисийд̣̇анам̣ наама сад̣̇асам̣ вужжад̇ий’’д̇и ааг̇ад̇ам̣, д̇асмаа д̣̇виннам̣ суг̇ад̇авид̣̇ад̇т̇ийнам̣ убари д̣̇асааязва вид̣̇ад̇т̇имад̇д̇аа лаб̣бхад̇и. д̣̇асааяа винаа д̇ам̣ бамаан̣ам̣ гаронд̇асса ид̣̇ам̣ ааг̇ад̇амзва ход̇и – ‘‘д̇ам̣ ад̇иггаамаяад̇о чзд̣̇анагам̣ баажид̇д̇ияа’’нд̇и. д̇асмаа ‘‘гим̣ аабаж̇ж̇ад̇ий’’д̇и будто ‘‘чзд̣̇анагз баажид̇д̇ияа’’нд̇и ааха. чзд̣̇анагасигкаабад̣̇з вуд̇д̇абаажид̇д̇ияам̣ аабаж̇ж̇ад̇ийд̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
Ekaccokappatīti idaṃ dhammikaṃ āciṇṇaṃ sandhāya vuttaṃ. Chedanake pācittiyanti suttavibhaṅge hi ‘‘nisīdanaṃ nāma sadasaṃ vuccatī’’ti āgataṃ, tasmā dvinnaṃ sugatavidatthīnaṃ upari dasāyeva vidatthimattā labbhati. Dasāya vinā taṃ pamāṇaṃ karontassa idaṃ āgatameva hoti – ‘‘taṃ atikkāmayato chedanakaṃ pācittiya’’nti. Tasmā ‘‘kiṃ āpajjatī’’ti puṭṭho ‘‘chedanake pācittiya’’nti āha. Chedanakasikkhāpade vuttapācittiyaṃ āpajjatīti attho. Sesaṃ sabbattha uttānamevāti.
д̣̇асавад̇т̇угат̇аа нидтид̇аа.
Dasavatthukathā niṭṭhitā.
саманд̇абаасаад̣̇игааяа винаяасам̣ван̣н̣анааяа
Samantapāsādikāya vinayasaṃvaṇṇanāya
сад̇д̇асад̇игагканд̇хагаван̣н̣анаа нидтид̇аа.
Sattasatikakkhandhakavaṇṇanā niṭṭhitā.
д̣̇виваг̇г̇асан̇г̇ахаа вуд̇д̇аа, д̣̇ваавийсад̇ибабхзд̣̇анаа;
Dvivaggasaṅgahā vuttā, dvāvīsatipabhedanā;
канд̇хагаа саасанз бан̃жагканд̇хад̣̇угкаббахааяино.
Khandhakā sāsane pañcakkhandhadukkhappahāyino.
яаа д̇зсам̣ ван̣н̣анаа зсаа, анд̇арааяам̣ винаа яат̇аа;
Yā tesaṃ vaṇṇanā esā, antarāyaṃ vinā yathā;
сид̣̇д̇хаа сиж̇жханд̇у галяаан̣аа, звам̣ аасааби баан̣инанд̇и.
Siddhā sijjhantu kalyāṇā, evaṃ āsāpi pāṇinanti.
жуул̣аваг̇г̇а-адтагат̇аа нидтид̇аа.
Cūḷavagga-aṭṭhakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
1. батамабхаан̣авааро • 1. Paṭhamabhāṇavāro
2. д̣̇уд̇ияабхаан̣авааро • 2. Dutiyabhāṇavāro
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇асавад̇т̇угат̇ааван̣н̣анаа • Dasavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇асавад̇т̇угат̇ааван̣н̣анаа • Dasavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̣̇асавад̇т̇угат̇ааван̣н̣анаа • Dasavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / д̣̇асавад̇т̇угат̇аа • Dasavatthukathā
