| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੪੦. ਦਸ੍ਸਨવਿਸੁਦ੍ਧਿਞਾਣਨਿਦ੍ਦੇਸੋ
40. Dassanavisuddhiñāṇaniddeso
੯੧. ਕਥਂ ਸਬ੍ਬਧਮ੍ਮਾਨਂ ਏਕਸਙ੍ਗਹਤਾਨਾਨਤ੍ਤੇਕਤ੍ਤਪਟਿવੇਧੇ ਪਞ੍ਞਾ ਦਸ੍ਸਨવਿਸੁਦ੍ਧਿਞਾਣਂ? ਸਬ੍ਬਧਮ੍ਮਾਨਨ੍ਤਿ ਪਞ੍ਚਕ੍ਖਨ੍ਧਾ…ਪੇ॰… ਅਪਰਿਯਾਪਨ੍ਨਾ ਧਮ੍ਮਾ।
91. Kathaṃ sabbadhammānaṃ ekasaṅgahatānānattekattapaṭivedhe paññā dassanavisuddhiñāṇaṃ? Sabbadhammānanti pañcakkhandhā…pe… apariyāpannā dhammā.
ਏਕਸਙ੍ਗਹਤਾਤਿ ਦ੍વਾਦਸਹਿ ਆਕਾਰੇਹਿ ਸਬ੍ਬੇ ਧਮ੍ਮਾ ਏਕਸਙ੍ਗਹਿਤਾ। ਤਥਟ੍ਠੇਨ, ਅਨਤ੍ਤਟ੍ਠੇਨ, ਸਚ੍ਚਟ੍ਠੇਨ, ਪਟਿવੇਧਟ੍ਠੇਨ, ਅਭਿਜਾਨਨਟ੍ਠੇਨ, ਪਰਿਜਾਨਨਟ੍ਠੇਨ, ਧਮ੍ਮਟ੍ਠੇਨ, ਧਾਤੁਟ੍ਠੇਨ, ਞਾਤਟ੍ਠੇਨ, ਸਚ੍ਛਿਕਿਰਿਯਟ੍ਠੇਨ, ਫੁਸਨਟ੍ਠੇਨ, ਅਭਿਸਮਯਟ੍ਠੇਨ – ਇਮੇਹਿ ਦ੍વਾਦਸਹਿ ਆਕਾਰੇਹਿ ਸਬ੍ਬੇ ਧਮ੍ਮਾ ਏਕਸਙ੍ਗਹਿਤਾ।
Ekasaṅgahatāti dvādasahi ākārehi sabbe dhammā ekasaṅgahitā. Tathaṭṭhena, anattaṭṭhena, saccaṭṭhena, paṭivedhaṭṭhena, abhijānanaṭṭhena, parijānanaṭṭhena, dhammaṭṭhena, dhātuṭṭhena, ñātaṭṭhena, sacchikiriyaṭṭhena, phusanaṭṭhena, abhisamayaṭṭhena – imehi dvādasahi ākārehi sabbe dhammā ekasaṅgahitā.
ਨਾਨਤ੍ਤੇਕਤ੍ਤਨ੍ਤਿ ਕਾਮਚ੍ਛਨ੍ਦੋ ਨਾਨਤ੍ਤਂ, ਨੇਕ੍ਖਮ੍ਮਂ ਏਕਤ੍ਤਂ…ਪੇ॰… ਸਬ੍ਬਕਿਲੇਸਾ ਨਾਨਤ੍ਤਂ, ਅਰਹਤ੍ਤਮਗ੍ਗੋ ਏਕਤ੍ਤਂ।
Nānattekattanti kāmacchando nānattaṃ, nekkhammaṃ ekattaṃ…pe… sabbakilesā nānattaṃ, arahattamaggo ekattaṃ.
ਪਟਿવੇਧੇਤਿ ਦੁਕ੍ਖਸਚ੍ਚਂ ਪਰਿਞ੍ਞਾਪਟਿવੇਧਂ ਪਟਿવਿਜ੍ਝਤਿ। ਸਮੁਦਯਸਚ੍ਚਂ ਪਹਾਨਪਟਿવੇਧਂ ਪਟਿવਿਜ੍ਝਤਿ। ਨਿਰੋਧਸਚ੍ਚਂ ਸਚ੍ਛਿਕਿਰਿਯਾਪਟਿવੇਧਂ ਪਟਿવਿਜ੍ਝਤਿ। ਮਗ੍ਗਸਚ੍ਚਂ ਭਾવਨਾਪਟਿવੇਧਂ ਪਟਿવਿਜ੍ਝਤਿ।
Paṭivedheti dukkhasaccaṃ pariññāpaṭivedhaṃ paṭivijjhati. Samudayasaccaṃ pahānapaṭivedhaṃ paṭivijjhati. Nirodhasaccaṃ sacchikiriyāpaṭivedhaṃ paṭivijjhati. Maggasaccaṃ bhāvanāpaṭivedhaṃ paṭivijjhati.
ਦਸ੍ਸਨવਿਸੁਦ੍ਧੀਤਿ ਸੋਤਾਪਤ੍ਤਿਮਗ੍ਗਕ੍ਖਣੇ ਦਸ੍ਸਨਂ વਿਸੁਜ੍ਝਤਿ; ਸੋਤਾਪਤ੍ਤਿਫਲਕ੍ਖਣੇ ਦਸ੍ਸਨਂ વਿਸੁਦ੍ਧਂ। ਸਕਦਾਗਾਮਿਮਗ੍ਗਕ੍ਖਣੇ ਦਸ੍ਸਨਂ વਿਸੁਜ੍ਝਤਿ; ਸਕਦਾਗਾਮਿਫਲਕ੍ਖਣੇ ਦਸ੍ਸਨਂ વਿਸੁਦ੍ਧਂ। ਅਨਾਗਾਮਿਮਗ੍ਗਕ੍ਖਣੇ ਦਸ੍ਸਨਂ વਿਸੁਜ੍ਝਤਿ; ਅਨਾਗਾਮਿਫਲਕ੍ਖਣੇ ਦਸ੍ਸਨਂ વਿਸੁਦ੍ਧਂ। ਅਰਹਤ੍ਤਮਗ੍ਗਕ੍ਖਣੇ ਦਸ੍ਸਨਂ વਿਸੁਜ੍ਝਤਿ; ਅਰਹਤ੍ਤਫਲਕ੍ਖਣੇ ਦਸ੍ਸਨਂ વਿਸੁਦ੍ਧਂ। ਤਂ ਞਾਤਟ੍ਠੇਨ ਞਾਣਂ, ਪਜਾਨਨਟ੍ਠੇਨ ਪਞ੍ਞਾ। ਤੇਨ વੁਚ੍ਚਤਿ – ‘‘ਸਬ੍ਬਧਮ੍ਮਾਨਂ ਏਕਸਙ੍ਗਹਤਾਨਾਨਤ੍ਤੇਕਤ੍ਤਪਟਿવੇਧੇ ਪਞ੍ਞਾ ਦਸ੍ਸਨવਿਸੁਦ੍ਧਿਞਾਣਂ’’।
Dassanavisuddhīti sotāpattimaggakkhaṇe dassanaṃ visujjhati; sotāpattiphalakkhaṇe dassanaṃ visuddhaṃ. Sakadāgāmimaggakkhaṇe dassanaṃ visujjhati; sakadāgāmiphalakkhaṇe dassanaṃ visuddhaṃ. Anāgāmimaggakkhaṇe dassanaṃ visujjhati; anāgāmiphalakkhaṇe dassanaṃ visuddhaṃ. Arahattamaggakkhaṇe dassanaṃ visujjhati; arahattaphalakkhaṇe dassanaṃ visuddhaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘sabbadhammānaṃ ekasaṅgahatānānattekattapaṭivedhe paññā dassanavisuddhiñāṇaṃ’’.
ਦਸ੍ਸਨવਿਸੁਦ੍ਧਿਞਾਣਨਿਦ੍ਦੇਸੋ ਚਤ੍ਤਾਲੀਸਮੋ।
Dassanavisuddhiñāṇaniddeso cattālīsamo.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੪੦. ਦਸ੍ਸਨવਿਸੁਦ੍ਧਿਞਾਣਨਿਦ੍ਦੇਸવਣ੍ਣਨਾ • 40. Dassanavisuddhiñāṇaniddesavaṇṇanā
