| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
40. த³ஸ்ஸனவிஸுத்³தி⁴ஞாணனித்³தே³ஸோ
40. Dassanavisuddhiñāṇaniddeso
91. கத²ங் ஸப்³ப³த⁴ம்மானங் ஏகஸங்க³ஹதானானத்தேகத்தபடிவேதே⁴ பஞ்ஞா த³ஸ்ஸனவிஸுத்³தி⁴ஞாணங்? ஸப்³ப³த⁴ம்மானந்தி பஞ்சக்க²ந்தா⁴…பே॰… அபரியாபன்னா த⁴ம்மா.
91. Kathaṃ sabbadhammānaṃ ekasaṅgahatānānattekattapaṭivedhe paññā dassanavisuddhiñāṇaṃ? Sabbadhammānanti pañcakkhandhā…pe… apariyāpannā dhammā.
ஏகஸங்க³ஹதாதி த்³வாத³ஸஹி ஆகாரேஹி ஸப்³பே³ த⁴ம்மா ஏகஸங்க³ஹிதா. தத²ட்டே²ன, அனத்தட்டே²ன, ஸச்சட்டே²ன, படிவேத⁴ட்டே²ன, அபி⁴ஜானநட்டே²ன, பரிஜானநட்டே²ன, த⁴ம்மட்டே²ன, தா⁴துட்டே²ன, ஞாதட்டே²ன, ஸச்சி²கிரியட்டே²ன, பு²ஸனட்டே²ன, அபி⁴ஸமயட்டே²ன – இமேஹி த்³வாத³ஸஹி ஆகாரேஹி ஸப்³பே³ த⁴ம்மா ஏகஸங்க³ஹிதா.
Ekasaṅgahatāti dvādasahi ākārehi sabbe dhammā ekasaṅgahitā. Tathaṭṭhena, anattaṭṭhena, saccaṭṭhena, paṭivedhaṭṭhena, abhijānanaṭṭhena, parijānanaṭṭhena, dhammaṭṭhena, dhātuṭṭhena, ñātaṭṭhena, sacchikiriyaṭṭhena, phusanaṭṭhena, abhisamayaṭṭhena – imehi dvādasahi ākārehi sabbe dhammā ekasaṅgahitā.
நானத்தேகத்தந்தி காமச்ச²ந்தோ³ நானத்தங், நெக்க²ம்மங் ஏகத்தங்…பே॰… ஸப்³ப³கிலேஸா நானத்தங், அரஹத்தமக்³கோ³ ஏகத்தங்.
Nānattekattanti kāmacchando nānattaṃ, nekkhammaṃ ekattaṃ…pe… sabbakilesā nānattaṃ, arahattamaggo ekattaṃ.
படிவேதே⁴தி து³க்க²ஸச்சங் பரிஞ்ஞாபடிவேத⁴ங் படிவிஜ்ஜ²தி. ஸமுத³யஸச்சங் பஹானபடிவேத⁴ங் படிவிஜ்ஜ²தி. நிரோத⁴ஸச்சங் ஸச்சி²கிரியாபடிவேத⁴ங் படிவிஜ்ஜ²தி. மக்³க³ஸச்சங் பா⁴வனாபடிவேத⁴ங் படிவிஜ்ஜ²தி.
Paṭivedheti dukkhasaccaṃ pariññāpaṭivedhaṃ paṭivijjhati. Samudayasaccaṃ pahānapaṭivedhaṃ paṭivijjhati. Nirodhasaccaṃ sacchikiriyāpaṭivedhaṃ paṭivijjhati. Maggasaccaṃ bhāvanāpaṭivedhaṃ paṭivijjhati.
த³ஸ்ஸனவிஸுத்³தீ⁴தி ஸோதாபத்திமக்³க³க்க²ணே த³ஸ்ஸனங் விஸுஜ்ஜ²தி; ஸோதாபத்திப²லக்க²ணே த³ஸ்ஸனங் விஸுத்³த⁴ங். ஸகதா³கா³மிமக்³க³க்க²ணே த³ஸ்ஸனங் விஸுஜ்ஜ²தி; ஸகதா³கா³மிப²லக்க²ணே த³ஸ்ஸனங் விஸுத்³த⁴ங். அனாகா³மிமக்³க³க்க²ணே த³ஸ்ஸனங் விஸுஜ்ஜ²தி; அனாகா³மிப²லக்க²ணே த³ஸ்ஸனங் விஸுத்³த⁴ங். அரஹத்தமக்³க³க்க²ணே த³ஸ்ஸனங் விஸுஜ்ஜ²தி; அரஹத்தப²லக்க²ணே த³ஸ்ஸனங் விஸுத்³த⁴ங். தங் ஞாதட்டே²ன ஞாணங், பஜானநட்டே²ன பஞ்ஞா. தேன வுச்சதி – ‘‘ஸப்³ப³த⁴ம்மானங் ஏகஸங்க³ஹதானானத்தேகத்தபடிவேதே⁴ பஞ்ஞா த³ஸ்ஸனவிஸுத்³தி⁴ஞாணங்’’.
Dassanavisuddhīti sotāpattimaggakkhaṇe dassanaṃ visujjhati; sotāpattiphalakkhaṇe dassanaṃ visuddhaṃ. Sakadāgāmimaggakkhaṇe dassanaṃ visujjhati; sakadāgāmiphalakkhaṇe dassanaṃ visuddhaṃ. Anāgāmimaggakkhaṇe dassanaṃ visujjhati; anāgāmiphalakkhaṇe dassanaṃ visuddhaṃ. Arahattamaggakkhaṇe dassanaṃ visujjhati; arahattaphalakkhaṇe dassanaṃ visuddhaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘sabbadhammānaṃ ekasaṅgahatānānattekattapaṭivedhe paññā dassanavisuddhiñāṇaṃ’’.
த³ஸ்ஸனவிஸுத்³தி⁴ஞாணனித்³தே³ஸோ சத்தாலீஸமோ.
Dassanavisuddhiñāṇaniddeso cattālīsamo.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 40. த³ஸ்ஸனவிஸுத்³தி⁴ஞாணனித்³தே³ஸவண்ணனா • 40. Dassanavisuddhiñāṇaniddesavaṇṇanā
