| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੧੨. ਸਤ੍ਤਸਤਿਕਕ੍ਖਨ੍ਧਕਂ
12. Sattasatikakkhandhakaṃ
ਦਸવਤ੍ਥੁਕਥਾ
Dasavatthukathā
੪੪੭. ਸਤ੍ਤਸਤਿਕਕ੍ਖਨ੍ਧਕੇ વਡ੍ਢੇਨ੍ਤਿ ਕਟਸਿਨ੍ਤਿ ਏਤ੍ਥ ਕਟਸੀਸਦ੍ਦੋ ਸੁਸਾਨਭੂਮਿવਾਚਕੋਤਿ ਦਸ੍ਸੇਨ੍ਤੋ ਆਹ ‘‘ਪੁਨਪ੍ਪੁਨਂ ਕਲ਼ੇવਰਂ ਨਿਕ੍ਖਿਪਮਾਨਾ ਭੂਮਿਂ વਡ੍ਢੇਨ੍ਤੀ’’ਤਿ। ਤਤ੍ਥ ਕਲ਼ੇવਰਨ੍ਤਿ ਦੇਹਂ। ਤਞ੍ਹਿ ਕਲ਼ੇ ਅਙ੍ਗਪਚ੍ਚਙ੍ਗਾਨਂ ਅવਯવੇ ਸਮ੍ਪਿਣ੍ਡੇਤ੍વਾ વਰਿਯਤਿ ਇਚ੍ਛਿਯਤੀਤਿ ਕਲ਼ੇવਰਨ੍ਤਿ વੁਚ੍ਚਤਿ। ਏવਂ ਘੋਰਂ ਕਟਸਿਂ વਡ੍ਢੇਨ੍ਤਾવ ਪੁਨਬ੍ਭવਂ ਆਦਿਯਨ੍ਤੀਤਿ ਯੋਜਨਾ।
447. Sattasatikakkhandhake vaḍḍhenti kaṭasinti ettha kaṭasīsaddo susānabhūmivācakoti dassento āha ‘‘punappunaṃ kaḷevaraṃ nikkhipamānā bhūmiṃ vaḍḍhentī’’ti. Tattha kaḷevaranti dehaṃ. Tañhi kaḷe aṅgapaccaṅgānaṃ avayave sampiṇḍetvā variyati icchiyatīti kaḷevaranti vuccati. Evaṃ ghoraṃ kaṭasiṃ vaḍḍhentāva punabbhavaṃ ādiyantīti yojanā.
੪੫੪. ਪਾਪਕਂ ਨੋ ਆવੁਸੋ ਕਤਨ੍ਤਿ ਏਤ੍ਥ ਨੋਸਦ੍ਦੋ ਅਮ੍ਹਸਦ੍ਦਕਾਰਿਯੋ, ਛਟ੍ਠੀਕਤ੍ਤਾ ਚ ਹੋਤੀਤਿ ਦਸ੍ਸੇਨ੍ਤੋ ਆਹ ‘‘ਆવੁਸੋ ਅਮ੍ਹੇਹਿ ਪਾਪਕਂ ਕਤ’’ਨ੍ਤਿ।
454.Pāpakaṃno āvuso katanti ettha nosaddo amhasaddakāriyo, chaṭṭhīkattā ca hotīti dassento āha ‘‘āvuso amhehi pāpakaṃ kata’’nti.
੪੫੫. ‘‘ਪਿਯવਚਨ’’ਨ੍ਤਿ ਇਮਿਨਾ ਕਤਮੇਨ ਤ੍વਂ ਭੂਮਿ-વਿਹਾਰੇਨਾਤਿ ਏਤ੍ਥ ਭੂਮਿਸਦ੍ਦੋ ਪਿਯવਾਚਕੋ ਰੁਲ਼੍ਹੀਸਦ੍ਦੋਤਿ ਦਸ੍ਸੇਤਿ। ‘‘ਆਮਨ੍ਤੇਤੀ’’ਤਿ ਇਮਿਨਾ ਆਲਪਨਪਦਨ੍ਤਿ ਦਸ੍ਸੇਤਿ। ਆવੁਸੋ ਭੂਮੀਤਿ ਅਤ੍ਥੋ। ਕੁਲ੍ਲવਿਹਾਰੋ ਨਾਮ ਮੇਤ੍ਤਾવਿਹਾਰੋ, ਸੋ ਚ ਹੇਟ੍ਠਿਮਝਾਨਤ੍ਤਯੇ ਯੁਤ੍ਤਤ੍ਤਾ ਉਤ੍ਤਾਨવਿਹਾਰੋਤਿ ਆਹ ‘‘ਉਤ੍ਤਾਨવਿਹਾਰੇਨਾ’’ਤਿ।
455. ‘‘Piyavacana’’nti iminā katamena tvaṃ bhūmi-vihārenāti ettha bhūmisaddo piyavācako ruḷhīsaddoti dasseti. ‘‘Āmantetī’’ti iminā ālapanapadanti dasseti. Āvuso bhūmīti attho. Kullavihāro nāma mettāvihāro, so ca heṭṭhimajhānattaye yuttattā uttānavihāroti āha ‘‘uttānavihārenā’’ti.
੪੫੭. ਸਾવਤ੍ਥਿਯਾਤਿ ਸਾવਤ੍ਥਿਨਗਰੇ। ਸੁਤ੍ਤવਿਭਙ੍ਗੇਤਿ ਪਦਭਾਜਨੀਯੇ। ਪਟਿਕ੍ਖਿਤ੍ਤਭਾવਂ વਿਤ੍ਥਾਰੇਨ੍ਤੋ ਆਹ ‘‘ਤਤ੍ਰ ਹੀ’’ਤਿਆਦਿ। ਤਤ੍ਰਾਤਿ ਸੁਤ੍ਤવਿਭਙ੍ਗੇ, ਪਟਿਕ੍ਖਿਤ੍ਤਂ ਹੋਤੀਤਿ ਸਮ੍ਬਨ੍ਧੋ। ਤਤ੍ਰਾਤਿ ‘‘ਸਨ੍ਨਿਧਿਕਾਰਕੇ ਅਸਨ੍ਨਿਧਿਕਾਰਕਸਞ੍ਞੀ’’ਤਿਆਦਿવਚਨੇ। ਏਕੇ ਆਚਰਿਯਾ ਏવਂ ਮਞ੍ਞਨ੍ਤੀਤਿ ਯੋਜਨਾ। ਕਿਨ੍ਤਿ ਮਞ੍ਞਨ੍ਤੀਤਿ ਆਹ ‘‘ਯੋ ਪਨ ਭਿਕ੍ਖੂ’’ਤਿਆਦਿ। ਅਲੋਣਕਂ ਯਮ੍ਪਿ ਆਮਿਸਨ੍ਤਿ ਯੋਜਨਾ। ਤੇਨਾਤਿ ਪੁਰੇਪਰਿਗ੍ਗਹਿਤਲੋਣੇਨ। ਤਨ੍ਤਿ ਆਮਿਸਂ। ਤਦਹੁਪਟਿਗ੍ਗਹਿਤਮੇવਾਤਿ ਤਸ੍ਮਿਂ ਅਹਨਿ ਪਟਿਗ੍ਗਹਿਤਮੇવ। ਤਸ੍ਮਾਤਿ ਯਸ੍ਮਾ ਤਦਹੁਪਟਿਗ੍ਗਹਿਤਮੇવ, ਤਸ੍ਮਾ। વਦਤੋਤਿ વਦਨ੍ਤਸ੍ਸ, ਭਗવਤੋ વਚਨੇਨਾਤਿ ਸਮ੍ਬਨ੍ਧੋ। ਏਤ੍ਥਾਤਿ ਅਲੋਣਕਾਮਿਸਪਰਿਭੁਞ੍ਜਨੇ, ਦੁਕ੍ਕਟੇਨ ਭવਿਤਬ੍ਬਂ ਇਤਿ ਮਞ੍ਞਨ੍ਤੀਤਿ ਯੋਜਨਾ। ਤੇਤਿ ਏਕੇ ਆਚਰਿਯਾ। ਦੁਕ੍ਕਟੇਨਪੀਤਿ ਪਿਸਦ੍ਦੇਨ ਪਗੇવ ਪਾਚਿਤ੍ਤਿਯੇਨਾਤਿ ਦਸ੍ਸੇਤਿ। ਹੀਤਿ ਸਚ੍ਚਂ, ਯਸ੍ਮਾ વਾ। ਏਤ੍ਥਾਤਿ ਯਾવਜੀવਿਕਯਾવਕਾਲਿਕੇਸੁ। ਯਾવਜੀવਿਕਂ ਨ ਤਦਹੁਪਟਿਗ੍ਗਹਿਤਂ, ਯਾવਕਾਲਿਕਮੇવ ਤਦਹੁਪਟਿਗ੍ਗਹਿਤਨ੍ਤਿ ਯੋਜਨਾ। ਤਦਹੁਪਟਿਗ੍ਗਹਿਤਞ੍ਚ ਯਾવਕਾਲਿਕਨ੍ਤਿ ਸਮ੍ਬਨ੍ਧੋ। ਤਂ ਦੁਕ੍ਕਟਂ ਤੁਮ੍ਹੇ ਯਦਿ ਮਞ੍ਞਥਾਤਿ ਯੋਜਨਾ। ਯਾવਜੀવਿਕਮਿਸ੍ਸਨ੍ਤਿ ਲੋਣਸਙ੍ਖਾਤੇਨ ਯਾવਜੀવਿਕੇਨ ਸਂਸਟ੍ਠਂ। ਬ੍ਯਞ੍ਜਨਮਤ੍ਤਨ੍ਤਿ વਿਕਾਲੇ ਨ ਕਪ੍ਪਤੀਤਿ ਬ੍ਯਞ੍ਜਨਮਤ੍ਤਂ।
457.Sāvatthiyāti sāvatthinagare. Suttavibhaṅgeti padabhājanīye. Paṭikkhittabhāvaṃ vitthārento āha ‘‘tatra hī’’tiādi. Tatrāti suttavibhaṅge, paṭikkhittaṃ hotīti sambandho. Tatrāti ‘‘sannidhikārake asannidhikārakasaññī’’tiādivacane. Eke ācariyā evaṃ maññantīti yojanā. Kinti maññantīti āha ‘‘yo pana bhikkhū’’tiādi. Aloṇakaṃ yampi āmisanti yojanā. Tenāti purepariggahitaloṇena. Tanti āmisaṃ. Tadahupaṭiggahitamevāti tasmiṃ ahani paṭiggahitameva. Tasmāti yasmā tadahupaṭiggahitameva, tasmā. Vadatoti vadantassa, bhagavato vacanenāti sambandho. Etthāti aloṇakāmisaparibhuñjane, dukkaṭena bhavitabbaṃ iti maññantīti yojanā. Teti eke ācariyā. Dukkaṭenapīti pisaddena pageva pācittiyenāti dasseti. Hīti saccaṃ, yasmā vā. Etthāti yāvajīvikayāvakālikesu. Yāvajīvikaṃ na tadahupaṭiggahitaṃ, yāvakālikameva tadahupaṭiggahitanti yojanā. Tadahupaṭiggahitañca yāvakālikanti sambandho. Taṃ dukkaṭaṃ tumhe yadi maññathāti yojanā. Yāvajīvikamissanti loṇasaṅkhātena yāvajīvikena saṃsaṭṭhaṃ. Byañjanamattanti vikāle na kappatīti byañjanamattaṃ.
ਏਤ੍ਥਾਤਿ ‘‘ਯਾવਕਾਲਿਕੇਨ ਭਿਕ੍ਖવੇ’’ਤਿਆਦਿવਚਨੇ (ਮਹਾવ॰ ੩੦੫) ਤਦਹੁਪਟਿਗ੍ਗਹਿਤਂ ਯਾવਜੀવਿਕਨ੍ਤਿ ਯੋਜਨਾ। ਯਾવਕਾਲਿਕਸ੍ਸ ਗਤਿ વਿਯ ਗਤਿ ਏਤਸ੍ਸਾਤਿ ਯਾવਕਾਲਿਕਗਤਿਕਂ। ਤਸ੍ਮਾ ਦੁਕ੍ਕਟਂ ਨ ਹੋਤੀਤਿ ਸਮ੍ਬਨ੍ਧੋ। ਏਤ੍ਥਾਤਿ ਪੁਰੇਪਟਿਗ੍ਗਹਿਤਲੋਣੇਨ ਆਮਿਸਪਰਿਭੁਞ੍ਜਨੇ। ਤਦਹੁਪਟਿਗ੍ਗਹਿਤਂ ਯਾવਕਾਲਿਕੇਨ ਸਮ੍ਭਿਨ੍ਨਰਸਂ ਯਾવਜੀવਿਕਨ੍ਤਿ ਯੋਜਨਾ। ਤਨ੍ਤਿ ਯਥਾવੁਤ੍ਤਂ ਯਾવਜੀવਿਕਂ, વਿਕਾਲਭੋਜਨਪਾਚਿਤ੍ਤਿਯਾ ਏવ ਕਾਰਣਂ ਹੋਤੀਤਿ ਯੋਜਨਾ। ਏવਨ੍ਤਿ ਤਥਾ, ਅਜ੍ਜ ਪਟਿਗ੍ਗਹਿਤਮ੍ਪਿ ਯਾવਜੀવਿਕਨ੍ਤਿ ਸਮ੍ਬਨ੍ਧੋ। ਅਪਰਜ੍ਜੁ ਪਟਿਗ੍ਗਹਿਤੇਨ ਯਾવਕਾਲਿਕੇਨਾਤਿ ਯੋਜਨਾ। ਤਨ੍ਤਿ ਯਾવਜੀવਿਕੇਨ ਸਮ੍ਮਿਸ੍ਸਂ ਯਾવਕਾਲਿਕਂ, ਅਜਾਨਨ੍ਤੋਪੀਤਿ ਸਮ੍ਬਨ੍ਧੋ। ਇਦਨ੍ਤਿ ਯਥਾવੁਤ੍ਤਂ ਯਾવਕਾਲਿਕਂ। ਤਤੋਤਿ ਸਨ੍ਨਿਧਿਭੋਜਨਪਾਚਿਤ੍ਤਿਯਤੋ। ਹੀਤਿ ਸਚ੍ਚਂ। ‘‘ਸਾવਤ੍ਥਿਯਾ ਸੁਤ੍ਤવਿਭਙ੍ਗੇ’’ਤਿ ਇਦਂ ਬ੍ਯਾਕਰਣਂ ਪਰਿਸੁਦ੍ਧਨ੍ਤਿ ਯੋਜਨਾ।
Etthāti ‘‘yāvakālikena bhikkhave’’tiādivacane (mahāva. 305) tadahupaṭiggahitaṃ yāvajīvikanti yojanā. Yāvakālikassa gati viya gati etassāti yāvakālikagatikaṃ. Tasmā dukkaṭaṃ na hotīti sambandho. Etthāti purepaṭiggahitaloṇena āmisaparibhuñjane. Tadahupaṭiggahitaṃ yāvakālikena sambhinnarasaṃ yāvajīvikanti yojanā. Tanti yathāvuttaṃ yāvajīvikaṃ, vikālabhojanapācittiyā eva kāraṇaṃ hotīti yojanā. Evanti tathā, ajja paṭiggahitampi yāvajīvikanti sambandho. Aparajju paṭiggahitena yāvakālikenāti yojanā. Tanti yāvajīvikena sammissaṃ yāvakālikaṃ, ajānantopīti sambandho. Idanti yathāvuttaṃ yāvakālikaṃ. Tatoti sannidhibhojanapācittiyato. Hīti saccaṃ. ‘‘Sāvatthiyā suttavibhaṅge’’ti idaṃ byākaraṇaṃ parisuddhanti yojanā.
‘‘ਰਾਜਗਹੇ ਉਪੋਸਥਸਂਯੁਤ੍ਤੇ’’ਤਿ ਇਦਂ વਚਨਂ વੁਤ੍ਤਨ੍ਤਿ ਸਮ੍ਬਨ੍ਧੋ। ਉਪੋਸਥਸਂਯੁਤ੍ਤੇਤਿ ਉਪੋਸਥੇਨ ਸਮ੍ਬਨ੍ਧੇ ਉਪੋਸਥਕ੍ਖਨ੍ਧਕੇ। ਕਿਂ ਸਨ੍ਧਾਯ વੁਤ੍ਤਨ੍ਤਿ ਆਹ ‘‘ਨ ਭਿਕ੍ਖવੇ…ਪੇ॰… ਦੁਕ੍ਕਟਸ੍ਸਾਤਿ (ਮਹਾવ॰ ੧੪੧) ਏਤਂ ਸਨ੍ਧਾਯਾ’’ਤਿ। ਅਤਿਸਾਰੇਤਿ ਅਤਿਕ੍ਕਮਿਤ੍વਾ ਸਰਣੇ ਗਮਨੇ ਪવਤ੍ਤਨੇਤਿ ਅਤ੍ਥੋ। ਨਿਮਿਤ੍ਤਤ੍ਥੇ ਚੇਤਂ ਭੁਮ੍ਮਂ। ‘‘ਚਮ੍ਪੇਯ੍ਯਕੇ વਿਨਯવਤ੍ਥੁਸ੍ਮਿ’’ਨ੍ਤਿ ਇਦਂ વੁਤ੍ਤਨ੍ਤਿ ਸਮ੍ਬਨ੍ਧੋ। ‘‘ਚਮ੍ਪੇਯ੍ਯਕ੍ਖਨ੍ਧਕੇ ਆਗਤ’’ਨ੍ਤਿ ਇਮਿਨਾ ਚਮ੍ਪੇਯ੍ਯੇ ਆਗਤਂ ਚਮ੍ਪੇਯ੍ਯਕਨ੍ਤਿ વਚਨਤ੍ਥਂ ਦਸ੍ਸੇਤਿ।
‘‘Rājagahe uposathasaṃyutte’’ti idaṃ vacanaṃ vuttanti sambandho. Uposathasaṃyutteti uposathena sambandhe uposathakkhandhake. Kiṃ sandhāya vuttanti āha ‘‘na bhikkhave…pe… dukkaṭassāti (mahāva. 141) etaṃ sandhāyā’’ti. Atisāreti atikkamitvā saraṇe gamane pavattaneti attho. Nimittatthe cetaṃ bhummaṃ. ‘‘Campeyyake vinayavatthusmi’’nti idaṃ vuttanti sambandho. ‘‘Campeyyakkhandhake āgata’’nti iminā campeyye āgataṃ campeyyakanti vacanatthaṃ dasseti.
ਧਮ੍ਮਿਕਨ੍ਤਿ ਭੂਤੇਨ ਪવਤ੍ਤਂ। ਸੁਤ੍ਤવਿਭਙ੍ਗੇ ਹਿ ਯਸ੍ਮਾ ਆਗਤਨ੍ਤਿ ਸਮ੍ਬਨ੍ਧੋ। ਦਸਾਯੇવਾਤਿ ਦਸਾਯਮੇવ, ਆਧਾਰੇ ਚੇਤਂ ਭੁਮ੍ਮਂ। વਿਦਤ੍ਥਿਮਤ੍ਤਾਤਿ વਿਦਤ੍ਥਿਪਮਾਣਾ। ਦਸਾਯ વਿਨਾਤਿ ਦਸਂ વਜ੍ਜੇਤ੍વਾ। ਤਂ ਪਮਾਣਨ੍ਤਿ વਿਦਤ੍ਥਿਤ੍ਤਯਸਙ੍ਖਾਤਂ ਤਂ ਪਮਾਣਂ ਕਰੋਨ੍ਤਸ੍ਸ વੁਤ੍ਤਪਾਚਿਤ੍ਤਿਯਂ ਆਪਜ੍ਜਤੀਤਿ ਸਮ੍ਬਨ੍ਧੋ। ‘‘ਤਂ ਅਤਿਕ੍ਕਾਮਯਤੋ ਛੇਦਨਕਂ ਪਾਚਿਤ੍ਤਿਯ’’ਨ੍ਤਿ (ਪਾਚਿ॰ ੫੩੩) ਇਦਂ વਚਨਂ ਆਗਤਮੇવ ਹੋਤੀਤਿ ਯੋਜਨਾ। ਸਬ੍ਬਤ੍ਥਾਤਿ ਸਬ੍ਬਸ੍ਮਿਂ ਸਤ੍ਤਸਤਿਕਕ੍ਖਨ੍ਧਕੇ।
Dhammikanti bhūtena pavattaṃ. Suttavibhaṅge hi yasmā āgatanti sambandho. Dasāyevāti dasāyameva, ādhāre cetaṃ bhummaṃ. Vidatthimattāti vidatthipamāṇā. Dasāya vināti dasaṃ vajjetvā. Taṃ pamāṇanti vidatthittayasaṅkhātaṃ taṃ pamāṇaṃ karontassa vuttapācittiyaṃ āpajjatīti sambandho. ‘‘Taṃ atikkāmayato chedanakaṃ pācittiya’’nti (pāci. 533) idaṃ vacanaṃ āgatameva hotīti yojanā. Sabbatthāti sabbasmiṃ sattasatikakkhandhake.
ਇਤਿ ਸਮਨ੍ਤਪਾਸਾਦਿਕਾਯ વਿਨਯਸਂવਣ੍ਣਨਾਯ
Iti samantapāsādikāya vinayasaṃvaṇṇanāya
ਸਤ੍ਤਸਤਿਕਕ੍ਖਨ੍ਧਕવਣ੍ਣਨਾਯ
Sattasatikakkhandhakavaṇṇanāya
ਯੋਜਨਾ ਸਮਤ੍ਤਾ।
Yojanā samattā.
ਦ੍વਿવਗ੍ਗਸਙ੍ਗਹਾਤਿ ਮਹਾવਗ੍ਗਚੂਲ਼વਗ੍ਗવਸੇਨ ਦ੍વੀਹਿ વਗ੍ਗੇਹਿ ਸਙ੍ਗਹਿਤਾ। ਦ੍વਾવੀਸਤਿਪਭੇਦਨਾਤਿ ਮਹਾવਗ੍ਗੇ ਦਸ, ਚੂਲ਼વਗ੍ਗੇ ਦ੍વਾਦਸਾਤਿ ਏવਂ ਦ੍વਾવੀਸਤਿਪਕਾਰਾ। ਪਞ੍ਚਕ੍ਖਨ੍ਧਦੁਕ੍ਖਪ੍ਪਹਾਯਿਨੋਤਿ ਪਞ੍ਚਕ੍ਖਨ੍ਧਸਙ੍ਖਾਤਂ ਦੁਕ੍ਖਂ ਪਜਹਨਸੀਲਸ੍ਸ, ਭਗવਤੋਤਿ ਸਮ੍ਬਨ੍ਧੋ। ਆਸਾਪੀਤਿ ਇਚ੍ਛਾਪਿ। ਅਯਂ ਪਨੇਤ੍ਥ ਯੋਜਨਾ-ਪਞ੍ਚਕ੍ਖਨ੍ਧਦੁਕ੍ਖਪ੍ਪਹਾਯਿਨੋ ਭਗવਤੋ ਸਾਸਨੇ ਦ੍વਿવਗ੍ਗਸਙ੍ਗਹਾ ਦ੍વਾવੀਸਤਿਪਭੇਦਨਾ ਯੇ ਖਨ੍ਧਕਾ ਭਗવਤਾ વੁਤ੍ਤਾ, ਤੇਸਂ ਖਨ੍ਧਕਾਨਂ ਏਸਾ વਣ੍ਣਨਾ ਅਨ੍ਤਰਾਯਂ વਿਨਾ ਯਥਾ ਸਿਦ੍ਧਾ, ਏવਂ ਤਥਾ ਪਾਣੀਨਂ ਕਲ੍ਯਾਣਾ ਆਸਾਪਿ ਸਿਜ੍ਝਨ੍ਤੂਤਿ।
Dvivaggasaṅgahāti mahāvaggacūḷavaggavasena dvīhi vaggehi saṅgahitā. Dvāvīsatipabhedanāti mahāvagge dasa, cūḷavagge dvādasāti evaṃ dvāvīsatipakārā. Pañcakkhandhadukkhappahāyinoti pañcakkhandhasaṅkhātaṃ dukkhaṃ pajahanasīlassa, bhagavatoti sambandho. Āsāpīti icchāpi. Ayaṃ panettha yojanā-pañcakkhandhadukkhappahāyino bhagavato sāsane dvivaggasaṅgahā dvāvīsatipabhedanā ye khandhakā bhagavatā vuttā, tesaṃ khandhakānaṃ esā vaṇṇanā antarāyaṃ vinā yathā siddhā, evaṃ tathā pāṇīnaṃ kalyāṇā āsāpi sijjhantūti.
ਇਤਿ ਸਮਨ੍ਤਪਾਸਾਦਿਕਾਯ વਿਨਯਸਂવਣ੍ਣਨਾਯ
Iti samantapāsādikāya vinayasaṃvaṇṇanāya
ਚੂਲ਼વਗ੍ਗਸਂવਣ੍ਣਨਾਯ
Cūḷavaggasaṃvaṇṇanāya
ਯੋਜਨਾ ਸਮਤ੍ਤਾ।
Yojanā samattā.
ਜਾਦਿਲਞ੍ਛਿਤਨਾਮੇਨ, ਨੇਕਾਨਂ વਾਚਿਤੋ ਮਯਾ।
Jādilañchitanāmena, nekānaṃ vācito mayā;
ਚੂਲ਼વਗ੍ਗਖਨ੍ਧਕਸ੍ਸ, ਸਮਤ੍ਤੋ ਯੋਜਨਾਨਯੋਤਿ॥
Cūḷavaggakhandhakassa, samatto yojanānayoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi
੧. ਪਠਮਭਾਣવਾਰੋ • 1. Paṭhamabhāṇavāro
੨. ਦੁਤਿਯਭਾਣવਾਰੋ • 2. Dutiyabhāṇavāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਦਸવਤ੍ਥੁਕਥਾ • Dasavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਦਸવਤ੍ਥੁਕਥਾવਣ੍ਣਨਾ • Dasavatthukathāvaṇṇanā
