| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
12. сад̇д̇асад̇игагканд̇хагам̣
12. Sattasatikakkhandhakaṃ
д̣̇асавад̇т̇угат̇ааван̣н̣анаа
Dasavatthukathāvaṇṇanā
446. сад̇д̇асад̇игагканд̇хагз нигкид̇д̇аман̣исуван̣н̣аад̇и руубияасигкаабад̣̇знзва бадигкид̇д̇аман̣исуван̣н̣аа. д̇ад̇т̇а ман̣иг̇г̇ахан̣зна саб̣б̣ам̣ д̣̇уггадавад̇т̇у, суван̣н̣аг̇г̇ахан̣зна саб̣б̣ам̣ баажид̇д̇ияавад̇т̇у г̇ахид̇ам̣ ход̇и. бхигкаг̇г̇знаад̇и бхигкуг̇ан̣анааяа.
446. Sattasatikakkhandhake nikkhittamaṇisuvaṇṇāti rūpiyasikkhāpadeneva paṭikkhittamaṇisuvaṇṇā. Tattha maṇiggahaṇena sabbaṃ dukkaṭavatthu, suvaṇṇaggahaṇena sabbaṃ pācittiyavatthu gahitaṃ hoti. Bhikkhaggenāti bhikkhugaṇanāya.
447. убаггилзсаад̇и вирожид̇ум̣ ад̣̇ад̇ваа убаггилидтабхаавагаран̣зна убаггилзсаа. махигаад̇и химам̣. д̇хуумо жа раж̇о жа д̇хуумараж̇о. зд̇т̇а буримаа д̇аяо асамбад̇д̇аубаггилзсаа, рааху бана самбад̇д̇аубаггилзсавасзна гат̇ид̇од̇и взд̣̇ид̇аб̣б̣о. саман̣аб̣раахман̣аа на д̇абанд̇и на бхаасанд̇и на вирожанд̇ийд̇и г̇ун̣абад̇аабзна на д̇абанд̇и г̇ун̣обхаасзна на бхаасанд̇и г̇ун̣авирожанзна на вирожанд̇и. сураамзраяабаанаа аббадивирад̇аад̇и бан̃жавид̇хааяа сурааяа жад̇уб̣б̣ид̇хасса жа мзраяасса баанад̇о авирад̇аа.
447.Upakkilesāti virocituṃ adatvā upakkiliṭṭhabhāvakaraṇena upakkilesā. Mahikāti himaṃ. Dhūmo ca rajo ca dhūmarajo. Ettha purimā tayo asampattaupakkilesā, rāhu pana sampattaupakkilesavasena kathitoti veditabbo. Samaṇabrāhmaṇā na tapanti na bhāsanti na virocantīti guṇapatāpena na tapanti guṇobhāsena na bhāsanti guṇavirocanena na virocanti. Surāmerayapānā appaṭiviratāti pañcavidhāya surāya catubbidhassa ca merayassa pānato aviratā.
авиж̇ж̇аанивудаад̇и авиж̇ж̇ааяа ниваарид̇аа бихид̇аа. бияаруубаабхинанд̣̇инод̇и бияаруубам̣ саад̇аруубам̣ абхинанд̣̇амаанаа д̇уссамаанаа. саад̣̇ияанд̇ийд̇и г̇ан̣ханд̇и. авид̣̇д̣̇асууд̇и анд̇хаб̣аалаа. сараж̇аад̇и сагилзсараж̇аа. маг̇аад̇и миг̇асад̣̇исаа. д̇асмим̣ д̇асмим̣ висаяз бхавз ваа нзд̇ийд̇и нзд̇д̇и, д̇ан̣хааязд̇ам̣ ад̇хиважанам̣. д̇ааяа саха вад̇д̇анд̇ийд̇и санзд̇д̇игаа.
Avijjānivuṭāti avijjāya nivāritā pihitā. Piyarūpābhinandinoti piyarūpaṃ sātarūpaṃ abhinandamānā tussamānā. Sādiyantīti gaṇhanti. Aviddasūti andhabālā. Sarajāti sakilesarajā. Magāti migasadisā. Tasmiṃ tasmiṃ visaye bhave vā netīti netti, taṇhāyetaṃ adhivacanaṃ. Tāya saha vattantīti sanettikā.
448. д̇ам̣ барисам̣ зд̇ад̣̇авожаад̇и (сам̣. ни. адта. 3.4.362) д̇асса гира звам̣ ахоси ‘‘гулабуд̇д̇аа баб̣б̣аж̇анд̇аа буд̇д̇ад̣̇ааран̃жзва ж̇аад̇аруубараж̇ад̇ан̃жа бахааязва баб̣б̣аж̇анд̇и, на жа саггаа яам̣ бахааяа баб̣б̣аж̇ид̇аа д̇ам̣ зд̇зхи г̇аахзд̇у’’нд̇и наяаг̇г̇аахз тад̇ваа зд̇ам̣ ‘‘маа аяяаа’’д̇иаад̣̇иважанам̣ авожа. згам̣сзнзд̇анд̇и зд̇ам̣ бан̃жагаамаг̇ун̣агаббанам̣ ‘‘ассаман̣ад̇хаммо асагяабуд̇д̇ияад̇хаммо’’д̇и згам̣сзна д̇хаарзяяааси.
448.Taṃ parisaṃ etadavocāti (saṃ. ni. aṭṭha. 3.4.362) tassa kira evaṃ ahosi ‘‘kulaputtā pabbajantā puttadārañceva jātarūparajatañca pahāyeva pabbajanti, na ca sakkā yaṃ pahāya pabbajitā taṃ etehi gāhetu’’nti nayaggāhe ṭhatvā etaṃ ‘‘mā ayyā’’tiādivacanaṃ avoca. Ekaṃsenetanti etaṃ pañcakāmaguṇakappanaṃ ‘‘assamaṇadhammo asakyaputtiyadhammo’’ti ekaṃsena dhāreyyāsi.
д̇ин̣анд̇и сзнаасанажчад̣̇анад̇ин̣ам̣. бариязсид̇аб̣б̣анд̇и д̇ин̣ажчад̣̇анз ваа идтагажчад̣̇анз ваа г̇зхз балуж̇ж̇анд̇з язхи д̇ам̣ гаарид̇ам̣, д̇зсам̣ санд̇игам̣ г̇анд̇ваа ‘‘д̇умхзхи гаарид̇ам̣ сзнаасанам̣ овассад̇и, на саггаа д̇ад̇т̇а васид̇у’’нд̇и аажигкид̇аб̣б̣ам̣. мануссаа саггонд̇аа гариссанд̇и, асаггонд̇аа ‘‘д̇умхз вад̣дхагий г̇ахзд̇ваа гаараабзт̇а, маяам̣ д̇з сан̃н̃аабзссаамаа’’д̇и вагканд̇и. звам̣ вуд̇д̇з гаарзд̇ваа д̇зсам̣ аажигкид̇аб̣б̣ам̣, мануссаа вад̣дхагийнам̣ д̣̇аад̇аб̣б̣ам̣ д̣̇ассанд̇и. сажз ааваасасаамигаа над̇т̇и, ан̃н̃зсамби бхигкаажааравад̇д̇зна аарожзд̇ваа гаарзд̇ум̣ ваддад̇и. имам̣ санд̇хааяа ‘‘бариязсид̇аб̣б̣а’’нд̇и вуд̇д̇ам̣.
Tiṇanti senāsanacchadanatiṇaṃ. Pariyesitabbanti tiṇacchadane vā iṭṭhakacchadane vā gehe palujjante yehi taṃ kāritaṃ, tesaṃ santikaṃ gantvā ‘‘tumhehi kāritaṃ senāsanaṃ ovassati, na sakkā tattha vasitu’’nti ācikkhitabbaṃ. Manussā sakkontā karissanti, asakkontā ‘‘tumhe vaḍḍhakī gahetvā kārāpetha, mayaṃ te saññāpessāmā’’ti vakkhanti. Evaṃ vutte kāretvā tesaṃ ācikkhitabbaṃ, manussā vaḍḍhakīnaṃ dātabbaṃ dassanti. Sace āvāsasāmikā natthi, aññesampi bhikkhācāravattena ārocetvā kāretuṃ vaṭṭati. Imaṃ sandhāya ‘‘pariyesitabba’’nti vuttaṃ.
д̣̇аарууд̇и сзнаасанз г̇обаанасиаад̣̇ийсу балуж̇ж̇амаанзсу д̇ад̣̇ад̇т̇ааяа д̣̇аару бариязсид̇аб̣б̣ам̣. сагаданд̇и г̇ихивигадам̣ ваа д̇аавагаалигам̣ ваа гад̇ваа сагадам̣ бариязсид̇аб̣б̣ам̣. на гзвалан̃жа сагадамзва, ан̃н̃амби ваасипарасугуд̣̇аалаад̣̇иубагаран̣ам̣ звам̣ бариязсид̇ум̣ ваддад̇и. бурисод̇и хад̇т̇агаммавасзна бурисо бариязсид̇аб̣б̣о. яам̣ ган̃жи хи бурисам̣ ‘‘хад̇т̇агаммам̣ аавусо д̣̇ассасий’’д̇и вад̇ваа ‘‘д̣̇ассаами бханд̇з’’д̇и вуд̇д̇з ‘‘имасмим̣ ид̣̇ан̃жид̣̇ан̃жа гарохий’’д̇и яам̣ ижчад̇и, д̇ам̣ гаарзд̇ум̣ ваддад̇и. на д̇взваахам̣ г̇ааман̣и гзнажи барияааязнаад̇и ж̇аад̇аруубараж̇ад̇ам̣ банаахам̣ гзнажиби гааран̣зна бариязсид̇аб̣б̣анд̇и на вад̣̇аами.
Dārūti senāsane gopānasiādīsu palujjamānesu tadatthāya dāru pariyesitabbaṃ. Sakaṭanti gihivikaṭaṃ vā tāvakālikaṃ vā katvā sakaṭaṃ pariyesitabbaṃ. Na kevalañca sakaṭameva, aññampi vāsipharasukudālādiupakaraṇaṃ evaṃ pariyesituṃ vaṭṭati. Purisoti hatthakammavasena puriso pariyesitabbo. Yaṃ kañci hi purisaṃ ‘‘hatthakammaṃ āvuso dassasī’’ti vatvā ‘‘dassāmi bhante’’ti vutte ‘‘imasmiṃ idañcidañca karohī’’ti yaṃ icchati, taṃ kāretuṃ vaṭṭati. Na tvevāhaṃ gāmaṇi kenaci pariyāyenāti jātarūparajataṃ panāhaṃ kenacipi kāraṇena pariyesitabbanti na vadāmi.
449. баабагам̣ гад̇анд̇и асунд̣̇арам̣ гад̇ам̣.
449.Pāpakaṃ katanti asundaraṃ kataṃ.
450. ахог̇ан̇г̇од̇и д̇асса баб̣б̣ад̇асса наамам̣.
450.Ahogaṅgoti tassa pabbatassa nāmaṃ.
451. бадигажжзва г̇ажчзяяанд̇и яад̇т̇а д̇ам̣ ад̇хигаран̣ам̣ вуубасамзд̇ум̣ бхигкуу саннибад̇анд̇и, д̇ад̇т̇а батамамзва г̇ажчзяяам̣. самбхаавзсунд̇и баабун̣им̣су.
451.Paṭikacceva gaccheyyanti yattha taṃ adhikaraṇaṃ vūpasametuṃ bhikkhū sannipatanti, tattha paṭhamameva gaccheyyaṃ. Sambhāvesunti pāpuṇiṃsu.
452. алон̣агам̣ бхависсад̇ийд̇и алон̣агам̣ бхад̇д̇ам̣ ваа б̣яан̃ж̇анам̣ ваа бхависсад̇и. аасуд̇аад̇и саб̣б̣асамбхаарасаж̇ж̇ид̇аа. ‘‘асуд̇д̇аа’’д̇и ваа баато.
452.Aloṇakaṃ bhavissatīti aloṇakaṃ bhattaṃ vā byañjanaṃ vā bhavissati. Āsutāti sabbasambhārasajjitā. ‘‘Asuttā’’ti vā pāṭho.
453. уж̇ж̇авим̣сууд̇и наавам̣ ааруяха бадисод̇зна г̇ажчим̣су. баажийнагаад̇и баажийнад̣̇зсаваасино.
453.Ujjaviṃsūti nāvaṃ āruyha paṭisotena gacchiṃsu. Pācīnakāti pācīnadesavāsino.
454. нану д̇вам̣ аавусо вуд̣дхо вийсад̇ивассосийд̇и нану д̇вам̣ аавусо вийсад̇ивассо, на ниссаяабадиб̣ад̣̇д̇хо , гасмаа д̇ам̣ т̇зро бан̣аамзд̇ийд̇и д̣̇ийбзнд̇и. г̇аруниссаяам̣ г̇ан̣хаамаад̇и гин̃жааби маяам̣ махаллагаа, зд̇ам̣ бана т̇зрам̣ г̇арум̣ гад̇ваа васиссаамаад̇и ад̇хиббааяо.
454.Nanu tvaṃ āvuso vuḍḍho vīsativassosīti nanu tvaṃ āvuso vīsativasso, na nissayapaṭibaddho , kasmā taṃ thero paṇāmetīti dīpenti. Garunissayaṃ gaṇhāmāti kiñcāpi mayaṃ mahallakā, etaṃ pana theraṃ garuṃ katvā vasissāmāti adhippāyo.
455. мзд̇д̇ааяа руубааважарасамаад̇химад̇д̇абхаавад̇о ‘‘гуллагавихаарзнаа’’д̇и вуд̇д̇ам̣, куд̣̇д̣̇агзна вихаарзнаад̇и ад̇т̇о, куд̣̇д̣̇агад̇аа жасса аг̇амбхийрабхаавад̇од̇и ааха ‘‘уд̇д̇аанавихаарзнаа’’д̇и. сун̃н̃ад̇аавихаарзнаад̇и сун̃н̃ад̇аамукзна ад̇хиг̇ад̇апаласамаабад̇д̇им̣ санд̇хааяа вуд̇д̇ам̣.
455. Mettāya rūpāvacarasamādhimattabhāvato ‘‘kullakavihārenā’’ti vuttaṃ, khuddakena vihārenāti attho, khuddakatā cassa agambhīrabhāvatoti āha ‘‘uttānavihārenā’’ti. Suññatāvihārenāti suññatāmukhena adhigataphalasamāpattiṃ sandhāya vuttaṃ.
457. суд̇д̇авибхан̇г̇зд̇и бад̣̇абхааж̇анийяз. д̇зна сад̣̇д̇хинд̇и бурзбадиг̇г̇ахид̇алон̣зна сад̣̇д̇хим̣. на хи зд̇т̇а яааваж̇ийвигам̣ д̇ад̣̇ахубадиг̇г̇ахид̇анд̇и ‘‘габбад̇и син̇г̇илон̣агаббо’’д̇и зд̇т̇а вуд̇д̇асин̇г̇илон̣ам̣ санд̇хааяа вуд̇д̇ам̣. д̇ан̃хи бурз бадиг̇г̇ахзд̇ваа син̇г̇зна барихадам̣ на д̇ад̣̇ахубадиг̇г̇ахид̇ам̣. яаавагаалигамзва д̇ад̣̇ахубадиг̇г̇ахид̇анд̇и син̇г̇илон̣зна миссзд̇ваа бхун̃ж̇ид̇аб̣б̣ам̣ алон̣аамисам̣ санд̇хааяа вуд̇д̇ам̣. убосат̇асам̣яуд̇д̇зд̇и убосат̇абадисам̣яуд̇д̇з, убосат̇агканд̇хагзд̇и вуд̇д̇ам̣ ход̇и. ад̇исаран̣ам̣ ад̇исааро, ад̇иггамо. винаяасса ад̇исааро винаяаад̇исааро. д̇ам̣ бамаан̣ам̣ гаронд̇ассаад̇и д̣̇асааяа сад̣̇д̇хим̣ нисийд̣̇анз яам̣ бамаан̣ам̣ вуд̇д̇ам̣, д̣̇асааяа винаа д̇ам̣ бамаан̣ам̣ гаронд̇асса. сзсамзд̇т̇а сувин̃н̃зяяамзва.
457.Suttavibhaṅgeti padabhājanīye. Tena saddhinti purepaṭiggahitaloṇena saddhiṃ. Na hi ettha yāvajīvikaṃ tadahupaṭiggahitanti ‘‘kappati siṅgiloṇakappo’’ti ettha vuttasiṅgiloṇaṃ sandhāya vuttaṃ. Tañhi pure paṭiggahetvā siṅgena parihaṭaṃ na tadahupaṭiggahitaṃ. Yāvakālikameva tadahupaṭiggahitanti siṅgiloṇena missetvā bhuñjitabbaṃ aloṇāmisaṃ sandhāya vuttaṃ. Uposathasaṃyutteti uposathapaṭisaṃyutte, uposathakkhandhaketi vuttaṃ hoti. Atisaraṇaṃ atisāro, atikkamo. Vinayassa atisāro vinayātisāro. Taṃ pamāṇaṃ karontassāti dasāya saddhiṃ nisīdane yaṃ pamāṇaṃ vuttaṃ, dasāya vinā taṃ pamāṇaṃ karontassa. Sesamettha suviññeyyameva.
сад̇д̇асад̇игагканд̇хагаван̣н̣анаа нидтид̇аа.
Sattasatikakkhandhakavaṇṇanā niṭṭhitā.
д̣̇виваг̇г̇асан̇г̇ахаад̇и жуул̣аваг̇г̇амахааваг̇г̇асан̇каад̇зхи д̣̇вийхи ваг̇г̇зхи сан̇г̇ахид̇аа. д̣̇ваавийсад̇ибабхзд̣̇анаад̇и махааваг̇г̇з д̣̇аса, жуул̣аваг̇г̇з д̣̇ваад̣̇асаад̇и звам̣ д̣̇ваавийсад̇иббабхзд̣̇аа. саасанзд̇и сад̇т̇усаасанз. яз канд̇хагаа вуд̇д̇аад̇и яож̇зд̇аб̣б̣ам̣.
Dvivaggasaṅgahāti cūḷavaggamahāvaggasaṅkhātehi dvīhi vaggehi saṅgahitā. Dvāvīsatipabhedanāti mahāvagge dasa, cūḷavagge dvādasāti evaṃ dvāvīsatippabhedā. Sāsaneti satthusāsane. Ye khandhakā vuttāti yojetabbaṃ.
ид̇и саманд̇абаасаад̣̇игааяа винаяадтагат̇ааяа саарад̇т̇ад̣̇ийбанияам̣
Iti samantapāsādikāya vinayaṭṭhakathāya sāratthadīpaniyaṃ
жуул̣аваг̇г̇аван̣н̣анаа нидтид̇аа.
Cūḷavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
1. батамабхаан̣авааро • 1. Paṭhamabhāṇavāro
2. д̣̇уд̇ияабхаан̣авааро • 2. Dutiyabhāṇavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / д̣̇асавад̇т̇угат̇аа • Dasavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇асавад̇т̇угат̇ааван̣н̣анаа • Dasavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / д̣̇асавад̇т̇угат̇ааван̣н̣анаа • Dasavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / д̣̇асавад̇т̇угат̇аа • Dasavatthukathā
