| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
40. д̣̇ассанависуд̣̇д̇хин̃аан̣анид̣̇д̣̇зсо
40. Dassanavisuddhiñāṇaniddeso
91. гат̇ам̣ саб̣б̣ад̇хаммаанам̣ згасан̇г̇ахад̇аанаанад̇д̇згад̇д̇абадивзд̇хз бан̃н̃аа д̣̇ассанависуд̣̇д̇хин̃аан̣ам̣? саб̣б̣ад̇хаммаананд̇и бан̃жагканд̇хаа…бз… абарияаабаннаа д̇хаммаа.
91. Kathaṃ sabbadhammānaṃ ekasaṅgahatānānattekattapaṭivedhe paññā dassanavisuddhiñāṇaṃ? Sabbadhammānanti pañcakkhandhā…pe… apariyāpannā dhammā.
згасан̇г̇ахад̇аад̇и д̣̇ваад̣̇асахи аагаарзхи саб̣б̣з д̇хаммаа згасан̇г̇ахид̇аа. д̇ат̇адтзна, анад̇д̇адтзна, сажжадтзна, бадивзд̇хадтзна, абхиж̇аананадтзна, бариж̇аананадтзна, д̇хаммадтзна, д̇хаад̇удтзна, н̃аад̇адтзна, сажчигирияадтзна, пусанадтзна, абхисамаяадтзна – имзхи д̣̇ваад̣̇асахи аагаарзхи саб̣б̣з д̇хаммаа згасан̇г̇ахид̇аа.
Ekasaṅgahatāti dvādasahi ākārehi sabbe dhammā ekasaṅgahitā. Tathaṭṭhena, anattaṭṭhena, saccaṭṭhena, paṭivedhaṭṭhena, abhijānanaṭṭhena, parijānanaṭṭhena, dhammaṭṭhena, dhātuṭṭhena, ñātaṭṭhena, sacchikiriyaṭṭhena, phusanaṭṭhena, abhisamayaṭṭhena – imehi dvādasahi ākārehi sabbe dhammā ekasaṅgahitā.
наанад̇д̇згад̇д̇анд̇и гаамажчанд̣̇о наанад̇д̇ам̣, нзгкаммам̣ згад̇д̇ам̣…бз… саб̣б̣агилзсаа наанад̇д̇ам̣, арахад̇д̇амаг̇г̇о згад̇д̇ам̣.
Nānattekattanti kāmacchando nānattaṃ, nekkhammaṃ ekattaṃ…pe… sabbakilesā nānattaṃ, arahattamaggo ekattaṃ.
бадивзд̇хзд̇и д̣̇угкасажжам̣ барин̃н̃аабадивзд̇хам̣ бадивиж̇жхад̇и. самуд̣̇аяасажжам̣ бахаанабадивзд̇хам̣ бадивиж̇жхад̇и. нирод̇хасажжам̣ сажчигирияаабадивзд̇хам̣ бадивиж̇жхад̇и. маг̇г̇асажжам̣ бхааванаабадивзд̇хам̣ бадивиж̇жхад̇и.
Paṭivedheti dukkhasaccaṃ pariññāpaṭivedhaṃ paṭivijjhati. Samudayasaccaṃ pahānapaṭivedhaṃ paṭivijjhati. Nirodhasaccaṃ sacchikiriyāpaṭivedhaṃ paṭivijjhati. Maggasaccaṃ bhāvanāpaṭivedhaṃ paṭivijjhati.
д̣̇ассанависуд̣̇д̇хийд̇и сод̇аабад̇д̇имаг̇г̇агкан̣з д̣̇ассанам̣ висуж̇жхад̇и; сод̇аабад̇д̇ипалагкан̣з д̣̇ассанам̣ висуд̣̇д̇хам̣. сагад̣̇ааг̇аамимаг̇г̇агкан̣з д̣̇ассанам̣ висуж̇жхад̇и; сагад̣̇ааг̇аамипалагкан̣з д̣̇ассанам̣ висуд̣̇д̇хам̣. анааг̇аамимаг̇г̇агкан̣з д̣̇ассанам̣ висуж̇жхад̇и; анааг̇аамипалагкан̣з д̣̇ассанам̣ висуд̣̇д̇хам̣. арахад̇д̇амаг̇г̇агкан̣з д̣̇ассанам̣ висуж̇жхад̇и; арахад̇д̇апалагкан̣з д̣̇ассанам̣ висуд̣̇д̇хам̣. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘саб̣б̣ад̇хаммаанам̣ згасан̇г̇ахад̇аанаанад̇д̇згад̇д̇абадивзд̇хз бан̃н̃аа д̣̇ассанависуд̣̇д̇хин̃аан̣ам̣’’.
Dassanavisuddhīti sotāpattimaggakkhaṇe dassanaṃ visujjhati; sotāpattiphalakkhaṇe dassanaṃ visuddhaṃ. Sakadāgāmimaggakkhaṇe dassanaṃ visujjhati; sakadāgāmiphalakkhaṇe dassanaṃ visuddhaṃ. Anāgāmimaggakkhaṇe dassanaṃ visujjhati; anāgāmiphalakkhaṇe dassanaṃ visuddhaṃ. Arahattamaggakkhaṇe dassanaṃ visujjhati; arahattaphalakkhaṇe dassanaṃ visuddhaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘sabbadhammānaṃ ekasaṅgahatānānattekattapaṭivedhe paññā dassanavisuddhiñāṇaṃ’’.
д̣̇ассанависуд̣̇д̇хин̃аан̣анид̣̇д̣̇зсо жад̇д̇аалийсамо.
Dassanavisuddhiñāṇaniddeso cattālīsamo.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 40. д̣̇ассанависуд̣̇д̇хин̃аан̣анид̣̇д̣̇зсаван̣н̣анаа • 40. Dassanavisuddhiñāṇaniddesavaṇṇanā
