| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੧੨. ਸਤ੍ਤਸਤਿਕਕ੍ਖਨ੍ਧਕੋ
12. Sattasatikakkhandhako
ਦਸવਤ੍ਥੁਕਥਾવਣ੍ਣਨਾ
Dasavatthukathāvaṇṇanā
੪੪੬. ਸਤ੍ਤਸਤਿਕਕ੍ਖਨ੍ਧਕੇ ਭਿਕ੍ਖਗ੍ਗੇਨਾਤਿ ਭਿਕ੍ਖੁਗਣਨਾਯ। ਮਹੀਤਿ ਹਿਮਂ।
446. Sattasatikakkhandhake bhikkhaggenāti bhikkhugaṇanāya. Mahīti himaṃ.
੪੪੭. ਅવਿਜ੍ਜਾਨਿવੁਤਾਤਿ ਅવਿਜ੍ਜਾਨੀવਰਣੇਨ ਨਿવੁਤਾ ਪਟਿਚ੍ਛਨ੍ਨਾ। ਅવਿਦ੍ਦਸੂਤਿ ਅਞ੍ਞਾਣਿਨੋ। ਉਪਕ੍ਕਿਲੇਸਾ વੁਤ੍ਤਾਤਿ ਤੇਸਂ ਸਮਣਬ੍ਰਾਹ੍ਮਣਾਨਂ ਏਤੇ ਸੁਰਾਪਾਨਾਦਯੋ ਉਪਕ੍ਕਿਲੇਸਾਤਿ વੁਤ੍ਤਾ। ਨੇਤ੍ਤਿਯਾ ਤਣ੍ਹਾਯ ਸਹਿਤਾ ਸਨੇਤ੍ਤਿਕਾ।
447.Avijjānivutāti avijjānīvaraṇena nivutā paṭicchannā. Aviddasūti aññāṇino. Upakkilesā vuttāti tesaṃ samaṇabrāhmaṇānaṃ ete surāpānādayo upakkilesāti vuttā. Nettiyā taṇhāya sahitā sanettikā.
੪੫੦-੧. ਅਹੋਗਙ੍ਗੋਤਿ ਤਸ੍ਸ ਪਬ੍ਬਤਸ੍ਸ ਨਾਮਂ। ਪਟਿਕਚ੍ਚੇવ ਗਚ੍ਛੇਯ੍ਯਨ੍ਤਿ ਯਤ੍ਥ ਨਂ ਅਧਿਕਰਣਂ વੂਪਸਮਿਤੁਂ ਭਿਕ੍ਖੂ ਸਨ੍ਨਿਪਤਿਸ੍ਸਨ੍ਤਿ, ਤਤ੍ਥਾਹਂ ਪਠਮਮੇવ ਗਚ੍ਛੇਯ੍ਯਂ। ਸਮ੍ਭਾવੇਸੁਨ੍ਤਿ ਸਮ੍ਪਾਪੁਣਿਂਸੁ।
450-1.Ahogaṅgoti tassa pabbatassa nāmaṃ. Paṭikacceva gaccheyyanti yattha naṃ adhikaraṇaṃ vūpasamituṃ bhikkhū sannipatissanti, tatthāhaṃ paṭhamameva gaccheyyaṃ. Sambhāvesunti sampāpuṇiṃsu.
੪੫੨. ਅਲੋਣਿਕਨ੍ਤਿ ਲੋਣਰਹਿਤਂ ਭਤ੍ਤਂ, ਬ੍ਯਞ੍ਜਨਂ વਾ। ਆਸੁਤਾਤਿ ਸਬ੍ਬਸਮ੍ਭਾਰਸਜ੍ਜਿਤਾ, ‘‘ਅਸੁਤ੍ਤਾ’’ਤਿ વਾ ਪਾਠੋ।
452.Aloṇikanti loṇarahitaṃ bhattaṃ, byañjanaṃ vā. Āsutāti sabbasambhārasajjitā, ‘‘asuttā’’ti vā pāṭho.
੪੫੩. ਉਜ੍ਜવਿਂਸੂਤਿ ਨਾવਾਯ ਪਟਿਸੋਤਂ ਗਚ੍ਛਿਂਸੁ। ਪਾਚੀਨਕਾਤਿ ਪੁਰਤ੍ਥਿਮਦਿਸਾਯ ਜਾਤਤ੍ਤਾ વਜ੍ਜਿਪੁਤ੍ਤਕੇ ਸਨ੍ਧਾਯ વੁਤ੍ਤਂ। ਪਾવੇਯ੍ਯਕਾਤਿ ਪਾવੇਯ੍ਯਦੇਸવਾਸਿਨੋ।
453.Ujjaviṃsūti nāvāya paṭisotaṃ gacchiṃsu. Pācīnakāti puratthimadisāya jātattā vajjiputtake sandhāya vuttaṃ. Pāveyyakāti pāveyyadesavāsino.
੪੫੪. ਨਨੁ ਤ੍વਂ, ਆવੁਸੋ, વੁਡ੍ਢੋਤਿ ਨਨੁ ਤ੍વਂ ਥੇਰੋ ਨਿਸ੍ਸਯਮੁਤ੍ਤੋ, ਕਸ੍ਮਾ ਤਂ ਥੇਰੋ ਪਣਾਮੇਸੀਤਿ ਭੇਦવਚਨਂ વਦਨ੍ਤਿ। ਗਰੁਨਿਸ੍ਸਯਂ ਗਣ੍ਹਾਮਾਤਿ ਨਿਸ੍ਸਯਮੁਤ੍ਤਾਪਿ ਮਯਂ ਏਕਂ ਸਮ੍ਭਾવਨੀਯਗਰੁਂ ਨਿਸ੍ਸਯਭੂਤਂ ਗਹੇਤ੍વਾવ વਸਿਸ੍ਸਾਮਾਤਿ ਅਧਿਪ੍ਪਾਯੋ।
454.Nanu tvaṃ, āvuso, vuḍḍhoti nanu tvaṃ thero nissayamutto, kasmā taṃ thero paṇāmesīti bhedavacanaṃ vadanti. Garunissayaṃ gaṇhāmāti nissayamuttāpi mayaṃ ekaṃ sambhāvanīyagaruṃ nissayabhūtaṃ gahetvāva vasissāmāti adhippāyo.
੪੫੫. ਮੂਲਾਦਾਯਕਾਤਿ ਪਠਮਂ ਦਸવਤ੍ਥੂਨਂ ਦਾਯਕਾ, ਆવਾਸਿਕਾਤਿ ਅਤ੍ਥੋ। ਪਥਬ੍ਯਾ ਸਙ੍ਘਤ੍ਥੇਰੋਤਿ ਲੋਕੇ ਸਬ੍ਬਭਿਕ੍ਖੂਨਂ ਤਦਾ ਉਪਸਮ੍ਪਦਾਯ વੁਡ੍ਢੋ। ਸੁਞ੍ਞਤਾવਿਹਾਰੇਨਾਤਿ ਸੁਞ੍ਞਤਾਮੁਖੇਨ ਅਧਿਗਤਫਲਸਮਾਪਤ੍ਤਿਂ ਸਨ੍ਧਾਯ વਦਤਿ।
455.Mūlādāyakāti paṭhamaṃ dasavatthūnaṃ dāyakā, āvāsikāti attho. Pathabyā saṅghattheroti loke sabbabhikkhūnaṃ tadā upasampadāya vuḍḍho. Suññatāvihārenāti suññatāmukhena adhigataphalasamāpattiṃ sandhāya vadati.
੪੫੭. ਸੁਤ੍ਤવਿਭਙ੍ਗੇਤਿ ਪਦਭਾਜਨੀਯੇ। ਇਦਞ੍ਚ ‘‘ਯੋ ਪਨ ਭਿਕ੍ਖੁ ਸਨ੍ਨਿਧਿਕਾਰਕਂ ਖਾਦਨੀਯਂ વਾ ਭੋਜਨੀਯਂ વਾ’’ਤਿ (ਪਾਚਿ॰ ੨੫੩) ਸੁਤ੍ਤੇ ਯਾવਕਾਲਿਕਸ੍ਸੇવ ਪਰਾਮਟ੍ਠਤ੍ਤਾ ਸਿਙ੍ਗੀਲੋਣਸ੍ਸ ਯਾવਜੀવਿਕਸ੍ਸ ਸਨ੍ਨਿਧਿਕਤਸ੍ਸ ਆਮਿਸੇਨ ਸਦ੍ਧਿਂ ਪਰਿਭੋਗੇ ਪਾਚਿਤ੍ਤਿਯਂ વਿਭਙ੍ਗਨਯੇਨੇવ ਸਿਜ੍ਝਤੀਤਿ વੁਤ੍ਤਂ, ਤਂ ਪਨ ਪਾਚਿਤ੍ਤਿਯਂ વਿਭਙ੍ਗੇ ਆਗਤਭਾવਂ ਸਾਧੇਤੁਂ ‘‘ਕਥਂ ਸੁਤ੍ਤવਿਭਙ੍ਗੇ’’ਤਿਆਦਿ વੁਤ੍ਤਂ। ਤਤ੍ਥ ਹਿ ਲੋਣਮੇਤ੍ਥ ਸਨ੍ਨਿਧਿਕਤਂ, ਨ ਖਾਦਨੀਯਂ ਭੋਜਨੀਯਨ੍ਤਿ ਲੋਣਮਿਸ੍ਸਭੋਜਨੇ વਜ੍ਜਿਪੁਤ੍ਤਕਾ ਅਨવਜ੍ਜਸਞ੍ਞਿਨੋ ਅਹੇਸੁਂ। ਤਥਾਸਞ੍ਞੀਨਮ੍ਪਿ ਨੇਸਂ ਆਪਤ੍ਤਿਦਸ੍ਸਨਤ੍ਥਂ ‘‘ਸਨ੍ਨਿਧਿਕਾਰੇ ਅਸਨ੍ਨਿਧਿਕਾਰਸਞ੍ਞੀ’’ਤਿ ਇਦਂ ਸੁਤ੍ਤવਿਭਙ੍ਗਂ ਉਦ੍ਧਟਨ੍ਤਿ વੇਦਿਤਬ੍ਬਂ।
457.Suttavibhaṅgeti padabhājanīye. Idañca ‘‘yo pana bhikkhu sannidhikārakaṃ khādanīyaṃ vā bhojanīyaṃ vā’’ti (pāci. 253) sutte yāvakālikasseva parāmaṭṭhattā siṅgīloṇassa yāvajīvikassa sannidhikatassa āmisena saddhiṃ paribhoge pācittiyaṃ vibhaṅganayeneva sijjhatīti vuttaṃ, taṃ pana pācittiyaṃ vibhaṅge āgatabhāvaṃ sādhetuṃ ‘‘kathaṃ suttavibhaṅge’’tiādi vuttaṃ. Tattha hi loṇamettha sannidhikataṃ, na khādanīyaṃ bhojanīyanti loṇamissabhojane vajjiputtakā anavajjasaññino ahesuṃ. Tathāsaññīnampi nesaṃ āpattidassanatthaṃ ‘‘sannidhikāre asannidhikārasaññī’’ti idaṃ suttavibhaṅgaṃ uddhaṭanti veditabbaṃ.
ਤੇਨ ਸਦ੍ਧਿਨ੍ਤਿ ਪੁਰੇਪਟਿਗ੍ਗਹਿਤਲੋਣੇਨ ਸਦ੍ਧਿਂ। ਦੁਕ੍ਕਟੇਨੇਤ੍ਥ ਭવਿਤਬ੍ਬਨ੍ਤਿ ‘‘ਯਾવਕਾਲਿਕੇਨ, ਭਿਕ੍ਖવੇ, ਯਾવਜੀવਿਕਂ ਪਟਿਗ੍ਗਹਿਤ’’ਨ੍ਤਿ ਅવਤ੍વਾ ‘‘ਤਦਹੁਪਟਿਗ੍ਗਹਿਤ’’ਨ੍ਤਿ વਚਨਸਾਮਤ੍ਥਿਯਤੋ ਪੁਰੇਪਟਿਗ੍ਗਹਿਤਂ ਯਾવਜੀવਿਕਂ ਯਾવਕਾਲਿਕੇਨ ਸਦ੍ਧਿਂ ਸਮ੍ਭਿਨ੍ਨਰਸਂ ਕਾਲੇਪਿ ਨ ਕਪ੍ਪਤੀਤਿ ਸਿਜ੍ਝਤਿ, ਤਤ੍ਥ ਦੁਕ੍ਕਟੇਨ ਭવਿਤਬ੍ਬਨ੍ਤਿ ਅਧਿਪ੍ਪਾਯੋ। ਦੁਕ੍ਕਟੇਨਪਿ ਨ ਭવਿਤਬ੍ਬਨ੍ਤਿ ਯਦਿ ਹਿ ਸਨ੍ਨਿਧਿਕਾਰਪਚ੍ਚਯਾ ਦੁਕ੍ਕਟਂ ਮਞ੍ਞਥ, ਯਾવਜੀવਿਕਸ੍ਸ ਲੋਣਸ੍ਸ ਸਨ੍ਨਿਧਿਦੋਸਾਭਾવਾ ਦੁਕ੍ਕਟੇਨ ਨ ਭવਿਤਬ੍ਬਂ, ਅਥ ਆਮਿਸੇਨ ਸਮ੍ਭਿਨ੍ਨਰਸਸ੍ਸ ਤਸ੍ਸ ਆਮਿਸਗਤਿਕਤ੍ਤਾ ਦੁਕ੍ਕਟਂ ਮਾ ਮਞ੍ਞਥ। ਤਦਾ ਚ ਹਿ ਪਾਚਿਤ੍ਤਿਯੇਨੇવ ਭવਿਤਬ੍ਬਂ ਆਮਿਸਤ੍ਤੁਪਗਮਨਤੋਤਿ ਅਧਿਪ੍ਪਾਯੋ। ਨ ਹਿ ਏਤ੍ਥ ਯਾવਜੀવਿਕਨ੍ਤਿਆਦਿਨਾਪਿ ਦੁਕ੍ਕਟਾਭਾવਂ ਸਮਤ੍ਥੇਤਿ।
Tena saddhinti purepaṭiggahitaloṇena saddhiṃ. Dukkaṭenettha bhavitabbanti ‘‘yāvakālikena, bhikkhave, yāvajīvikaṃ paṭiggahita’’nti avatvā ‘‘tadahupaṭiggahita’’nti vacanasāmatthiyato purepaṭiggahitaṃ yāvajīvikaṃ yāvakālikena saddhiṃ sambhinnarasaṃ kālepi na kappatīti sijjhati, tattha dukkaṭena bhavitabbanti adhippāyo. Dukkaṭenapi na bhavitabbanti yadi hi sannidhikārapaccayā dukkaṭaṃ maññatha, yāvajīvikassa loṇassa sannidhidosābhāvā dukkaṭena na bhavitabbaṃ, atha āmisena sambhinnarasassa tassa āmisagatikattā dukkaṭaṃ mā maññatha. Tadā ca hi pācittiyeneva bhavitabbaṃ āmisattupagamanatoti adhippāyo. Na hi ettha yāvajīvikantiādināpi dukkaṭābhāvaṃ samattheti.
ਪਾਲ਼ਿਯਂ ਰਾਜਗਹੇ ਸੁਤ੍ਤવਿਭਙ੍ਗੇਤਿਆਦੀਸੁ ਸਬ੍ਬਤ੍ਥ ਸੁਤ੍ਤੇ ਚ વਿਭਙ੍ਗੇ ਚਾਤਿ ਅਤ੍ਥੋ ਗਹੇਤਬ੍ਬੋ। ਤਸ੍ਸ ਤਸ੍ਸ વਿਕਾਲਭੋਜਨਾਦਿਨੋ ਸੁਤ੍ਤੇਪਿ ਪਟਿਕ੍ਖਿਤ੍ਤਤ੍ਤਾ વਿਨਯਸ੍ਸ ਅਤਿਸਰਣਂ ਅਤਿਕ੍ਕਮੋ વਿਨਯਾਤਿਸਾਰੋ। ‘‘ਨਿਸੀਦਨਂ ਨਾਮ ਸਦਸਂ વੁਚ੍ਚਤੀਤਿ ਆਗਤ’’ਨ੍ਤਿ ਇਦਂ વਿਭਙ੍ਗੇ ਚ ਆਗਤਦਸ੍ਸਨਤ੍ਥਂ વੁਤ੍ਤਂ। ਤਂ ਪਮਾਣਂ ਕਰੋਨ੍ਤਸ੍ਸਾਤਿ ਸੁਗਤવਿਦਤ੍ਥਿਯਾ વਿਦਤ੍ਥਿਤ੍ਤਯਪ੍ਪਮਾਣਂ ਕਰੋਨ੍ਤਸ੍ਸ, ਦਸਾਯ ਪਨ વਿਦਤ੍ਥਿਦ੍વਯਪ੍ਪਮਾਣਂ ਕਤਂ। ਅਦਸਕਮ੍ਪਿ ਨਿਸੀਦਨਂ વਟ੍ਟਤਿ ਏવਾਤਿ ਅਧਿਪ੍ਪਾਯੋ। ਸੇਸਮਿਧ ਹੇਟ੍ਠਾ ਸਬ੍ਬਤ੍ਥ ਸੁવਿਞ੍ਞੇਯ੍ਯਮੇવ।
Pāḷiyaṃ rājagahe suttavibhaṅgetiādīsu sabbattha sutte ca vibhaṅge cāti attho gahetabbo. Tassa tassa vikālabhojanādino suttepi paṭikkhittattā vinayassa atisaraṇaṃ atikkamo vinayātisāro. ‘‘Nisīdanaṃ nāma sadasaṃ vuccatīti āgata’’nti idaṃ vibhaṅge ca āgatadassanatthaṃ vuttaṃ. Taṃ pamāṇaṃ karontassāti sugatavidatthiyā vidatthittayappamāṇaṃ karontassa, dasāya pana vidatthidvayappamāṇaṃ kataṃ. Adasakampi nisīdanaṃ vaṭṭati evāti adhippāyo. Sesamidha heṭṭhā sabbattha suviññeyyameva.
ਦਸવਤ੍ਥੁਕਥਾવਣ੍ਣਨਾ ਨਿਟ੍ਠਿਤਾ।
Dasavatthukathāvaṇṇanā niṭṭhitā.
ਸਤ੍ਤਸਤਿਕਕ੍ਖਨ੍ਧਕવਣ੍ਣਨਾਨਯੋ ਨਿਟ੍ਠਿਤੋ।
Sattasatikakkhandhakavaṇṇanānayo niṭṭhito.
ਇਤਿ ਸਮਨ੍ਤਪਾਸਾਦਿਕਾਯ વਿਨਯਟ੍ਠਕਥਾਯ વਿਮਤਿવਿਨੋਦਨਿਯਂ
Iti samantapāsādikāya vinayaṭṭhakathāya vimativinodaniyaṃ
ਚੂਲ਼વਗ੍ਗવਣ੍ਣਨਾਨਯੋ ਨਿਟ੍ਠਿਤੋ।
Cūḷavaggavaṇṇanānayo niṭṭhito.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi
੧. ਪਠਮਭਾਣવਾਰੋ • 1. Paṭhamabhāṇavāro
੨. ਦੁਤਿਯਭਾਣવਾਰੋ • 2. Dutiyabhāṇavāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਦਸવਤ੍ਥੁਕਥਾ • Dasavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਦਸવਤ੍ਥੁਕਥਾવਣ੍ਣਨਾ • Dasavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਦਸવਤ੍ਥੁਕਥਾવਣ੍ਣਨਾ • Dasavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਦਸવਤ੍ਥੁਕਥਾ • Dasavatthukathā
