| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
2. жид̇д̇алад̇ааваг̇г̇о
2. Cittalatāvaggo
1. д̣̇аасивимаанаван̣н̣анаа
1. Dāsivimānavaṇṇanā
д̣̇уд̇ияаваг̇г̇з аби саггова д̣̇звинд̣̇од̇и д̣̇аасивимаанам̣. д̇асса гаа уббад̇д̇и? бхаг̇авад̇и ж̇зд̇аванз вихаранд̇з саавад̇т̇иваасий ан̃н̃ад̇аро убаасаго самб̣ахулзхи убаасагзхи сад̣̇д̇хим̣ сааяанхасамаяам̣ вихаарам̣ г̇анд̇ваа д̇хаммам̣ суд̇ваа барисааяа вудтид̇ааяа бхаг̇аванд̇ам̣ убасан̇гамид̇ваа ‘‘ид̇о бадтааяа ахам̣, бханд̇з, сан̇гхасса жад̇д̇аари нижжабхад̇д̇аани д̣̇ассаамий’’д̇и ааха. ат̇а нам̣ бхаг̇аваа д̇ад̣̇анужчавигам̣ д̇хаммагат̇ам̣ гат̇зд̇ваа виссаж̇ж̇зси. со ‘‘маяаа, бханд̇з, сан̇гхасса жад̇д̇аари нижжабхад̇д̇аани бан̃н̃ад̇д̇аани. свз бадтааяа аяяаа мама г̇зхам̣ ааг̇ажчанд̇уу’’д̇и бхад̇д̇уд̣̇д̣̇зсагасса аарожзд̇ваа ад̇д̇ано г̇зхам̣ г̇анд̇ваа д̣̇аасияаа д̇амад̇т̇ам̣ аажигкид̇ваа ‘‘д̇ад̇т̇а д̇аяаа нижжагаалам̣ аббамад̇д̇ааяа бхавид̇аб̣б̣а’’нд̇и ааха. саа ‘‘саад̇хуу’’д̇и самбадижчи. багад̇ияаава саа сад̣̇д̇хаасамбаннаа бун̃н̃агаамаа сийлавад̇ий, д̇асмаа д̣̇ивасз д̣̇ивасз гаалассзва удтааяа бан̣ийд̇ам̣ аннабаанам̣ бадияаад̣̇зд̇ваа бхигкуунам̣ нисийд̣̇анадтаанам̣ сусаммадтам̣ субарибхан̣д̣агам̣ гад̇ваа аасанаани бан̃н̃аабзд̇ваа бхигкуу убаг̇ад̇з д̇ад̇т̇а нисийд̣̇аабзд̇ваа ванд̣̇ид̇ваа г̇анд̇хабубпад̇хуубад̣̇ийбзхи бууж̇зд̇ваа саггажжам̣ баривисад̇и.
Dutiyavagge api sakkova devindoti dāsivimānaṃ. Tassa kā uppatti? Bhagavati jetavane viharante sāvatthivāsī aññataro upāsako sambahulehi upāsakehi saddhiṃ sāyanhasamayaṃ vihāraṃ gantvā dhammaṃ sutvā parisāya vuṭṭhitāya bhagavantaṃ upasaṅkamitvā ‘‘ito paṭṭhāya ahaṃ, bhante, saṅghassa cattāri niccabhattāni dassāmī’’ti āha. Atha naṃ bhagavā tadanucchavikaṃ dhammakathaṃ kathetvā vissajjesi. So ‘‘mayā, bhante, saṅghassa cattāri niccabhattāni paññattāni. Sve paṭṭhāya ayyā mama gehaṃ āgacchantū’’ti bhattuddesakassa ārocetvā attano gehaṃ gantvā dāsiyā tamatthaṃ ācikkhitvā ‘‘tattha tayā niccakālaṃ appamattāya bhavitabba’’nti āha. Sā ‘‘sādhū’’ti sampaṭicchi. Pakatiyāva sā saddhāsampannā puññakāmā sīlavatī, tasmā divase divase kālasseva uṭṭhāya paṇītaṃ annapānaṃ paṭiyādetvā bhikkhūnaṃ nisīdanaṭṭhānaṃ susammaṭṭhaṃ suparibhaṇḍakaṃ katvā āsanāni paññāpetvā bhikkhū upagate tattha nisīdāpetvā vanditvā gandhapupphadhūpadīpehi pūjetvā sakkaccaṃ parivisati.
ат̇згад̣̇ивасам̣ бхигкуу гад̇абхад̇д̇агижжз убасан̇гамид̇ваа ванд̣̇ид̇ваа звамааха ‘‘гат̇ам̣ ну ко, бханд̇з, ид̇о ж̇аад̇иаад̣̇ид̣̇угкад̇о баримуд̇д̇и ход̇ий’’д̇и. бхигкуу д̇ассаа саран̣аани жа бан̃жа сийлаани жа д̣̇ад̇ваа гааяасабхаавам̣ багаасзд̇ваа бадигууламанасигаарз нияож̇зсум̣, абарз анижжад̇аабадисам̣яуд̇д̇ам̣ д̇хаммагат̇ам̣ гат̇зсум̣. саа сол̣аса вассаани сийлам̣ рагканд̇ий анд̇аранд̇араа яонисо манасигаронд̇ий згад̣̇ивасам̣ д̇хаммассаванасаббааяам̣ лабхид̇ваа н̃аан̣асса жа барибаггад̇д̇аа вибассанам̣ вад̣дхзд̇ваа сод̇аабад̇д̇ипалам̣ сажчаагааси. саа абарзна самаязна гаалам̣ гад̇ваа саггасса д̣̇зваран̃н̃о валлабхаа барижааригаа худ̇ваа ниб̣б̣ад̇д̇и. саа садтид̇уурияасахассзхи барижарияамаанаа ажчараасад̇асахассабаривуд̇аа маханд̇ам̣ д̣̇иб̣б̣асамбад̇д̇им̣ анубхаванд̇ий бамуд̣̇аа мод̣̇амаанаа сабариваараа уяяаанаад̣̇ийсу вижарад̇и. д̇ам̣ ааяасмаа махаамог̇г̇аллаано хздтаа вуд̇д̇анаязнзва д̣̇исваа –
Athekadivasaṃ bhikkhū katabhattakicce upasaṅkamitvā vanditvā evamāha ‘‘kathaṃ nu kho, bhante, ito jātiādidukkhato parimutti hotī’’ti. Bhikkhū tassā saraṇāni ca pañca sīlāni ca datvā kāyasabhāvaṃ pakāsetvā paṭikūlamanasikāre niyojesuṃ, apare aniccatāpaṭisaṃyuttaṃ dhammakathaṃ kathesuṃ. Sā soḷasa vassāni sīlaṃ rakkhantī antarantarā yoniso manasikarontī ekadivasaṃ dhammassavanasappāyaṃ labhitvā ñāṇassa ca paripakkattā vipassanaṃ vaḍḍhetvā sotāpattiphalaṃ sacchākāsi. Sā aparena samayena kālaṃ katvā sakkassa devarañño vallabhā paricārikā hutvā nibbatti. Sā saṭṭhitūriyasahassehi paricariyamānā accharāsatasahassaparivutā mahantaṃ dibbasampattiṃ anubhavantī pamudā modamānā saparivārā uyyānādīsu vicarati. Taṃ āyasmā mahāmoggallāno heṭṭhā vuttanayeneva disvā –
157.
157.
‘‘аби саггова д̣̇звинд̣̇о, раммз жид̇д̇алад̇ааванз;
‘‘Api sakkova devindo, ramme cittalatāvane;
саманд̇аа анубарияааси, наарийг̇ан̣абурагкад̇аа;
Samantā anupariyāsi, nārīgaṇapurakkhatā;
обхаасзнд̇ий д̣̇исаа саб̣б̣аа, осад̇хий вияа д̇аарагаа.
Obhāsentī disā sabbā, osadhī viya tārakā.
158.
158.
‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и;
‘‘Kena tetādiso vaṇṇo, kena te idha mijjhati;
уббаж̇ж̇анд̇и жа д̇з бхог̇аа, яз гзжи манасо бияаа.
Uppajjanti ca te bhogā, ye keci manaso piyā.
159.
159.
‘‘бужчаами д̇ам̣ д̣̇зви махаанубхаавз,
‘‘Pucchāmi taṃ devi mahānubhāve,
мануссабхууд̇аа гимагааси бун̃н̃ам̣;
Manussabhūtā kimakāsi puññaṃ;
гзнааси звам̣ ж̇алид̇аанубхааваа,
Kenāsi evaṃ jalitānubhāvā,
ван̣н̣о жа д̇з саб̣б̣ад̣̇исаа бабхаасад̇ий’’д̇и. – бужчи;
Vaṇṇo ca te sabbadisā pabhāsatī’’ti. – pucchi;
160.
160.
‘‘саа д̣̇звад̇аа ад̇д̇аманаа, мог̇г̇аллаанзна бужчид̇аа;
‘‘Sā devatā attamanā, moggallānena pucchitā;
бан̃хам̣ будтаа вияаагааси, яасса гаммассид̣̇ам̣ палам̣’’.
Pañhaṃ puṭṭhā viyākāsi, yassa kammassidaṃ phalaṃ’’.
161.
161.
‘‘ахам̣ мануссзсу мануссабхууд̇аа, д̣̇аасий ахосим̣ барабзссияаа гулз.
‘‘Ahaṃ manussesu manussabhūtā, dāsī ahosiṃ parapessiyā kule.
162.
162.
‘‘убаасигаа жагкумад̇о, г̇од̇амасса яасассино;
‘‘Upāsikā cakkhumato, gotamassa yasassino;
д̇ассаа мз ниггамо ааси, саасанз д̇асса д̇аад̣̇ино.
Tassā me nikkamo āsi, sāsane tassa tādino.
163.
163.
‘‘гаамам̣ бхиж̇ж̇ад̇уяам̣ гааяо, нзва ад̇т̇зд̇т̇а сан̣танам̣;
‘‘Kāmaṃ bhijjatuyaṃ kāyo, neva atthettha saṇṭhanaṃ;
сигкаабад̣̇аанам̣ бан̃жаннам̣, маг̇г̇о совад̇т̇иго сиво.
Sikkhāpadānaṃ pañcannaṃ, maggo sovatthiko sivo.
164.
164.
‘‘аган̣даго аг̇ахано, уж̇у саб̣бхи бавзд̣̇ид̇о;
‘‘Akaṇṭako agahano, uju sabbhi pavedito;
ниггамасса палам̣ басса, яат̇ид̣̇ам̣ баабун̣ид̇т̇игаа.
Nikkamassa phalaṃ passa, yathidaṃ pāpuṇitthikā.
165.
165.
‘‘ааманд̇анигаа ран̃н̃омхи, саггасса васавад̇д̇ино;
‘‘Āmantanikā raññomhi, sakkassa vasavattino;
садти д̇уурияасахассаани, бадиб̣од̇хам̣ гаронд̇и мз.
Saṭṭhi tūriyasahassāni, paṭibodhaṃ karonti me.
166.
166.
‘‘ааламб̣о г̇аг̇г̇аро бхиймо, саад̇хуваад̣̇ий жа сам̣саяо;
‘‘Ālambo gaggaro bhīmo, sādhuvādī ca saṃsayo;
богкаро жа супассо жа, вийн̣аамогкаа жа наарияо.
Pokkharo ca suphasso ca, vīṇāmokkhā ca nāriyo.
167.
167.
‘‘нанд̣̇аа жзва сунанд̣̇аа жа, сон̣ад̣̇иннаа сужимхид̇аа;
‘‘Nandā ceva sunandā ca, soṇadinnā sucimhitā;
аламб̣усаа миссагзсий жа, бун̣д̣арийгаад̇и д̣̇аарун̣ий.
Alambusā missakesī ca, puṇḍarīkāti dāruṇī.
168.
168.
‘‘зн̣ийпассаа супассаа жа, субхад̣̇д̣̇аа муд̣̇уваад̣̇иний;
‘‘Eṇīphassā suphassā ca, subhaddā muduvādinī;
зд̇аа жан̃н̃аа жа сзяяаасз, ажчараанам̣ баб̣од̇хигаа.
Etā caññā ca seyyāse, accharānaṃ pabodhikā.
169.
169.
‘‘д̇аа мам̣ гаалзнубааг̇анд̇ваа, абхибхаасанд̇и д̣̇звад̇аа;
‘‘Tā maṃ kālenupāgantvā, abhibhāsanti devatā;
ханд̣̇а нажжаама г̇ааяаама, ханд̣̇а д̇ам̣ рамаяаамасз.
Handa naccāma gāyāma, handa taṃ ramayāmase.
170.
170.
‘‘наяид̣̇ам̣ агад̇абун̃н̃аанам̣, гад̇абун̃н̃аанамзвид̣̇ам̣;
‘‘Nayidaṃ akatapuññānaṃ, katapuññānamevidaṃ;
асогам̣ нанд̣̇анам̣ раммам̣, д̇ид̣̇асаанам̣ махааванам̣.
Asokaṃ nandanaṃ rammaṃ, tidasānaṃ mahāvanaṃ.
171.
171.
‘‘сукам̣ агад̇абун̃н̃аанам̣, ид̇ха над̇т̇и барад̇т̇а жа;
‘‘Sukhaṃ akatapuññānaṃ, idha natthi parattha ca;
сукан̃жа гад̇абун̃н̃аанам̣, ид̇ха жзва барад̇т̇а жа.
Sukhañca katapuññānaṃ, idha ceva parattha ca.
172.
172.
‘‘д̇зсам̣ сахаб̣яагаамаанам̣, гад̇д̇аб̣б̣ам̣ гусалам̣ б̣ахум̣;
‘‘Tesaṃ sahabyakāmānaṃ, kattabbaṃ kusalaṃ bahuṃ;
гад̇абун̃н̃аа хи мод̣̇анд̇и, саг̇г̇з бхог̇асаман̇г̇ино’’д̇и. – д̣̇звад̇аа виссаж̇ж̇зси;
Katapuññā hi modanti, sagge bhogasamaṅgino’’ti. – devatā vissajjesi;
157. д̇ад̇т̇а аби саггова д̣̇звинд̣̇од̇и абисад̣̇д̣̇о самбхааванааяам̣, ивасад̣̇д̣̇о игааралобам̣ гад̇ваа вуд̇д̇о убамааяам̣, д̇асмаа яат̇аа наама сагго д̣̇зваанаминд̣̇од̇и ад̇т̇о. саггасамабхааво д̇иссаа д̣̇звад̇ааяа бариваарасамбад̇д̇ид̣̇ассанад̇т̇ам̣ вуд̇д̇о. гзжи ‘‘абийд̇и нибаад̇амад̇д̇а’’нд̇и вад̣̇анд̇и. жид̇д̇алад̇ааванзд̇и жид̇д̇ааяа наама д̣̇звад̇хийд̇ааяа бун̃н̃аанубхаавзна ниб̣б̣ад̇д̇з, жид̇д̇аанам̣ ваа вижид̇д̇абубпапалаад̣̇ивисзсаяуд̇д̇аанам̣ санд̇аанагаваллиаад̣̇ийнам̣ д̇ад̇т̇а язбхуяяад̇ааяа жид̇д̇алад̇аавананд̇и лад̣̇д̇ханаамз д̣̇звуяяаанз.
157. Tattha api sakkova devindoti apisaddo sambhāvanāyaṃ, ivasaddo ikāralopaṃ katvā vutto upamāyaṃ, tasmā yathā nāma sakko devānamindoti attho. Sakkasamabhāvo tissā devatāya parivārasampattidassanatthaṃ vutto. Keci ‘‘apīti nipātamatta’’nti vadanti. Cittalatāvaneti cittāya nāma devadhītāya puññānubhāvena nibbatte, cittānaṃ vā vicittapupphaphalādivisesayuttānaṃ santānakavalliādīnaṃ tattha yebhuyyatāya cittalatāvananti laddhanāme devuyyāne.
161. барабзссияаад̇и барзсам̣ гулз д̇асмим̣ д̇асмим̣ гижжз бзсанияаа, барзсам̣ взяяааважжагаарийд̇и ад̇т̇о.
161.Parapessiyāti paresaṃ kule tasmiṃ tasmiṃ kicce pesaniyā, paresaṃ veyyāvaccakārīti attho.
162. д̇ассаа мз ниггамо ааси, саасанз д̇асса д̇аад̣̇инод̇и д̇ассаа д̣̇аасияааби самаанааяа бан̃жахи жагкуухи жагкумад̇о б̣уд̣̇д̇хасса бхаг̇авад̇о убаасигаа худ̇ваа сол̣аса вассаани сийлам̣ рагканд̇ияаа гаммадтаанан̃жа манаси гаронд̇ияаа манасигаараанубхаавзна мз маяхам̣ уббаж̇ж̇амаанз сад̇д̇ад̇им̣саб̣од̇хибагкияад̇хаммасан̇каад̇з идтаад̣̇ийсу д̇аад̣̇илагкан̣асамбад̇д̇ияаа д̇аад̣̇ино сад̇т̇у саасанз д̇аббарияаабанноязва сам̣гилзсабагкад̇о ниггаманзна ‘‘ниггамо’’д̇и лад̣̇д̇ханаамо саммаавааяаамо ааси ахоси уббаж̇ж̇и.
162.Tassā me nikkamo āsi, sāsane tassa tādinoti tassā dāsiyāpi samānāya pañcahi cakkhūhi cakkhumato buddhassa bhagavato upāsikā hutvā soḷasa vassāni sīlaṃ rakkhantiyā kammaṭṭhānañca manasi karontiyā manasikārānubhāvena me mayhaṃ uppajjamāne sattatiṃsabodhipakkhiyadhammasaṅkhāte iṭṭhādīsu tādilakkhaṇasampattiyā tādino satthu sāsane tappariyāpannoyeva saṃkilesapakkhato nikkamanena ‘‘nikkamo’’ti laddhanāmo sammāvāyāmo āsi ahosi uppajji.
163-4. д̇асса бана ниггамасса буб̣б̣абхааг̇асса бавад̇д̇аагаарам̣ д̣̇ассзд̇ум̣ ‘‘гаамам̣ бхиж̇ж̇ад̇уяам̣ гааяо, нзва ад̇т̇зд̇т̇а сан̣тананд̇и вуд̇д̇ам̣. д̇ассад̇т̇о – яад̣̇иби мз аяам̣ гааяо бхиж̇ж̇ад̇у винассад̇у, д̇ад̇т̇а гин̃жимад̇д̇амби абзгкам̣ агаронд̇ий зд̇т̇а зд̇асмим̣ гаммадтаанаануяог̇з нзва ад̇т̇и, мз вийрияасса сан̣танам̣ сит̇илийгаран̣анд̇и вийрияам̣ самуд̇д̇зж̇знд̇ий вибассанам̣ уссуггаабзсинд̇и.
163-4. Tassa pana nikkamassa pubbabhāgassa pavattākāraṃ dassetuṃ ‘‘kāmaṃ bhijjatuyaṃ kāyo, neva atthettha saṇṭhananti vuttaṃ. Tassattho – yadipi me ayaṃ kāyo bhijjatu vinassatu, tattha kiñcimattampi apekkhaṃ akarontī ettha etasmiṃ kammaṭṭhānānuyoge neva atthi, me vīriyassa saṇṭhanaṃ sithilīkaraṇanti vīriyaṃ samuttejentī vipassanaṃ ussukkāpesinti.
ид̣̇аани д̇ат̇аа вибассанам̣ уссуггаабзд̇ваа бадилад̣̇д̇хаг̇ун̣ам̣ д̣̇ассзнд̇ий –
Idāni tathā vipassanaṃ ussukkāpetvā paṭiladdhaguṇaṃ dassentī –
‘‘сигкаабад̣̇аанам̣ бан̃жаннам̣, маг̇г̇о совад̇т̇иго сиво;
‘‘Sikkhāpadānaṃ pañcannaṃ, maggo sovatthiko sivo;
аган̣даго аг̇ахано, уж̇у саб̣бхи бавзд̣̇ид̇о;
Akaṇṭako agahano, uju sabbhi pavedito;
ниггамасса палам̣ басса, яат̇ид̣̇ам̣ баабун̣ид̇т̇игаа’’д̇и. – ааха;
Nikkamassa phalaṃ passa, yathidaṃ pāpuṇitthikā’’ti. – āha;
д̇ад̇рааяам̣ сан̇кзбад̇т̇о – яо нижжасийлавасзна самаад̣̇иннаанам̣ бан̃жаннам̣ сигкаабад̣̇аанам̣ сигкаагодтаасаанам̣ убаниссаяабхаавзна лад̣̇д̇хад̇д̇аа д̇зсам̣ барибуурид̇ад̇д̇аа жа сигкаабад̣̇аанам̣ бан̃жаннам̣ самб̣анд̇хийбхууд̇о, яасмим̣ санд̇аанз уббанно, д̇асса саб̣б̣аагаарзна сод̇т̇ибхаавасамбаад̣̇анад̇о сунд̣̇арад̇т̇абхаавад̇о жа совад̇т̇иго сод̇т̇иго, сам̣гилзсад̇хаммзхи анубад̣̇д̣̇уд̇ад̇д̇аа кзмаббад̇д̇ихзд̇уд̇ааяа жа сиво, рааг̇аган̣дагаад̣̇ийнам̣ абхаавзна аган̣даго, гилзсад̣̇идтид̣̇ужжарид̇аг̇аханасамужчзд̣̇анад̇о аг̇ахано, саб̣б̣аж̇имхаван̇гагудилабхааваабаг̇амахзд̇уд̇ааяа уж̇у, б̣уд̣̇д̇хаад̣̇ийхи саббурисзхи багаасид̇ад̇д̇аа саб̣бхи бавзд̣̇ид̇о арияамаг̇г̇о, д̇ам̣ яат̇аа язна убааяабхууд̇зна ид̇т̇игаа д̣̇ван̇г̇улаб̣ахалаб̣уд̣̇д̇хигааби самаанаа баабун̣им̣, д̇асса ниггамасса яат̇аавуд̇д̇авийрияасса ид̣̇ам̣ палам̣ бассаад̇и саггам̣ аалабад̇и.
Tatrāyaṃ saṅkhepattho – yo niccasīlavasena samādinnānaṃ pañcannaṃ sikkhāpadānaṃ sikkhākoṭṭhāsānaṃ upanissayabhāvena laddhattā tesaṃ paripūritattā ca sikkhāpadānaṃ pañcannaṃ sambandhībhūto, yasmiṃ santāne uppanno, tassa sabbākārena sotthibhāvasampādanato sundaratthabhāvato ca sovatthiko sotthiko, saṃkilesadhammehi anupaddutattā khemappattihetutāya ca sivo, rāgakaṇṭakādīnaṃ abhāvena akaṇṭako, kilesadiṭṭhiduccaritagahanasamucchedanato agahano, sabbajimhavaṅkakuṭilabhāvāpagamahetutāya uju, buddhādīhi sappurisehi pakāsitattā sabbhi pavedito ariyamaggo, taṃ yathā yena upāyabhūtena itthikā dvaṅgulabahalabuddhikāpi samānā pāpuṇiṃ, tassa nikkamassa yathāvuttavīriyassa idaṃ phalaṃ passāti sakkaṃ ālapati.
165. ааманд̇анигаа ран̃н̃омхи, саггасса васавад̇д̇инод̇и саяам̣васийбхаавзна вад̇д̇анад̇о, д̣̇вийсу д̣̇звалогзсу ад̇д̇ано васам̣ иссарияам̣ вад̇д̇зд̇ийд̇и ваа васавад̇д̇ий, д̇асса васавад̇д̇ино саггасса д̣̇зваран̃н̃о ааманд̇анигаа аалаабасаллаабаяог̇г̇аа, гийл̣анагаалз ваа д̇зна ааманд̇зд̇аб̣б̣аа амхи, ниггамасса вийрияасса палам̣ бассаад̇и яож̇анаа. аад̇ад̇авид̇ад̇аад̣̇ибхзд̣̇зна бан̃жа д̇уурияан̇г̇аани д̣̇ваад̣̇асахи баан̣ибхааг̇зхи згад̇о баваж̇ж̇амаанаани садти хонд̇и, д̇аани бана сахассамад̇д̇аани баяирубаасанавасзна убадтид̇аани санд̇хааяааха ‘‘садти д̇уурияасахассаани, бадиб̣од̇хам̣ гаронд̇и мз’’д̇и. д̇ад̇т̇а бадиб̣од̇ханд̇и бийд̇исоманассаанам̣ баб̣од̇ханам̣.
165.Āmantanikā raññomhi, sakkassa vasavattinoti sayaṃvasībhāvena vattanato, dvīsu devalokesu attano vasaṃ issariyaṃ vattetīti vā vasavattī, tassa vasavattino sakkassa devarañño āmantanikā ālāpasallāpayoggā, kīḷanakāle vā tena āmantetabbā amhi, nikkamassa vīriyassa phalaṃ passāti yojanā. Ātatavitatādibhedena pañca tūriyaṅgāni dvādasahi pāṇibhāgehi ekato pavajjamānāni saṭṭhi honti, tāni pana sahassamattāni payirupāsanavasena upaṭṭhitāni sandhāyāha ‘‘saṭṭhi tūriyasahassāni, paṭibodhaṃ karonti me’’ti. Tattha paṭibodhanti pītisomanassānaṃ pabodhanaṃ.
166-8. ааламб̣од̇иаад̣̇и д̇уурияаваад̣̇агаанам̣ д̣̇звабуд̇д̇аанам̣ згад̣̇зсад̇о наамаг̇г̇ахан̣анд̇и вад̣̇анд̇и, д̇уурияаанам̣ банзд̇ам̣ наамаг̇г̇ахан̣ам̣. вийн̣аамогкаад̣̇игаа д̣̇звад̇хийд̇аа. сужимхид̇аад̇и суд̣̇д̇хамихид̇аа, наамамзва ваа зд̇ам̣. муд̣̇уваад̣̇инийд̇и муд̣̇унаава вад̣̇ад̇ийд̇и муд̣̇уваад̣̇иний, муд̣̇угам̣ ад̇ивияа ваад̣̇анасийлаа, наамамзва ваа. сзяяаасзд̇и сзяяад̇араа. ажчараананд̇и ажчараасу сан̇г̇ийд̇з баасам̣сад̇араа. баб̣од̇хигаад̇и баб̣од̇ханагараа.
166-8.Ālambotiādi tūriyavādakānaṃ devaputtānaṃ ekadesato nāmaggahaṇanti vadanti, tūriyānaṃ panetaṃ nāmaggahaṇaṃ. Vīṇāmokkhādikā devadhītā. Sucimhitāti suddhamihitā, nāmameva vā etaṃ. Muduvādinīti mudunāva vadatīti muduvādinī, mudukaṃ ativiya vādanasīlā, nāmameva vā. Seyyāseti seyyatarā. Accharānanti accharāsu saṅgīte pāsaṃsatarā. Pabodhikāti pabodhanakarā.
169. гаалзнаад̇и яуд̇д̇аббад̇д̇агаалзна. абхибхаасанд̇ийд̇и абхимукаа, абхирад̇аа ваа худ̇ваа бхаасанд̇и. яат̇аа жа бхаасанд̇и, д̇ам̣ д̣̇ассзд̇ум̣ ‘‘ханд̣̇а нажжаама г̇ааяаама, ханд̣̇а д̇ам̣ рамаяаамасз’’д̇и вуд̇д̇ам̣.
169.Kālenāti yuttappattakālena. Abhibhāsantīti abhimukhā, abhiratā vā hutvā bhāsanti. Yathā ca bhāsanti, taṃ dassetuṃ ‘‘handa naccāma gāyāma, handa taṃ ramayāmase’’ti vuttaṃ.
170. ид̣̇анд̇и ид̣̇ам̣ маяаа лад̣̇д̇хадтаанам̣. асоганд̇и идтаганд̇абияаманаабаанам̣язва руубаад̣̇ийнам̣ самбхавад̇о висогам̣. д̇ад̇о зва саб̣б̣агаалам̣ бамод̣̇асам̣вад̣̇д̇ханад̇о нанд̣̇анам̣. д̇ид̣̇асаанам̣ махаавананд̇и д̇аавад̇им̣сад̣̇зваанам̣ маханд̇ам̣ маханийяан̃жа уяяаанам̣.
170.Idanti idaṃ mayā laddhaṭṭhānaṃ. Asokanti iṭṭhakantapiyamanāpānaṃyeva rūpādīnaṃ sambhavato visokaṃ. Tato eva sabbakālaṃ pamodasaṃvaddhanato nandanaṃ. Tidasānaṃ mahāvananti tāvatiṃsadevānaṃ mahantaṃ mahanīyañca uyyānaṃ.
171. зваруубаа д̣̇иб̣б̣асамбад̇д̇и наама бун̃н̃агаммавасзнзваад̇и од̣̇иссаганаязна вад̇ваа бану анод̣̇иссаганаязна д̣̇ассзнд̇ий ‘‘сукам̣ агад̇абун̃н̃аана’’нд̇и г̇аат̇амааха.
171. Evarūpā dibbasampatti nāma puññakammavasenevāti odissakanayena vatvā panu anodissakanayena dassentī ‘‘sukhaṃ akatapuññāna’’nti gāthamāha.
172. буна ад̇д̇анаа лад̣̇д̇хасса д̣̇иб̣б̣адтаанасса барзхи саад̇хааран̣агаамад̇аавасзна д̇хаммам̣ гат̇знд̇ий ‘‘д̇зсам̣ сахаб̣яагаамаана’’нд̇и осаанаг̇аат̇амааха. д̇зсанд̇и д̇аавад̇им̣сад̣̇зваанам̣. сахаб̣яагаамаананд̇и сахабхаавам̣ ижчанд̇зхи, гад̇д̇уад̇т̇з хи ид̣̇ам̣ саамиважанам̣. саха ваад̇и бавад̇д̇ад̇ийд̇и сахаво, д̇асса бхааво сахаб̣яам̣ яат̇аа вийрасса бхааво вийрияанд̇и.
172. Puna attanā laddhassa dibbaṭṭhānassa parehi sādhāraṇakāmatāvasena dhammaṃ kathentī ‘‘tesaṃ sahabyakāmāna’’nti osānagāthamāha. Tesanti tāvatiṃsadevānaṃ. Sahabyakāmānanti sahabhāvaṃ icchantehi, kattuatthe hi idaṃ sāmivacanaṃ. Saha vāti pavattatīti sahavo, tassa bhāvo sahabyaṃ yathā vīrassa bhāvo vīriyanti.
звам̣ т̇зро д̣̇звад̇ааяа ад̇д̇ано бун̃н̃агаммз аавигад̇з д̇ассаа сабариваарааяа д̇хаммам̣ д̣̇зсзд̇ваа д̣̇звалогад̇о ааг̇анд̇ваа д̇ам̣ бавад̇д̇им̣ бхаг̇авад̇о аарожзси. бхаг̇аваа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. саа д̣̇зсанаа сад̣̇звагасса логасса саад̇т̇игаа ахосийд̇и.
Evaṃ thero devatāya attano puññakamme āvikate tassā saparivārāya dhammaṃ desetvā devalokato āgantvā taṃ pavattiṃ bhagavato ārocesi. Bhagavā tamatthaṃ aṭṭhuppattiṃ katvā sampattaparisāya dhammaṃ desesi. Sā desanā sadevakassa lokassa sātthikā ahosīti.
д̣̇аасивимаанаван̣н̣анаа нидтид̇аа.
Dāsivimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 1. д̣̇аасивимаанавад̇т̇у • 1. Dāsivimānavatthu
