| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਦਾਸવਤ੍ਥੁਕਥਾવਣ੍ਣਨਾ
Dāsavatthukathāvaṇṇanā
੯੭. ‘‘ਦਾਸਚਾਰਿਤ੍ਤਂ ਆਰੋਪੇਤ੍વਾ ਕੀਤੋ’’ਤਿ ਇਮਿਨਾ ਦਾਸਭਾવਪਰਿਮੋਚਨਤ੍ਥਾਯ ਕੀਤਕਂ ਨਿવਤ੍ਤੇਤਿ। ਤਾਦਿਸੋ ਹਿ ਧਨਕ੍ਕੀਤੋਪਿ ਅਦਾਸੋ ਏવ। ਤਤ੍ਥ ਤਤ੍ਥ ਚਾਰਿਤ੍ਤવਸੇਨਾਤਿ ਤਸ੍ਮਿਂ ਤਸ੍ਮਿਂ ਜਨਪਦੇ ਦਾਸਪਣ੍ਣਜ੍ਝਾਪਨਾਦਿਨਾ ਅਦਾਸਕਰਣਨਿਯਾਮੇਨ। ਅਭਿਸੇਕਾਦੀਸੁ ਸਬ੍ਬਬਨ੍ਧਨਾਨਿ ਮੋਚਾਪੇਨ੍ਤਿ, ਤਂ ਸਨ੍ਧਾਯ ‘‘ਸਬ੍ਬਸਾਧਾਰਣੇਨਾ’’ਤਿ વੁਤ੍ਤਂ।
97.‘‘Dāsacārittaṃāropetvā kīto’’ti iminā dāsabhāvaparimocanatthāya kītakaṃ nivatteti. Tādiso hi dhanakkītopi adāso eva. Tattha tattha cārittavasenāti tasmiṃ tasmiṃ janapade dāsapaṇṇajjhāpanādinā adāsakaraṇaniyāmena. Abhisekādīsu sabbabandhanāni mocāpenti, taṃ sandhāya ‘‘sabbasādhāraṇenā’’ti vuttaṃ.
ਸਯਮੇવ ਪਣ੍ਣਂ ਆਰੋਪੇਨ੍ਤਿ, ਨ વਟ੍ਟਤੀਤਿ ਤਾ ਭੁਜਿਸ੍ਸਿਤ੍ਥਿਯੋ ‘‘ਮਯਮ੍ਪਿ વਣ੍ਣਦਾਸਿਯੋ ਹੋਮਾ’’ਤਿ ਅਤ੍ਤਨੋ ਰਕ੍ਖਣਤ੍ਥਾਯ ਸਯਮੇવ ਰਾਜੂਨਂ ਦਾਸਿਪਣ੍ਣੇ ਅਤ੍ਤਨੋ ਨਾਮਂ ਲਿਖਾਪੇਨ੍ਤਿ, ਤਾਸਂ ਪੁਤ੍ਤਾਪਿ ਰਾਜਦਾਸਾવ ਹੋਨ੍ਤਿ, ਤਸ੍ਮਾ ਤੇ ਪਬ੍ਬਾਜੇਤੁਂ ਨ વਟ੍ਟਤਿ। ਤੇਹਿ ਅਦਿਨ੍ਨਾ ਨ ਪਬ੍ਬਾਜੇਤਬ੍ਬਾਤਿ ਯਤ੍ਤਕਾ ਤੇਸਂ ਸਾਮਿਨੋ, ਤੇਸੁ ਏਕੇਨ ਅਦਿਨ੍ਨੇਪਿ ਨ ਪਬ੍ਬਾਜੇਤਬ੍ਬਾ।
Sayameva paṇṇaṃ āropenti, na vaṭṭatīti tā bhujissitthiyo ‘‘mayampi vaṇṇadāsiyo homā’’ti attano rakkhaṇatthāya sayameva rājūnaṃ dāsipaṇṇe attano nāmaṃ likhāpenti, tāsaṃ puttāpi rājadāsāva honti, tasmā te pabbājetuṃ na vaṭṭati. Tehi adinnā na pabbājetabbāti yattakā tesaṃ sāmino, tesu ekena adinnepi na pabbājetabbā.
ਭੁਜਿਸ੍ਸੇ ਪਨ ਕਤ੍વਾ ਪਬ੍ਬਾਜੇਤੁਂ વਟ੍ਟਤੀਤਿ ਯਸ੍ਸ વਿਹਾਰਸ੍ਸ ਤੇ ਆਰਾਮਿਕਾ ਦਿਨ੍ਨਾ, ਤਸ੍ਮਿਂ વਿਹਾਰੇ ਸਙ੍ਘਂ ਞਾਪੇਤ੍વਾ ਫਾਤਿਕਮ੍ਮੇਨ ਧਨਾਨਿ ਦਤ੍વਾ ਭੁਜਿਸ੍ਸੇ ਕਤ੍વਾ ਪਬ੍ਬਾਜੇਤੁਂ વਟ੍ਟਤਿ। ਤਕ੍ਕਂ ਸੀਸੇ ਆਸਿਤ੍ਤਕਸਦਿਸਾવ ਹੋਨ੍ਤੀਤਿ ਕੇਸੁਚਿ ਜਨਪਦੇਸੁ ਅਦਾਸੇ ਕਰੋਨ੍ਤਾ ਤਕ੍ਕਂ ਸੀਸੇ ਆਸਿਞ੍ਚਨ੍ਤਿ, ਤੇਨ ਕਿਰ ਤੇ ਅਦਾਸਾ ਹੋਨ੍ਤਿ, ਏવਮਿਦਮ੍ਪਿ ਆਰਾਮਿਕવਚਨੇਨ ਦਾਨਮ੍ਪੀਤਿ ਅਧਿਪ੍ਪਾਯੋ। ਤਥਾ ਦਿਨ੍ਨੇਪਿ ਸਙ੍ਘਸ੍ਸ ਆਰਾਮਿਕਦਾਸੋ ਏવਾਤਿ ‘‘ਨੇવ ਪਬ੍ਬਾਜੇਤਬ੍ਬੋ’’ਤਿ વੁਤ੍ਤਂ। ‘‘ਤਾવਕਾਲਿਕੋ ਨਾਮਾ’’ਤਿ વੁਤ੍ਤਤ੍ਤਾ ਕਾਲਪਰਿਚ੍ਛੇਦਂ ਕਤ੍વਾ વਾ ਪਚ੍ਛਾਪਿ ਗਹੇਤੁਕਾਮਤਾਯ વਾ ਦਿਨ੍ਨਂ ਸਬ੍ਬਂ ਤਾવਕਾਲਿਕਮੇવਾਤਿ ਗਹੇਤਬ੍ਬਂ। ਨਿਸ੍ਸਾਮਿਕਦਾਸੋ ਨਾਮ ਯਸ੍ਸ ਸਾਮਿਕੁਲਂ ਅਞ੍ਞਾਤਿਕਂ ਮਰਣੇਨ ਪਰਿਕ੍ਖੀਣਂ, ਨ ਕੋਚਿ ਤਸ੍ਸ ਦਾਯਾਦੋ, ਸੋ ਪਨ ਸਮਾਨਜਾਤਿਕੇਹਿ વਾ ਨਿવਾਸਗਾਮવਾਸੀਹਿ વਾ ਇਸ੍ਸਰੇਹਿ વਾ ਭੁਜਿਸ੍ਸੋ ਕਤੋવ ਪਬ੍ਬਾਜੇਤਬ੍ਬੋ। ਦੇવਦਾਸਾਪਿ ਦਾਸਾ ਏવ। ਤੇ ਹਿ ਕਤ੍ਥਚਿ ਦੇਸੇ ਰਾਜਦਾਸਾ ਹੋਨ੍ਤਿ, ਕਤ੍ਥਚਿ વਿਹਾਰਦਾਸਾ, ਤਸ੍ਮਾ ਪਬ੍ਬਾਜੇਤੁਂ ਨ વਟ੍ਟਤਿ। ਦਾਸਮ੍ਪਿ ਪਬ੍ਬਾਜੇਤ੍વਾ ਸਾਮਿਕੇ ਦਿਸ੍વਾ ਪਟਿਚ੍ਛਾਦਨਤ੍ਥਂ ਅਪਨੇਨ੍ਤੋ ਪਦવਾਰੇਨ ਅਦਿਨ੍ਨਾਦਾਨਾਪਤ੍ਤਿਯਾ ਕਾਰੇਤਬ੍ਬੋ, ਦਾਸਸ੍ਸ ਪਨ ਪਲਾਯਤੋ ਅਨਾਪਤ੍ਤਿ।
Bhujisse pana katvā pabbājetuṃ vaṭṭatīti yassa vihārassa te ārāmikā dinnā, tasmiṃ vihāre saṅghaṃ ñāpetvā phātikammena dhanāni datvā bhujisse katvā pabbājetuṃ vaṭṭati. Takkaṃ sīse āsittakasadisāva hontīti kesuci janapadesu adāse karontā takkaṃ sīse āsiñcanti, tena kira te adāsā honti, evamidampi ārāmikavacanena dānampīti adhippāyo. Tathā dinnepi saṅghassa ārāmikadāso evāti ‘‘neva pabbājetabbo’’ti vuttaṃ. ‘‘Tāvakāliko nāmā’’ti vuttattā kālaparicchedaṃ katvā vā pacchāpi gahetukāmatāya vā dinnaṃ sabbaṃ tāvakālikamevāti gahetabbaṃ. Nissāmikadāso nāma yassa sāmikulaṃ aññātikaṃ maraṇena parikkhīṇaṃ, na koci tassa dāyādo, so pana samānajātikehi vā nivāsagāmavāsīhi vā issarehi vā bhujisso katova pabbājetabbo. Devadāsāpi dāsā eva. Te hi katthaci dese rājadāsā honti, katthaci vihāradāsā, tasmā pabbājetuṃ na vaṭṭati. Dāsampi pabbājetvā sāmike disvā paṭicchādanatthaṃ apanento padavārena adinnādānāpattiyā kāretabbo, dāsassa pana palāyato anāpatti.
ਦਾਸવਤ੍ਥੁਕਥਾવਣ੍ਣਨਾ ਨਿਟ੍ਠਿਤਾ।
Dāsavatthukathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੩੪. ਦਾਸવਤ੍ਥੁ • 34. Dāsavatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਦਾਸવਤ੍ਥੁਕਥਾ • Dāsavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਰਾਜਭਟਾਦਿવਤ੍ਥੁਕਥਾવਣ੍ਣਨਾ • Rājabhaṭādivatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਇਣਾਯਿਕਦਾਸવਤ੍ਥੁਕਥਾવਣ੍ਣਨਾ • Iṇāyikadāsavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੩੪. ਦਾਸવਤ੍ਥੁਕਥਾ • 34. Dāsavatthukathā
