| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
40. д̣̇ассанависуд̣̇д̇хин̃аан̣анид̣̇д̣̇зсаван̣н̣анаа
40. Dassanavisuddhiñāṇaniddesavaṇṇanā
91. д̣̇ассанависуд̣̇д̇хин̃аан̣анид̣̇д̣̇зсз саб̣б̣з д̇хаммаа згасан̇г̇ахид̇аад̇и саб̣б̣з сан̇кад̇аасан̇кад̇аа д̇хаммаа згзна сан̇г̇ахид̇аа барижчиннаа. д̇ат̇адтзнаад̇и бхууд̇адтзна, ад̇д̇ано ад̇д̇ано сабхаававасзна виж̇ж̇амаанад̇т̇знаад̇и ад̇т̇о. анад̇д̇адтзнаад̇и гаарагавзд̣̇агасан̇каад̇зна ад̇д̇анаа рахид̇адтзна. сажжадтзнаад̇и ависам̣ваад̣̇агадтзна, ад̇д̇ано сабхааван̃н̃ат̇ад̇д̇аабхаавзнаад̇и ад̇т̇о. бадивзд̇хадтзнаад̇и сабхаавад̇о н̃аан̣зна бадивиж̇жхид̇аб̣б̣адтзна. ид̇ха логуд̇д̇аран̃аан̣зна асаммохад̇о аарамман̣ад̇о жа бадивзд̇хо взд̣̇ид̇аб̣б̣о. абхиж̇аананадтзнаад̇и логигзна н̃аан̣зна аарамман̣ад̇о, логуд̇д̇арзна н̃аан̣зна асаммохад̇о аарамман̣ад̇о жа д̇зсам̣ д̇зсам̣ д̇хаммаанам̣ сабхаавад̇о абхиж̇аанид̇аб̣б̣адтзна. ‘‘саб̣б̣ам̣, бхигкавз, абхин̃н̃зяяа’’нд̇и (сам̣. ни. 4.46) хи вуд̇д̇ам̣. бариж̇аананадтзнаад̇и вуд̇д̇анаязнзва логияалогуд̇д̇арзхи н̃аан̣зхи сабхаавад̇о абхин̃н̃аад̇аанам̣ д̇хаммаанам̣ анижжаад̣̇ид̇о нияяаанаад̣̇ид̇о жа барижчинд̣̇ид̇ваа ж̇аанид̇аб̣б̣адтзна. ‘‘саб̣б̣ам̣, бхигкавз, барин̃н̃зяяа’’нд̇и хи вуд̇д̇ам̣. д̇хаммадтзнаад̇и сабхаавад̇хааран̣аад̣̇инаа д̇хаммадтзна. д̇хаад̇удтзнаад̇и ниж̇ж̇ийвад̇аад̣̇инаа д̇хаад̇удтзна. н̃аад̇адтзнаад̇и логияалогуд̇д̇арзхи н̃аан̣зхи н̃аад̇ум̣ саггун̣зяяадтзна. яат̇аа д̣̇адтум̣ саггун̣зяяаад̣̇инаа ад̇т̇зна ‘‘д̣̇идтам̣ суд̇ам̣ муд̇ам̣ вин̃н̃аад̇ам̣ рууба’’нд̇и вуд̇д̇ам̣, звамид̇хааби н̃аад̇ум̣ саггун̣зяяадто н̃аад̇адтод̇и взд̣̇ид̇аб̣б̣о. сажчигирияадтзнаад̇и аарамман̣ад̇о бажжагкагаад̇аб̣б̣адтзна. пусанадтзнаад̇и бажжагкагад̇асса аарамман̣ад̇о бунаббунам̣ пусид̇аб̣б̣адтзна. абхисамаяадтзнаад̇и логигзна н̃аан̣зна абхисамааг̇анд̇аб̣б̣адтзна. гин̃жааби хи ‘‘д̇ат̇адтз бан̃н̃аа сажжавиваддз н̃аан̣ам̣, абхин̃н̃аабан̃н̃аа н̃аад̇адтз н̃аан̣ам̣, сажчигирияаабан̃н̃аа пассанадтз н̃аан̣а’’нд̇и згзгамзва н̃аан̣ам̣ вуд̇д̇ам̣. адтагат̇ааяан̃жа –
91. Dassanavisuddhiñāṇaniddese sabbe dhammā ekasaṅgahitāti sabbe saṅkhatāsaṅkhatā dhammā ekena saṅgahitā paricchinnā. Tathaṭṭhenāti bhūtaṭṭhena, attano attano sabhāvavasena vijjamānatthenāti attho. Anattaṭṭhenāti kārakavedakasaṅkhātena attanā rahitaṭṭhena. Saccaṭṭhenāti avisaṃvādakaṭṭhena, attano sabhāvaññathattābhāvenāti attho. Paṭivedhaṭṭhenāti sabhāvato ñāṇena paṭivijjhitabbaṭṭhena. Idha lokuttarañāṇena asammohato ārammaṇato ca paṭivedho veditabbo. Abhijānanaṭṭhenāti lokikena ñāṇena ārammaṇato, lokuttarena ñāṇena asammohato ārammaṇato ca tesaṃ tesaṃ dhammānaṃ sabhāvato abhijānitabbaṭṭhena. ‘‘Sabbaṃ, bhikkhave, abhiññeyya’’nti (saṃ. ni. 4.46) hi vuttaṃ. Parijānanaṭṭhenāti vuttanayeneva lokiyalokuttarehi ñāṇehi sabhāvato abhiññātānaṃ dhammānaṃ aniccādito niyyānādito ca paricchinditvā jānitabbaṭṭhena. ‘‘Sabbaṃ, bhikkhave, pariññeyya’’nti hi vuttaṃ. Dhammaṭṭhenāti sabhāvadhāraṇādinā dhammaṭṭhena. Dhātuṭṭhenāti nijjīvatādinā dhātuṭṭhena. Ñātaṭṭhenāti lokiyalokuttarehi ñāṇehi ñātuṃ sakkuṇeyyaṭṭhena. Yathā daṭṭhuṃ sakkuṇeyyādinā atthena ‘‘diṭṭhaṃ sutaṃ mutaṃ viññātaṃ rūpa’’nti vuttaṃ, evamidhāpi ñātuṃ sakkuṇeyyaṭṭho ñātaṭṭhoti veditabbo. Sacchikiriyaṭṭhenāti ārammaṇato paccakkhakātabbaṭṭhena. Phusanaṭṭhenāti paccakkhakatassa ārammaṇato punappunaṃ phusitabbaṭṭhena. Abhisamayaṭṭhenāti lokikena ñāṇena abhisamāgantabbaṭṭhena. Kiñcāpi hi ‘‘tathaṭṭhe paññā saccavivaṭṭe ñāṇaṃ, abhiññāpaññā ñātaṭṭhe ñāṇaṃ, sacchikiriyāpaññā phassanaṭṭhe ñāṇa’’nti ekekameva ñāṇaṃ vuttaṃ. Aṭṭhakathāyañca –
‘‘самавааяз кан̣з гаалз, самуухз хзд̇уд̣̇идтису;
‘‘Samavāye khaṇe kāle, samūhe hetudiṭṭhisu;
бадилаабхз бахаанз жа, бадивзд̇хз жа д̣̇иссад̇ий’’д̇и . –
Paṭilābhe pahāne ca, paṭivedhe ca dissatī’’ti . –
г̇аат̇ааван̣н̣анааяам̣ абхисамаяасад̣̇д̣̇асса бадивзд̇хад̇т̇о вуд̇д̇о, ид̇ха бана яат̇аавуд̇д̇зна ад̇т̇зна д̇зсам̣ наанад̇д̇ам̣ взд̣̇ид̇аб̣б̣ам̣. адтагат̇ааяамзва хи со логияан̃аан̣авасзна д̇хаммаабхисамаяо вуд̇д̇од̇и.
Gāthāvaṇṇanāyaṃ abhisamayasaddassa paṭivedhattho vutto, idha pana yathāvuttena atthena tesaṃ nānattaṃ veditabbaṃ. Aṭṭhakathāyameva hi so lokiyañāṇavasena dhammābhisamayo vuttoti.
гаамажчанд̣̇о наанад̇д̇анд̇и вигкзбасаб̣бхаавад̇о наанаарамман̣ад̇д̇аа жа наанаасабхаавод̇и ад̇т̇о. звам̣ саб̣б̣агилзсаа взд̣̇ид̇аб̣б̣аа. нзгкаммам̣ згад̇д̇анд̇и жид̇д̇згаг̇г̇ад̇аасаб̣бхаавад̇о наанаарамман̣авигкзбаабхаавад̇о жа згасабхааванд̇и ад̇т̇о. звам̣ саб̣б̣агусалаа взд̣̇ид̇аб̣б̣аа. ид̇ха бзяяаалзна сам̣кид̇д̇аанам̣ б̣яаабаад̣̇аад̣̇ийнам̣ агусалаанам̣ яат̇аавуд̇д̇зна ад̇т̇зна наанад̇д̇ам̣ взд̣̇ид̇аб̣б̣ам̣. вид̇аггавижаараад̣̇ийнам̣ бана хздтимаанам̣ хздтимаанам̣ убаримад̇о убаримад̇о ол̣ааригадтзна наанад̇д̇ам̣ взд̣̇ид̇аб̣б̣ам̣. яасмаа згасан̇г̇ахид̇анаанад̇д̇згад̇д̇аанам̣ бадивзд̇хо маг̇г̇агкан̣з сажжабадивзд̇хзна сиж̇жхад̇и, д̇асмаа ‘‘бадивзд̇хо’’д̇и бад̣̇ам̣ уд̣̇д̇харид̇ваа сажжаабхисамаяам̣ д̣̇ассзси.
Kāmacchando nānattanti vikkhepasabbhāvato nānārammaṇattā ca nānāsabhāvoti attho. Evaṃ sabbakilesā veditabbā. Nekkhammaṃ ekattanti cittekaggatāsabbhāvato nānārammaṇavikkhepābhāvato ca ekasabhāvanti attho. Evaṃ sabbakusalā veditabbā. Idha peyyālena saṃkhittānaṃ byāpādādīnaṃ akusalānaṃ yathāvuttena atthena nānattaṃ veditabbaṃ. Vitakkavicārādīnaṃ pana heṭṭhimānaṃ heṭṭhimānaṃ uparimato uparimato oḷārikaṭṭhena nānattaṃ veditabbaṃ. Yasmā ekasaṅgahitanānattekattānaṃ paṭivedho maggakkhaṇe saccapaṭivedhena sijjhati, tasmā ‘‘paṭivedho’’ti padaṃ uddharitvā saccābhisamayaṃ dassesi.
барин̃н̃аа бадивзд̇хам̣ бадивиж̇жхад̇ийд̇и барин̃н̃аабхисамаязна абхисамзд̇и. зса наяо сзсзсу. сажжаабхисамаяагааласмин̃хи маг̇г̇ан̃аан̣асса згагкан̣з барин̃н̃аа, бахаанам̣, сажчигирияаа, бхааванаад̇и жад̇д̇аари гижжаани хонд̇и. яат̇аа нааваа абуб̣б̣ам̣ ажаримам̣ згагкан̣з жад̇д̇аари гижжаани гарод̇и, оримам̣ д̇ийрам̣ баж̇ахад̇и, сод̇ам̣ чинд̣̇ад̇и, бхан̣д̣ам̣ вахад̇и, бааримам̣ д̇ийрам̣ аббзд̇и, звамзва маг̇г̇ан̃аан̣ам̣ абуб̣б̣ам̣ ажаримам̣ згагкан̣з жад̇д̇аари сажжаани абхисамзд̇и, д̣̇угкам̣ барин̃н̃аабхисамаязна абхисамзд̇и, самуд̣̇аяам̣ бахаанаабхисамаязна абхисамзд̇и, маг̇г̇ам̣ бхааванаабхисамаязна абхисамзд̇и, нирод̇хам̣ сажчигирияаабхисамаязна абхисамзд̇и. гим̣ вуд̇д̇ам̣ ход̇и? нирод̇хам̣ аарамман̣ам̣ гад̇ваа гижжавасзна жад̇д̇аариби сажжаани баабун̣аад̇и бассад̇и бадивиж̇жхад̇ийд̇и. яат̇аа оримам̣ д̇ийрам̣ баж̇ахад̇и, звам̣ маг̇г̇ан̃аан̣ам̣ д̣̇угкам̣ бариж̇аанаад̇и. яат̇аа сод̇ам̣ чинд̣̇ад̇и, звам̣ самуд̣̇аяам̣ баж̇ахад̇и. яат̇аа бхан̣д̣ам̣ вахад̇и, звам̣ сахаж̇аад̇аад̣̇ибажжаяад̇ааяа маг̇г̇ам̣ бхаавзд̇и. яат̇аа бааримам̣ д̇ийрам̣ аббзд̇и, звам̣ бааримад̇ийрабхууд̇ам̣ нирод̇хам̣ сажчигарод̇ийд̇и звам̣ убамаасам̣санд̣̇анам̣ взд̣̇ид̇аб̣б̣ам̣.
Pariññā paṭivedhaṃ paṭivijjhatīti pariññābhisamayena abhisameti. Esa nayo sesesu. Saccābhisamayakālasmiñhi maggañāṇassa ekakkhaṇe pariññā, pahānaṃ, sacchikiriyā, bhāvanāti cattāri kiccāni honti. Yathā nāvā apubbaṃ acarimaṃ ekakkhaṇe cattāri kiccāni karoti, orimaṃ tīraṃ pajahati, sotaṃ chindati, bhaṇḍaṃ vahati, pārimaṃ tīraṃ appeti, evameva maggañāṇaṃ apubbaṃ acarimaṃ ekakkhaṇe cattāri saccāni abhisameti, dukkhaṃ pariññābhisamayena abhisameti, samudayaṃ pahānābhisamayena abhisameti, maggaṃ bhāvanābhisamayena abhisameti, nirodhaṃ sacchikiriyābhisamayena abhisameti. Kiṃ vuttaṃ hoti? Nirodhaṃ ārammaṇaṃ katvā kiccavasena cattāripi saccāni pāpuṇāti passati paṭivijjhatīti. Yathā orimaṃ tīraṃ pajahati, evaṃ maggañāṇaṃ dukkhaṃ parijānāti. Yathā sotaṃ chindati, evaṃ samudayaṃ pajahati. Yathā bhaṇḍaṃ vahati, evaṃ sahajātādipaccayatāya maggaṃ bhāveti. Yathā pārimaṃ tīraṃ appeti, evaṃ pārimatīrabhūtaṃ nirodhaṃ sacchikarotīti evaṃ upamāsaṃsandanaṃ veditabbaṃ.
д̣̇ассанам̣ висуж̇жхад̇ийд̇и д̇ам̣д̇ам̣маг̇г̇аваж̇жхагилзсад̇амаббахаанзна н̃аан̣ад̣̇ассанам̣ висуд̣̇д̇хибхаавам̣ баабун̣аад̇и. д̣̇ассанам̣ висуд̣̇д̇ханд̇и д̇асса д̇асса паласса уббаад̣̇агкан̣з д̇асса д̇асса маг̇г̇ан̃аан̣асса гижжасид̣̇д̇хиббад̇д̇ид̇о н̃аан̣ад̣̇ассанам̣ висуд̣̇д̇хибхаавам̣ бад̇д̇ам̣ ход̇и. саб̣б̣ад̇хаммаанам̣ згасан̇г̇ахид̇ааяа наанад̇д̇згад̇д̇абадивзд̇хабан̃н̃ааяа маг̇г̇апалан̃аан̣зхи сид̣̇д̇хид̇о анд̇з маг̇г̇апалан̃аан̣аани вуд̇д̇аани.
Dassanaṃvisujjhatīti taṃtaṃmaggavajjhakilesatamappahānena ñāṇadassanaṃ visuddhibhāvaṃ pāpuṇāti. Dassanaṃ visuddhanti tassa tassa phalassa uppādakkhaṇe tassa tassa maggañāṇassa kiccasiddhippattito ñāṇadassanaṃ visuddhibhāvaṃ pattaṃ hoti. Sabbadhammānaṃ ekasaṅgahitāya nānattekattapaṭivedhapaññāya maggaphalañāṇehi siddhito ante maggaphalañāṇāni vuttāni.
д̣̇ассанависуд̣̇д̇хин̃аан̣анид̣̇д̣̇зсаван̣н̣анаа нидтид̇аа.
Dassanavisuddhiñāṇaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 40. д̣̇ассанависуд̣̇д̇хин̃аан̣анид̣̇д̣̇зсо • 40. Dassanavisuddhiñāṇaniddeso
