| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
12. ஸத்தஸதிகக்க²ந்த⁴கவண்ணனா
12. Sattasatikakkhandhakavaṇṇanā
த³ஸவத்து²கதா²வண்ணனா
Dasavatthukathāvaṇṇanā
446. நிக்கி²த்தமணிஸுவண்ணாதி ஸிக்கா²பதே³னேவ படிக்கி²த்தமணிஸுவண்ணா. தத்த² மணிக்³க³ஹணேன ஸப்³ப³ங் து³க்கடவத்து², ஸுவண்ணக்³க³ஹணேன ஸப்³ப³ங் பாசித்தியவத்து² க³ஹிதங் ஹோதி. பி⁴க்க²க்³கே³ன பி⁴க்கு²க³ணனாயாதி வுத்தங் ஹோதி.
446.Nikkhittamaṇisuvaṇṇāti sikkhāpadeneva paṭikkhittamaṇisuvaṇṇā. Tattha maṇiggahaṇena sabbaṃ dukkaṭavatthu, suvaṇṇaggahaṇena sabbaṃ pācittiyavatthu gahitaṃ hoti. Bhikkhaggena bhikkhugaṇanāyāti vuttaṃ hoti.
447. மஹிகாதி ஹிமங். போஸாதி ஸத்தா. ஸரஜாதி ஸகிலேஸரஜா. மகா³தி மக³ஸதி³ஸா. தஸ்மிங் தஸ்மிங் விஸயே, ப⁴வே வா நேதீதி நெத்தி, தண்ஹாயேதங் அதி⁴வசனங், தாய ஸஹ வத்தந்தீதி ஸனெத்திகா.
447.Mahikāti himaṃ. Posāti sattā. Sarajāti sakilesarajā. Magāti magasadisā. Tasmiṃ tasmiṃ visaye, bhave vā netīti netti, taṇhāyetaṃ adhivacanaṃ, tāya saha vattantīti sanettikā.
450-2. அஹோக³ங்கோ³தி பப்³ப³தஸ்ஸ நாமங். அனுமானெஸ்ஸாமாதி பஞ்ஞாபெஸ்ஸாம. ஆஸுதாதி ஸஜ்ஜிதா, ‘‘அஸுத்தா’’தி வா பாடோ², அனாவிலா அபக்கா தருணா.
450-2.Ahogaṅgoti pabbatassa nāmaṃ. Anumānessāmāti paññāpessāma. Āsutāti sajjitā, ‘‘asuttā’’ti vā pāṭho, anāvilā apakkā taruṇā.
453. உஜ்ஜவிங்ஸு படிஸோதேன க³ச்சி²ங்ஸு.
453.Ujjaviṃsu paṭisotena gacchiṃsu.
455. அப்பேவ நாமாதி ஸாது⁴ நாம. மூலா தா³யகா பேஸலகா. ‘‘குல்லகவிஹாரேனாதி கு²த்³த³கவிஹாரேனா’’தி லிகி²தங். ரூபாவதாரத்தா குல்லகவிஹாரோ நாம. கத²ங் பனேதங் பஞ்ஞாயதி, யேன ஸன்னிதி⁴கதங் யாவஜீவிகங் யாவகாலிகேன தத³ஹுபடிக்³க³ஹிதேன ஸம்பி⁴ன்னரஸங் தத³ஹுபடிக்³க³ஹிதஸங்க²யங் ஆக³ந்த்வா ஸன்னிதி⁴கதாமிஸஸங்க்²யமேவ க³ச்ச²தீதி? வுச்சதே – ‘‘யாவகாலிகேன, பி⁴க்க²வே, யாவஜீவிகங் தத³ஹுபடிக்³க³ஹித’’ந்தி வசனதோ புரேபடிக்³க³ஹிதங் யாவஜீவிகங் தத³ஹுபடிக்³க³ஹிதேனாமிஸேன சே ஸம்பி⁴ன்னங், புரேபடிக்³க³ஹிதஸங்க்²யமேவ க³ச்ச²தீதி ஸித்³த⁴ங். அஞ்ஞதா² ‘‘ஸத்தாஹகாலிகேன, பி⁴க்க²வே, யாவஜீவிகங் படிக்³க³ஹிதங் ஸத்தாஹங் கப்பதீ’’தி (மஹாவ॰ 305) வுத்தட்டா²னே விய இதா⁴பி ‘‘யாவகாலிகேன, பி⁴க்க²வே, யாவஜீவிகங் படிக்³க³ஹிதங் காலே கப்பதீ’’தி வதெ³ய்ய, தஞ்சாவுத்தங். தஸ்மா புரேபடிக்³க³ஹிதங் தங் ஆமிஸஸம்பி⁴ன்னங் ஆமிஸக³திகமேவாதி வேதி³தப்³ப³ங். க³ண்டி²பதே³ பன ‘‘ஸன்னிதி⁴காரகங் கா²த³னீயங் வா போ⁴ஜனீயங் வா’’தி (பாசி॰ 253) வுத்தங். ப்³யஞ்ஜனமத்தங் ந க³ஹேதப்³ப³ங்.
455.Appeva nāmāti sādhu nāma. Mūlā dāyakā pesalakā. ‘‘Kullakavihārenāti khuddakavihārenā’’ti likhitaṃ. Rūpāvatārattā kullakavihāro nāma. Kathaṃ panetaṃ paññāyati, yena sannidhikataṃ yāvajīvikaṃ yāvakālikena tadahupaṭiggahitena sambhinnarasaṃ tadahupaṭiggahitasaṅkhayaṃ āgantvā sannidhikatāmisasaṅkhyameva gacchatīti? Vuccate – ‘‘yāvakālikena, bhikkhave, yāvajīvikaṃ tadahupaṭiggahita’’nti vacanato purepaṭiggahitaṃ yāvajīvikaṃ tadahupaṭiggahitenāmisena ce sambhinnaṃ, purepaṭiggahitasaṅkhyameva gacchatīti siddhaṃ. Aññathā ‘‘sattāhakālikena, bhikkhave, yāvajīvikaṃ paṭiggahitaṃ sattāhaṃ kappatī’’ti (mahāva. 305) vuttaṭṭhāne viya idhāpi ‘‘yāvakālikena, bhikkhave, yāvajīvikaṃ paṭiggahitaṃ kāle kappatī’’ti vadeyya, tañcāvuttaṃ. Tasmā purepaṭiggahitaṃ taṃ āmisasambhinnaṃ āmisagatikamevāti veditabbaṃ. Gaṇṭhipade pana ‘‘sannidhikārakaṃ khādanīyaṃ vā bhojanīyaṃ vā’’ti (pāci. 253) vuttaṃ. Byañjanamattaṃ na gahetabbaṃ.
457. இதா⁴தி இமஸ்மிங் பாடே². ‘‘‘காலே கப்பதி, விகாலே ந கப்பதீ’தி (மஹாவ॰ 305) வுத்தவசனமத்தேன ‘விகாலே கப்பதீ’தி விகாலபோ⁴ஜனபாசித்தியங் ஆவஹங் ஹோதீதி அத்தோ², ‘ந கப்பதீ’தி ஸன்னிதி⁴போ⁴ஜனபாசித்தியங் ஆவஹங் ஹோதீதி அத்தோ², யதி³ ஸம்பி⁴ன்னரஸங் அஜ்ஜபடிக்³க³ஹிதம்பி யாவஜீவிகந்தி அத்தோ²’’தி லிகி²தங். ஸுத்தவிப⁴ங்கே³தி மாதிகாஸங்கா²தே ஸுத்தே ச தஸ்ஸ பத³பா⁴ஜனீயஸங்கா²தே விப⁴ங்கே³ சாதி அத்தோ². இத³ங் ஆக³தமேவ. கதரந்தி? ‘‘அதிக்காமயதோ சே²த³னக’’ந்தி இத³ங்.
457.Idhāti imasmiṃ pāṭhe. ‘‘‘Kāle kappati, vikāle na kappatī’ti (mahāva. 305) vuttavacanamattena ‘vikāle kappatī’ti vikālabhojanapācittiyaṃ āvahaṃ hotīti attho, ‘na kappatī’ti sannidhibhojanapācittiyaṃ āvahaṃ hotīti attho, yadi sambhinnarasaṃ ajjapaṭiggahitampi yāvajīvikanti attho’’ti likhitaṃ. Suttavibhaṅgeti mātikāsaṅkhāte sutte ca tassa padabhājanīyasaṅkhāte vibhaṅge cāti attho. Idaṃ āgatameva. Kataranti? ‘‘Atikkāmayato chedanaka’’nti idaṃ.
திவித³த்தி²பமாணஞ்சே, அத³ஸங் தங் நிஸீத³னங்;
Tividatthipamāṇañce, adasaṃ taṃ nisīdanaṃ;
நிஸீத³னங் கத²ங் ஹோதி, ஸத³ஸங் தஞ்ஹி லக்க²ணங்.
Nisīdanaṃ kathaṃ hoti, sadasaṃ tañhi lakkhaṇaṃ.
திவித³த்தி²பமாணங் தங், த³ஸா தத்த² வித³த்தி² சே;
Tividatthipamāṇaṃ taṃ, dasā tattha vidatthi ce;
தங்னிஸீத³னநாமத்தா, தஸ்மிங் சே²த³னகங் ஸியா.
Taṃnisīdananāmattā, tasmiṃ chedanakaṃ siyā.
அனிஸீத³னநாமம்ஹி, கத²ங் சே²த³னகங் ப⁴வே;
Anisīdananāmamhi, kathaṃ chedanakaṃ bhave;
இதி சே நேவ வத்தப்³ப³ங், நிஸீத³னவித³த்தி²தோ.
Iti ce neva vattabbaṃ, nisīdanavidatthito.
கப்பதே ஸத³ஸாமத்தங், நிஸீத³னமிதி காரணங்;
Kappate sadasāmattaṃ, nisīdanamiti kāraṇaṃ;
கத²ங் யுஜ்ஜதி நோ சேதங், நிஸீத³னஸ்ஸ நாமகங்.
Kathaṃ yujjati no cetaṃ, nisīdanassa nāmakaṃ.
நிஸீத³னந்தி வுத்தத்தா, பமாணஸமதிக்கமா;
Nisīdananti vuttattā, pamāṇasamatikkamā;
தஸ்ஸானுமதிஹேதுத்தா, தத்த² சே²த³னகங் ப⁴வே.
Tassānumatihetuttā, tattha chedanakaṃ bhave.
ஜாதரூபகப்பே –
Jātarūpakappe –
ஜாதரூபங் படிக்கி²த்தங், புக்³க³லஸ்ஸேவ பாளியங்;
Jātarūpaṃ paṭikkhittaṃ, puggalasseva pāḷiyaṃ;
ந ஸங்க⁴ஸ்ஸாதி ஸங்க⁴ஸ்ஸ, தஞ்சே கப்பதி ஸப்³ப³ஸோ.
Na saṅghassāti saṅghassa, tañce kappati sabbaso.
விகாலபோ⁴ஜனஞ்சாபி, புக்³க³லஸ்ஸேவ வாரிதங்;
Vikālabhojanañcāpi, puggalasseva vāritaṃ;
ந ஸங்க⁴ஸ்ஸாதி ஸங்க⁴ஸ்ஸ, கப்பதீதி கத²ங் ஸமங்.
Na saṅghassāti saṅghassa, kappatīti kathaṃ samaṃ.
ஸத்தஸதிகக்க²ந்த⁴கவண்ணனா நிட்டி²தா.
Sattasatikakkhandhakavaṇṇanā niṭṭhitā.
சூளவக்³க³வண்ணனா நிட்டி²தா.
Cūḷavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi
1. பட²மபா⁴ணவாரோ • 1. Paṭhamabhāṇavāro
2. து³தியபா⁴ணவாரோ • 2. Dutiyabhāṇavāro
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / த³ஸவத்து²கதா² • Dasavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / த³ஸவத்து²கதா²வண்ணனா • Dasavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / த³ஸவத்து²கதா²வண்ணனா • Dasavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / த³ஸவத்து²கதா² • Dasavatthukathā
