| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
12. сад̇д̇асад̇игагканд̇хаго
12. Sattasatikakkhandhako
д̣̇асавад̇т̇угат̇ааван̣н̣анаа
Dasavatthukathāvaṇṇanā
446. сад̇д̇асад̇игагканд̇хагз бхигкаг̇г̇знаад̇и бхигкуг̇ан̣анааяа. махийд̇и химам̣.
446. Sattasatikakkhandhake bhikkhaggenāti bhikkhugaṇanāya. Mahīti himaṃ.
447. авиж̇ж̇аанивуд̇аад̇и авиж̇ж̇аанийваран̣зна нивуд̇аа бадижчаннаа. авид̣̇д̣̇асууд̇и ан̃н̃аан̣ино. убаггилзсаа вуд̇д̇аад̇и д̇зсам̣ саман̣аб̣раахман̣аанам̣ зд̇з сураабаанаад̣̇аяо убаггилзсаад̇и вуд̇д̇аа. нзд̇д̇ияаа д̇ан̣хааяа сахид̇аа санзд̇д̇игаа.
447.Avijjānivutāti avijjānīvaraṇena nivutā paṭicchannā. Aviddasūti aññāṇino. Upakkilesā vuttāti tesaṃ samaṇabrāhmaṇānaṃ ete surāpānādayo upakkilesāti vuttā. Nettiyā taṇhāya sahitā sanettikā.
450-1. ахог̇ан̇г̇од̇и д̇асса баб̣б̣ад̇асса наамам̣. бадигажжзва г̇ажчзяяанд̇и яад̇т̇а нам̣ ад̇хигаран̣ам̣ вуубасамид̇ум̣ бхигкуу саннибад̇иссанд̇и, д̇ад̇т̇аахам̣ батамамзва г̇ажчзяяам̣. самбхаавзсунд̇и самбаабун̣им̣су.
450-1.Ahogaṅgoti tassa pabbatassa nāmaṃ. Paṭikacceva gaccheyyanti yattha naṃ adhikaraṇaṃ vūpasamituṃ bhikkhū sannipatissanti, tatthāhaṃ paṭhamameva gaccheyyaṃ. Sambhāvesunti sampāpuṇiṃsu.
452. алон̣иганд̇и лон̣арахид̇ам̣ бхад̇д̇ам̣, б̣яан̃ж̇анам̣ ваа. аасуд̇аад̇и саб̣б̣асамбхаарасаж̇ж̇ид̇аа, ‘‘асуд̇д̇аа’’д̇и ваа баато.
452.Aloṇikanti loṇarahitaṃ bhattaṃ, byañjanaṃ vā. Āsutāti sabbasambhārasajjitā, ‘‘asuttā’’ti vā pāṭho.
453. уж̇ж̇авим̣сууд̇и наавааяа бадисод̇ам̣ г̇ажчим̣су. баажийнагаад̇и бурад̇т̇имад̣̇исааяа ж̇аад̇ад̇д̇аа важ̇ж̇ибуд̇д̇агз санд̇хааяа вуд̇д̇ам̣. баавзяяагаад̇и баавзяяад̣̇зсаваасино.
453.Ujjaviṃsūti nāvāya paṭisotaṃ gacchiṃsu. Pācīnakāti puratthimadisāya jātattā vajjiputtake sandhāya vuttaṃ. Pāveyyakāti pāveyyadesavāsino.
454. нану д̇вам̣, аавусо, вуд̣дход̇и нану д̇вам̣ т̇зро ниссаяамуд̇д̇о, гасмаа д̇ам̣ т̇зро бан̣аамзсийд̇и бхзд̣̇аважанам̣ вад̣̇анд̇и. г̇аруниссаяам̣ г̇ан̣хаамаад̇и ниссаяамуд̇д̇ааби маяам̣ згам̣ самбхааванийяаг̇арум̣ ниссаяабхууд̇ам̣ г̇ахзд̇ваава васиссаамаад̇и ад̇хиббааяо.
454.Nanu tvaṃ, āvuso, vuḍḍhoti nanu tvaṃ thero nissayamutto, kasmā taṃ thero paṇāmesīti bhedavacanaṃ vadanti. Garunissayaṃ gaṇhāmāti nissayamuttāpi mayaṃ ekaṃ sambhāvanīyagaruṃ nissayabhūtaṃ gahetvāva vasissāmāti adhippāyo.
455. муулаад̣̇ааяагаад̇и батамам̣ д̣̇асавад̇т̇уунам̣ д̣̇ааяагаа, ааваасигаад̇и ад̇т̇о. бат̇аб̣яаа сан̇гхад̇т̇зрод̇и логз саб̣б̣абхигкуунам̣ д̇ад̣̇аа убасамбад̣̇ааяа вуд̣дхо. сун̃н̃ад̇аавихаарзнаад̇и сун̃н̃ад̇аамукзна ад̇хиг̇ад̇апаласамаабад̇д̇им̣ санд̇хааяа вад̣̇ад̇и.
455.Mūlādāyakāti paṭhamaṃ dasavatthūnaṃ dāyakā, āvāsikāti attho. Pathabyā saṅghattheroti loke sabbabhikkhūnaṃ tadā upasampadāya vuḍḍho. Suññatāvihārenāti suññatāmukhena adhigataphalasamāpattiṃ sandhāya vadati.
457. суд̇д̇авибхан̇г̇зд̇и бад̣̇абхааж̇анийяз. ид̣̇ан̃жа ‘‘яо бана бхигку саннид̇хигаарагам̣ каад̣̇анийяам̣ ваа бхож̇анийяам̣ ваа’’д̇и (баажи. 253) суд̇д̇з яаавагаалигассзва бараамадтад̇д̇аа син̇г̇ийлон̣асса яааваж̇ийвигасса саннид̇хигад̇асса аамисзна сад̣̇д̇хим̣ барибхог̇з баажид̇д̇ияам̣ вибхан̇г̇анаязнзва сиж̇жхад̇ийд̇и вуд̇д̇ам̣, д̇ам̣ бана баажид̇д̇ияам̣ вибхан̇г̇з ааг̇ад̇абхаавам̣ саад̇хзд̇ум̣ ‘‘гат̇ам̣ суд̇д̇авибхан̇г̇з’’д̇иаад̣̇и вуд̇д̇ам̣. д̇ад̇т̇а хи лон̣амзд̇т̇а саннид̇хигад̇ам̣, на каад̣̇анийяам̣ бхож̇анийяанд̇и лон̣амиссабхож̇анз важ̇ж̇ибуд̇д̇агаа анаваж̇ж̇асан̃н̃ино ахзсум̣. д̇ат̇аасан̃н̃ийнамби нзсам̣ аабад̇д̇ид̣̇ассанад̇т̇ам̣ ‘‘саннид̇хигаарз асаннид̇хигаарасан̃н̃ий’’д̇и ид̣̇ам̣ суд̇д̇авибхан̇г̇ам̣ уд̣̇д̇хаданд̇и взд̣̇ид̇аб̣б̣ам̣.
457.Suttavibhaṅgeti padabhājanīye. Idañca ‘‘yo pana bhikkhu sannidhikārakaṃ khādanīyaṃ vā bhojanīyaṃ vā’’ti (pāci. 253) sutte yāvakālikasseva parāmaṭṭhattā siṅgīloṇassa yāvajīvikassa sannidhikatassa āmisena saddhiṃ paribhoge pācittiyaṃ vibhaṅganayeneva sijjhatīti vuttaṃ, taṃ pana pācittiyaṃ vibhaṅge āgatabhāvaṃ sādhetuṃ ‘‘kathaṃ suttavibhaṅge’’tiādi vuttaṃ. Tattha hi loṇamettha sannidhikataṃ, na khādanīyaṃ bhojanīyanti loṇamissabhojane vajjiputtakā anavajjasaññino ahesuṃ. Tathāsaññīnampi nesaṃ āpattidassanatthaṃ ‘‘sannidhikāre asannidhikārasaññī’’ti idaṃ suttavibhaṅgaṃ uddhaṭanti veditabbaṃ.
д̇зна сад̣̇д̇хинд̇и бурзбадиг̇г̇ахид̇алон̣зна сад̣̇д̇хим̣. д̣̇уггадзнзд̇т̇а бхавид̇аб̣б̣анд̇и ‘‘яаавагаалигзна, бхигкавз, яааваж̇ийвигам̣ бадиг̇г̇ахид̇а’’нд̇и авад̇ваа ‘‘д̇ад̣̇ахубадиг̇г̇ахид̇а’’нд̇и важанасаамад̇т̇ияад̇о бурзбадиг̇г̇ахид̇ам̣ яааваж̇ийвигам̣ яаавагаалигзна сад̣̇д̇хим̣ самбхиннарасам̣ гаалзби на габбад̇ийд̇и сиж̇жхад̇и, д̇ад̇т̇а д̣̇уггадзна бхавид̇аб̣б̣анд̇и ад̇хиббааяо. д̣̇уггадзнаби на бхавид̇аб̣б̣анд̇и яад̣̇и хи саннид̇хигаарабажжаяаа д̣̇уггадам̣ ман̃н̃ат̇а, яааваж̇ийвигасса лон̣асса саннид̇хид̣̇осаабхааваа д̣̇уггадзна на бхавид̇аб̣б̣ам̣, ат̇а аамисзна самбхиннарасасса д̇асса аамисаг̇ад̇игад̇д̇аа д̣̇уггадам̣ маа ман̃н̃ат̇а. д̇ад̣̇аа жа хи баажид̇д̇иязнзва бхавид̇аб̣б̣ам̣ аамисад̇д̇убаг̇аманад̇од̇и ад̇хиббааяо. на хи зд̇т̇а яааваж̇ийвиганд̇иаад̣̇инааби д̣̇уггадаабхаавам̣ самад̇т̇зд̇и.
Tena saddhinti purepaṭiggahitaloṇena saddhiṃ. Dukkaṭenettha bhavitabbanti ‘‘yāvakālikena, bhikkhave, yāvajīvikaṃ paṭiggahita’’nti avatvā ‘‘tadahupaṭiggahita’’nti vacanasāmatthiyato purepaṭiggahitaṃ yāvajīvikaṃ yāvakālikena saddhiṃ sambhinnarasaṃ kālepi na kappatīti sijjhati, tattha dukkaṭena bhavitabbanti adhippāyo. Dukkaṭenapi na bhavitabbanti yadi hi sannidhikārapaccayā dukkaṭaṃ maññatha, yāvajīvikassa loṇassa sannidhidosābhāvā dukkaṭena na bhavitabbaṃ, atha āmisena sambhinnarasassa tassa āmisagatikattā dukkaṭaṃ mā maññatha. Tadā ca hi pācittiyeneva bhavitabbaṃ āmisattupagamanatoti adhippāyo. Na hi ettha yāvajīvikantiādināpi dukkaṭābhāvaṃ samattheti.
баал̣ияам̣ рааж̇аг̇ахз суд̇д̇авибхан̇г̇зд̇иаад̣̇ийсу саб̣б̣ад̇т̇а суд̇д̇з жа вибхан̇г̇з жаад̇и ад̇т̇о г̇ахзд̇аб̣б̣о. д̇асса д̇асса вигаалабхож̇анаад̣̇ино суд̇д̇зби бадигкид̇д̇ад̇д̇аа винаяасса ад̇исаран̣ам̣ ад̇иггамо винаяаад̇исааро. ‘‘нисийд̣̇анам̣ наама сад̣̇асам̣ вужжад̇ийд̇и ааг̇ад̇а’’нд̇и ид̣̇ам̣ вибхан̇г̇з жа ааг̇ад̇ад̣̇ассанад̇т̇ам̣ вуд̇д̇ам̣. д̇ам̣ бамаан̣ам̣ гаронд̇ассаад̇и суг̇ад̇авид̣̇ад̇т̇ияаа вид̣̇ад̇т̇ид̇д̇аяаббамаан̣ам̣ гаронд̇асса, д̣̇асааяа бана вид̣̇ад̇т̇ид̣̇ваяаббамаан̣ам̣ гад̇ам̣. ад̣̇асагамби нисийд̣̇анам̣ ваддад̇и зваад̇и ад̇хиббааяо. сзсамид̇ха хздтаа саб̣б̣ад̇т̇а сувин̃н̃зяяамзва.
Pāḷiyaṃ rājagahe suttavibhaṅgetiādīsu sabbattha sutte ca vibhaṅge cāti attho gahetabbo. Tassa tassa vikālabhojanādino suttepi paṭikkhittattā vinayassa atisaraṇaṃ atikkamo vinayātisāro. ‘‘Nisīdanaṃ nāma sadasaṃ vuccatīti āgata’’nti idaṃ vibhaṅge ca āgatadassanatthaṃ vuttaṃ. Taṃ pamāṇaṃ karontassāti sugatavidatthiyā vidatthittayappamāṇaṃ karontassa, dasāya pana vidatthidvayappamāṇaṃ kataṃ. Adasakampi nisīdanaṃ vaṭṭati evāti adhippāyo. Sesamidha heṭṭhā sabbattha suviññeyyameva.
д̣̇асавад̇т̇угат̇ааван̣н̣анаа нидтид̇аа.
Dasavatthukathāvaṇṇanā niṭṭhitā.
сад̇д̇асад̇игагканд̇хагаван̣н̣анаанаяо нидтид̇о.
Sattasatikakkhandhakavaṇṇanānayo niṭṭhito.
ид̇и саманд̇абаасаад̣̇игааяа винаяадтагат̇ааяа вимад̇ивинод̣̇анияам̣
Iti samantapāsādikāya vinayaṭṭhakathāya vimativinodaniyaṃ
жуул̣аваг̇г̇аван̣н̣анаанаяо нидтид̇о.
Cūḷavaggavaṇṇanānayo niṭṭhito.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi
1. батамабхаан̣авааро • 1. Paṭhamabhāṇavāro
2. д̣̇уд̇ияабхаан̣авааро • 2. Dutiyabhāṇavāro
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / д̣̇асавад̇т̇угат̇аа • Dasavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / д̣̇асавад̇т̇угат̇ааван̣н̣анаа • Dasavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / д̣̇асавад̇т̇угат̇ааван̣н̣анаа • Dasavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / д̣̇асавад̇т̇угат̇аа • Dasavatthukathā
