| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
12. сад̇д̇асад̇игагканд̇хагам̣
12. Sattasatikakkhandhakaṃ
д̣̇асавад̇т̇угат̇аа
Dasavatthukathā
447. сад̇д̇асад̇игагканд̇хагз вад̣дхзнд̇и гадасинд̇и зд̇т̇а гадасийсад̣̇д̣̇о сусаанабхуумиваажагод̇и д̣̇ассзнд̇о ааха ‘‘бунаббунам̣ гал̣зварам̣ нигкибамаанаа бхуумим̣ вад̣дхзнд̇ий’’д̇и. д̇ад̇т̇а гал̣зваранд̇и д̣̇зхам̣. д̇ан̃хи гал̣з ан̇г̇абажжан̇г̇аанам̣ аваяавз самбин̣д̣зд̇ваа варияад̇и ижчияад̇ийд̇и гал̣зваранд̇и вужжад̇и. звам̣ гхорам̣ гадасим̣ вад̣дхзнд̇аава бунаб̣бхавам̣ аад̣̇ияанд̇ийд̇и яож̇анаа.
447. Sattasatikakkhandhake vaḍḍhenti kaṭasinti ettha kaṭasīsaddo susānabhūmivācakoti dassento āha ‘‘punappunaṃ kaḷevaraṃ nikkhipamānā bhūmiṃ vaḍḍhentī’’ti. Tattha kaḷevaranti dehaṃ. Tañhi kaḷe aṅgapaccaṅgānaṃ avayave sampiṇḍetvā variyati icchiyatīti kaḷevaranti vuccati. Evaṃ ghoraṃ kaṭasiṃ vaḍḍhentāva punabbhavaṃ ādiyantīti yojanā.
454. баабагам̣ но аавусо гад̇анд̇и зд̇т̇а носад̣̇д̣̇о амхасад̣̇д̣̇агаарияо, чадтийгад̇д̇аа жа ход̇ийд̇и д̣̇ассзнд̇о ааха ‘‘аавусо амхзхи баабагам̣ гад̇а’’нд̇и.
454.Pāpakaṃno āvuso katanti ettha nosaddo amhasaddakāriyo, chaṭṭhīkattā ca hotīti dassento āha ‘‘āvuso amhehi pāpakaṃ kata’’nti.
455. ‘‘бияаважана’’нд̇и иминаа гад̇амзна д̇вам̣ бхууми-вихаарзнаад̇и зд̇т̇а бхуумисад̣̇д̣̇о бияаваажаго рул̣хийсад̣̇д̣̇од̇и д̣̇ассзд̇и. ‘‘ааманд̇зд̇ий’’д̇и иминаа аалабанабад̣̇анд̇и д̣̇ассзд̇и. аавусо бхуумийд̇и ад̇т̇о. гуллавихааро наама мзд̇д̇аавихааро, со жа хздтимажхаанад̇д̇аяз яуд̇д̇ад̇д̇аа уд̇д̇аанавихаарод̇и ааха ‘‘уд̇д̇аанавихаарзнаа’’д̇и.
455. ‘‘Piyavacana’’nti iminā katamena tvaṃ bhūmi-vihārenāti ettha bhūmisaddo piyavācako ruḷhīsaddoti dasseti. ‘‘Āmantetī’’ti iminā ālapanapadanti dasseti. Āvuso bhūmīti attho. Kullavihāro nāma mettāvihāro, so ca heṭṭhimajhānattaye yuttattā uttānavihāroti āha ‘‘uttānavihārenā’’ti.
457. саавад̇т̇ияаад̇и саавад̇т̇инаг̇арз. суд̇д̇авибхан̇г̇зд̇и бад̣̇абхааж̇анийяз. бадигкид̇д̇абхаавам̣ вид̇т̇аарзнд̇о ааха ‘‘д̇ад̇ра хий’’д̇иаад̣̇и. д̇ад̇раад̇и суд̇д̇авибхан̇г̇з, бадигкид̇д̇ам̣ ход̇ийд̇и самб̣анд̇хо. д̇ад̇раад̇и ‘‘саннид̇хигаарагз асаннид̇хигаарагасан̃н̃ий’’д̇иаад̣̇иважанз. згз аажарияаа звам̣ ман̃н̃анд̇ийд̇и яож̇анаа. гинд̇и ман̃н̃анд̇ийд̇и ааха ‘‘яо бана бхигкуу’’д̇иаад̣̇и. алон̣агам̣ яамби аамисанд̇и яож̇анаа. д̇знаад̇и бурзбариг̇г̇ахид̇алон̣зна. д̇анд̇и аамисам̣. д̇ад̣̇ахубадиг̇г̇ахид̇амзваад̇и д̇асмим̣ ахани бадиг̇г̇ахид̇амзва. д̇асмаад̇и яасмаа д̇ад̣̇ахубадиг̇г̇ахид̇амзва, д̇асмаа. вад̣̇ад̇од̇и вад̣̇анд̇асса, бхаг̇авад̇о важанзнаад̇и самб̣анд̇хо. зд̇т̇аад̇и алон̣агаамисабарибхун̃ж̇анз, д̣̇уггадзна бхавид̇аб̣б̣ам̣ ид̇и ман̃н̃анд̇ийд̇и яож̇анаа. д̇зд̇и згз аажарияаа. д̣̇уггадзнабийд̇и бисад̣̇д̣̇зна баг̇зва баажид̇д̇иязнаад̇и д̣̇ассзд̇и. хийд̇и сажжам̣, яасмаа ваа. зд̇т̇аад̇и яааваж̇ийвигаяаавагаалигзсу. яааваж̇ийвигам̣ на д̇ад̣̇ахубадиг̇г̇ахид̇ам̣, яаавагаалигамзва д̇ад̣̇ахубадиг̇г̇ахид̇анд̇и яож̇анаа. д̇ад̣̇ахубадиг̇г̇ахид̇ан̃жа яаавагаалиганд̇и самб̣анд̇хо. д̇ам̣ д̣̇уггадам̣ д̇умхз яад̣̇и ман̃н̃ат̇аад̇и яож̇анаа. яааваж̇ийвигамиссанд̇и лон̣асан̇каад̇зна яааваж̇ийвигзна сам̣садтам̣. б̣яан̃ж̇анамад̇д̇анд̇и вигаалз на габбад̇ийд̇и б̣яан̃ж̇анамад̇д̇ам̣.
457.Sāvatthiyāti sāvatthinagare. Suttavibhaṅgeti padabhājanīye. Paṭikkhittabhāvaṃ vitthārento āha ‘‘tatra hī’’tiādi. Tatrāti suttavibhaṅge, paṭikkhittaṃ hotīti sambandho. Tatrāti ‘‘sannidhikārake asannidhikārakasaññī’’tiādivacane. Eke ācariyā evaṃ maññantīti yojanā. Kinti maññantīti āha ‘‘yo pana bhikkhū’’tiādi. Aloṇakaṃ yampi āmisanti yojanā. Tenāti purepariggahitaloṇena. Tanti āmisaṃ. Tadahupaṭiggahitamevāti tasmiṃ ahani paṭiggahitameva. Tasmāti yasmā tadahupaṭiggahitameva, tasmā. Vadatoti vadantassa, bhagavato vacanenāti sambandho. Etthāti aloṇakāmisaparibhuñjane, dukkaṭena bhavitabbaṃ iti maññantīti yojanā. Teti eke ācariyā. Dukkaṭenapīti pisaddena pageva pācittiyenāti dasseti. Hīti saccaṃ, yasmā vā. Etthāti yāvajīvikayāvakālikesu. Yāvajīvikaṃ na tadahupaṭiggahitaṃ, yāvakālikameva tadahupaṭiggahitanti yojanā. Tadahupaṭiggahitañca yāvakālikanti sambandho. Taṃ dukkaṭaṃ tumhe yadi maññathāti yojanā. Yāvajīvikamissanti loṇasaṅkhātena yāvajīvikena saṃsaṭṭhaṃ. Byañjanamattanti vikāle na kappatīti byañjanamattaṃ.
зд̇т̇аад̇и ‘‘яаавагаалигзна бхигкавз’’д̇иаад̣̇иважанз (махаава. 305) д̇ад̣̇ахубадиг̇г̇ахид̇ам̣ яааваж̇ийвиганд̇и яож̇анаа. яаавагаалигасса г̇ад̇и вияа г̇ад̇и зд̇ассаад̇и яаавагаалигаг̇ад̇игам̣. д̇асмаа д̣̇уггадам̣ на ход̇ийд̇и самб̣анд̇хо. зд̇т̇аад̇и бурзбадиг̇г̇ахид̇алон̣зна аамисабарибхун̃ж̇анз. д̇ад̣̇ахубадиг̇г̇ахид̇ам̣ яаавагаалигзна самбхиннарасам̣ яааваж̇ийвиганд̇и яож̇анаа. д̇анд̇и яат̇аавуд̇д̇ам̣ яааваж̇ийвигам̣, вигаалабхож̇анабаажид̇д̇ияаа зва гааран̣ам̣ ход̇ийд̇и яож̇анаа. званд̇и д̇ат̇аа, аж̇ж̇а бадиг̇г̇ахид̇амби яааваж̇ийвиганд̇и самб̣анд̇хо. абараж̇ж̇у бадиг̇г̇ахид̇зна яаавагаалигзнаад̇и яож̇анаа. д̇анд̇и яааваж̇ийвигзна саммиссам̣ яаавагаалигам̣, аж̇аананд̇обийд̇и самб̣анд̇хо. ид̣̇анд̇и яат̇аавуд̇д̇ам̣ яаавагаалигам̣. д̇ад̇од̇и саннид̇хибхож̇анабаажид̇д̇ияад̇о. хийд̇и сажжам̣. ‘‘саавад̇т̇ияаа суд̇д̇авибхан̇г̇з’’д̇и ид̣̇ам̣ б̣яаагаран̣ам̣ барисуд̣̇д̇ханд̇и яож̇анаа.
Etthāti ‘‘yāvakālikena bhikkhave’’tiādivacane (mahāva. 305) tadahupaṭiggahitaṃ yāvajīvikanti yojanā. Yāvakālikassa gati viya gati etassāti yāvakālikagatikaṃ. Tasmā dukkaṭaṃ na hotīti sambandho. Etthāti purepaṭiggahitaloṇena āmisaparibhuñjane. Tadahupaṭiggahitaṃ yāvakālikena sambhinnarasaṃ yāvajīvikanti yojanā. Tanti yathāvuttaṃ yāvajīvikaṃ, vikālabhojanapācittiyā eva kāraṇaṃ hotīti yojanā. Evanti tathā, ajja paṭiggahitampi yāvajīvikanti sambandho. Aparajju paṭiggahitena yāvakālikenāti yojanā. Tanti yāvajīvikena sammissaṃ yāvakālikaṃ, ajānantopīti sambandho. Idanti yathāvuttaṃ yāvakālikaṃ. Tatoti sannidhibhojanapācittiyato. Hīti saccaṃ. ‘‘Sāvatthiyā suttavibhaṅge’’ti idaṃ byākaraṇaṃ parisuddhanti yojanā.
‘‘рааж̇аг̇ахз убосат̇асам̣яуд̇д̇з’’д̇и ид̣̇ам̣ важанам̣ вуд̇д̇анд̇и самб̣анд̇хо. убосат̇асам̣яуд̇д̇зд̇и убосат̇зна самб̣анд̇хз убосат̇агканд̇хагз. гим̣ санд̇хааяа вуд̇д̇анд̇и ааха ‘‘на бхигкавз…бз… д̣̇уггадассаад̇и (махаава. 141) зд̇ам̣ санд̇хааяаа’’д̇и. ад̇исаарзд̇и ад̇иггамид̇ваа саран̣з г̇аманз бавад̇д̇анзд̇и ад̇т̇о. нимид̇д̇ад̇т̇з жзд̇ам̣ бхуммам̣. ‘‘жамбзяяагз винаяавад̇т̇усми’’нд̇и ид̣̇ам̣ вуд̇д̇анд̇и самб̣анд̇хо. ‘‘жамбзяяагканд̇хагз ааг̇ад̇а’’нд̇и иминаа жамбзяяз ааг̇ад̇ам̣ жамбзяяаганд̇и важанад̇т̇ам̣ д̣̇ассзд̇и.
‘‘Rājagahe uposathasaṃyutte’’ti idaṃ vacanaṃ vuttanti sambandho. Uposathasaṃyutteti uposathena sambandhe uposathakkhandhake. Kiṃ sandhāya vuttanti āha ‘‘na bhikkhave…pe… dukkaṭassāti (mahāva. 141) etaṃ sandhāyā’’ti. Atisāreti atikkamitvā saraṇe gamane pavattaneti attho. Nimittatthe cetaṃ bhummaṃ. ‘‘Campeyyake vinayavatthusmi’’nti idaṃ vuttanti sambandho. ‘‘Campeyyakkhandhake āgata’’nti iminā campeyye āgataṃ campeyyakanti vacanatthaṃ dasseti.
д̇хаммиганд̇и бхууд̇зна бавад̇д̇ам̣. суд̇д̇авибхан̇г̇з хи яасмаа ааг̇ад̇анд̇и самб̣анд̇хо. д̣̇асааязваад̇и д̣̇асааяамзва, аад̇хаарз жзд̇ам̣ бхуммам̣. вид̣̇ад̇т̇имад̇д̇аад̇и вид̣̇ад̇т̇ибамаан̣аа. д̣̇асааяа винаад̇и д̣̇асам̣ важ̇ж̇зд̇ваа. д̇ам̣ бамаан̣анд̇и вид̣̇ад̇т̇ид̇д̇аяасан̇каад̇ам̣ д̇ам̣ бамаан̣ам̣ гаронд̇асса вуд̇д̇абаажид̇д̇ияам̣ аабаж̇ж̇ад̇ийд̇и самб̣анд̇хо. ‘‘д̇ам̣ ад̇иггаамаяад̇о чзд̣̇анагам̣ баажид̇д̇ияа’’нд̇и (баажи. 533) ид̣̇ам̣ важанам̣ ааг̇ад̇амзва ход̇ийд̇и яож̇анаа. саб̣б̣ад̇т̇аад̇и саб̣б̣асмим̣ сад̇д̇асад̇игагканд̇хагз.
Dhammikanti bhūtena pavattaṃ. Suttavibhaṅge hi yasmā āgatanti sambandho. Dasāyevāti dasāyameva, ādhāre cetaṃ bhummaṃ. Vidatthimattāti vidatthipamāṇā. Dasāya vināti dasaṃ vajjetvā. Taṃ pamāṇanti vidatthittayasaṅkhātaṃ taṃ pamāṇaṃ karontassa vuttapācittiyaṃ āpajjatīti sambandho. ‘‘Taṃ atikkāmayato chedanakaṃ pācittiya’’nti (pāci. 533) idaṃ vacanaṃ āgatameva hotīti yojanā. Sabbatthāti sabbasmiṃ sattasatikakkhandhake.
ид̇и саманд̇абаасаад̣̇игааяа винаяасам̣ван̣н̣анааяа
Iti samantapāsādikāya vinayasaṃvaṇṇanāya
сад̇д̇асад̇игагканд̇хагаван̣н̣анааяа
Sattasatikakkhandhakavaṇṇanāya
яож̇анаа самад̇д̇аа.
Yojanā samattā.
д̣̇виваг̇г̇асан̇г̇ахаад̇и махааваг̇г̇ажуул̣аваг̇г̇авасзна д̣̇вийхи ваг̇г̇зхи сан̇г̇ахид̇аа. д̣̇ваавийсад̇ибабхзд̣̇анаад̇и махааваг̇г̇з д̣̇аса, жуул̣аваг̇г̇з д̣̇ваад̣̇асаад̇и звам̣ д̣̇ваавийсад̇ибагаараа. бан̃жагканд̇хад̣̇угкаббахааяинод̇и бан̃жагканд̇хасан̇каад̇ам̣ д̣̇угкам̣ баж̇аханасийласса, бхаг̇авад̇од̇и самб̣анд̇хо. аасаабийд̇и ижчааби. аяам̣ банзд̇т̇а яож̇анаа-бан̃жагканд̇хад̣̇угкаббахааяино бхаг̇авад̇о саасанз д̣̇виваг̇г̇асан̇г̇ахаа д̣̇ваавийсад̇ибабхзд̣̇анаа яз канд̇хагаа бхаг̇авад̇аа вуд̇д̇аа, д̇зсам̣ канд̇хагаанам̣ зсаа ван̣н̣анаа анд̇арааяам̣ винаа яат̇аа сид̣̇д̇хаа, звам̣ д̇ат̇аа баан̣ийнам̣ галяаан̣аа аасааби сиж̇жханд̇ууд̇и.
Dvivaggasaṅgahāti mahāvaggacūḷavaggavasena dvīhi vaggehi saṅgahitā. Dvāvīsatipabhedanāti mahāvagge dasa, cūḷavagge dvādasāti evaṃ dvāvīsatipakārā. Pañcakkhandhadukkhappahāyinoti pañcakkhandhasaṅkhātaṃ dukkhaṃ pajahanasīlassa, bhagavatoti sambandho. Āsāpīti icchāpi. Ayaṃ panettha yojanā-pañcakkhandhadukkhappahāyino bhagavato sāsane dvivaggasaṅgahā dvāvīsatipabhedanā ye khandhakā bhagavatā vuttā, tesaṃ khandhakānaṃ esā vaṇṇanā antarāyaṃ vinā yathā siddhā, evaṃ tathā pāṇīnaṃ kalyāṇā āsāpi sijjhantūti.
ид̇и саманд̇абаасаад̣̇игааяа винаяасам̣ван̣н̣анааяа
Iti samantapāsādikāya vinayasaṃvaṇṇanāya
жуул̣аваг̇г̇асам̣ван̣н̣анааяа
Cūḷavaggasaṃvaṇṇanāya
яож̇анаа самад̇д̇аа.
Yojanā samattā.
ж̇аад̣̇илан̃чид̇анаамзна, нзгаанам̣ ваажид̇о маяаа;
Jādilañchitanāmena, nekānaṃ vācito mayā;
жуул̣аваг̇г̇аканд̇хагасса, самад̇д̇о яож̇анаанаяод̇и.
Cūḷavaggakhandhakassa, samatto yojanānayoti.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
1. батамабхаан̣авааро • 1. Paṭhamabhāṇavāro
2. д̣̇уд̇ияабхаан̣авааро • 2. Dutiyabhāṇavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / д̣̇асавад̇т̇угат̇аа • Dasavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇асавад̇т̇угат̇ааван̣н̣анаа • Dasavatthukathāvaṇṇanā
